Post: #1
Title: أكذب المرجفون وإن صدقوا
Author: طلحة عبدالله
Date: 05-18-2019, 06:51 PM
Parent: #0
06:51 PM May, 18 2019 سودانيز اون لاين
طلحة عبدالله-
مكتبتى
رابط مختصر
أدى المعتصمون صلاة الجمعة أربع مرات بما فيهن جمعتين صيام تحت
الشمس الحارقة ولامست جباههم الوضيئة تراب القيادة العامة المطهر
بحرارة تجاوزت ال 40 درجة وناجوا خالقهم في ركوعهم وسجودهم
بأن يمنن على الوطن بالحرية والسلام والعدالة وهي مفردات مستوحاة
من أسماء الله الحسنى التي يحفظونها في قلوبهم قبل عقولهم، بينما لاذ
المرجفون بالمكيفات الباردة في المساجد خمسة نجوم قبل أن يخرجوا
ليتصايحوا رافعين شعاراتهم الحنجورية الكذوبة منادين بالإسلام وكأنهم
يجولون بشوارع مكة أيام الجاهلية، وليس في شوارع الخرطوم التي عرف
أهلها الإسلام والتدين قبل الثورة المهدية عندما كانت تقابة أرباب العقائد
تنير عقول الناس بالتصوف وتعبد طريقهم إلى الله.
الذين خرجوا في مسيرات الفتنة منادين بالشريعة ودين الله هم ذاتهم
الذين قبعوا في كهوف الصمت البئيس عندما كانت هذه الشريعة تتقاذفها
أمواج العبث والأهواء من تجار الدين الذين اتخذوها جسرا للعبور به إلى
مصالحهم يبتغون اكتناز الثروات وركوب الفارهات وتشييد العمارات،
والتمتع بالمطايب والملذات من كل صنف ونوع، في حين يموت المئات
جوعا وقهرا في أصقاع الوطن الحزين، ويغوص مثلهم في وحل الجهل
والتخلف متكدسين في خيام النازحين عراة حفاة تطاردهم آفات المرض
ويتربص بهم المستقبل البهيم، فما الذي جعل هؤلاء يستيقظون فجأة من
سباتهم العميق إن لم يكن الخوف على مصالحهم التي أوشكت على
الغرق مع سفينة عهد الطاغوت ؟.
انتهى عهد تزيين الشعارات الدينية ومكيجتها بالخطب الرنانة والمفردات
الجهادية لشحذ مشاعر البسطاء ولم يعد أحدا يصدق دعاوى المتأسلمين
وإن صدقوا بعد أن جربوها وعاشوها لمدة ثلاثة عقود عجاف مفعمة
بالإحباط وحاشدة بالتدليس والنصب والاحتيال من ذات فصيلة التماسيح
الذين جاءوا إلى كراسي الحكم مشرعين للدين مراكب النفاق والخداع
وتغبيش الوعى فما ربحت تجارتهم وكانوا من الغارقين، وقد أكذب المرجفون
وإن صدقوا .
|
Post: #2
Title: Re: أكذب المرجفون وإن صدقوا
Author: محمد البشرى الخضر
Date: 05-18-2019, 07:08 PM
هععععع
تنظير ثائرا :)
|
Post: #3
Title: Re: أكذب المرجفون وإن صدقوا
Author: طلحة عبدالله
Date: 05-18-2019, 07:18 PM
Parent: #2
ومال شنو عشان ساكتين ليكم من زمان
ساي ومعدينها كلها لعب ولهو وجرجرة مع
المزوطين ؟؟
والله تكتروا كلامكم هسة أمشى أزح ليكم
الأصم دا وأقعد مكانو في كرسى المفاوضات
يا جماعة أنا لو قمت صعب .. خخخخخخخ
|
Post: #4
Title: Re: أكذب المرجفون وإن صدقوا
Author: عبداللطيف حسن علي
Date: 05-18-2019, 08:16 PM
Parent: #3
بعد شفنا كذبهم بعين قوية ومحاكاة شعارات الثورة
زي القرود ـ قلت مدد رجليك يا ابا حنيفة
مقالك جميل مضمونا وترتيبا
ليه بدون
يتبع !
|
Post: #5
Title: Re: أكذب المرجفون وإن صدقوا
Author: Gafar Bashir
Date: 05-18-2019, 08:36 PM
Parent: #4
| Quote: يا جماعة أنا لو قمت صعب .. خخخخخخخ |
اكعب من الاصم زاتو بس انتو ماعارفين
يا ود البشري البحصل ده بالله ما بنطق الحجر
|
Post: #6
Title: Re: أكذب المرجفون وإن صدقوا
Author: طلحة عبدالله
Date: 05-18-2019, 08:50 PM
Parent: #4
الله يكرمك يا عبداللطيف ...
الذ حاجة الجماعة ديل سرقوا خلفية صلاة الجمعة
بتاعت الثوار في القيادة العامة ولصقوها في البوستر
بتاعم وكتبوا عليها مليونية النفاق .. ااااقصد البتاع بتاعم دا ..
الناس ديل قوة عينم تدشدش صخور الجبال ياخ .
|
Post: #7
Title: Re: أكذب المرجفون وإن صدقوا
Author: طلحة عبدالله
Date: 05-18-2019, 09:01 PM
Parent: #6
يا جعفر ناس جرجير الكلام دا كبير عليهم
هسة تلقاهو ما فهم أية حاجة لكن طبعا لازم
يتشوبر ويقول أنا موجود ..
ديل هم ذاتم المندسين العايزين يخربوا الثورة
لكن هيهات خخخخخخخخخخخخخ
|
|