الفريق مصطفى عبيد ، قائد سلاح المهندسين السابق

10:19 PM May, 09 2019

سودانيز اون لاين
امتثال عبدالله-NYC - USA
مكتبتى
رابط مختصر

سمعنا كثيرا في وسائط الإعلام عن الفريق (م) مصطفى عبيد ، القائد السابق لسلاح المهندسين ، وأنه من أنظف وانزه رجال القوات المسلحة وان نظام اللصوص والحرامية إحالوه للصالح العام لأنه كان ضد الفساد وطالب بمحاكمة المفسدين وطالب بإحالة الوزراء المفسدين للمحاكمة الفورية ..وكان جنود القوات المسلحة يحترمونه ويقدرونه ويتمنون عودته ...وبالفعل حاول النظام إعادته للعمل لكنه رفض بشدة ، وأخبرنا ضابط من رتبة صغيرة ، وهو ملازم ، أن الجنود والضباط من الرتب الصغيرة يتمنون عودته ...وقال إنه يتمنى أن يستعين تجمع المهنيين وقوى التغيير بهذا الضابط الذي كان عدوا لنظام اللصوص والحرامية وضد الفساد ....

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

فووووووووووووووووووووق

هو ضد قوات الدعم السريع .. وكان ينتقد عمر البشير كثيراً بسبب هذه القوات ..

ولذلك لا أظن إنه شخصية مرغوبة لدى جنرالات المجلس العسكري .. وبالذات حميدتي

فووووووووووووووووووووووووووووووووووووووووق

وعشان هو ضد جنرالات المجلس العسكري وضد نظام اللصوص والحرامية فهو الأفضل والأنسب أن يكون رئيس المجلس الانتقالي ولذا يجب أن يطالب به قوى التغيير والمعتصمين

السلام عليكم
اخت امتثال
يجي ك مدني
وزير الدفاع ممكن بكون عسكري بالمعاش
ما تبع المجلس
الرتب ال عليا كلها في عهد البشير
لو كان زي ما بتقولوا يبقي مكسب

الحبيبة اخلاص
نعم يبقى هو مكسب زي ما قال ملازم في القوات المسلحة الان ، لنا معه اتصال شبه يومي لنعرف اخبار الثورة والسودان واكد لنا ان هذا الفريق يكاد يكون هو الوحيد الذي لم يتلوث بفساد نظام اللصوص والحرامية وانه كان دائم الانتقاد للفساد داخل الخدمة المدنية وداخل المليشيات زي مليشيات الدعم السريع والدفاع الشعبي ويطالب بحل هذه المليشيات غير النظامية ،،، ولذاك ابعدوه من القوات المسلحة،،،،اظن مثل هذا الرجل نادر داخل الجيش ،،ونتمنى الاستفادة من قدراته ،،،،

سلام يا إمتثال، ورمضان كريم .. ومبروك للسودان ..
بالطبع، هناك العديدون من ضُباط الجيش السوداني (متقاعدين + مايزالون على رأس الخدمة) أتقياء أنقياء لا يميلون لاقتراف الفساد، وينتقدون النظام علناً أمام مرؤوسيهم من الجنود وضغار الضباط؛ ولكن استمرار أي ضابط حتى يصل آخر "ميس الترقيات"
في ظل نظام دكتاتوري فرد وبيء فاسد طغواني شهواني؛ كما حدث للفريق المحتفى به، لن يترك له تماسكاً في حُسن الصفة التي يصفونه بها..! وأنا بقول كلامي دا، تحريّاً للموضوعية، ولا أعرف ما إن كان الفريق مصطفى عبيد، هو قَدر القول البقولوه فيهو دا أو عكسو!

المُهِم،

لن تنفع بلادنا هذه المُصايحات الفطيرة: فلان دا أحسن زول! عِلّان دا أرجل من مشى على قدَمَين..! فلتكان دا أطهر وأنقى وأفرس وأشرس وأضرس إلخ,,,,

وَ الرّك على خلق المؤسسة، والاهتداء بِ هدي التأسيس الجماعي..

إن كان الأمور ستمشي بالطريقة دي، فلا أستبعد أن يأتينا بُكرة أحد الأخوان ليشهد لنا بأن الرائد، والمقدّم واللواء يونس محمود،

ضابط سوداني عظيم، مكمِّل المقدرة والتأهيل والبلاغة والفصاحة والبيان وأخو أخوان و دينو 101% عديل كدا ...!

