هل بدأت نذر الحرب الأهلية؟

هل بدأت نذر الحرب الأهلية؟


05-13-2019, 05:12 PM


  » http://sudaneseonline.com/cgi-bin/sdb/2bb.cgi?seq=msg&board=500&msg=1557763951&rn=11


Post: #1
Title: هل بدأت نذر الحرب الأهلية؟
Author: اسماعيل عبد الله محمد
Date: 05-13-2019, 05:12 PM
Parent: #0

05:12 PM May, 13 2019

سودانيز اون لاين
اسماعيل عبد الله محمد-
مكتبتى
رابط مختصر



اللهم احفظ البلاد من كيد الكائدين..

Post: #2
Title: Re: هل بدأت نذر الحرب الأهلية؟
Author: قسم الفضيل مضوي محمد
Date: 05-13-2019, 05:39 PM
Parent: #1

.
Quote: للهم احفظ البلاد من كيد الكائدين..

أنت أول الكائدين ...
لأنك داعم أساسي لحدوث الفوضى ...
.
..
.

Post: #3
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-13-2019, 05:47 PM
Parent: #2

Quote: أنت أول الكائدين ...
لأنك داعم أساسي لحدوث الفوضى ...
.
.
بالعكس تماماً انا داعم أساسي لتأمين البلد لكن دعاة الفتنة براهم صعدوا الكراهية ضد صمام أمان البلد و سوف يدفعوا ثمنها مضاعفاً ..
هم قايلين نعمة الأمن دي بتستمر بإثارة البغضاء والكراهية تجاه شرائح بعينها من الشعب السوداني..
براك متابع حملة تقسيم النسيج المجتمعي إلى تشاديين و حبش و سودانيين..

Post: #4
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-13-2019, 06:00 PM
Parent: #3

أول أسباب الحرب الأهلية
هو دق إسفين التشكيك في الانتماء الوطني لبعض الهويات لوطنها الأم.
و محاولة تجريدها من هويتها الجامعة..
نفس الشيء حدث في دارفور
وحكاية طرد المستوطنين الجدد
و التطرف في تقسيم المجتمع إلى سكان اصليين وآخرين وافدين..
وبعدها ندم الجميع حيث لم ينفع الندم..
عندما يشعر مكون مجتمعي انه مستهدف في وجوده سوف يفعل كل ما في وسعه في سبيل الحفاظ على ماله وارضه وعرضه وحينها يكون أكثر شراسة في معركة الوجود هذه..

Post: #5
Title: Re: هل بدأت نذر الحرب الأهلية؟
Author: Mahjob Abdalla
Date: 05-13-2019, 06:56 PM
Parent: #4

Quote: نفس الشيء حدث في دارفور
وحكاية طرد المستوطنين الجدد

سلام اسماعيل
في دارفور تواجد القبائل العربية و تاريخهم موثق منذ قيام دولة الفور و الي الان. اي التاريخ الموثق بس اكثر من 400 سنة.
هل في زول يوم قال بطردهم من دارفور؟ لا طبعا.
هل قيام الحرب في دارفور سببو كان وجود او المطالبة بطرد العرب من دارفور؟ لا طبعا
اتمني انك ما تخلط الامور و تحاول تربط قيام الحرب او مشاركة العرب في جانب الحكومة سببها محاولة طردهم.

الحكومة استمالت القبائل العربية بخباثة شديدة و اطماع بعض ابناء القبائل العربية لكي يكونو في صفها و نجحت. لو الناس ما واجهت الحقيقة بنظل في نفس الدوامة و تاني هسي لما قوات العدل و المساوة تدخل بهناك يا هو نفس الـ حميدتي هو الحيكون في واجهة الحرب نيابة عن حكومة المركز و سوف تظل دارفور عمليات الي ان تقوم الساعة و سيظل السودان كلو بدون تقدم لانو حيصرفو للحرب بدل التنمية.

الحقيقة بعد بداية الحرب تم استجلاب مجموعات عربية من دول الجوار بغرض تغيير المعادلة الاثنية و ما اظن نتغالط في الحقيقة دي لكن عندك رأي فيها برضو نسمع.

