اذا المتهمين من دارفور ، it doesn't matter اذا من الشمالية it doesn't matter اذا كانوا من البحر الاحمر it doesn't matter طالما هناك محامين شرفاء يدافعوا عنهم فى محكمة علنية ما عندنا اى مشكلة مع اى زول و ما شغالين باصله وفصله .
واذا اتضح الاتهامات كيدية حنطالب بتبرئتهم و تعويضهم مبالغ هائلة و الاعتذار لهم .
اهم شئ دايرين محاكمة عادلة لان التهم خطيرة .
Post: #2 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-19-2019, 06:19 AM Parent: #1
بالنسبة لى شخصيا اعتقد ان احمد هارون وراء الأحداث.
Post: #3 Title: Re: عدد كبير من المعتصمين اولاد دارفور ، ليس غ Author: خضر الطيب Date: 05-19-2019, 06:22 AM Parent: #1
سلام النصري عودنا النظام البائد على ان كل المخربين و الخونة و المندسين دائماً من دارفور و بالتحديد الحركات المسلحة و على نهجهم سار هؤلاء العسكر و هذا دليل على ان الدولة العميقة مازالت موجودة و متمترسة لإفشال الثورة و ضرب النسيج الاجتماعي سننتظر حتى تنجلي الحقيقة , و انا لا اثق في هذا المجلس المأزوم ليس للحركات المسلحة اي مصلحة في مثل هذا العمل غير حركة العدل و المساواة و هي كما تعلم الجناح العسكري للمؤتمر الشعبي و رغم ذلك اشك في انها الفاعل
Post: #4 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-19-2019, 06:33 AM Parent: #3
اهلا خضر مرحب
والله كنت أتمنى و أنا انتظر فيديو الاعترافات ان يكون المتهمين من غير دارفور . افضل لو كانوا من حلتى او منطقتنا فى امدرمان القديمة لسبب واحد ؛ حكومة الإنقاذ دابت ان ترمى التهم لأبناء دارفور فى كل مشاكلها . 30 سنة والإنقاذ تصور بعض شباب دارفور
بانهم اعترفوا بارتكاب جرائم. هذه المرة الوضع يختلف ؛ ليس من العدل ان لا توجه التهمة لهم بسبب انهم من دارفور.
لكن المجلس العسكرى يلعب بالنار إذا اتضح ان الاتهام كيدى .
برضه انا متاكد ان مجموعة من المحامين الشرفاء سوف يتدافعوا للدفاع عنهم .
اعتقد الحكومة القادمة ستضع هذه القضية من ضمن أولوياتها لان تضرب فى صميم مصداقية المجلس العسكرى المشترك فى ادارة أمور البلاد خلال الفترة الانتقالية
Post: #5 Title: Re: عدد كبير من المعتصمين اولاد دارفور ، ليس غ Author: Abureesh Date: 05-19-2019, 08:02 AM Parent: #4
ابناء دافور او ابناء دار جعل.. هم سودانيين. افرص المعتصمين كلهم من مدينة واحدة.. اليسوا سودانيين. انا قريت ب يوستك ده بس يا النصرى و ما عارف الموضوع شنو
Post: #6 Title: Re: عدد كبير من المعتصمين اولاد دارفور ، ليس غ Author: Deng Date: 05-19-2019, 08:18 AM Parent: #5
أنت برضك بلعت الطعم وحايم بي رواية المجلس العسكري العنصرية؟؟
Post: #7 Title: Re: عدد كبير من المعتصمين اولاد دارفور ، ليس غ Author: Gafar Bashir Date: 05-19-2019, 08:48 AM Parent: #6
تحياتي النصري هذا العنوان غير موفق
Post: #8 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-19-2019, 09:10 AM Parent: #7
اهلا جعفر
ابدأ والله ..الحساسية الشديدة من بعض القضايا يحعلها أكثر صعوبة فى التداول.
انا متاكد اغلبية الشعب السودانى كان (متوقع) المتهمين من دارفور. و دى فى حد زاتا مشكلة.
يعنى ، واكون صريح معاك ؛ لمن نقرأ عن تفحيرات فى اى مكان؛ الجميع يتوقع ان الفاعل هو مسلم .. ده نوع من التنميط ..stereotyping ....
