دبابيس من صحف اليوم 14 مايو 2019 م

11:32 AM May, 14 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
🐒 حركة قردية بنت 60 كلب:
👈 كلنا سمعنا علي عثمان يهدد في التلفزيون بانه عنده كتائب ظل مستعدين يحموا النظام ولو أدى ذلك في موتهم ، وكلنا سمعنا الناجي عبدالله في مسجد الجامعهة يهدد ويتوعد وقال باسلحتنا العندنا ،
ثم بالاضافة لهؤلاء كلنا نعلم بأن علي كرتي شغال حشد وتجهيز ومن قبله عبدالحي سعى للحشد وكذلك محمد المصطفى عبدالقادر الذي سلح حتى الاطفال سن تمانية وعشرة سنين زد على ذلك سلاح جهاز الامن وسلاح الامن الشعبي وسلاح القوات الخاصة بتاعت الدفاع الشعبي وناس بكير.....
هذا بالاضافة لمجموعة المنتفعين والمحتالين حول الرئيس
ديل كوللللهم ماليهم مصلة في أن يتم اتفاق وينتهي الأمر بتسليم السلطة للشعب لأنهم كلهم عارفين راي الشعب فيهم وعارفين المصيره الجنائية فهو آتيها لا محالة ومن كان نصية محليا فسينال العقاب من غير
📌 والله الصبة القدام القيادة دي تاني بي أخوي واخوكم ماااا اظنها تتشال لكم
.ه.
.ه.
📰 الوطن:
👈 اتفاق بين "العسكري" و "الحرية والتغيير" على هياكل الحكم
📌 لكن هسع دا اتفاق على هياكل والا على جماجم وأشلاء ؟
.
📰 الوطن:
👈 النيابة تتهم البشير بالاشتراك والتحريض في قتل المتظاهرين
📌 لا توجد رزييلة البشير لم يشترك فيها أو يحرض عليه ؟
.
📰 الوطن:
👈 الصادق المهدي في حوار اليوم مع "صالون سيد أحمد خليفة..
📌 ما تنسوا تبخروا له الصالون وتختوا له على الطاولة كتاب بعنوان (الثورة المقنعة)
.
📰 الجريدة:
👈 مقتل مواطن وإصابة”8″ أشخاص بالرصاص الحي والدهس وسط المعتصمين
📌 يعني نفس الناس العملوا الحاجات دي ايام البشير والا وكيف؟
.
📰 الجريدة:
👈 الثوار يصعدون واختراق في المفاوضات
📌 من زمان قلنا لهم الفورة مليون
.
📰 الجريدة:
👈 احتجاجات في أحياء الخرطوم بسبب انقطاع المياه
📌 بي سبب المياه دي في القضارف قربت تقع حرب اهلية
.
📰 الجريدة:
👈 حسنين: الإنقاذ باقية والبشير حل محله المجلس العسكري
📌 الله في والناس صابينها
.
📰 الجريدة:
👈 علي محمود يحذّر من السماح لقيادات انقلاب الإنقاذ بالهروب
📌 يهربوا وين هو مكان تاني بي يقبلهم غير البلد الهاملة دي ؟
.
📰 الجريدة:
👈 ممرضو الذرّة يدخلون في إضراب احتجاجًا على تحضير الجرعة الكيميائية
📌 حقو تجربوا معاهم سلاح الاضراب عن الطعام
.
📰 التيار:
👈 “التيار” تورد أدقّ المعلومات حول هروب”العباس” و”كاشا”
📌 يعني خلاص هربوا ؟ طيب كويس
.
📰 الجريدة:
👈 النيابة العامة توجه اتهامًا للرئيس المخلوع بقتل المتظاهرين
📌 قتل المتظاهرين بس ؟ المخلوع دا قتل حتى الأمل في غير المتظاهرين
.
📰 الجريدة:
👈 اتفاق على مهام وسلطات مستويات الحكم الانتقالية
📌 طيب منتظرين شنو؟
.
📰 الجريدة:
👈 إغلاق كبري المك نمر لساعات يشلّ الحركة في الخرطوم
📌 الخرطوم حركتها مشلوله من يونيو 1989
.
📰 الجريدة:
👈 التغيير تقترح”7″ مدنيين و”4″ عسكريين للمجلس السيادي
📌 سنة يا المربوطة (معليش للناس ال مابعرفوا الكشتينة)
.
📰 الجريدة:
👈 مطالبات بإقالة نائب العضو المنتدب بكنانة
📌 كنانة دي عاوزة شغل كتيييير
.