Post: #6
Title: Re: هل بدأت نذر الحرب الأهلية؟
Author: السنجك عثمان
Date: 05-13-2019, 07:01 PM
Parent: #5

لعنة الله على الانقاذ التى ابتعدت هذه الكراهيات

Post: #7
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-13-2019, 07:10 PM
Parent: #5

Quote: الحقيقة بعد بداية الحرب تم استجلاب مجموعات عربية من دول الجوار بغرض تغيير المعادلة الاثنية و ما اظن نتغالط في الحقيقة دي لكن عندك رأي فيها برضو نسمع.
والحقيقة الثانية الحركات المسلحة جلبت لنفسها مقاتلين من تشاد ايضاً..

Post: #8
Title: Re: هل بدأت نذر الحرب الأهلية؟
Author: منتصر عبد الباسط
Date: 05-13-2019, 07:26 PM
Parent: #7

الأخ اسماعيل لك التحية
نرجو أن يحسم الأمر سريعا ويصل المتحاورين لاتفاق عادل وآمن ومثمر ونهائي
ولو لم يحد هذا في هذين اليومين نحشى أن ينفلت عقد الأمن
ونرجو من الله العلي القدير أن يحفظ البلاد من أن يحدث هذا
أما الذين قولهم نقيض فعلهم هؤلاء الذين نخشى من عواقب
أقوالهم وأفعالهم المنتناقضين..

Post: #9
Title: Re: هل بدأت نذر الحرب الأهلية؟
Author: Mahjob Abdalla
Date: 05-13-2019, 07:42 PM
Parent: #8

Quote: والحقيقة الثانية الحركات المسلحة جلبت لنفسها مقاتلين من تشاد ايضاً..

ما عندى فكرة عن دى او اول مرة اسمع بيها.

Post: #10
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-13-2019, 08:13 PM
Parent: #8

Quote: أما الذين قولهم نقيض فعلهم هؤلاء الذين نخشى من عواقب
أقوالهم وأفعالهم المنتناقضين.
أخي منتصر هؤلاء أسوأ خلق الله..نافخي كير فتنة الفرز الجهوي والتشكيك في انتماءات الناس للوطن..طبعاً حملة الكراهية المسعورة التي قادها بعض هؤلاء في حق نائب رئيس المجلس العسكري لها غرض واجندة خبيثة و من سيدفع ثمنها هو المواطن البسيط للأسف..

Post: #12
Title: Re: احذروا غضب الحليم (1) بقلم: فريق ركن إبراهي�
Author: أيمن الفاضل
Date: 05-13-2019, 10:21 PM
Parent: #7

Quote: الحقيقة بعد بداية الحرب تم استجلاب مجموعات عربية من دول الجوار بغرض تغيير المعادلة الاثنية و ما اظن نتغالط في الحقيقة دي لكن عندك رأي فيها برضو نسمع.


Quote: والحقيقة الثانية الحركات المسلحة جلبت لنفسها مقاتلين من تشاد ايضاً..


يعني اعترفت بالحقيقة الاولى؟
طيب شنو شابكنا نسيج مجتمعي و بتاع

اهلك جرايمهم ما في دارفور بس. في الجنوب زمن ما في انترنت و فضائيات ارتكبتو اسوأ من الحصل في دارفور
ثقافتكم لا تتناسب مع الدولة الحديثة
عايز تغيير ابدا باهلك و بعدين تعال ادي الناس دروس


Post: #16
Title: Re: احذروا غضب الحليم (1) بقلم: فريق ركن إبراهي�
Author: اسماعيل عبد الله محمد
Date: 05-14-2019, 08:16 AM
Parent: #12

Quote: ثقافتكم لا تتناسب مع الدولة الحديثة
وهل تتناسب ثقافتكم مع بناء الدولة الحديثة و هي الثقافة التي فشلت فشلاً ذريعاً في بناء دولة حديثة منذ الاستقلال
ثقافة الاقصاء و العنصرية و الاستعلاء ,,,
نحن الان في مطبخ تشكيل الدولة الحديثة و اذا استمر حالكم هذا في عدم قبول الآخر ستدفعون ثمناً باهظاً جداً.

