Post: #2
Title: Re: المجلس العسكري:- نشوفكم بعد العيد .....
Author: Gafar Bashir
Date: 05-21-2019, 03:06 PM
Parent: #1
من القائل
عرفنا لمن قيلت
|
Post: #3
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 03:11 PM
Parent: #1
من يملك ليعطي؟!
غايتو العساكر قالو حكومة السودان لم تملكنا
غير لبس الجيش ...
وهل المعطي له حق تحديد ما يملك المجلس
العسكري ...
لا في دستور لا قانون بقول انو المجلس يملك ..
المصيبة انو المعطي هو الذي يحدد للمالك ما يملك
وكيفية إعطاءه والحكاية ملعفسا عند افندية التجمع
وبصورة اقل لعفسا عند العساكر ...
من مصدر موثوق وقريب قالو أمس نهارا قرر العساكر
(عساكر المجلس) صبها حول القيادة الي ان يرضخ تجمع
الحرية والتغيير لمطالب العسكر ...
امبارح او صباح اليوم ... تم سؤال أحد العساكر
عن موعد الاجتماع القادم فكانت الإجابة الفورية
والحاسمة وبدون تفكير طويل ... بعد العيد.
|
Post: #4
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 03:33 PM
Parent: #3
مسألة الملكية دي لازم تتعرف كويس ...
يقول ليك يسقط البرهان .... fine ...
من يستلم منو ... الخطيب ولا عم صديق ...
لو عايزين تشوفو ما حصل في العراق صيف ٢٠٠٣
نتيجة حل الجيش بواسطة الحاكم الأمريكي
بول بريمر .... واصلو في الضغط علي عسكر
المجلس الذي يأتمر بأمره كل منسوبي الجيش ...
|
Post: #5
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 04:04 PM
Parent: #4
هل اخفاق التجمع في تصوير معركة
المجلس السيادي بأنها أم المعارك للتجمع
ومكوناته من الأحزاب والأنكأ محاولة عقاب
المجلس العسكري بأنه المذنب الأوحد في
الفشل والإحباط العام ...
تم تضخيم أمر المجلس السيادي بعد
النجاحات الضخمة التي حققها تجمع
الحرية ... ليييييه ايوااا عشان في أحزاب
داخلة بي أجندة مختلفة .. لا مانع لديها من
تدمير السودان في سبيل مكاسب حزبية ليس
لها معني ....
واحدة من استراتيجيات الحزب الشيوعي التي
لا مجال لإنكارها هو :-
تدمير وتفكيك القوات المسلحة السودانية والأجهزة
الأمنية ....
|
Post: #6
Title: Re: المجلس العسكري:- نشوفكم بعد العيد .....
Author: Deng
Date: 05-21-2019, 04:52 PM
Parent: #5
محاولة اختزال الثورة في الحزب الشيوعي السوداني الغرض منه هو تفتيت وحدة الشعب الثائر.
كلامك ده ياهو ذاتو كلام الكيزان وأذنابهم في المجلس العسكري.
# تسقط بس.
|
Post: #7
Title: Re: المجلس العسكري:- نشوفكم بعد العيد .....
Author: منتصر عبد الباسط
Date: 05-21-2019, 05:14 PM
Parent: #6
| Quote: تفتيت وحدة الشعب الثائر |
الشعب الثائر وحدتو أصلها مفتتة
نحن الأن بصدد منع تفتيت وحدة الجيش القومي أمام أعدائه والمتربصين به
ومن يريد أن تحل محله ملشيات
|
Post: #8
Title: Re: المجلس العسكري:- نشوفكم بعد العيد .....
Author: Deng
Date: 05-21-2019, 05:38 PM
Parent: #7
منتصر البوست ده شايفو وقع لك في جرح.
|
Post: #9
Title: Re: المجلس العسكري:- نشوفكم بعد العيد .....
Author: عبداللطيف حسن علي
Date: 05-21-2019, 05:53 PM
Parent: #8
السمكة التي عاشت في وسط مائي لن تعرف ان هناك يابسة
ومن حكمته الانظمة العسكرية طيلة عمره لايتقبل الثقافة المدنية
|
Post: #11
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 06:03 PM
Parent: #8
| Quote: الكيزان وأذنابهم في المجلس العسكري. |
هههههه كيزان أذناب وعساكر فيهم ود العطا ... هههه ..
يا كبير لسع اتا بتشرب مريسة بالبخسه ...
الناس بقت تطلب فوستر باين باااارد في شارع ١١٧ ...
خليك مع الزمن ... بتحتاج مرافق في الخرطوم ..
دي نحيلك فيها لي قسم الفضيل مضوي
|
Post: #10
Title: Re: المجلس العسكري:- نشوفكم بعد العيد .....
Author: sadig mirghani
Date: 05-21-2019, 06:02 PM
Parent: #1
ود الزبير
سلام
تنبز الشيوعي
وتخوفنا من العسكر
دخل العضم
|
Post: #12
Title: Re: المجلس العسكري:- نشوفكم بعد العيد .....
