داعش في السودان يدعو ويعمل لضم الكيزان وسواقط الحركة الاسلامية والمشعبويين تحت جناحه ويغازل حزب الامة .. ويهدد برهان وحميدتي.. وينعي الاسلام ويبيع السبح والطواقي
Post: #2 Title: Re: داعش في السودان ... Author: عبداللطيف حسن علي Date: 05-16-2019, 02:47 PM Parent: #1
مرة صديقي دكتور في التجاني الماحي
هو عبدالله عابدين طلبت منه شوية حبوب بتاعة المجانين
لاني مابقدر انوم يوم كامل ، المهم حذرني بلهجة شديدة
وقال لي ، هاك ديل خمسة ، تبلع نص حبة بس !
اذكر اني كنت في بيت الجيران المقابل لنا وكان انقلاب
ضباط رمضان وصوت موسيقي عسكرية في التلفزيون
بلعت الحبة وماقدرت انوم ومنتظر بيان الانقلاب حوالي 12 ظهرا
المهم لما صحيت وكنت وحدي الساعة 12 ليلا !
ذهبت الي البيت وشعور بالانهيار التام ونمت تاني
حتي تاني يوم الساعة 3 ظهرا !
من هناك وطوالي علي الحمام رميت باقي الحبوب
اتاريهو الجن دا صعب للدرجة دي ؟!
هسي المخبول في الفيديو بتاعك دا بهناك للجنون بمراحل
توصيهو بكم حبة ؟
Post: #3 Title: Re: داعش في السودان ... Author: Yasir Elsharif Date: 05-16-2019, 03:42 PM Parent: #2
سلام يا حيدر الزين وعبد اللطيف
تصور يا حيدر أن البرهان التقى محمد علي الجزولي دا لمدة ساعة ونصف؟؟ ويبدو أنو صلى بيهم إمام لأن إحدى الصور كانت وعبد الفتاح البرهان حافي القدمين.
غايتو الدين دا ممكن يكون حاجة خطرة لأبعد درجة. الهوس الديني يتطلب العلاج. شوف بتاع بوكو حرام كيف يبرر لخطف 100 بنت من مدارسهم. ابحث عن المنهج الديني الذي درسه هذا المهووس تجده يقودك نحو السعودية الوهابية.
Post: #4 Title: Re: داعش في السودان ... Author: Asim Ali Date: 05-16-2019, 06:03 PM Parent: #3
هذا الكائن كانفى المنصه امس فى مؤتمر قاعه الصداقه بتاع عبدالحى ولو لاحظتو كان من ناس المنصه الظاهر دا افطار مصاحب للقاء المهووسين هذا
Post: #5 Title: Re: داعش في السودان ... Author: Mahjob Abdalla Date: 05-16-2019, 08:06 PM Parent: #4
Quote: غايتو الدين دا ممكن يكون حاجة خطرة لأبعد درجة
ليس الدين و لكن الخطاب الديني خطير و فعال مثل النووى و الطريقة الوحيدة لمحاربته هو اعتدال الخطاب الليبرالي بحيث يمكن تحييد المتشددين.
Post: #6 Title: Re: داعش في السودان ... Author: ترهاقا Date: 05-16-2019, 08:12 PM Parent: #5
يجب كبح جماح هؤلاء الداعشيين في السودان ، وإخطار المجتمع الدولي والقائم بالاعمال ألأمريكي عن خطورة هؤلاء الداعشيين من أمثال عبد الحي يوسف والجزولي قبل أن يستفحل الأمر
Post: #7 Title: Re: داعش في السودان ... Author: Mahjob Abdalla Date: 05-16-2019, 09:37 PM Parent: #6
Quote: وإخطار المجتمع الدولي والقائم بالاعمال ألأمريكي
الامريكان عارفين كل شئ و بكرة لو مشي السفارة الامريكية بدوهو تأشيرة لدخول امريكا كمان.