📰 الجريدة:
👈 النيابة تفتح بلاغات في مواجهة كل من نفذّ وخطط وشارك في انقلاب الإنقاذ
📌 ياريت الأحياء منهم والأموات
.
📰 أخبار اليوم:
👈 إستشهاد ضابط وإصابة ثلاثة من الجيش وعدد من الجرحي بين المعتصمين
📌 أها هسع ديل نقول عنهم شنو؟ ضربوهم اخوانهم والا انتحروا والا فية جهه أخرى ضربتهم؟
.
📰 أخبار اليوم:
👈 المجلس العسكري: جهات أزعجها تقدم مفاوضاتنا مع قوي الحرية و التغيير دخلت منطقة الاعتصام لإجهاض اي اتفاق
📌 والله المنطق بيقول كدا ، لكن كمان المنطق بي يقول الناس مفروض تكون عارفة دخلوا كيييف
.
📰 أخبار اليوم:
👈 نائب رئيس المجلس العسكري الإنتقالي يخاطب الضباط وضباط الصف والجنود بمنطقة وادي سيدنا العسكرية
📌 إذا هبت رياحك فاغتنمها
فعقبى كل خافقة سكون ..
ولا تغفل عن الإحسان فيها ..
فما تدري السكون متى يكون ..
.
📰 الانتباهة:
👈 وصول باخرة محاليل وريدية لبورتسودان
📌 يلا هسع تجي الحكومة العميقة توزعها وتخليكم تتلفتوا
.
📰 الانتباهة:
👈 إقالة المدير العام لتوزيع الكهرباء ونائبه
📌 في 60
.
📰 الانتباهة:
👈 شركات أدوية تقلّص نشاطها وانعدام دواء الأمراض النفسية
📌 أمممك يعني هسع المخلوع وجماعته لو جاتهم نفسيات ، الا يشربوا حرجل والا كيف
.
📰 الانتباهة:
👈 قوى الحرية: الاتفاق مع “العسكري” مهدد بسبب التعدي على المعتصمين
📌 وهو الأمر الذي يسر الحاقدين المرجفين
.
📰 الانتباهة:
👈 نيابة الثراء الحرام تحقق مع حسين خوجلي
📌 حققوا معاهو وحققوا مع ميتينو ذاتو
.
📰 السوداني:
👈 سقوط”5″ شهداء وإصابة أكثر من”100″ في إطلاق نار على المعتصمين
📌 خلاص قامت الحركات بتاعة التاتشرات بدون أرقام ؟
.
📰 السوداني:
👈 المهدي: “الحل الأمثّل” هو تسليم البشير للجنائية
📌 دا كلام عبارة عن (جرتق) عدييييل لا بوخة مرقة ولا نفسين شيشة
.
📰 السوداني:
👈 السودان يدين عمليات تخريب سفن تجارية في المياه الإقليمية للإمارات
📌 يعني ،،، نديين نعم لكن أكتر من كدا ما عندنا
.
📰 السوداني:
👈 البرهان يتسلّم دعوة الملك سلمان للقمة الإسلامية بمكة المكرّمة
📌 بصفته شنو؟
.
📰 الرأي العام:
👈 حميدتي: البلاد ستتجاوز المرحلة بعزيمة شعبها والقوات النظامية
📌 ان شاء الله
.
📰 الصيحة:
👈 البرهان: جهات مندّسة أطلقت النار على المتظاهرين والقوات المسلّحة
📌 مندسة في جوف الكلام مندَسّة
ماضُقتَ الرحيل وِكتين يباغت خِلسة
زي غلب الضفاف صاب البلد في كبدو
.
📰 الصيحة:
👈 لواء بالجيش: قناصة أعلى جسر النيل الأزرق أطلقوا الرصاص
📌 قناصة تبع جهة حكومية يعني والا تابعين لي (وليم تيل) مثلاً ؟
.
📰 الصيحة:
👈 إبراهيم الشيخ: المطلوب تفكيك الدولة العميقة”صامولة صامولة ومسمار مسمار”
📌 صامولة شنو والله كان لمينا فيهم الصامولة ذاتها نفك منها القلووظ نخليها ملساء
.
📰 الصيحة:
👈 الحرية والتغيير: إذا لم تحسم محاولات فض الاعتصام فلن يتم التوصّل إلى اتفاقٍ سياسي
📌 اذا لم تحسم مااا خلاص معناتها البتاعة ضربت في الهناي وبوظت الشغلانية بالكامل
.
.
📌ابووضاح 📌