بالنسبة للعنوان ..انا افتكر انى عندى الشجاعة الكافية لتناول مثل هذه القضايا الحساسة و العنوان يعكس واقع يتجنب الكثيرين الخوض فيه لحساسيته ...
الحقيقة قربت اكتب العنوان هكذا (لكن عدلته فى اخر لحظة) معظم المعتصمين من دارفور ليس من المستبعد ان المتفلتين منها .
Post: #9 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 09:20 AM Parent: #8
استعجلت بعنوانك دا
ولستك صادق بربطك تشبيه التنميط بتاع مسلمين وتفجيرات والدارفورين. انت لا تعرف اي شئ عن دارفور علي الاقل الموضوع دا لو بهمك كان تنزل فيدوهات الثوار البتوثق لحظات اطلاق النار عليهم بوضوح
Post: #10 Title: Re: عدد كبير من المعتصمين اولاد دارفور ، ليس غ Author: Abureesh Date: 05-19-2019, 09:21 AM Parent: #8
واللاى يا النصرى انا لفيت فى خيام كتيرة.. و منصات خطابة.. وكنت اسعد انسان ومنشرح الصدر ان ارى اخيرا ناس دارفور و بقية الأقاليم يتحدثون باعلى صوت فى أكبر تجمع فى العاصمة.. و بلهجاتهم المحلية الجميلة. ما اروع هذه المشاهد. استيقنت ان السودان سيظل موحدا و ان الجنوب و الشمال سيعودان الى بعضهما.
Post: #11 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-19-2019, 09:36 AM Parent: #10
نعم يا محمد عثمان الاعتصام ده (والثورة بصورة عامة) وحدت الناس شديد.
تقريبا كل يوم أشاهد عشرات الفيديوهات من الإعتصام بعضها لايف .
لاحظت درجة الوحدة و الانسجام بين الشباب ديل ....
طبب اذا هم نفسهم لا يفرقوا بين بعض ليه نحن نعامل مسألة الانهام دى بحساسية ؟
ظهرت منشورات كتيرة جدا ، فى الفيسبوك و تويتر و معظمها دموع تماسيح دفاعا عن اهل دارفور.
انا ارى اذا المتهمين من دارفور ، عادى جدا لانهم الاغلبية فى الإعتصام تأثيرهم على الأحداث هو الأكبر.
بالاضافة لتهديدات احمد هرون.
مافى داعى للحساسية .
وإذا الاتهامات كيدية ؛ المجلس يبل راسه
Post: #12 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 10:10 AM Parent: #11
نتيجة تحليلك/ تسليمك غير سليمة لانها لم تقوم فرض مستقيم (اغلب المعتصمين من دارفورلذلك تاثيرهم علي الاحداث اكبر ؟) (عدد كبير من المعتصمين اولاد دارفور ، ليس غريب المتفلتين برضه من دارفور ) في الاولي : ليس غريب ( قطع شك ) الثانية: لذلك تاثيرهم اكبر (انا عارف ) لماذا ؟....................... واذا اتضح الاتهامات كيدية حنطالب بتبرئتهم و تعويضهم مبالغ هائلة و الاعتذار لهم . (مراقة متاخرة جدا ) اهم شئ دايرين محاكمة عادلة لان التهم خطيرة (لو اصلا في ايمان بمبدأ التقاضي العادل في داعي للعنوان الذي يثبت الجريمة قبل التحقيق ؟)
بنسأل بس ناس تستعد للفرح المروي بالدم وفي نفس الزمن في واقع يُستخلق من الجديد الي اين ايها السودان ؟
Post: #13 Title: Re: عدد كبير من المعتصمين اولاد دارفور ، ليس غ Author: Abureesh Date: 05-19-2019, 10:27 AM Parent: #12
لا يجب ذكر القبيلة او الجهة.. سودانيون بس
سوداني سوداني سوداني و بس.. هذه يجب ان تكون شعار الهتاف1
لو الله سهل ساكون فى الاعتصام و اهتف بها مساء اليوم
Post: #14 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 10:29 AM Parent: #12
Post: #15 Title: Re: عدد كبير من المعتصمين اولاد دارفور ، ليس غ Author: Abureesh Date: 05-19-2019, 10:38 AM Parent: #14
الفيديو دا بالليل و هسى الدنيا نهار.