Author: Arif Nashed
Date: 05-21-2019, 06:18 PM
Parent: #10
Quote: الشعب الثائر وحدتو أصلها مفتتة
نحن الأن بصدد منع تفتيت وحدة الجيش القومي أمام أعدائه والمتربصين به
ومن يريد أن تحل محله ملشيات |
هل انت مقتنع بوجود مؤسسة عسكرية ؟.
التفتيت حدث منذ ان ادلج النظام المؤسسة العسكرية .
ماذا تسمي قوات المرتزقة حميدتي التي اصبحت تقوم بمهام الجيش والوات النظامية اي انها المسيطر الوحيد الان علي القوة العسكرية ؟.
المجلس العسكري نشوفو بعد 30 سنة اخري ..
|
Post: #13
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 06:23 PM
Parent: #10
هههههههه يا فيلسوف (الثقافة) المدنية هي علب
سبانخ بتجي توزعها جوا الصبة والناس يشربوها
يبقوا زي popeye يقومو يمسكوا العساكر يلعفسوهم
لغاية يعملو دينن مدني ... الثقافة تسود بالممارسة
وليس عن طريق بيانات الحزب الشيوعي ...
|
Post: #14
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 07:09 PM
Parent: #13
Quote: تنبز الشيوعي
وتخوفنا من العسكر |
حبابك ابو جعفر ...
ههههههه نبذ شنو هي بالله الحقائق مرة لي درجة
إنك شايفها تشبه النبذ ... اتا تقول نبذ لكن هم
لا يستطيعون ...
بعدين اخوفك من العسكر ... هههههه
النبي داك كان ما جاوبتني علي السؤال دا :-
الهتاف يقول :- سلم سلم يا برهان ورانا وطن ...الخ
برهان قال ما عندو مانع يسلم ...
ممكن تحدد جهة او شخصية تذهب للقصر
الجمهوري عشان تستلم ...
برهان هنا ليس بشخصه فقط سوف يكون خالي
مسؤولية وإنما كل القوات المسلحة السودانية
مع دعمها السريع وكافة الأجهزة الأمنية ...
يلا شوفو لينا واحد من الجلاكين ديل يمشي
يوقع بالاستلام وفضوها سيرا عشان تعرفوا
المدنية الجد الجد ...
|
Post: #15
Title: Re: المجلس العسكري:- نشوفكم بعد العيد .....
Author: علي عبدالوهاب عثمان
Date: 05-21-2019, 08:35 PM
Parent: #14
حبيبنا ودالزبير
لو بعد العيد البرهان يخطط لحضور مؤتمر القمة العربية
سوف يجد الاعتراف
تحياتي ودالزبير
|
Post: #16
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-21-2019, 11:05 PM
Parent: #15
في ١٧ يناير الماضي كتبت المداخلة أدناه في
بوست مساهمة في التبصير بدور الجيش في الثورة
لكاتبه د. محمد المشرف ... وفي الفقرة قبل الأخيرة
هنالك بعض من تفسير لما يحدث الآن .....
Quote: تحياتي محمد ...
اقدم واحد في الجيش هو رئيس هيئة الأركان الفريق
أول كمال عبدالمعروف من الدفعة ٢٩ المتخرجة العام
١٩٨١ ... هنالك علي الأقل ١٠ دفعات لم تختارها الإنقاذ
لا زالت في الخدمة حيث الأمل معقود عليهم إذا كان
هناك حوجه لي تحرك الجيش الذي لا مفر منه إذا ساءت
معاملة القوات الأمنية ومليشيات المؤتمر الوطني
للمتظاهرين في الشارع واتقفل الأفق السياسي
لحكومة المؤتمر وحلفاءه ...
هذه ال ١٠ دفعات ولاءها لقيادة الجيش وبالتأكيد
لم تعارض الإنقاذ ومعظمهم لم يلتزم عقايديا" مع
مشروع الحركة الاسلامية وظلت في الخدمة لصبرها
وطولة بالها ....
هنالك أيضا تجربة حكومة الصادق المهدي وعدم ايفاءها
بي التزامات الحكومة تجاه الجيش الأمر الذي ادي
لهزيمة الجيش من الحركة الشعبية في الجنوب ...
حيث لم يستطيع الجيش سوي الاحتفاظ بعواصم
الجنوب الثلاث جوبا و واو و ملكال ...
قالها لي أحدهم بي صريح العبارة ... لن يسمح الجيش
بعد أن أصبح مؤسسة دفاعية واقتصادية لأي ملكي
(مدني) بالتحكم في مقدراته ...
هذه رؤوس مواضيع يمكن مناقشتها من خلال ما
ادليت به أخي محمد من رؤي .. |
غايتو البوست في ص١٩ ....
تحياتي جعفر بشير
عارف صاحبي كيفك ...
حبيبنا علي ... البرهان محتاج لرد اعتباره داخل
السودان ولا يسعي للاعتراف به خارج السودان ...
تحياتي ...
امكن دي اخر طلقة اليوم ....
|
Post: #17
Title: Re: المجلس العسكري:- نشوفكم بعد العيد .....