Quote: اهلك جرايمهم ما في دارفور بس. في الجنوب زمن ما في انترنت و فضائيات ارتكبتو اسوأ من الحصل في دارفور
إذا كانت ثمة جريمة حرب في دارفور وجنوب السودان اهلك الجلابة هم الممول و المخطط و المدبرلها ,,
انتو قايلين دخول الحمام زي خروجو ؟؟؟؟

Post: #27
Title: Re: احذروا غضب الحليم (1) بقلم: فريق ركن إبراهي�
Author: أيمن الفاضل
Date: 05-14-2019, 09:56 PM
Parent: #16

Quote: إذا كانت ثمة جريمة حرب في دارفور وجنوب السودان


إذا كانت؟
انت شاكي انو في جريمة حرب؟

اما عن اهلي فمذكور في الكتاب الاسود ان من عيوبنا اننا لم نشارك في (الجهاد) في الجنوب
انت ناسك وقفوا صفوف وواسطات عشان يمشو اليمن مرتزقة
شوف دة واحد من ناسك عامل فيها من العاقلين


Post: #14
Title: Re: هل بدأت نذر الحرب الأهلية؟
Author: Yasir Elsharif
Date: 05-14-2019, 07:09 AM
Parent: #5

Quote:
Quote: نفس الشيء حدث في دارفور
وحكاية طرد المستوطنين الجدد


سلام اسماعيل
في دارفور تواجد القبائل العربية و تاريخهم موثق منذ قيام دولة الفور و الي الان. اي التاريخ الموثق بس اكثر من 400 سنة.
هل في زول يوم قال بطردهم من دارفور؟ لا طبعا.
هل قيام الحرب في دارفور سببو كان وجود او المطالبة بطرد العرب من دارفور؟ لا طبعا
اتمني انك ما تخلط الامور و تحاول تربط قيام الحرب او مشاركة العرب في جانب الحكومة سببها محاولة طردهم.

الحكومة استمالت القبائل العربية بخباثة شديدة و اطماع بعض ابناء القبائل العربية لكي يكونو في صفها و نجحت. لو الناس ما واجهت الحقيقة بنظل في نفس الدوامة و تاني هسي لما قوات العدل و المساوة تدخل بهناك يا هو نفس الـ حميدتي هو الحيكون في واجهة الحرب نيابة عن حكومة المركز و سوف تظل دارفور عمليات الي ان تقوم الساعة و سيظل السودان كلو بدون تقدم لانو حيصرفو للحرب بدل التنمية.

الحقيقة بعد بداية الحرب تم استجلاب مجموعات عربية من دول الجوار بغرض تغيير المعادلة الاثنية و ما اظن نتغالط في الحقيقة دي لكن عندك رأي فيها برضو نسمع.


سلام وشكرا محجوب
كلامك تلخيص للحقائق.

وتحياتي لك يا اسماعيل

حرية سلام وعدالة هو طريق الحل للسودان كله وليس دارفور وحدها.

Post: #11
Title: Re: هل بدأت نذر الحرب الأهلية؟
Author: AMNA MUKHTAR
Date: 05-13-2019, 10:20 PM
Parent: #1

العزيز محجوب عبد الله .
طبعا إنت أكتر زول نزيه ومحايد وبثق فيهو فيما يتعلق بالشأن الدارفوري خاصة.

بسأل من ظاهرة النهب المسلح الكانت إنتشرت في دارفور قبل إندلاع الحرب مباشرة.
والكانت الحكومة بتعمل ليها جلسات صلح أهلية وبتحاول تعالجها معالجات عقيمة كدا.

النهب المسلح دا كان طبيعته شنو؟
كان شغل همباتة عشوائي وللا كان شغل منظم لغرض ما ؟!!

Post: #13
Title: Re: هل بدأت نذر الحرب الأهلية؟
Author: نعمات عماد
Date: 05-14-2019, 06:39 AM



إسماعيل

بعد المذبحة دي أقطع وشك و ما تجي تشّكر لينا المجرم حميدتي .