يبقى عاجل كيف؟
Post: #16 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 10:42 AM Parent: #15
الفديو قديم الفكرة مساعدة لصاحب البوست ارجاع البصر كرتين للعنوان الطلع بنتائج سابقة التحقيق.
اظن من نشره وقتها كان #عاجل
Post: #17 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 10:53 AM Parent: #15
Quote: يبقى عاجل كيف؟
# تنشنة لمن جايبة موية ! دي ياها ذاتا تقوم من النوم منتظر استئناف المفاوضات وجواك يالله تستر واخيرا يبقي الناس في اول طوبة من بناء صعب ومعقد ويحتاج لزمن وعزيمة ووووووو تلقي العنوان ......الدارفورين منمطين ذي المسلمين والتفجير عشان كدة ما غريب المتفلتين منهم. يلعن ابو سلسفيل ٣٠/٦/١٩٨٩
Post: #18 Title: Re: عدد كبير من المعتصمين اولاد دارفور ، ليس غ Author: Abureesh Date: 05-19-2019, 11:58 AM Parent: #17
يا حامد ردك الاول فهمتو .. لكن الرد التانى على نفس الجزئية علاقته ما عرفتها بعبارة (يبقى عاجل كيف).
Post: #19 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 12:17 PM Parent: #18
التاني قاصد اقول انو الوضع متنشن.
ما فيهو شئ موجه دغري لشخصك اظني مربطو بفكرتي من اول مداخلة
Post: #20 Title: Re: عدد كبير من المعتصمين اولاد دارفور ، ليس غ Author: Bashasha Date: 05-19-2019, 02:25 PM Parent: #19
عوووك يالنصري،
ياخي حرام عليك تقول زي كلامك ده!
البسوي فيهو الجنجويدي ده المغرم بي كراهية "الزرقة" يفضح طريقة تفكيرو كاحد كوادر نظام الفسقة، ولي نغمة وعيو المريض!
ماممكن كل ماحصل شئ كعب مرفوض يقومو يقبضو البسطاء من اهلنا هناك او يملوهم يقولو شنو قهرا!
سئمنا هذا، او ده بطرش ياخي، شئ مؤلم!
بغض النظر حرامي الحمير ده لو معترف انو القتلة خروجو من صفوف جنجويدو، فهذا ادانة له شخصيا وبالتالي هذا يكفي لتنحيه فورا ومن ثم محاكمتو هو شخصيا، لو النظام ده فعلا اتت بيهو الثورة اللي شعاراتا:
حرية.
سلام.
او عــــــــــــــــدالة!
اقلاه هذا يكفي لسحت هذه المليشيا المتفلتة المملوكة لفرد، وممولة بواسطة مخابرات اجنبية، خارج العاصمة!
كلامك اعلاه، عيب!
Post: #21 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-19-2019, 03:14 PM Parent: #20
اهلا كمال بشاشا
البوست ده قائم على افتراض معين ، محاكمة عادلة و قضاة و محامين شرفاء. اذا انتفى الافتراض ده كلامى الفوق ده كله فى القاربيش.
انا بفترض انه فى الأيام القادمة فى حكومة مدنية محترمة سوف تتعامل مع هذه المسألة الشائكة باحترافية.
الاتهام و الفيديو ظهر امس ؛ عند اكتمال التحقيقات (العادلة) هناك احتمالين الأول المتهمين ثبتت ادانتهم فى الجريمة وعندها case closed. الاحتمال الثانى لم تثبت ادلنتهم و حصلوا على براءة، عندها لابد من ادانة كل من اشترك فى المسرحية الهزيلة و محاسبتهم وتعويض مجزي للمتهمين الابرياء .
ا
بعد داك ناتى للقضية الحساسة وهى مساواة الجميع امام القانون. لا يهم اذا كان المتهم من شرق السودان او غربه او شماله او جنوبه. لا يهم إطلاقا.
