لقد فشل الإجتماع

لقد فشل الإجتماع


05-21-2019, 01:00 AM


  » http://sudaneseonline.com/cgi-bin/sdb/2bb.cgi?seq=msg&board=500&msg=1558396806&rn=0


Post: #1
Title: لقد فشل الإجتماع
Author: Abureesh
Date: 05-21-2019, 01:00 AM

01:00 AM May, 20 2019

سودانيز اون لاين
Abureesh-أمريكا
مكتبتى
رابط مختصر



ما وصلوا لاتفاق و لم يحددوا تاريخ لجلسة اخرى

Post: #2
Title: Re: لقد فشل الإجتماع
Author: Gafar Bashir
Date: 05-21-2019, 01:06 AM
Parent: #1

ممتاز
العصيان المدني لاسقاط كامل المجلس

Post: #3
Title: Re: لقد فشل الإجتماع
Author: Abureesh
Date: 05-21-2019, 01:22 AM
Parent: #2

غادرت الاعتصام فى القيادة العامة قبل هده الاخبار . و كانت نعمة من الله حتى لا ارى الإحباط فى تلك الوجوه الجميلة المتوثبة لمستقبل أجمل فى السودان. و لكنى الان احس باحباطهم من اداء هذه التجمع الكسيح الذى يتسول اللص للعودة للمنزل و إرجاع ما سرقه.

ِشماعة المجلس العسكرى يا اخ جعفر ما قاعدة تقسم معاى.

Post: #4
Title: Re: لقد فشل الإجتماع
Author: Abureesh
Date: 05-21-2019, 01:26 AM
Parent: #3

بعدين قادة التغيير ليه مصرين على رئاسة مجلس السيادة.. هذه وظائف تشريفية.. موش كان رئيسه السيد احمد الميرغني رحمه الله.. حين كانت كل السلطات فى يد رئيس الوزراء السيد الصادق؟ عاوز اعرف بس

Post: #5
Title: Re: لقد فشل الإجتماع
Author: منتصر عبد الباسط
Date: 05-21-2019, 01:29 AM
Parent: #3

نحتاج لتحرير ثورتنا ممن اختطفها لاجندته الخاصة
الذي لا يعنيهم تصفية نظام الكيزان ولا الثأر لمن استشهد
ولا رفاهية وأمن الناس
لا لأصحاب الأجندة الخاصة
لابد من توعية الشباب بحقائق الأمور
لابد أن يتعامل مع الحزب الشيوعي الذي لا يبلغ من ينتمون له 2% في حدود حجمه
الوطن وشعبه أولا والأحزاب إن شاء الله في ستين داهية .

Post: #6
Title: Re: لقد فشل الإجتماع
Author: Abureesh
Date: 05-21-2019, 01:34 AM
Parent: #5


الثورة الان يجب ان تتجه لاسقاط قادة التجمع قبل اسقاط مجلس برهان..

Post: #9
Title: Re: لقد فشل الإجتماع
Author: Asim Ali
Date: 05-21-2019, 01:39 AM
Parent: #6

موجه تانيه للثوره تنزع حقوق الشعب عنوه واقتدار دون مماطله

Post: #7
Title: Re: لقد فشل الإجتماع
Author: امتثال عبدالله
Date: 05-21-2019, 01:38 AM
Parent: #5

والله انا شايفة أنه ما في داعي لهذا الجدل البيزنطي حول مجلس السيادة لان هذا المجلس اساسا مجلس مؤقت خلال الفترة الانتقالية فقط ،،والمهم الآن تشكيل الحكومة المدنية التنفيذية وعدم إضاعة الوقت لان المؤامرات تحاك من كل جانب من اللصوص والحرامية وسفاكين الدماء....

Post: #8
Title: Re: لقد فشل الإجتماع
Author: Gafar Bashir
Date: 05-21-2019, 01:38 AM
Parent: #5

Quote: ِشماعة المجلس العسكرى يا اخ جعفر ما قاعدة تقسم معاى.