Post: #15
Title: Re: هل بدأت نذر الحرب الأهلية؟
Author: Kabar
Date: 05-14-2019, 07:50 AM
Parent: #13


كتب نعمات عماد:
Quote:
بعد المذبحة دي أقطع وشك و ما تجي تشّكر لينا المجرم حميدتي .


نعمات..حبابك يا صديقة..

ممكن تشرحي لي موقفك من الأحداث التالية شنو بالضبط:

اولا: الفيديو الذي نشره عضو المنبر دكتور انور دفع الله والذي يوضح فيه ان ملامح عسكر الدعم السريع ملؤها الحقد؟ هل هو محاولة تذاكي من الكيزان لدق الإسفين بين الدعم السريع والشعب السوداني والثورة؟..اما هو فيديو يشرح الواقع الذي تؤمنين به؟

ثانيا: لمدة تفوق الشهر يا دكتورة ، المعتصمين قاعدين في القيادة العامة ، لا مناوشات تذكر ، وحميدتي قاعد والدعم السريع قاعد و لم يحدث عنف في حق المعتصمين او المتظاهرين..ثم جاء وفد المقدمة من الحركة الشعبية (لوردات الحرب التي حجت كذا مرة الى دويلة الأمارات وقبضت الريالات والدولارات والدنانير) واقل من 72 ساعة من وصول هذا الوفد حدث العنف سواءا في القيادة العامة (ميدان الإعتصام) او في بحري المزاد..فلماذا يا ترى؟..وليه حميدتي قاعد كم يوم وما هاجم المعتصمين ، ثم جاءت قوات يصفها العسكر بانها مجهولة (طيب ليه ما تكون قوات لوردات الحرب ياسر عرمان (بالمناسبة الزول ده عضو في جهاز الأمن وفق ترتيبات اشرف عليها قوش ، ومررها محمد عطا ، ليعود قوش باجازتها واستمرارها لأنهم يعرفون انهم يحتاجونها وقت الشدة..!!)..

ثالثا: منذ بداية الإعتصام في 6 ابريل 2019 في القيادة العامة ، حميدتي ما عندو أي اتصال بالسعودية او الأمارات ، وانما الإتصال كان بين الأمارات ولوردات الحرب (ياسر عرمان ، طه الحسين ، مريم الصادق ، وخمس حركات مسلحة من درافور - بالمناسبة تنتظر لحظة الإنقضاض على الثورة واهل الثورة حتى تعيد سيطرة الحركة الإسلامية ، بزعم سيطرة اهل القبلة..معليش يا دكتورة ما تستغربي ياسر عرمان اكبر طابور خامس للفكرة زكذا قادة كثر من حركات درافور المسلحة..!!)..

رابعا: ارجو ان تكون الناس واقعية وتعرف البيها والعليها: طالما هناك حركات مسلحة وكتائب ظل مسلحة ولازالت تحمل السلاح في السودان ، فان حميدتي لن يضع السلاح ارضا ، ولو وضعه هناك الاف غيره سيحملون الراية ..لأن الصراع حينما ينحصر في دائرة الوجود:تكون الآ تكون..فهناك لا اخلاق تحكم الحرب..ما هو موقفك من هذه النقطة؟!



خامسا: العنف الذي حدث في القيادة العامة (ساحة الإعتصام) وفي شوارع المزاد بحري تتحمل المسئولية عنه قوى الحرية والتغيير (وهي طابور خامس ولوردات حرب لا يقلون عمالة عن ياسر عرمان ، مني اركو مناي ، مريم الصادق ، طه الحسين..!)..فليه ترموها في حميدتي ساكت؟؟....يا نغرق كلنا يا كمان نمرق كلنا..!
الكيزان الآن لا يخشون الإعتصام والسلمية ، لأنهم بلا ضمير ولا يعرفون الآخلاق ، وانما يخشون العضلات التبش ، ويخشون من يملك السلاح ويعرفون جيدا ان هذا السلاح في كسر من الثانية يمكن ان يكون ضدهم ويحدث الفرق..اذن لماذا النخبة السياسية التي تدعي انها قوى حرية وتغيير لا تعرف المعادلات على ارض الواقع؟


يعني ببساطة يا نعمات: افرض حميدتي سمع كلام الناس وخرج من المعادلة .. فماذا يبقى بالضبط؟

اولا: الحركة الإسلامية ستمتلك زمام المبادرة وتحلق للشعب السوداني من غير موية..قتل وتصفيات وتدمير وخراب ..الخ..