يعنى فى دولة القانون الجاية لو المتهم من قبيلة معينة ، السلطات ما لازم تتحسس و تتجرس من اتهامه لانه من تلك القبيلة المظلومة ؟
يعنى مثلا لو كان المتهمين من شندى ، هل رد الفعل هو نفسه ؟
بالنسبة للعنقالى حميدتى؛ كلها ايام و نصل و نشوف نهايته ، اديها صنه بس .
Post: #22 Title: Re: عدد كبير من المعتصمين اولاد دارفور ، ليس غ Author: Bashasha Date: 05-19-2019, 03:33 PM Parent: #21
Quote: البوست ده قائم على افتراض معين ،
النصري،
طيب مالاشكال كلو في افتراضك ده!
كيف هناك عدد كبير في سوح الاعتصام من الدفعو الثمن الاكبر او زرعو بذرة الثورة دي، فهل هذا يعني ماعنيت؟
ليه ما يكون العكس؟
نعم اذا غالبية المعتصمين من اقليم بعينه، فطبيعي الوعي الثوري اعلي هناك، واذا ده حاصل، فبالمنطق الجناة ماممكن يكونو من بؤرة الوعي الانجب الثورة دي!!
واضح، ده مسلسل بايخ سئ الاخراج سيرا علي نهج نظام القتلة النازي الجهوي القبلي الابارثيدي، بقيادة ابرز ادوات وخريجي هذا النظام اي حرامي الحمير، الحاكم الفعلي بامر مخابرات الاعراب!
ماتنسي حمرتي لما مشي القيادة العامة، قالو امتعض من العدد المهول لل"الزرقة" هناك!!
واضح او من دون اي ادلة، ده ملعوب ولكن بغباء حرامي حمير!!
Post: #23 Title: Re: عدد كبير من المعتصمين اولاد دارفور ، ليس غ Author: حامد عبدالله Date: 05-19-2019, 05:33 PM Parent: #22
المسرحية سيئة الإخراج عن احد من المتهمين منقول تويتر @AhmedmusstafaMr
بالمناسبة الولد ده اتكلم أمس في واحدة من منابر القيادة وقال برهان كوز وبرهان غير العساكر في البوابات ونحن كضباط صف واقفين معاكم بس الناس ديل ضاغطننا وبعد خلص الناس رفعتو فوق وهتفوا معاه. كلام يمحن طوالي قبضوه ولبسوه تهمه. تعظيدا لكلامي في ناس صوروه أمس الساعة ١١ مساء
اللنك اعلاه
Post: #24 Title: Re: عدد كبير من المعتصمين اولاد دارفور ، ليس غ Author: Abdullah Idrees Date: 05-19-2019, 09:54 PM Parent: #23
النصري سلام يا اخي المسألة ليست خاضعة لفرضيات الاحصاء السؤال البديهي : لييه ناس من دارفور يعملوا كده ، لييه ثوار يكتلوا ثوار واقفين معاهم في نفس الخط ؟ المتهمين ديل عندهم اهلهم شايلين سلاح ضد الحكومة من 16 سنة ، صعبة يمشوا يشلوا معاهم سلاح لو دي طريقتهم في النضال ؟ دي مسرحية ما بتخش الراس كلو كلو وهي حلقة في مسلسل الغباء الكيزاني الاسطوري .. كم مرة دخلنا زي الفيلم ده ؟ نفس " الممثلين" ونفس المخرج ونفس المؤلف ونفس الجمهور .. الدعم السريع هو القاتل وحميدتي هو المستفيد الاول من هذا الفيلم الفاشل ..
Post: #25 Title: Re: عدد كبير من المعتصمين اولاد دارفور ، ليس غ Author: كمال عباس Date: 05-20-2019, 01:21 AM Parent: #24
...
