Post: #1
Title: تااااني ناس ضياء الدين بلال بقى بكتبو بروقان..الانقاذ عادت...يا ثوار!
Author: د. بشار صقر
Date: 05-10-2019, 02:39 PM
Parent: #0
02:39 PM May, 10 2019 سودانيز اون لاين
د. بشار صقر-
مكتبتى
رابط مختصر
وكمان بقوة عين قاعد بنصح في قوى اعلان الحرية و التغيير
تباطؤ الثورة و تلكؤها يفتحان الباب واسعا لعودة ابواق النظام الى الواجهة من جديد....
يجب على الثورة ان لا تفقد زخمها....
يجب على الثورة مسنودة بالزخم الشعبي ان تعلن حكومة مدنية.... و تستلم البلد....
والا البلد تاني حيقع في يد النظام البائد/البعاتي
|
Post: #2
Title: Re: تااااني ناس ضياء الدين بلال بقى بكتبو برو�
Author: Nasser Amin
Date: 05-10-2019, 04:58 PM
Parent: #1
سلام دكتور
لانو الناس اشتغلت بأمور جانبية
و التصويب نحو الارجل ، بما فيهم انت.
و الكلام عن العنصرية و التنميط و التخوين
شوف بوستاتك السابقة.
النتيجة الفلول استردوا انفاسهم.
ليكن هدفنا فقط (الحكومة المدنية الكاملة)
مع فائق الاحترام
|
Post: #3
Title: Re: تااااني ناس ضياء الدين بلال بقى بكتبو برو�
Author: د. بشار صقر
Date: 05-10-2019, 05:00 PM
Parent: #2
ياتو بوست يا ناصر
|
Post: #4
Title: Re: تااااني ناس ضياء الدين بلال بقى بكتبو برو�
Author: Nasser Amin
Date: 05-10-2019, 05:31 PM
Parent: #3
طيب يا دكتور بديك نموزجين
بوست"مريم الصادق تتسول بأسم الثورة"
انا ما حزب أمة و من منتقديهم بس للعلم
سافرت مريم الصادق و خالد سلك (المؤتمر السوداني)
للامارات لان هناك مؤتمر للحركات المسلحة التي تنضوي
تحت تحالف نداء السودان ووجود المذكوران مهم جدا
و غالبا لتحييد محور .
البوست التاني
"شماليين من قوى الحرية و التغيير يتحاوران مع شماليين
من جنرالات الجيش لتحديد مصير السودان"
و المقصود من الموضوع كله حميدتي.
لو انشغلنا بمثل هذه الاشياء الطبيعي ان الثورة
المضادة ان تمدد ارجلها و تمد لسانها كمان
المعركة الان هي الحكومة المدنية واي شئ سواها
ضياع زمن.
مع تقديري و احترامي
|
Post: #5
Title: Re: تااااني ناس ضياء الدين بلال بقى بكتبو برو�
Author: د. بشار صقر
Date: 05-10-2019, 06:09 PM
Parent: #4
طيب يا ناصر
اذا انت تفتكر غياب التمثيل الغائب حتى الآن في القوى التي تمثل الثورة
شئ جانبي يبقى فعلا انت ما فاهم حاجة....
الحروب المنشورة في طول الوطن وعرضها بسبب غياب هذا التمثيل
وبالتالي اذا انت ترى انو ده امر ثانوي فيبقى فعلا ده كارثة...
و ما نقوم به هو جهد تنبيه لبنتبه ما كان الامر غائبا منه....
لانني ملم و على علم بمآلات غياب مثل هذا التمثيل و استهوان الاصوات التي تنادي بقدر معقول من الحساسية تجاه القضايا ذات الاولوية في قضايا اهل السودان .
يا ناصر
ناس شايل سلاح و تحارب و منتظر تمثيل...
و شايفين ثورتهم التي قاتلوا من اجلها عشرات السنين و انتهت
بسقوط البشير....بشوفوا في ثورتهم تكفوا على سطحها
شخصيات مجرمة امثال برهان و حميدتي...
المشكلة ما في بروزهم....