انت عايز شنو يا ابو الريش؟
صابي لعناتك علي قوي الحرية
وساكت عن المجلس الكيزاني الذي شارك و دعم الجبهة الاسلامية والنظام السابق
ولا زال يتستر علي البقية ويهربهم الي خارج البلاد

شنو الانت عايزو؟

Post: #10
Title: Re: لقد فشل الإجتماع
Author: Abureesh
Date: 05-21-2019, 01:44 AM
Parent: #8

"ابي لعناتك علي قوي الحرية
وساكت عن المجلس الكيزاني الذي شارك و دعم الجبهة الاسلامية والنظام السابق
ولا زال يتستر علي البقية ويهربهم الي خارج البلاد"

قول كلامك ذا للناس القاعدة تتفاوض معاهم

Post: #15
Title: Re: لقد فشل الإجتماع
Author: Ali Abdalla Hassan
Date: 05-21-2019, 02:02 AM
Parent: #10


والله يا أبوالريش انا كنت متوقع هذا من أول يوم وقبل أن تبدأ المفاوضات .. وكتبت بوست قلت فيه أن المجلس العسكري لن يسلم السلطة لممثلي اعلان الحرية والتغيير .. حتى هاجمني بعض الإخوة وقالوا ده كوز وكاك .. إلخ

مشكلة الثوار إنهم ينظرون إلى هؤلاء الجنرالات كأنهم عساكر طراطير ساكت ما فاهمين أي حاجة لا في السياسة ولا في إدارة الدولة ولا حتى في الثقافة العامة ولا عندهم اي خلفيات ايدولوجية ولا سياسية ولا فكرية .. ولا عندهم أي طموحات لحكم السودان .. عساكر وبس .. وعلى هذا الأساس ناس قوى الحرية والتغيير يتفاوضون مع المجلس العسكري .. ولذلك من الصعوبة جداً الوصول إلى إتفاق يرضي الطرفين ..


Post: #11
Title: Re: لقد فشل الإجتماع
Author: منتصر عبد الباسط
Date: 05-21-2019, 01:48 AM
Parent: #8

Quote: وساكت عن المجلس الكيزاني
السلطة الفعلية مدنية غصبا عن الجميع
رئيس الوزراء مدني والوزراء مدنيين والمجلس التشريعي مدني والولاة مدنيين ومن تحتهم
وكذلك الجهاز القضائي وكل هؤلاء سوف لا يكون وسطهم ولا كوز واحد
كيف قبل مجلس كيزاني بأن يكون في قبة كل أركانها غير كيزان وأغلبهم يسار
وبرضو اليسار رافض !!!!!!!!
معقول الاتهامات تكون مجانية كدا بس!!
لماذا اتهامهم بالكذب أنهم كيزان ؟؟؟!!!!

Post: #12
Title: Re: لقد فشل الإجتماع
Author: عبد الصمد محمد
Date: 05-21-2019, 01:52 AM
Parent: #11

يا جعفر ما تنسى قبل سقوط النظام هذا الرجل جاء يدعم نظام الإنقاذ
قال رجع السودان ووجده نماء وتطور ونظام وبدا من يومها يضرب الثوار تحت الحزام
أنظر لعنوان البوست
وراجع عناوين بوستاته كلها ومحتواها ستفهم أين قلبه
ولا يخدعنك التغير في لغته قبل الثورة
أبوالريش القديم الذي كان بالحق يدعم المعارض إختفى
وظهر من شهور عديدة أبوالريش الجديد

Post: #13
Title: Re: لقد فشل الإجتماع
Author: Gafar Bashir
Date: 05-21-2019, 01:55 AM
Parent: #12

والله يا عبد الصمد قبل بدايات الثورة
ما جيت البورد يمكن سنين طويلة
ما عرفت منو اتغير ولا حصل شنو
لكن كدة بقي واضح الموضوع بالنسبة لي

Post: #16
Title: Re: لقد فشل الإجتماع
Author: Gafar Bashir
Date: 05-21-2019, 02:06 AM
Parent: #13

Quote: كيف قبل مجلس كيزاني بأن يكون في قبة كل أركانها غير كيزان وأغلبهم
وبرضو اليسار رافض !!!!!!!!


كل الكلام الاتفاوضو فيهو ده فارغ قلناها للمجلس ولي قوي الحرية
وقفوا قبل شهر في نقطة المجلس السيادي
لفوا ودوروا ورجعوا لنفس النقطة
عارف ليي
اقرا صلاحيات المجلس السيادي

مافي زول واحد بيقدر يمارس وظيفته بدون اعتماد المجلس السيادي
يعني يا منتصر لو جايبين قاضي عشان يفتح ملف الابادة الجماعية اللي شارك فيها حميدتي والجنجويد
المجلس السيادي ما حايعتمدو
اها حايعملوا شنو بال 300 تشريعي ولا ال 150 وزير ولا ال 600 نجار



Post: #14
Title: Re: لقد فشل الإجتماع
Author: Abureesh
Date: 05-21-2019, 01:56 AM
Parent: #11

"لماذا اتهامهم بالكذب أنهم كيزان ؟؟؟!!!!"