Quote: عدد كبير من المعتصمين اولاد دارفور ، ليس غريب المتفلتين برضه من دارفور
بمنطقك دا عدد كبير من المعتصمين اولاد الشرق وعدد كبير من المعتصمين أولاد الشمال -- وعدد كبير من المعتصمين أولاد الوسط - أو الخرطوم ؟ كردفان مثلا! من أتيت بفرضية أن عدد كبير من المعتصمين اولاد دارفور - اولاد دارفور دون غيرها من أقاليم وجهويات السودان؟ لماذا دارفور دون غيرها لها أغلبية و حضورأكبر في الإعتصام وبالتالي حضور أكبر في التفلت؟ هناك جهات مسلحة أطلقت الرصاص والعنف المفرط فماهو دليلك بأن الرصاص والنار مصدرها معتصميين أو ثوار؟ أليس ممكنا كم تشير بعض الأدلة أن تكون كتائب ظل أو دعم سريع أو قوات نظامية؟ أو جهاز الأمن؟ تاريخ الثورة منذ ديسمبر وحتي الآن يقول أن الشرطة أطلقت نار وجهاز الأمن إغتال الثوار وكتائب الظل ولغت في الدم ولكن لم يثبت أن الثوار فعلوا هذا... * في يناير الماضي أعلنت السلطة وأجهزتها الرسمية أن من يمارس العنف والقتل هم خلايا عبد الواحد والموساد ! ** وبطبيعة الحال أدرك الشعب بحسه الوطني السوي ووعيه العالي إن هذه فتنة تهدف لشق الصف الوطني وتمزيق النسيج الإجتماعي ...
وخرج بهتاف يالعنصري المغرور كل البلد دارفور ! ...
Post: #26 Title: Re: عدد كبير من المعتصمين اولاد دارفور ، ليس غ Author: Arif Nashed Date: 05-20-2019, 02:26 AM Parent: #25
الموضوع لا يحتاج لاي فرضيات وهو واضح كالشمس في كبد النهار ... مواطن دارفوار الحيطة القصيرة وشماعة انتهاكات قوات الجنجويد وممارساته القذرة ... موضوع عنصري قح ...
Post: #27 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-20-2019, 04:24 AM Parent: #26
الاخ كمال اتخايل لى انت لا تقرأ كل المداخلات و تكتفى بالعنوان و طرف الخيط.
يا اخى لو قرات كل مداخلاتى فى البوست لفهمت ماذا اقصد و ممكن ألخص ليك الفكرة مرو تانية (ما تنسى انه هذا راى انا)
اولا ..انا اظن ان وقود الثورة السودانية فى الشارع هم أبناء دارفور لاسباب بسيطة و منطقية إقليم اتعرض لكارثة إنسانية لفترة طويلة جدا ..النتيجة نزوح الملايين من مناطقهم ، الخرطوم طبعا استقبلت اعداد كبيرة جدا منهم. ثانيا هؤلاء الشباب politically motivated لانهم عاشو الجحيم بنفسه ؛ يعنى الحماس الثورى عند الشاب الدارفورى اكثر من الشاب السودانى العادى من بأقى مناطق السودانى ، ما تسالنى من أتيت بالمعلومة لان الإجابة هى المنطق يقول ذلك .
للمرة الثانية هذا راى انا ، الشاب الدارفورى ناضج سياسيا اكثر من نظيره و نسبة المشاركة بينهم اعلى من غيرهم من باقى المناطق.
بالتالى طالما هم الأكثر حماسا والاكثر ثورية فنسبة مشاركتهم فى الحراك عالية جدا ، دليلى الوحيد هو مراقبة فيديوهات المواكب خاصة امدرمان .
ده الجزء الأول من البوست . الجزء الثانى ؛ فى وجود العدالة القانونية لايهم من اى جهة ينتمى المتهمين ، اذا من دارفور خلاص من دارفور بدون حساسية و كذاك الحال مع باقى المناطق. موش لان المتهمين من دارفور نقعد نقول لا لا لا ديل مستضعفين ديل مساكين ديل كبش فداء ..مافى حاجة اسمها الانقاذ دائما تتهم أبناء دارفور بالباطل و نحن يجب علينا ات لا نفعل ذلك. فى وجود القانون و دولة الحقوق الناس كلها متساوية . بعدين ماتنسى دموع التماسيح الذبن يتظاهرون بالتعاطف مع القضية الدارفورية ديل اكتر ناس تجدهم يصرخون تجاه اتهام ابناء دارفور.
النقطة الاخيرة ولاحظ انا بفترض وجود تحقيق عادل و قضاء مستقل ؛ اذا اللجنة قالت المتهمين من دارفور ، اوكى ، المحاكمة العادلة (فى وجود الحكومة المدنية المتوقعة) سوف تثبت صحة الاتهام .
