Post: #2 Title: Re: في امان الله الشاعر عزمي احمد خليل Author: طاهر قرشي Date: 05-10-2019, 05:38 PM Parent: #1
رحمه الله رحمة واسعة و غفر له و اسكنه فسيح جنانه
Post: #3 Title: Re: في امان الله الشاعر عزمي احمد خليل Author: عادل خياري Date: 05-10-2019, 05:59 PM Parent: #2
لا حول ولا قوة الا بالله نسال الله ان يتقبله قبولا حسنا اللهم نزل بك عبدك الفقير البك وانت اكرم الاكرمين اللهم اكرم نزله ووسع مرقده واجعل الجنه متقلبه
Post: #4 Title: Re: في امان الله الشاعر عزمي احمد خليل Author: بكرى ابوبكر Date: 05-10-2019, 06:21 PM Parent: #3
يا الله اتمني ان يكون الخبر غير صحيح
وداعا صديفي عزمي....رجل دايما مبتسما ويفرح كل من حوله بالكلمات و التعابير المفرحة لكن نقول الموت نقاد بختار الجياد انا لله وانا اليه راجعون خبر مؤلم بجد
Post: #5 Title: Re: في امان الله الشاعر عزمي احمد خليل Author: بكرى ابوبكر Date: 05-10-2019, 06:23 PM Parent: #4
Post: #6 Title: Re: في امان الله الشاعر عزمي احمد خليل Author: jini Date: 05-10-2019, 06:25 PM Parent: #5
رحمة الله تَغْشَاك يا جميييييييل عزائي للصديق تيجاني احمد خليل
غربــه عشانـــك
بس يا غربه آخرك وين تهنا في دربك وما عارفين تاني الرجعه حتبقى متين يمكن بكره ويمكن بعدو ويمكن ما نتلاقى سنين *** الأيام اختارت نبعد ونحن مشينا مع الأيام وكنا نخاف من سيرة الفرقه لو قالوها نشوفها حرام غايتو ظروف الريد ساقتنا واصلو الريد للناس حكام لا عارفين الباقي ورأنا ولا الراجينا كمان قدام *** كان يا حنينّ لو بي إيدنا لا تفارقنا ولا نخليك شلنا الدمعه عشانك وجينا وكنت معانا بنشتاق ليك ونحن العمرنا ما اتغربنا شفنا الغربه شويه عليك كلو يهون بس كيف عينينا بعد الفرقه تلاقى عينيك *** كل منانا نعود نتلمه وتاني الآهه نفارق ليلها والأيام الكانت قاسيه تبقى حنينه معاك وجميله والساعات في لمحه تعدى وكانت قبلك ياما طويله نحن رضينا الغربه عشانك كان بكتيره ولا قليله ما اصدق كلماتك جني
Post: #7 Title: Re: في امان الله الشاعر عزمي احمد خليل Author: Amira Hussien Date: 05-10-2019, 06:43 PM Parent: #1
أنا لله وانا اليه راجعون خبر حزين ......له الرحمة والمغفرة
Post: #8 Title: Re: في امان الله الشاعر عزمي احمد خليل Author: Amira Hussien Date: 05-10-2019, 06:49 PM Parent: #7
رأس السنة عزمي احمد خليل
تسالنى كيف راس السنه وانا بى هنا مليان شقا وشرقان ضنا يابختك انت هناك سعيد متهنى بالعام الجديد كلك فرح ودايب غنا وتسالنى كيف راس السنه
حليل بلدنا وياحليل كل الجملات والفرح وبلدنا بى رغم الظروف القاسيه والهم الطفح ما فيش بلادآ تشبها ولا غير سماها كنار صدح كل حاجه ليها طعم هناك حتى الحزن زى المرح وحناننا ما زى كل حنان ولا ناسنا زى الناس هنا وتسالنى كيف راس السنه
انا لى زمن ما حضرت عيد فى وطننا ولا فرحت يوم يوماتى شايلنى الاسى ويدينى بعدو كمان هموم الليل يمر زى حول هنا القاهو من اصحى واقوم وكتير ليالى تعدى بى من دون عيونى يجيها نوم واهو ده حال كل زول غريب الرجعه ليهو تكون منى وتسالنى كيف راس السنه
هنا لا فرح ولا عيد بيجى ولا بنعرف مروا كيف كل الاماسى زى الصباح وحتى الربيع زى كل صيف من عمرنا بيمضى الزمن وايامنا ماشه على خريف وعيوننا جافاها النظر وحتى القليب قرب يقيف والشوق خلاص كمل دموعنا واقدارنا مابيه تلمنا وتسالنى كيف راس السنه
بالله كيف ناسنا الهناك طبعآ سعيدين فى الوطن الفرحه ما فرحة فلوس الفرحه احساس بالزمن وزى ما بيقاسوا من الظروف اهو نحنا حاضنانا المحن ومحنه فى بلدى العزيز فى الدنيا معدومة تمن وظروفنا بكرة بتتعدل ومن تانى بيزورنا الهنا وتسالني كيف راس السنة
كل يوم يمر يابلدى فيك ان شاء الله تقفزى للامام وربوعك الخضرة الجميلة بالخير يغطيها الغمام والناس تعود زى ناس قبيل لا فتنه لا جفا لا خصام وتعودى زى ماكنت اول عش للعصافير والحمام ونجيهو سوداننا الزمان وعليهو مانشيل همنا وتسالني كيف راس السنة
Post: #9 Title: Re: في امان الله الشاعر عزمي احمد خليل Author: عزالدين عباس الفحل Date: 05-10-2019, 07:31 PM Parent: #8
توفي قبل قليل بواشنطن الاستاذ الشاعر عزمي احمد خليل بعد صراع طويل مع المرض .. له الرحمه والمغفره . ونسال الله العلي القدير . ان يتقبله الله قبولا حسن. في هذا الشهر المبارك. وادخله الجنه مع الصديقين والشهداء. والهم اسرته الصبر والسلوان . وانا لله وانا اليه راجعون ... ،،،
،،،، ،،،،
عزالدين عباس الفحل ابوظبي
Post: #10 Title: Re: في امان الله الشاعر عزمي احمد خليل Author: بكرى ابوبكر Date: 05-10-2019, 07:53 PM Parent: #9
Post: #12 Title: Re: في امان الله الشاعر عزمي احمد خليل Author: احمد حمودى Date: 05-10-2019, 10:36 PM Parent: #10
له الرحمة والمغفرة وصادق العزاء لاهله
Post: #11 Title: Re: في امان الله الشاعر عزمي احمد خليل Author: نزار عبد الوهاب Date: 05-10-2019, 10:25 PM Parent: #1
إنا لله وإنا إليه راجعون ... اللهم أغفر له وأرحمه وأكرم نُزُله ووسع مدخله وأجعل الجنة مثواه ومتقلبه ... ولا حولا ولا قوة إلا بالله ...