ياخ كيزان و اللا ما كيزان.. المجلس هذا اساسا ما عنده سلطات تنفيذية و لا تشريعية.
و التجمع الاختلاف الشكلى دا وقع ليه فى جرح.. لانه اساسا لا يريد حل المشكلة.
فمكوناته الفاعلة لا تستطيع العيش إلا فى الربوب.

Post: #17
Title: Re: لقد فشل الإجتماع
Author: Abureesh
Date: 05-21-2019, 02:15 AM
Parent: #14

جعفر و عبد الصمد..
يا اخوانا و الله ما رضيت ليكم دى.. ياخ عجايز الانجليز خلوا نوع الكلام دا.
شوية احترام للرأى المخالف ياخ.. او إعادة قراءته..لانه انا زاتى مرات يستعصي على فهم كلام معين اقرأه تانى افهمه احسن.

Post: #18
Title: Re: لقد فشل الإجتماع
Author: كمال عباس
Date: 05-21-2019, 02:32 AM
Parent: #17


وكالعادة منتصر عبد الباسط

موقف قوي الحرية التغيير هو مجلس سيادة مدني بتمثيل عسكري محدود !! دا موقف التغيير يسارها ويمينها ووسطها وليس موقف الحزب الشيوعي وحده !!

من يرفض هذا هم الفلول والجماعات السلفية والإرهابية. ومنصر عبد الباسط !

ويقف معنا المتصوفة والمعتصمين !!

Post: #19
Title: Re: لقد فشل الإجتماع
Author: عبد الصمد محمد
Date: 05-21-2019, 02:55 AM
Parent: #18

يا جعفر ما دام ما كنت متابع فدي مجموعة من بوستات أبوالريش الجديد رد الله غربته
أقراها لاحظ النسق العام
ستجد إتجاه ظاهر هو قطعاً ضد الثورة والثوار

https://sudaneseonline.com/board/499/msg/1547654959.html

https://sudaneseonline.com/board/499/msg/1546727430.html

ذئاب الاحزاب بدأت تتاوق لافتراس الانتفاضةذئاب الاحزاب بدأت تتاوق لافتراس الانتفاضة

https://sudaneseonline.com/board/500/msg/1555097732.html

https://sudaneseonline.com/board/500/msg/1555887742.html


Post: #20
Title: Re: لقد فشل الإجتماع
Author: منتصر عبد الباسط
Date: 05-21-2019, 04:31 AM
Parent: #19

Quote: موقف قوي الحرية التغيير هو مجلس سيادة مدني بتمثيل عسكري محدود !! دا موقف التغيير
يسارها ويمينها ووسطها وليس موقف الحزب الشيوعي وحده !!
هذا ليس رأي الصادق المهدي ولا الاتحاديين
وربما لا يكون رأي كل اليساريين.

Post: #21
Title: Re: لقد فشل الإجتماع
Author: منتصر عبد الباسط
Date: 05-21-2019, 04:35 AM
Parent: #18

Quote: ن يرفض هذا هم الفلول والجماعات السلفية والإرهابية. ومنصر عبد الباسط !
أنا لا اعتراض لدي فيما تم الاتفاق عليه إذا ضمنوا للحركات المسلحة جميعها مقاعدها ومشاركتها
أما السلفيين والوهابية والفلول غير راضين على كل ما تم الافاق عليه

Post: #22
Title: Re: لقد فشل الإجتماع
Author: علاء سيداحمد
Date: 05-21-2019, 05:02 AM
Parent: #21

Quote: الثورة الان يجب ان تتجه لاسقاط قادة التجمع قبل اسقاط مجلس برهان


Quote: موقفنا الأساسي كان ٧ مدنيين و٣ عسكريين ورئاسة مدنية.
تمسك المجلس ب ٧ عسكريين و٣ مدنيين ورئاسة عسكرية.
تنازلنا بحيث يكون المدنيين اصحاب أغلبية بسيطة (٦لي ٥) ورئاسة مدنية. قام المجلس برفضها.
الحد الأقصى لما يمكن أن نقدمه من تنازل هو مناصفة المجلس مع رئاسة تبادلية دورية، ورفص المجلس ذلك وأصر على رئاسة المجلس الرئاسي طوال الفترة الإنتقالية.