Author: Deng
Date: 05-22-2019, 06:34 AM
Parent: #16
Quote: قالها لي أحدهم بي صريح العبارة ... لن يسمح الجيش
بعد أن أصبح مؤسسة دفاعية واقتصادية لأي ملكي
(مدني) بالتحكم في مقدراته ... |
العسكري القال لك الجيش بقى مؤسسة أقتصادية ده عسكري وصمة عار على العسكرية، ومفروض لو عندو رتبة أحسن يقلعها ويمشي بيتو عريان.
قال أقتصادية قال!!
|
Post: #18
Title: Re: المجلس العسكري:- نشوفكم بعد العيد .....
Author: Deng
Date: 05-22-2019, 06:42 AM
Parent: #17
Quote: هههههه كيزان أذناب وعساكر فيهم ود العطا ... هههه ..
يا كبير لسع اتا بتشرب مريسة بالبخسه ...
الناس بقت تطلب فوستر باين باااارد في شارع ١١٧ ...
خليك مع الزمن ... بتحتاج مرافق في الخرطوم .. |
أنت وعساكر المجلس العسكري ديل لو كنتو بتشربوا المريسة كان عرفتوا ثقافة ومطالب أهل السودان.
علامات الصلاة في جبهات الجبهية في النهاية طلعت شنوا يا الما بتشرب المريسة أنت؟
كم هو حجم المال المنهوب من السودان حتى الان؟ ولماذا الذين سرقوا ونهبوا أموال البلاد هم من دعاة تطبيق الشريعة الاسلامية في برنامجهم السياسي؟؟
بعدين كلمة أذنابهم دي مقصود بها العانصر الغير كيزانية ولكنها إنتهازية ومتملقة للكيزان علشان كده أحتفظوا برتبهم ووظائفهم حتى سقوط النظام.
وزولك ود العطا وبقية شرذمة المجلس العسكري ياهم ذاتهم فيهم الكيزان وفيهم الإنتهازية من أذناب النظام.
|
Post: #19
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-22-2019, 09:13 AM
Parent: #18
Quote: العسكري القال لك الجيش بقى مؤسسة أقتصادية ده عسكري وصمة عار على العسكرية، ومفروض لو عندو رتبة أحسن يقلعها ويمشي بيتو عريان.
قال أقتصادية قال!! |
والمشكلة شنو ... ما تلخبط الاختصاصات ...
الجيش فيهو ناس الدواس أبان عيونن حمر قاعدين
يملو عين الشمس وفيهو مؤسسات تصنيع حربي
أثبتت جدارتها وصارت ترفد الإقتصاد الوطني
بالعملات الحرة ... والمعلومات بالتفاصيل
موجودة في النت ...
| Quote: أنت وعساكر المجلس العسكري ديل لو كنتو بتشربوا المريسة كان عرفتوا ثقافة ومطالب أهل السودان. |
هوي يا زول انا واحد من اهل السودان وعندي مطالب
وقاعد صابيها في القيادة منذ اكتر من شهر ...
| Quote: يا الما بتشرب المريسة أنت؟ |
المعلومة دي فيها من الباطل الكثير ...
إذن ما بني علي باطل فهو باطل ....
| Quote: وزولك ود العطا وبقية شرذمة المجلس العسكري ياهم ذاتهم فيهم الكيزان وفيهم الإنتهازية من أذناب النظام. |
هههههه الكيزان ركبو التونسية وغناين مات.
المصيبة في الشيوعية الجاية تحكم دي ... هههه
يعني اي واحد يشتغل مع الشيوعيين ديل
وهو ليس بشيوعي ما حا يكون (أذناب) ... هههه
أذناب دي بتاعت كيزان ... مؤقتا كدا
وعشان خاطر رمضان خلينا نسميهو
حنكوش الشيوعيين ...
|
Post: #20
Title: Re: المجلس العسكري:- نشوفكم بعد العيد .....
Author: Salah Zubeir
Date: 05-23-2019, 02:11 PM
Parent: #19
فرق كبير بين القيادة يومي الأحد والاثنين كأنه
موسم الأعياد او موسم الحصاد في مزارعنا
حول النيل ... وبين القيادة بالأمس ... حيث
ينعق البوم في معظم خيامها حيث لا كهرباء
في ٨٠% من امتداد الإعتصام...
بس انا داير افهم من الجماعة إياهم
What is next؟
Answer :- nobody knows ...ههههههه
طبعا الشيوعيين العطالة ديل علي قلبهم
زي العسل ... ممكن الواحد فيهم السنة كلها
يقعد في نفس الكرسي ويأكل نفس سندوتش
الفول ويحبس بي نفس كمية الشاي والموية
ويكون لابس نفس الجينز والتي شيرت البتنضفو
كل اسبوعين مع الحمام الشامل ...
الفكرة شنو انو صحباني ديل حرفا جدا" في تعطيل
حتي قطر الحديد .. لكن مستحيل يدوك دفرة ولو
لغاية اللستك العند الناصية ...
أسوء شي يكون عندك شريك مخستك ....
|
Post: #21
Title: Re: المجلس العسكري:- نشوفكم بعد العيد .....
Author: Salah Zubeir
Date: 06-20-2019, 12:57 PM
Parent: #20
Up
|
|