Post: #9 Title: Re: داعش في السودان ... Author: Yasir Elsharif Date: 05-18-2019, 00:25 AM Parent: #7
د. محمد علي الجزولي - الأمين العام لتيار نصرة الشريعة يدعو الي ضرب امريكا 9.658 Aufrufe 96 349 Teilen Speichern سودانيزاونلاين:Sudanese Online Am 17.05.2019
ــــــــــــــــ هذا فيديو قديم ولكنه مهم
Quote: Quote: وإخطار المجتمع الدولي والقائم بالاعمال ألأمريكي
الامريكان عارفين كل شئ و بكرة لو مشي السفارة الامريكية بدوهو تأشيرة لدخول امريكا كمان.
سلام يا محجوب يا ترى ما هو تفسيرك لقولك الأخير بأنو لو مشى السفارة الأمريكية يدوهو تأشيرة لدخول أمريكا كمان؟؟
نحن نعرف أن الأمريكان أعطوا الشيخ عمر عبد الرحمن تأشيرة دخول لأمريكا من السفارة الأمريكية في السودان.
Post: #8 Title: Re: داعش في السودان ... Author: Abdullah Idrees Date: 05-16-2019, 09:37 PM Parent: #6
الناس ديل كلهم عندهم ملفات جنائية خطيرة جدا مفروض يفتحوها ليهم زي موضوع داعش بتاع الجزولي وموضوع بن لادن بتاع عبدالحي ده غير تهم اثارة الكراهية اميارح في مسيرتهم هتافاتهم كانت مثيرة للكراهية (الشيوعيين اعداء الله ، اليسار عدو الله ) .. ده غير اتهامات الفساد ، عبدالحي ده استاذ جامعي ساي من وين البيوت والقنوات الفضائية والترطيبة دي ؟
Post: #10 Title: Re: داعش في السودان ... Author: Mahjob Abdalla Date: 05-20-2019, 06:22 PM Parent: #8
Quote: سلام يا محجوب يا ترى ما هو تفسيرك لقولك الأخير بأنو لو مشى السفارة الأمريكية يدوهو تأشيرة لدخول أمريكا كمان؟؟
سلام ياسر كلامي فيهو جزئين. الجزء الاول: امريكا عارفة كل شئ يقال عنها و خصوصا الذين يهددون بقتل الامريكان و اظنك تتفق معي في هذه الجزئية الجزء الثاني: "لو" يعني لو هذا الرجل بعد كل الذي قاله, اختار ان يذهب الي امريكا (و لن يفعل) فتأكد انو الامريكان ممكن يمنحوه التأشير لكن عند وصوله للمطار سوف يجد كل تسجيلاته مع ضابط الهجرة و بالثابتة سوف يذهب طواعية الي غوانتانمو.
Post: #11 Title: Re: داعش في السودان ... Author: HAIDER ALZAIN Date: 05-20-2019, 10:42 PM Parent: #10
الملاحظ ليها الدواعش ديل يجدوا سند وتغطية اعلامية خاصة من قناة الجزيرة ..
رغم كل شئ اجد في حصار قطر واتهامها بالارهاب خطوة جيدة جادة ... ضد الدخول في سياسة المحاور لكن ان كان الحياد يعني علاقات طبيعية مع قطر فمرحباً بمحور السعودية والامارت ضد الارهاب والاخوان ..
اعلم يا الحبيب ياسر الشريف بان التفريخ والتسمين والمرتع لكل من هم في لستة دواعش ومتطرفي وتكفيريي وسلفية السودان كان عن طريق السعودية ومش السودان بس بل العالم اجمع .. لكن اعتقد تفقيسهم في السعودية والخليج مرده لاسباب عديدة ومتداخلة في حينها واحد من اسبابها الحرب الباردة اعتقد الان موقف السعودية اختلف تجاههم جميعا واصبحت اشد عليهم وبأسها فيهم شديد ..! هل أبارك التغيير في السياسة السعودية والرباعي كحليف اقليمي ضد المتطرفين ؟؟؟ نعم .. لكن وفق فقه من يملك قوته يملك قراره فلنكرب نفسنا لدرجة ماتحوجنا .. ما نحتاج منّة من احد وسيُهزم هؤلاء الضلالية خفاقيش الدين وينزعوا من السودان انتزاعاً بدعم دولي واقليمي ويحملوا بقجهم الي تركيا وقطر واوكار تشبههم
Post: #12 Title: Re: داعش في السودان ... Author: HAIDER ALZAIN Date: 10-14-2019, 06:56 AM Parent: #11