(سلبطة) الشيوعيين و (لولوة) الكيزان أضاعتا علينا فرحتنا بثورتنا الظافرة!!!

05:58 PM May, 22 2019 سودانيز اون لاين
Mohammed Haroun-UK
مكتبتى
رابط مختصر

(adsbygoogle = window.adsbygoogle || []).push({});

الناس ديل ما عندهم وطنية ولا الحكاية اييييه؟؟

يعني عشان أحزابهم يروح السودان العظيم في شربة ميه؟ ليتهم يعقلون ..

التطرف أكبر عقبة تواجه الشعب السوداني .. أمريكا واوربا لن تتعاملا مع الأخوان المسلمين ولا مع الشيوعيين. كلاهما (pain in the rear) بالنسبة لهما ..

اندهاشاتي

العالم كله يتفرج في (العوارة) بتاعتنا .. ستضيع من بين أيدينا أكبر وأجمل فرصة بسبب غبائنا المركب ..

يعني ضيعنا وقت ثمين جدا في المفاوضات العبثية والمؤتمرات الصحفية الوهمية يا حسرة!!!!

واندهاشاتي!!!!!!!!!!!!!!!!

رأيك شنو ويحلوها كيف

سلام اخ هارون
الخلاف وين ومن اضاع وقت الثوار؟

هناك قرار من قوي الحرية والتغيير بمساندة الثوار والمعتصمين يقول ان يكون مجلس السيادة باغلبية مدنية وتمثيل عسكري محدود هل تعلم هذا ؟

من يرفض هذا القرار هو المجلس العسكري لا قوي التغيير ولا الشيوعيين

بالأمس اصدر تجمع المهنيين محرك الثورة بيانا اكد فيه علي ان تكون أغلبية السيادة مدنية وبتمثيل عسكري محدود وحمل المجلس العسكري مسؤولية التماطل والتعنت !!

الحزب الشيوعي وكنا تجمع المهنيين لم بخرج عن قرار قوي الحربة والتغيير هذا!

اي محاولة لوصف الثوار والمعتصمين ومن يتمسك بالأغلبية المدنية بانهم شيوعيين او بحير هذا الموقف باعتباره شيوعي وحسب. يصب في نفس مجري الفلول والجماعات المتطرفة والكيزان والذين صنفوا الثورة ومنذ يومها الأول بانها شيوعية وبعثية !!

هذا هو خط الثورة والثوار والشيوعيين ضمنه كقلة !!

اي حاجة تحصل مسلبطنها في الشيوعيين ...
هل الشيوعي بعبع لهذه الدرجة ام هو الشماعة التي تعلق فيه اخفاقات الكل .
نفس خطاب الكيزان وشماعة الشيوعي ...

ارحموا انفسكم من هذه النغمة فان كنتم تكرهون الشيوعيين فانكم تقدمون لهم خدمة من حيث لا تدرون بجهالتكم بتضخيمه ...

Mohammed Haroun

أنت ذاتك كوز بطل أستهبال!

قال "ضيعوا ثورتنا قال"

أختشي يا كوز لندن أختشي.

Quote: سلام اخ هارون الخلاف وين ومن اضاع وقت الثوار؟ هناك قرار من قوي الحرية والتغيير بمساندة الثوار والمعتصمين يقول ان يكون مجلس السيادة باغلبية مدنية وتمثيل عسكري محدود هل تعلم هذا ؟ من يرفض هذا القرار هو المجلس العسكري لا قوي التغيير ولا الشيوعيين بالأمس اصدر تجمع المهنيين محرك الثورة بيانا اكد فيه علي ان تكون أغلبية السيادة مدنية وبتمثيل عسكري محدود وحمل المجلس العسكري مسؤولية التماطل والتعنت !! الحزب الشيوعي وكنا تجمع المهنيين لم بخرج عن قرار قوي الحربة والتغيير هذا! اي محاولة لوصف الثوار والمعتصمين ومن يتمسك بالأغلبية المدنية بانهم شيوعيين او بحير هذا الموقف باعتباره شيوعي وحسب. يصب في نفس مجري الفلول والجماعات المتطرفة والكيزان والذين صنفوا الثورة ومنذ يومها الأول بانها شيوعية وبعثية !! هذا هو خط الثورة والثوار والشيوعيين ضمنه كقلة !!

Quote: (pain in the rear)

You are a pain in the #######

أجمل ما في الديمقراطية حرية التعبير والشفافية ..

Freedom of expression and tranceparency


المفاوضون عن المجلس العسكري على حد علمي كلهم كيزان من النوع ابو كديس ..

طيب خلونا نشوف المفاوضون عن قوى الحرية والتغيير .. ما هي انتماءاتهم؟؟

الشفافية مطلوبة جدا ... وبعدين نجي لي تجمع المهنيين اللي ظهر لينا بعد يوم 19 ديسمبر 2018

تحياتي

Quote: العالم كله يتفرج في (العوارة) بتاعتنا .. ستضيع من بين أيدينا أكبر وأجمل فرصة بسبب غبائنا المركب .. يعني ضيعنا وقت ثمين جدا في المفاوضات العبثية والمؤتمرات الصحفية الوهمية يا حسرة!!!! واندهاشاتي!!!!!!!!!!!!!!!!

