غدا يتم مناقشة نسب المشاركة و مدة الفترة الانتقالية.
Post: #2 Title: Re: الناطق الرسمي بأسم المجلس العسكري: اتفاق � Author: Gafar Bashir Date: 05-13-2019, 06:13 PM Parent: #1
يعني ما تفقوا علي حاجة
Post: #3 Title: Re: الناطق الرسمي بأسم المجلس العسكري: اتفاق � Author: محمد البشرى الخضر Date: 05-13-2019, 07:04 PM Parent: #2
يا ابو آمنة قول خير بل اتفقوا على كل حاجة!! اهم نقاط الخلاف تجاوزوها وهي صلاحيات مجلس السيادة تاني كان بقى العشرة عسكريين ماها فارقة بالنسبة لنسب المجلس التشريعي دي عايزة مرونة من الحرية و التغيير و ذكاء و الحرص على تمثيل الحركات المسلحة و اقاليم السودان كلها و المرأة و الشباب بشكل مرضي لأنه سيكون صمام امان الفترة الانتقالية طالما المجلس الوزاري سيكون تكنوقراط كما اتمنى ان تشمل المرونة كل التشكيلات السودانية عدا الشعبي و الوطني بالطبع وما تفرع منهما لكن لا اقصاء للآخرين ما عايزين خميرة عكننة
تحياتي ناصر من هو المتحدث ياسم التحالف الطلع مع عمر احساس ما عرفته لكن شكله خطير وواثق من نفسه
Post: #4 Title: Re: الناطق الرسمي بأسم المجلس العسكري: اتفاق � Author: Gafar Bashir Date: 05-13-2019, 07:17 PM Parent: #3
والله يا ود البشري انا بقيت شاكي فيك انت قاعد في الامارات دي ... شكلو عندك مصادر
ياخي من ولدونا عارفين نقطة الخلاف هي منو الحايحكم الدولة دي العكسر ولا المدني ...
يقول لي مستويات الحكم اتفقوا عليها .. هم متين اختلفوا عليها
لكن ... بكرة حاتشوف انشاءالله يا ود البشري تفاؤلك يكون في محله وان غدا لناظره قريب
Post: #5 Title: Re: الناطق الرسمي بأسم المجلس العسكري: اتفاق � Author: محمد البشرى الخضر Date: 05-13-2019, 07:25 PM Parent: #4
ههه خاني التعبير يا دفعة مش مستويات الحكم لكن على صلاحيات المستويات المختلفة وخخاصة السيادي ان يكون بصلاحية تشريفية ودا بحل المشكلة تماما
المعلومة من المؤتمر الصحفي المشترك ودا زاتو فيه اشارة كويسة اما التفصيل فمن تغريدة لمنعم بيجو - رغم عدم ثقتي الكاملة في مصداقيته - لكن اتفاءلت ببشارته
Post: #6 Title: Re: الناطق الرسمي بأسم المجلس العسكري: اتفاق � Author: امتثال عبدالله Date: 05-13-2019, 07:27 PM Parent: #4
محمد البشرى وهو منو المتحدث الرسمي باسم التحالف!!؟كده نزل لينا فيديو وهو بيتكلم عشان نعرف أفكاره ومنطق حديثه، يمكن نقدر نستنتج سبب المماطلة والجدل البيزنطي مع المجلس العسكري المؤقت بدل سرعة تشكيل الحكومة المدنية
Post: #7 Title: Re: الناطق الرسمي بأسم المجلس العسكري: اتفاق � Author: Nasser Amin Date: 05-13-2019, 08:02 PM Parent: #6
سلامات جعفر،ود البشرى و امتثال في انباء عن ان النظام سيكون برلماني و ليس رئاسي اي المجلس صلاحيته تشريفيه .. في معضلة في حال اصر العسكر ان يسيطر على السيادة ستكون هناك مشكلة اعتراف دولي...يجب ان تكون الحكومة مدنية والا سيتعرضون لعقوبات و مقاطعة دولية و صعوبات في التحاويل المالية اعتقد ان ما يهم العسكر اتفاقياتهم العسكرية خارج الحدود. *المتحدث لا اعرف اسمه و كان مفروض يعرف نفسه و حتي في اللايف كثيرون تساءلوا عن اسمه.
Post: #8 Title: Re: الناطق الرسمي بأسم المجلس العسكري: اتفاق � Author: منتصر عبد الباسط Date: 05-13-2019, 10:15 PM Parent: #7
Quote: في معضلة في حال اصر العسكر ان يسيطر على السيادة
المعضلة الأكبر هي أن نؤسس دولتنا بحسب هوى غيرنا حتى لو كان الغير هي أمريكا أو أوربا ولكن العالم الخارجي سوف لا تكون عنده مشكلة في حالة التوافق على سلطات ونظام الفترة الإنتقالية شرعية حكم المدنيين المقصودة هي تكون بالانتخابات والاستحقاق الانتخابي أو التوافق أعتقد الأمر ليس بالمعنى الحرفي لمعني عبارة (حكم مدني) .
Post: #9 Title: Re: الناطق الرسمي بأسم المجلس العسكري: اتفاق � Author: Asim Ali Date: 05-13-2019, 10:15 PM Parent: #7
المجلس الغسكرى الكيزانى يمارس الكذب والخداع فى نهار رمضان يحدث الناس بقول فى قاعات الاجتماع ويطلق زبانيته او زبانيه تنظيم الاخوان وتابعهم حميدتى ويشرع فى ضرب المعتصمين وقتلهم . هل ننتظر اتفاق حقيقى غدا ؟؟؟ هذا اذا تم الاجتماع بعد هجوم اليوم على الاعتصام؟؟
Post: #10 Title: Re: الناطق الرسمي بأسم المجلس العسكري: اتفاق � Author: Nasser Amin Date: 05-13-2019, 10:53 PM Parent: #9
Quote: المعضلة الأكبر هي أن نؤسس دولتنا بحسب هوى غيرنا حتى لو كان الغير هي أمريكا أو أوربا ولكن العالم الخارجي سوف لا تكون عنده مشكلة في حالة التوافق على سلطات ونظام الفترة الإنتقالية شرعية حكم المدنيين المقصودة هي تكون بالانتخابات والاستحقاق الانتخابي أو التوافق أعتقد الأمر ليس بالمعنى الحرفي لمعني عبارة (حكم مدني) .
كلامي واضح يا منتصر الحكومة الانتقالية يجب ان تكون مدنية كاملة الدسم...الانتخابات داك موضوع براهو. يا سيد منتصر ، السودان عضو في مجتمع دولي وله قوانين الانقاذ دفعت ثمن تهورها في تجاهل المجمتع الدولي في النهاية انبطحت و دفعنا الثمن كلنا و هو سبب اساسي في ذهابها.