ثانيا: سيكون حميدتي متمردا على السلطة المركزية في الخرطوم..ويتفسح في الأقاليم كما يشاء (بس المرة دي الفسحة مع حتقيف في غرب السودان فقط..وانما ستطال كل اقاليم السودان..!!)..!

بدل ان تكون الناس عاطفية وتكسر ركبة في حكاية تشكير زعيط ومعيط ، على الناس ان تكون واقعية وتنظر لمعادلات الواقع على الأرض..ثم بعد داك من حقها ان تحاكم الناس كما تشاء..!!

كبر


Post: #17
Title: Re: هل بدأت نذر الحرب الأهلية؟
Author: Abureesh
Date: 05-14-2019, 08:19 AM
Parent: #15

"براك متابع حملة تقسيم النسيج المجتمعي إلى تشاديين و حبش و سودانيين.."

الاخ اسماعيل.
عدت الى السودان بعد زمن طويل جدا.. و الآن اتواجد فى قلب الإعتصام كلما سنحت لى الفرصة.
ارجو لو فى السودان ان تعطى طلة على الميدان لترى ان الشعب السودانى كله هناك.. و ما فى اى زول
يعاين للتانى او التانية غير انه سودانى.. سوداني بس.
الذين يؤججون نار العنصرية هم السياسيون و افراد عنصريون فى المنابر او فى الاعلام.. او مسؤولو الدولة الغير مسؤولين.. بعض الذين يكتبون هما عن تشاديين و حبش و حلبة.. حتى الشماليين من ناس (الضهارى) لم يسلموا من التنميط و الكراهية.

صلح النيشان و بعدين اضرب يا حبيبنا.

تحياتى

Post: #21
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-14-2019, 08:37 AM
Parent: #17

Quote: صلح النيشان و بعدين اضرب يا حبيبنا.

تحياتى
طول الوقت دا يا ابو الريش نيشانا يستهدف الاقلام التي تكتب في المنابر .
وما يكتب في المنابر له وقع على ارض الحقيقة ,
قبل سنيتن كنت في الخرطوم
ملامح الفرز العنصري واضحة في كل ركن من اركان العاصمة
و فرز الناس على اساس حبش و تشاديين و غيره ماثل للعيان.
و المسألة للأسف أصبحت ثقافة.
و دونك هذا المنبر ,,


Post: #19
Title: Re: هل بدأت نذر الحرب الأهلية؟
Author: ahmedona
Date: 05-14-2019, 08:24 AM
Parent: #15

والصراع الذي تم قبل يومين بالقضارف من قتل ونهب وحرق بين المهمشين---

يمثل إمتداد لنفس مخطط الفوضى....

Post: #22
Title: Re: هل بدأت نذر الحرب الأهلية؟
Author: نعمات عماد
Date: 05-14-2019, 08:39 AM
Parent: #15


يا كبر

من نهاية مداخلتك و كلامك عن الواقع ،

حميدتي مخلب محور الإمارات /السعودية /مصر الذي يزودهم بالجنود المرتزقة .و لذلك جاءت زيارة العميل طه الحسين

و لذلك رحّب المجلس المتآمر بنقود المحور القذرة . ليس هناك ما يوحي مجرد إيحاء بأن المجرم حميدتي سيسحب مرتزقته

من اليمن ، لذلك أجندته تتقاطع مع أهداف الثورة .

امس في مداخلتي وصفت من زاروا الإمارات بأنهم عملاء و بجب ابعادهم عن الثوار و المفاوضين .فل ستوب.

أما فيديو الجنجويد الذي اشرت أنت إليه فلم اشاهده و في الحقيقة لم ارى بوست للمدعو أنور .

