Post: #1
Title: اليوم الاربعين و لسه ما قادرين نطلع عشرين كفاءة؟
Author: Mahjob Abdalla
Date: 05-22-2019, 06:12 PM
Parent: #0
06:12 PM May, 22 2019 سودانيز اون لاين
Mahjob Abdalla-
مكتبتى
رابط مختصر
الاربعينية يوم مقدس في المجتمع السوداني.
الاربعينية للمتوفي
الاربعينية للولادة
و ها هو مولود الثورة في يومه الاربعين و كذلك موت عمر البشير.
ما هو المطلوب لتكوين حكومة مدنية من عدد عشرين من اصحاب الكفاءات العلمية او الغير سياسية و البدء في عملية الترميم؟
|
Post: #2
Title: Re: اليوم الاربعين و لسه ما قادرين نطلع عشرين
Author: Mahjob Abdalla
Date: 05-22-2019, 06:13 PM
Parent: #1
المشكلة وين؟
و الغلط وين؟
|
Post: #3
Title: Re: اليوم الاربعين و لسه ما قادرين نطلع عشرين
Author: منتصر عبد الباسط
Date: 05-22-2019, 06:46 PM
Parent: #2
Quote: المشكلة وين؟
و الغلط وين؟ |
المشكلة في تهافت اليسار على كارسي المجلس السيادي
|
Post: #4
Title: Re: اليوم الاربعين و لسه ما قادرين نطلع عشرين
Author: Mahjob Abdalla
Date: 05-22-2019, 06:58 PM
Parent: #3
| Quote: المشكلة في تهافت اليسار على كارسي المجلس السيادي |
سلام منتصر
المجلس السيادى هو الجزء الاقل اهمية في تقديرى.
من الذى سيكون له اليد المطلق في تعيين العشرين كفاءة بدون توجهات سياسية؟
لربما يطمع البعض في غفلة التصالح الذى منحه الثوار و يحاولو تكويش و في النهاية تطلع حكومة كفاءات نسخة من كفاءات الكيزان ذات السبعة من قرية واحدة.
|
Post: #5
Title: Re: اليوم الاربعين و لسه ما قادرين نطلع عشرين
Author: Gafar Bashir
Date: 05-22-2019, 07:16 PM
Parent: #4
| Quote: المجلس السيادى هو الجزء الاقل اهمية في تقديرى. |
تحياتي محجوب
رجاء عدم ترويج مثل هذا الكلام
المجلس السيادي كان نقطة الخلاف الاساسية من قبل شهر
ولفت قوي الحرية ودورت وجابت ليها وثيقة مافيها جديد لسة بتدي المجلس السيادي الحق في كل شي
وضيعوا زمن طويل ورجعوا لنفس النقطة ووقفوا تاني
دي دولة من دول العالم التالت
الرئيس اصلا يسيطر علي كل شيئ ناهيك عن مجلس عسكري كامل او فيهو اغلبي عسكرية من نوعية ناس حميدتي ديل
كيف يكون اقل اهمية والدنيا قايمة وقاعدة ليها اكثر من شهر وص
نسبة ال 95 % اللي بيقولوا حسموها يبلوها ويشربوا مويتها
ال 95 هي المجلس العسكري
والدعوة لعد ترويج مثل هذا الحديث اولا ليس صحيح
وثانيا هو الان خالق اختلاف بين مكونات قوي الحرية
لانو في ناس ماشين يدوا المجلس العسكري الرئاسة والاغلبية
عشان شنو؟ يصلو للكراسي بسرعة
مافي داعي نروج لكلام زي ده وندعم اللي حابين يقدموا الحكومة علي طبق من ذهب للعسكر
|
Post: #6
Title: Re: اليوم الاربعين و لسه ما قادرين نطلع عشرين
Author: Asim Ali
Date: 05-22-2019, 07:49 PM
يامحجوب المشكله انولسه ماسقطت والمجس داير يفرض الفلول والسدنه فى بنسب اكبر فى المجلس التشريعى ومجلس الوزراء دا غير نسبتو فى المجلس السيادى.كدى ارجع لخطاب حميدتى بتاع الليله فى سجن كوبر لما اتكلم عن المؤتمر كان ليهو 6 فى الميه وديل دايرين 67 فى الميه (داير يوحى انو ديل اسواء من المؤتمر الوطنى) وكانو ق ح ت حزب واحد !!! مش اتحاد النقابات المهنيه واحزاب ومنظمات مجتمع مدنى .
المجلس دافرين حميدتى يحوم للبسطاء الليله فى السجن وبكره فى فى احياء طرفيه وبعدو يمشى قرى فى الشماليه او الجزيره او ......بس ما اظنو يقدر يهوب ناحيه دارفور ويقعد ويقول زى البقولو دا.
|
|