Post: #1
Title: كشه كبيرة للضباط الاسلاميين فى القوات القوات المسلحة
Author: النصرى أمين
Date: 05-14-2019, 04:01 AM
04:01 AM May, 13 2019 سودانيز اون لاين
النصرى أمين-كالغرى, كندا
مكتبتى
رابط مختصر
مصادرنا تقول ان هناك كشف اعفاءات كبير يطلع بكره الثلاثاء
يضم كبار الإسلاميين فى القوات المسلحة.
.
.
..
.
.
(كشف اخر غير الذى صدر اليوم الإثنين)
|
Post: #2
Title: Re: كشه كبيرة للضباط الاسلاميين فى القوات ال
Author: Asim Ali
Date: 05-14-2019, 04:15 AM
Parent: #1
الفى الجيش ديل موضوعهم هين المشكله فى المليشيات وكتائب الظل العندها السلاح والزى العسكرى وتسرح وتمرح وتشكل تهديد حقيقى للسلطه الانتقاليه حتى لو تم اتفاق واعلنت الهياكل الثلاث خلال ايام .
|
Post: #3
Title: Re: كشه كبيرة للضباط الاسلاميين فى القوات ال
Author: النصرى أمين
Date: 05-14-2019, 04:19 AM
Parent: #2
اهلا عاصم ..
احتمال ناس المجلس العسكرى بقو زى عمك جحا.
وقعت منه حاجة فى الظلام مشى يفتش فيها مكان مضيئ.
الدولة العميقة فى كل مكان لديهم المال الوفير و السلاح .
اتخايل لى الإعفاءات دى اسهل حاجة ممكن المجلس يعملها لانها عملية واضحة غير معقدة.
|
Post: #4
Title: Re: كشه كبيرة للضباط الاسلاميين فى القوات ال
Author: Mutasim Idris
Date: 05-14-2019, 05:16 AM
Parent: #3
يالنصري اخوي ده زر رماد في العيون.
الجيش بكل فروعه اثبت تخازله في القيام بالمهمه والدور الاساسي
ليه بحماية شعبه وفشل حتي عن الدفاع عنهم امام عتبات بابه. جيش من ورق.
انا عندي الليله الجيش والجنجويد والشرطة والامن كوووولهم اعداء
للشعب وكلهم متامرين علينا. طال الزمن او قصر ح نستلم حكمنا وسلطتنا ولحظتها الحساب ولد.
|
Post: #5
Title: Re: كشه كبيرة للضباط الاسلاميين فى القوات ال
Author: النصرى أمين
Date: 05-14-2019, 05:43 AM
Parent: #4
سلام يا معتصم
الجيش السودانى تعبان و مبهدل و مقطع و تم استبداله بقوات
موازية (دعم سريع كتائب ظل ، دفاع شعبى امن طلابى الخ)
الجندى فى القوات المسلحة تلقاه مبشتن و معولق و البوت قديم مقدود وملابس رثه و مرتبات يادوب تكفى الرمق بينما كبار الضباط فى نعيم عدن .
البلد دى محتاجة شغل تقيل عشان تستعدل.
الشرطة السودانية احسن شوية (ما كتير) لكن برضه اصابها التهميش.
المنقه كلها عند حميدتى .. نقاطة شغالة من السعودية و الامارات.
نقاطة جايه من الإتحاد الأوروبى.
و جبل كامل ينتج الاف الأطنان من الذهب بمساعدة الروس.
|
Post: #6
Title: Re: كشه كبيرة للضباط الاسلاميين فى القوات ال
Author: Mutasim Idris
Date: 05-14-2019, 05:51 AM
Parent: #5
Quote: الجندى فى القوات المسلحة تلقاه مبشتن و معولق و البوت قديم مقدود وملابس رثه و مرتبات يادوب تكفى الرمق بينما كبار الضباط فى نعيم عدن .
|
ما محتاجين اكثر من كده.
هم شغلانيتهم شنو؟ فصلوا نص البلد وربع مستعمر من مصر واثيوبيا.
من يهن يسهل الهوان عليه.
ان شاءالله ح نبنيه من الاساس علشان يفهم دوره انه يحمينا مش يحمي نفسه.
|
Post: #7
Title: Re: كشه كبيرة للضباط الاسلاميين فى القوات ال
Author: النصرى أمين
Date: 05-14-2019, 06:01 AM
Parent: #6
والله شايل هم للحكومة الجاية.
منتظراها بلاوى متلتله .
غايتو رئيس الوزراء الجديد حيضطر يشتغل
16 ساعة فى اليوم....
ربنا يصبر زوجته (زوجها) و اولادهم.
|
Post: #8
Title: Re: كشه كبيرة للضباط الاسلاميين فى القوات ال
Author: الزبير بشير
Date: 05-14-2019, 07:47 AM
Parent: #1
هل في الضباط الاسلامي شرفاء و لا يستحقون الاعفاء
|
Post: #9
Title: Re: كشه كبيرة للضباط الاسلاميين فى القوات ال
Author: دفع الله ود الأصيل
Date: 05-14-2019, 08:09 AM
Parent: #8
يا النصري و الله إنت فعلن أمين و اسم على مسخى.
بس ي جماعة الجيش طالما مسلوب أرادة نردمو ولا نرثى لحاله؟!!
هدي واحدة أما تشبيهك للمجلس الانتهازي بالعم جحا فعجبين شديد ؛
وعندي ليه مثل تاني بيقول إنو لامن اتهموه بالحاجة الكعبة في منطقتم
ديك قعد ينفي فيها ويقول ما عندي شغلة طالما حلتنا نضيفة؛ قالولو : ياخيو
دي في حلتكم زاتا قال ما عندي شغلة طلما فريقنا نضيف قاللولو:يا زول
والله دي سمعنا قالو في فريقكم ظاطو قال ما يهمين طالما بيتنا نضيف قالولو :
أصحى يا ربيش ، و بطل لف و دوران دي والله الظاهر في بيتكم زاتو قاللهم
عاد أقول ليكم حاجة روحي دي بس أكان سلمت ما عندي شغلة في زول.
تحين ترا بقت على ناسنا ديل بس يا رويحة سلمي.
|
Post: #10
Title: Re: كشه كبيرة للضباط الاسلاميين فى القوات ال
Author: Gafar Bashir
Date: 05-14-2019, 11:04 AM
Parent: #9
| Quote: يضم كبار الإسلاميين فى القوات المسلحة. |
هم لسة قاعدين يعني
عينك في الفيل
وقوات الجنجويد
حايمة في الشوارع تقتل في المتظاهرين
تقول لي لي الاسلاميين في القوات المسلحة
عيب والله علي المجلس وعلي البرهان
|
Post: #11
Title: Re: كشه كبيرة للضباط الاسلاميين فى القوات ال
Author: Gafar Bashir
Date: 05-14-2019, 11:04 AM
Parent: #9
| Quote: يضم كبار الإسلاميين فى القوات المسلحة. |
هم لسة قاعدين يعني
عينك في الفيل
وقوات الجنجويد
حايمة في الشوارع تقتل في المتظاهرين
تقول لي لي الاسلاميين في القوات المسلحة
عيب والله علي المجلس وعلي البرهان
|
|