السلام عليكم
تحدث عن غبائك رجاءً ولا تتحدث عن الشعب بهذه الوقاحة
وسع مدارك افقك لتري الاشياء كما يراها الشعب
ولا تنظر لها بمقدار ما يأتيك من معلومات

يا أخونا البوست دا الغرض منه مش (اللداحة) وقلة الأدب ..

هذا للعلم والإحاطة .. أنا عارف هبشتكم في وتر حساس جدا ..

تحياتي

محمد وانت تعرف اني لا اكن لك الا كل احترام
انت من بدات اللداحة بمعلومات مغلوطة.
من احق باللوم الكيزان الذين عاثو ف الارض فسادا
ام المجلس العسري الكيزاني
ام حميدتي ااذي ادعى بانه مع الثوار ولم يستطع صبرا ع الحرية
ام الحزب الشيوعي ؟
بالجد انت غريب.

الثنائية دي طلعت دين البلد دي يااخ
كوز /شيوعي
اي كوز بيشوف اي فعل للمعارضة هو من بنات افكار الحزب الشيوعي
ومن يقوم به كوادر الشيوعي.. الكلام دا غير صحيح
وهو خط لشيطنة اي فعل معارض ورميه في الشيوعي
وبعدها طوالي الكيزان يبدوا يشغلوا الإسطوانة القديمة
كفار ملحدين شيوعين
بمنتهي الغباء صدروا هذه الصورة للبسطاء
ومن حيث لا يدروا افسحوا المجال لقوي
المعارضة الأخري لتقود الشارع
ولسة الكيزان متخيلين ان الشيوعي هو من يقود الشارع
وإعترفوا بأنهم صنعوا من الشيوعي بعبعا علي الفاضي
وعندما حصروا المعتقلين والنشطاء في المعتقلات
وجدوا ان قرائتهم في وادي لأنهم دغمائيين
والشارع افرز قوي أخري خارج رادار الأمن

عشان كدا موضوع البوست دا منفس لانه مبني
علي نفس الفرضية التي سقطت بسببها الإنقاذ
تطارد في كوادر الشيوعي وسقطت من مكان تاني خالص

عشان كدا قلنا (سلبطة) الشيوعيين .. الشيوعيون يتباهون بأنهم هم الدينمو الذي أحدث الحراك الجماهيري ولكن واقع الحال يكذب إدعائهم لأن الثورة اندلعت احتجاجا على الأوضاع الإقتصادية المتردية.. وصفوها في البداية بثورة الجياع .. لا يستطيع أحد أن ينكر هذه الحقيقة ..

تحياتي

الآن قرأت خبر مفاده أن المجلس العسكري دعا الأمم المتحدة للإشراف على انتخابات عامة ستعقد بعد ثلاثة أشهر ... كيدهم عظيم الجماعة ديل ..

اندهاشاتي

Quote: بقلم د. طارق الطيب حاج احمد طلق مرتو تلاتة مرات وحرمت عليه ،،،،،،والمرة سمحة شديد وداير يرجعها ولازم محلل ،،،!!!لجماعة نصحوه يعقدوا ليها علي واحد في الحلة عوير وبعد كم يوم يطلقوها منه،،،وبعد تكمل العدة يسلموها لي حاج احمد ،،،،،حاج احمد وافق والفكرة وقعت ليهو والعوير ما منه خوف ،،،جابوا المأذون وعقدوا للعوير وخلوه كم شهر وجابوا المأذون للطلاق ....!!!! العوير حلف بالتقطعو ما يطلق بس يهز راسه ،،، الجماعة كل يوم طالعين ونازلين ومفاوضات لي بالليل والعوير مقوي راسه ،،،،، وحاج احمد يشيل ويتوعد والعوير بس بيقول ابيييت ،،،،اغروهو بالباسطة البحبها ما نفع دخلوا الاجاويد ما نفع ...حاج احمد بقي قاعد صابيها قدام بيت ناس العوير ومستني المفاوضات تنتهي وكل يوم الجماعة يقولوا ليه اهل العوير وعدونا خير ،،،،!!!وصاحبك مصمم ما يطلق والوفد كل يوم يقول لي حاج احمد قربنا واتفقنا علي النقاط الاساسية،،،،،!!!!!وكمان ظهروا ناس في الحلة قالوا ياخونا الكلام ده غلط حاج احمد براهو فرط في مرته والعوير ده انقذها وسترها ولازم نطبق شرع الله ونخليهو لمن يطلقها براهو وبي ارادتو بعد داك ترجع لي حاج احمد بعد ما تنتهي الفترة الانتقالية (اقصدالعدة) ،،،،،، غايتو لحدي اسي المشكلة دي ما اتحلت العوير ماداير يتنازل وحاج احمد ما داير يتنازل المشكلة العوير شرس جدا ممكن لو كتروها معاه يعوق حاج احمد ،،،،!!!!!وقبل كده حاول يعتدي علي الاجاويد وفلق ليهو كم واحد ،،،!!!لكن اهلو نكروا وقالوا ديل مندسين من اولاد الحلة غايتو المسألة متأزمة جدا وما معروف تنتهي علي شنو ،،،،،،،،،!!!!! المأذون زاتو زهج قال ليهم تاني ما تنادوني الا توصلوا لي حل ،،،، غايتو العوير ده بالغ جابوه يحل مشكلة هو زاتو بقي مشكلة يحلنا الحلا بله !!!!!! في زول جاب سيرة برهان🤗

أجمل ما قرأت .. واندهاشاتي