انما في غياب الوعي بحقيقة علاقة هؤلاء بسفك دماء سودانيين....
فغياب الوعي دفع ببعض رفع صور حميدتي في ميدان
الاعتصام قبل ما تزال ثم ازيلت فيما بعض....
يا ناصر كلماتنا التنبيهة اهون بالف مرة ان اتت اكلها من العودة الى لغات اخرها..
لا نريدها....
يجب على القوى التي تتصدر مسألة التغيير
ان يكون لها وعي حقيقي بحقيقة تعقيدات مشاكل السودان...
ووطد الوعي تنعكس في شكل مواقف و تعبيرات و عمليات و تمظهرات كثير منها غائبة حتى الآن.
ذهاب بت الصادق الى الامارات في هذا التوقيت
وتصريحاتها التي تبدو كانها صادرة من منصات وزارة الخارجية السودانية
هل عادية
وهل تخدم التغيير
انت انت شايف الخطر في كلماتنا التنبيهية
و ليس في مواقف الفاعلين الحقيقيين يبقى
انت المفروض تتحسس مواطئ قدميك
يا عزيزي
صوتنا محض
Teeny-tiny
Voices
|
Post: #6
Title: Re: تااااني ناس ضياء الدين بلال بقى بكتبو برو�
Author: Nasser Amin
Date: 05-10-2019, 06:36 PM
يا دكتور
الحركات المسلحة هي اصيلة في هذه الثورة
وهي من وضعت السلاح استجابة لطلب الثوار
حتى كلل ذلك بذهاب المخلوع.
كل قادة الحركات محكوم عليهم بالاعدام من النظام السابق
واول مطالب ق.ح.ت الغاء هذه الاحكام ليعودوا و يشاركوا بانفسهم
انا مؤمن بأن اول خطوة هي السلام و قضايا النزوح و جبر الضرر
و العدالة للضحايا و الانتهاء نهائيا من اسباب الحروب.
الحركات لا تستجدي تمثيل بل هي ركن اساسي في الثورة.
قصدي ببساطة نتقي شرور اطماع العسكر ومن شايعهم
نركز في السلطة المدنية وهي السبيل لسودان يسع الجميع
لا نبدد طاقة سوى في هدفنا والا سوف تستمر المعاناة لنا كلنا..
أما موضوع مريم فهو كلام سياسي للتحييد ،هناك متربصون بالثورة
وحتي المجلس العسكري به تباينات داخله.
اما موضوع ضياء و قناة الجزيرة فهم فعلا الان يريدون
قوى الحرية ان تستلم و قد قنعوا من اذناب النظام البائد
المعادلة مجلس عسكري له مصالح مع المعسكر المناوئ لهم
و قوى الحرية و التغيير على الاقل محايدة او هي مع مصلحة
الشعب السوداني كما اعلنوا.
تحياتي
|
Post: #7
Title: Re: تااااني ناس ضياء الدين بلال بقى بكتبو برو�
Author: د. بشار صقر
Date: 05-10-2019, 09:06 PM
Parent: #6
انت فاهمني غلط يا ناصر
انا لمن اتكلم عن التمثيل ما بعني تمثيل القوى المسلحة
ديل بجيبو حقهم بضراعهم....
ولا كل ما نكتب هنا تعبير رسميا عن القوى المسلحة
انا بكتب هنا كمواطن سوداني اولا
في سودانيين كتار ما شايلين سلاح
والتمثيل ده نقصد بيه
لمجامع اجغرافية لشعوب السودان
واذا كلامنا ده فاهمو استجداء فده برضو مشكلة
و لمن يلعلع السلاح تاني و يتم حصار الوطن من جديد و
نعود الى المربع الاول حتعرف انو كلامنا ده دعوة نحو بدايات صحيحة
وليس استجداء كما تفهمه انت....
ثم استجداء لشنو....
لو اصلوا المةضوع ما موضوع موقف وطنى
لو زي فهمك ده ما ناس دي
عادى تمشي تتفاوض مع المجلس عسكري
من الباب عديل ليه تستجدى
|
|