إذا حميدتي يتعلل بوجود مليشيات الظل و جهاز الأمن و غيرها من مجرمي الإنقاذ فلماذا لم يضبطهم و هو نائب رئيس المجلس ؟

و لماذا يقف متفرجاً عليهم و هم يقتلون الثوار ؟ هو مثل مليشيات الكيزان لن يقبل بدولة مدنية ديمقراطية تحاسب كل من تورط

في إبادة و قتل و نهب السودانيين . الجنجويد مرتزقة حميدتي مشاركون في قتل و جرح المعتصمين .

Post: #18
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-14-2019, 08:23 AM
Parent: #13

Quote: المذبحة

بيان المجلس العسكري قال جهة مجهولة ولم يسمها.

Post: #20
Title: Re: هل بدأت نذر الحرب الأهلية؟
Author: Abureesh
Date: 05-14-2019, 08:35 AM
Parent: #18

كلامى الفوق يا اسماعيل لا يعنى انه لا يخطط لفتنة عرقية.. و لكن فقط ناقشت المسؤول عنها.. و قد
كتبت منذ وقت ان الحرب الأهلية ستقع لو سارت الامور هكذا.. و كثيرون قالوا لى اصحى يا زول الحرب الأهلية أساسا قايمة و ما عارف شنو.

Post: #23
Title: Re: هل بدأت نذر الحرب الأهلية؟
Author: اسماعيل عبد الله محمد
Date: 05-14-2019, 08:47 AM
Parent: #20

Quote: و كثيرون قالوا لى اصحى يا زول الحرب الأهلية أساسا قايمة و ما عارف شنو.
ما أقصده وتقصده انت هو الحرب الاهلية (الشاملة).

Post: #24
Title: Re: هل بدأت نذر الحرب الأهلية؟
Author: Kabar
Date: 05-14-2019, 09:05 AM
Parent: #20


نعمات.. حبابك يا صديقة
وعليكم السلام..
وبعد..

ليه التناقض ده يا نعمات؟

مرة حميدتي مخلب لدول الإقليم ، ومرة اجندته تتعارض مع الثورة ، ومرة ليه ما داير يسحب القوات السودانية من اليمن ، ومرة ليه ما داير يحمي الثوار في الإعتصام..ياخي ده شنو زول الجن ده ..؟

Superman of multi tasks؟

المطلوب شنو يا نعمات بالضبط كده؟

الواقع مهم يا نعمات ، والناس الآن تدفعها العاطفة الثورية وبتعير زي ما تدور..

اولا: القوات السودانية في حرب اليمن ، شاركت بقرار دولة السودان ، وبسيطة جدا: شكلوا حكومة بسراع ويكون اول قراراتها هو سحب هذه القوات من اليمن..دي دايرة ليها درس عصر يعني؟..وليه القوى السياسية السودانية ما قادرة تشكل حكومة والبلد في فراع دستوري عريض؟

ثانيا: قوات الدعم السريع هي قوات جزء من جهاز الأمن الوطني السوداني..بسيطة شكلوا حكومة سودانية يكون من اول قراراتها حل جهاز الأمن الوطني ، وتلقائيا ح يكون الدعم السريع قوى محلولة ما عندها سلطة..!!!!!

ثالثا: وهو الخيار المفضل عندي.. تستمر الثورة ويستمر التصعيد ويسقط المجلس العسكري وقوى الحرية والتغيير والحركات المسلحة ، كلهم جميعا بضربة واحدة قاضية..دي دايرة ليها درس عصر مثلا..؟!!!!

وزي ما قلت سابقا: افرض ان حميدتي ابتعد من الصورة (ان شاء الله يمشي لآهاي عدييل) ما هو السناريو المتوقع بالضبط؟..


كبر

Post: #25
Title: Re: هل بدأت نذر الحرب الأهلية؟
Author: نعمات عماد
Date: 05-14-2019, 09:16 AM
Parent: #24


سلام
ما في تناقض و لا حاجة .حميدتي و باقي المجلس ضد الثورة .

رأيك تكوين حكومة مدنية ، و هذا هو سبب الإعتصام المستمر رغم الإعتداء و القتل .

القتل بالأمس و مماطلة المجلس هي جزء من الحرب على الثورة بمشاركة

مليشيات النظام البائد و الدولة العميقة و مليشيا الجنجويد.