[صديق يوسف]


المجلس العسكرى مُصر على 7 عسكريين و 3 مدنيين ورئاسة عسكرية

Post: #23
Title: Re: لقد فشل الإجتماع
Author: علاء سيداحمد
Date: 05-21-2019, 05:03 AM
Parent: #22

لذلك اسقاط البرهان واجب وطنى واخلاقى

Post: #24
Title: Re: لقد فشل الإجتماع
Author: adil amin
Date: 05-21-2019, 06:45 AM
Parent: #23

1-يا ابوريش خليك من اعادة ترويج المركز وعدم مخطابة جذور الازمة السودانية بعد الاستقلال والبعد عن لتنوير للشباب والاكتفاء بالتهريج فقط
ناس قوى الحرية ديل جعلو شعارهم مدنية كمضاد للعسكرية وهم يعنون بوضوح شديد جدا سيادة مدنية من غير العسكريين مش كده ..اعمامك تنابلة الانقاذ بي غادي قالو مدنية كمقابل لعلمانية وضد الشريعة ولفو فرصة في اعلان الحرية وطلعو الرجرجة من مساجد الضرار بتاعتهم في الشوارع واعادو اسطوانة الشريعة المشروخة ...شفت المتاهة الداخل فيها السودان مع الرجرجة ديل والجرجرة قوم اذا اجتمعو ضرو واذا تفرقو لم يسمع بهم احد
2- طبعا الناس ديل من 2010 في البورد ده قلنا لهيم طريق واحد فقط يقود الي الديمقراطية والدولة المدنية في السودان بدا من صبة 2005 وانقطع في 2010 والانتخابات التي افشلتها النخبة السودانية وادمان الفشل
وانه لو عايزين مجلس سيادة مدني يمشو في مشروع الانقاذ دي بالاستيكة الي قبل 30 يونيو 1989 بي يوم للنظام الانجليزي الاصلي الذى شوهته الانقلابات
كان في القصر الجمهوري ده اربعة مقاعد تمثل السودان والسودانيين فقط
باسفيكو لادو لويك بمثل الجنوب
احمد الميرغني يمثل الغرب
علي حسن تاج الدين يمثل الغرب
ميرغي النصري يمثل الشرق
....
الشيوعيين مصرين يضللو الشباب ويقولو لينا الانجليز طفو النور ومشو 1956 وما وضعو لينا دولة ديمقراطية مدنية علي احدث طراز خربها المصريين بالانقلابات والعلم القبيح ده من اسوا افرازتها الان علم مايو وبابكر عوض الله 1969
وقدونا بي مؤتمر الاطباء بتاعهم دا والدكتور بالتقول كيف يحكم السودان معضلتنا الان ؟؟
***
الناس ديل ما عايزين يمسكو الدرب المسكهم لي جون قرنق من 2005-2010 وطريق نيفاشا ودستور 2005 والمحكمة الدستورية ومنبر الايقاد والاتحاد الافريقي واديس ابابا ولم نتحرر من العرب ومصر لحدي الان
ويقولو ليك تسقط بس وا لا صوت يعلو فوق صوت المعركة
****
هسة في مدنية زعسكرية بين المجلس العسكري وبين قوى الحرية والتغيير في المركز طبعا دي مشكلة ناس الخرطوم ومعتصمي القيادة
ال18 ولاية و18 جنرال في الاقاليم حكام ولايات ديل ...نتحل منهم كيف ...القصة مش كنكنشة المجلس لاسباب تتعلق بالخارج والارتباطات المشوهة مع دول اللاقليم والعالم العربي المشكلة ايضا الديمقراطية العميقة من الداخل الاقاليم ..كيف ترجع الاقاليم وكيف ينتخب ناس الاقاليم حاكم الاقليم وبرلمان الاقليم من غير وصاية من المجلس العسكري "الكيزان" وقوى الحرية والتغيير "الشيوعيين" الذين ضل سعيهم في الحياة الدنيا
*****
هذه الثورة المزعومة
لا عندها عمق حضاري حقيقي
ولا عندها حامل فكري مؤسس
ولا مشروع سياسي واضح
****
ولا زلنا نحتاج الي ثورة حقيقية تحدث في وعي الناس اولا عشان تحررنا من شنو والوضع المخذول للسودان في العالم العربي وتحت جذم المصريين والخليجيين كمان
وترجع دولة الجنوب تضمد جراحات جبال النوبة ودارفور وهي ابعد من زحل الان ...

Post: #25
Title: Re: لقد فشل الإجتماع
Author: adil amin
Date: 05-21-2019, 06:55 AM
Parent: #24

Quote: 1-يا ابوريش خليك من اعادة ترويج المركز وعدم مخطابة جذور الازمة السودانية بعد الاستقلال والبعد عن لتنوير للشباب والاكتفاء بالتهريج فقط

الذى يمارسه ناس قوى اعلان الحرية من ناحية وجماعة المجلس العسكري من ناحية اخرى وكل يروج اوهامه علي حساب الديمقراطية والدولة المدنية العميقة في السودان
ده الفصل الاول في الدستور 2005 يحدد السيادة في السودان
Quote: دستور السودان الانتقالي لسنة 2005

الباب الأول: الدولة والدستور والمبادئ الموجهة

الفصل الأول: الدولة والدستور

طبيعة الدولة

1ـ (1) جمهورية السودان دولة مستقلة ذات سيادة، وهى دولة ديمقراطية لا مركزية تتعدد فيها الثقافات واللغات وتتعايش فيها العناصر والأعراق والأديان.

