يا صفائح الزبدة السائحة

05:39 PM May, 11 2019

سودانيز اون لاين
طلحة عبدالله-
مكتبتى
رابط مختصر

قال لي صديق مصري إن الشعب السوداني طول عمره طيب ومسامح
وكريم، فلماذا خرج من طوره وشتم الممثلة المصرية؟ فقلت له إن الشعب
السوداني شتم شيماء بصفتها الشخصية وليست لأنها ممثلة مصرية، لأنها تطاولت
واستفرغت دهونها النتنة على الكنداكة السودانية، اللهم إلا اذا كنتم ترون أن هذه
الدعية تمثل الشعب المصري وتسخر من الناس باسمه، وأكدت له أن الشعب السوداني
فعلا طيب ومسامح وودود ودائما في حاله لا يسخر من شعب ولا يشتم أحد، وهذا
طبعه بالفطرة، لكنه لا يقبل الاستحقار.. السوداني لا ينام إلا إذا رد الاعتداء عليه من
باب (فمن اعتدى عليكم فاعتدوا عليه بمثل ما اعتدى عليكم)، وهو حق كفلته قوانين
السموات والأرض، فلماذا تعاتبون المظلوم وتتركون الظالم؟ .. وقلت له إن الشعوب العربية
من حولنا يجهلون أو يتجاهلون عمدا أنهم ليسوا ملائكة ولديهم من العيوب والذنوب
والمساوي والبلاوي ما يعف عنها اللسان ويجعل السخرية منهم أسهل من شراب الماء
في أوج حرارة الصيف.. وقد قيل في المقام: من كان بيته من زجاج فلا يجب أن يرمى
الناس بالحجارة .. وهناك بعض الشعوب بيوتها من زجاج هش بل من قش، والشعب السوداني
يعلم ذلك جيدا ولديه المقدرة على تأليف قواميس من السخرية المدمرة في حق هذه الشعوب
لكنه لا يفعل لأنه يراعى الله في دينه وأخلاقه وشهامته التي رضعها من جدوده زمان .. وعلى
هذه الشعوب أن لا تمتحن صبر السوداني بالتطاول عليه .. خصوصا الذين استمرأوا استحقاره
واعتقدوا أن صبره على تعدياتهم وتراشقاتهم خوف أو جبن فللصبر حدود مهما طال.
وسلم لي على صفائح الزبدة السايحة وبراميل القشطة النايحة.

المصدر : https://www.facebook.com/%D8%B7%D9%84%D8%AD%D8%A9-%D8%B9%D8%A8%D8%AF%D8%A7%D9%84%D9%84%D9%87-206556809388773/؟eid=ARD5ugkuGyvAWqwK-42l4_2i5SAnM3TncI36gnUtAQADBmSsVR6qSnWKvJnunKwY51LIlRx4KEJfOTUrhttps://www.facebook.com/%D8%B7%D9%84%D8%AD%D8%A9-%D8%B9%D8%A8%D8%AF%D8%A7%D9%84%D9%84%D9%87-206556809388773/؟eid=ARD5ugkuGyvAWqwK-42l4_2i5S...nKwY51LIlRx4KEJfOTUr

.......................
ما تنسوا تعملوا لايك وسبسكرايب عشان يصلكم كل جديد
خخخخخخخخخخخ

ذو النون عايز يستغل الموضوع نزل بوست على صفحته قال صديقي قال لي الممثلة المصرية ردموها سألته عملت شنو قال لي ما عارف قلت ليه بتكون لاقت حميدتي!!
عايز يتمسخر بالله لمّوا فيه الشباب ردموه ردم الجن أكتر من ردم الممثلة زاتها
واحد قال ليه ايوة لاقت حميدتي وجاب ليها منصة في القيادة
واحد تاني قال ليه بكرة مجموعة شيماء في القلب عاملين ليها فطور في 6 اكتوبر هههه
الشباب بقوا مرين

وانت ما قاعد تجي النادي ليه؟

ذو النون خالف الإشارة لم أراد أن يظهر الشطارة
يا حسرة على طموحاته الغضة . خخخخخخخخخخ
بالنسبة للنادي ح أجي بس أول أتأكد أنو الاسمو عبد اللطيف
البجي بالبكسي البك أب ومعاهو أولادو ويفتحو ليهو البوابة
الكبيرة كما يفتحوها لرئيس الجمهورية قاعد يجى واللا خلاهو
لو قاعد يجي ما بجي لأنو لو جيت بعوقو.
انت قاعد تمش يعنى ؟؟؟؟؟؟؟
لأنو لي فترة ما شفتك في وشي بمخبز الأمل خخخخخخ

يا جماعة الكلام الفوق دا كاتبو سيد البوست دا
والمصدر التحت دا صفحتو في الفيس بوك
وأعملوا لايك وسبسكرايب عشان يصلكم كل جديد خخخخخخخ.
...................
.للضمان بس .