و طبعاً بإشراف المحاور الخليجية المجرمة .




Post: #26
Title: Re: هل بدأت نذر الحرب الأهلية؟
Author: Mahjob Abdalla
Date: 05-14-2019, 09:43 PM
Parent: #25

Quote: النهب المسلح دا كان طبيعته شنو؟
كان شغل همباتة عشوائي وللا كان شغل منظم لغرض ما ؟!!

الهبيبه امنة مختار
شكرا لابداء الثقة و هي متبادلة ايضا.
كما بدا لي في ذلك الزمان فهي كانت مرحلة من مراحل التطور التي نمر بها في كل مناحي الحياة.
الهممبتة في الزمان البعيد بكون السراق واحد او اتنين يجو يدسو ليهم في خور قريب من القري مع العصريات يطلعو ينشنو ليهم في جمل جملين و يتابعوهم لغاية ما يلقو فرصة و فت نطة في ضهر الجمل و يقول ليهم الحقوني.
دائما بتكون بالعصرية لانو عشان الناس تتلم و تعمل فزع بكون المغرب دخل و الاثر بكون دخل في الضلام الا اليوم التاني. كل الهدف انهم يدخلو ليهم جبدة طويلة خلال الليل و فرصة نجاجهم بكون اكبر.
اها لو الفزع لحقهم, ما في شئ بحصل ليهم. الواحد بجيبوهو بربطوهو في بيت شيخ الحلة و يرسلو زول لاقرب مدينة يجيبو البوليس ياخدهو و الموضوع انتهي.

أها لغاية سنة 78 او 79 ما في شئ اكثر من كدا.
الموازنة اتغيرت متين؟
مع دخول السلاح الناري (الجيم 3 و الكلاشنكوف) و ديل ارتبط دخولهم مع فتح باب السفر الي ليبيا و الحرب في تشاد و ربما ايضا بعد دخول ما يسمون بالمرتزقة في 76.
المهم بعد عام 80 ظهرت حوادت الهمبتة التي تحولت الي نهب مسلح. السراريق بجو في اول النهار بسوقو ليهم جمل و بمشو مسافة قصيرة و بنتظرو الفزع. اول ما يصلو بفكو فيهم نار تقيل و الناس بدل الفزع ببقو في الدفن و يرجعو الحلة بجنازاتهم.

في نفس الفترة برضو ظهرت مشكلة المراحيل و المزارعية.
قبلها كان المراحيل بحترمو قوانين الممرات. يعني لما يكونو ماشين شمال حريصين انو البهائم ما تتلف الزراعة و بالمقابل بتبادلو المنتجات مع المزراعين (الغلة و السمن) و في علاقة احترام.
فجاة بقي ما في احترام للزراعة و لما يحصل احتكاك لهذا السبب الراعي بشيل بندقيتو و طاخ.
جزء من الاعراف الموجودة لغاية الزمن داك كان قانون الادارة الاهلية في حالة النزاعات بتتحل بقانون الادارة الحصلت فيها المشكلة. يعني لو المزارع ارتكب جريمة في حق الراعي او العكس بيسري فيهو نفس القانون.
القانون ده اتكسر تماما. يعني الراعي ممكن يقتل زول و يجري يدس مع ناسو وتاني فما في زول يقدر يجيبو. لا الادارة الاهلية الحلاها نميري و لا عشان تمشي تشتكي مثلا في كتم و تجيب امر قبض بكون في الوقت الداك الرحل شالو خيمتهم و ساقو جمالهم راحو مكان تاني.

بعدها بقو يطالبو بعموديات في نص الادارات الاهلية و طبعا الناس لما بتتكلم عن الحاكورة بفتكروها ارض و لكن الواقع قانون الارض و ليس الارض. لاي شخص الحق في التواجد في اي مكان و لكن في حالة النزاعات بكون في قانون واحد.

المهم من 80 ـ 89 ياهو المسالة اتطورت الي عدة حروب قبلية ما بين 87 - 89 حتي جاءت الانقاذ و تمت الناقصة.

_______________
ما بين السطور ديل ممكن تاخدي فكرة و تحللي لو المسالة همبتة او شغل منظم!