Post: #28 Title: Re: عدد كبير من المعتصمين اولاد دارفور ، ليس غ Author: كمال عباس Date: 05-20-2019, 01:03 PM Parent: #27
أخ نصري صباح الخير
Quote: الاخ كمال اتخايل لى انت لا تقرأ كل المداخلات و تكتفى بالعنوان و طرف الخيط.
يا اخى لو قرات كل مداخلاتى فى البوست لفهمت ماذا اقصد
أولا ليس هناك مايثبت بأن أبناء دارفور في ميدان الإعتصام - أكثر أو إقل من غيرهم من جهويات وأقاليم السودان المختلفة - ليس هناك إحصاء - أودراسة تدعم كلامك وليس هناك مايدل علي أقل أو أكثر إلتزاما بالسلمية ! ثانيا وهذا هو الأهم هات مايثبت أن الرصاص والقتل مصدره معتصميين أو ثوار؟ لماذا تعتمد علي تمثلية القوات النظامية والدعم السريع التي عرضت علي الإعلام ؟ قال أحد المتحدثيين حرفيا: إن من أطلقوا النار عسكر سكنو مع المعتصميين وقدمت المخدرات وأشياء أخري يعف اللسان عن ذكرها) هل وبعد يوثق أو تعتمد علي إفادات هولاء؟ قلنا هناك جهات مسلحة أطلقت الرصاص والعنف المفرط فماهو دليلك بأن الرصاص والنار مصدرها معتصميين أو ثوار؟ أليس ممكنا كم تشير بعض الأدلة أن تكون كتائب ظل أو دعم سريع أو قوات نظامية؟ أو جهاز الأمن؟ تاريخ الثورة منذ ديسمبر وحتي الآن يقول أن الشرطة أطلقت نار وجهاز الأمن إغتال الثوار وكتائب الظل ولغت في الدم ولكن لم يثبت أن الثوار فعلوا هذا...
Post: #29 Title: Re: عدد كبير من المعتصمين اولاد دارفور ، ليس غ Author: Omer Abdalla Omer Date: 05-20-2019, 01:19 PM Parent: #28
الناس لازم تتعود على الوضع دا من الأن فصاعدا. الثورة هذه مناط بها تصحيح الصورة. أنت ترى الأغلبية الطبيعية للشعب السوداني. ما تراهم ليس ناس دار فور فقط و لكن من كردفان و النيل الأزرق و كل السحنات التي كانت مغيبة الطبيعي أن غالبية السكان تكون ظاهرة في اي تجمع. هذا المشهد الذي سيسود حتى في تركيبة الحكومات و الجيش و الضرائب و كماسرة القطارات. عود نفسك يا حبيب
Post: #30 Title: Re: عدد كبير من المعتصمين اولاد دارفور ، ليس غ Author: النصرى أمين Date: 05-20-2019, 05:50 PM Parent: #29
با عزيزى كمال عباس عليك الله ركز معاى شوية. انا قلت ده رأى الخاص ، و اعدت الجملة عدة مرات. يعنى ممكن زول يقول الحراك ده غالبية الثوار ترزية و صرح بانه هذا رأيه.
واضح الرأى ده عبارة عن (ظن) وصل ليه نتيحة لقراءات معينة. من غير إحصاءات او دراسات.
انا اظن اعتقد ارى ان أبناء دارفور هم وقود هذه الثورة. اعيد الجملة ثانية. انا اعتقد و اظن و ارى believe , think , assume ان نسبة الثوار من دارفور اكثر من غيرهم من باقى المناطق.
و بعد ذاك ذكرت ليك كيف (وصلت ) أنا للرأى ده .
انتهينا من النقطة الاولى ------------------------
فى وجود حكومة مدنية ديمقراطية و قضاء عادل (ان شآء آلله خلال ساعات) فى وجود هذه للحكومة ستتم محاكمة متهمين ادعت الحكومة الحالية المؤقتة انهم وراء اغتيال نفر من أبناء الشعب السودانى.
الحكومة المدنية ستحكم ببراءة او إدانة المتهمين . بإختصار انا افترضت، رغم ان الإتهام جاء تحت ظل حكومة عسكرية الا ان المحاكمة ستكون بإشراف حكومة مدنية ديمقراطية شريفة (وده المهم)