(2) تلتزم الدولة باحترام وترقية الكرامة الإنسانية، وتُؤسس على العدالة والمساواة والارتقاء بحقوق الإنسان وحرياته الأساسية وتتيح التعددية الحزبية.

(3) السودان وطن واحد جامع تكون فيه الأديان والثقافات مصدر قوة وتوافق وإلهام.



السيادة

2ـ السيادة للشعب وتُمارسها الدولة طبقاً لنصوص هذا الدستور والقانون دون إخلال بذاتية جنوب السودان والولايات.

حاكمية الدستور القومي الانتقالي

3ـ الدستور القومي الانتقالي هو القانون الأعلى للبلاد، ويتوافق معه الدستور الانتقالي لجنوب السودان ودساتير الولايات وجميع القوانين.



المبادئ الأساسية للدستور

4ـ يُؤسس هذا الدستور على المبادئ التالية ويسترشد بها:ـ

(أ) تُؤسس وحدة السودان على الإرادة الحُرة لشعبه وسيادة حكم القانون والحكم الديمقراطي اللامركزي والمساءلة والمساواة والاحترام والعدالة،

(ب) الأديان والمعتقدات والتقاليد والأعراف هي مصدر القوة المعنوية والإلهام للشعب السوداني،

(ج) التنوع الثقافي والاجتماعي للشعب السوداني هو أساس التماسك القومي، ولا يجوز استغلاله لإحداث الفرقة،

(د) تُستمد سلطة الحكم وصلاحياته من سيادة الشعب وإرادته التي تُمارس عن طريق الاستفتاء والانتخابات الحُرة المباشرة والدورية التي تُجرى في اقتراع سري عام لمن بلغ السن التي يحددها القانون.






Quote: 1ـ (1) جمهورية السودان دولة مستقلة ذات سيادة، وهى دولة ديمقراطية لا مركزية تتعدد فيها الثقافات واللغات وتتعايش فيها العناصر والأعراق والأديان.


السودان دولة ديمقراطية فدرالية مش كده ووواضح
Quote: تُستمد سلطة الحكم وصلاحياته من سيادة الشعب وإرادته التي تُمارس عن طريق الاستفتاء والانتخابات الحُرة المباشرة والدورية التي تُجرى في اقتراع سري عام لمن بلغ السن التي يحددها القانون.

السيادة من الشعب بالانتخابات وهذايعني انها دولة مدنية بمنظور السيادة الحقيقي الحاكمية للشعب وليس للعسكر ولا المحاصصة
وهذا التحدي الانتخابي يخيف الكيزان بسبب الفيش والتشبيه من المحكمة الدستورية (لاحظ لا احد يهتم بالمحكمة الدستورية ) ويخيف الشيوعيين بسبب حجمهم الضئيل في الانتخابات السودانية وسبق ان فرو من انتخابات 2010 وسحبو معهم المتسكع ياسر عرمان الخلي منبر الايقاد وبقى من ارزقية الامارات ومعه باقي الحركات المستهبلة في دارفور ناس العدل والمساواة
****
الناس دي زيغة من دستور 2005 والمحكمة الدستورية والديمقراطية ذاتا وانت شافيهم كويس
ولازلنا مع كيزان ×شيوعيين ولم نخرج من دوامة البضاعة المصرية البايرة ولا علما ذاتو
والحديث ذو شجون


Post: #26
Title: Re: لقد فشل الإجتماع
Author: Abureesh
Date: 05-21-2019, 08:17 AM
Parent: #25

عبد الصمد محمد..
شكرا جزيلا الإتيان ببوستاتى الما القديمة شديد.
طبعا ما تقدر نناقشها او تورى الغلط فيها.. رصيتها بس.. و انا اساعدك
و اعتل معاك.. عسى ان يقرأها من يريد ان يناقشها



https://sudaneseonline.com/board/499/msg/1547654959.html

https://sudaneseonline.com/board/499/msg/1546727430.html

ذئاب الاحزاب بدأت تتاوق لافتراس الانتفاضةذئاب الاحزاب بدأت تتاوق لافتراس الانتفاضة

https://sudaneseonline.com/board/500/msg/1555097732.html

https://sudaneseonline.com/board/500/msg/1555887742.html