وُ ياريت والله ترشّحوه لينا عشان يكون محل بُرهان ال سكتْ دا وما قال كش من دييييك!!!

سلام يا محمد ابا جودة
ساكت لو فوق رأي
ومحجوب كمان

في زمن الإنترنت والفيس بوك
شوفت كيف

يونس محمود ما سودانى اتى قريبا محمول على ظهر امه من دول الجوار الافريقى ما تجيبو سيرتو هنا

Quote: يونس محمود ما سودانى اتى قريبا محمول على ظهر امه من دول الجوار الافريقى ما تجيبو سيرتو هنا

لو قلت كوز معفن وفاسد و ديك صباح الانقاذ البائس الذي خرّب علاقات السودان مع جيرانه باطلاق العنان للسانه القذر , لاتفقنا معك.

لكن حكاية تنسبو اي زول من اصول دارفورية بانو قادم من دول الجوار الافريقي دي عنصرية وجهوية منتنة متجسدة في نفوس الجلابة من امثالك,,
متى تطهروا نفوسكم من هذا المرض؟
لا حول ولا قوة الا بالله ,,

بكل بساطة جردت الراجل من سودانيتو؟
لو قلنا احفاد الارناؤوط و الشركس و الباشبذوق دخلاء على السودان تقوموا تجقلبوا,,,

أهلاً وسهلاً بيكِ الأخت الكريمة د. إخلاص

رمضان كريم وتصوموا وتفطروا على خير .. وَ كل عامٍ وأنتم بخير ..



ــــــــــــــــــــــ
دي ماها أيام سُكات .. وأنا ما سِكِتتت ..!

فَ شَــ ر!!
بس الكلام قررررب يكمل والحال x حالو

أُوو ما عارف ناس "فلان" ديلاك بيجيبوا الكلام دا من وين؟

من أين أتوا بهؤلاء الكلام ...؟!

محمود أبو جودة
نعم يا محمود هناك الكثيرين في السودان شرفاء وأنقياء ولكن الذين يمسكون بزمام الثورة الآن لا يعرفونهم تراهم الآن يتخبطون ولا يستطيعون تشكيل حكومة مدنية ، ونحن نزكي من يشهد له الناس بالأمانة والنزاهة والوطنية، وهؤلاء الشرفاء لا يكون أنفسهم..وانت الان تنتقدنا لأنها زكينا شخصا شهد له زملاؤه في القوات المسلحة بالأمانة والنزاهة والوطنية ولم تنتقد من يشكر الآن في قائد الدعم السريع الذي قتل الآلاف من أبناء دارفور وهو يتزعم مليشيات ناس الإنقاذ والان أصبح عضوا في المجلس الرئاسي ويتطلع كي يصبح رئيسا لنظام الإنقاذ الثاني ...وانت بقولك ربما نزكي مثل باستخدام أو أي لص من لصوص النظام السابق فإنما بالغت في قولك هذا وظلمتنا ظلم الحسن والحسين وظلمت هذا الشخص الذي زكينا ه كي يقدم جهوده لخدمة الوطن ...

وكمان لازم تعرف انه وخلال ال ٣٠ عاما الماضية قد تلوث الكثيرين جدا من أبناء السودان بفساد الانقاذ ونادرا ما تجد وطنيا شريفا ونزيها واذا وجدنا رجلا شريفا ونزيها وطنيا فيجب أن نعرفه للناس، ،،
ومن شهد له الناس دخل الجنة، ،،فالناس قد زكوا من قبل الخبير الاقتصادي حمدوك ، وهو فعلا اهلا للثقة لأنه رفض الانضمام ل حكومة اللصوص والحرامية و زكوا أيضا مادبو واشخاص آخرين يتسمون بالوطنية والنزاهة ....والوطن يحتاج إليهم....ولا يمكن أبدا أن نزكي أي لص او فاسد من لصوص الانقاذ ...

منقول من السنجك ( يونس محمود ما سودانى اتى قريبا محمول على ظهر امه من دول الجوار الافريقى ما تجيبو سيرتو هنا )

يا امتثال لو ده الشهد له يبقي لنا تحفظ عليه
اسع في امريكا دي ٢٠٠ سنة عمر الدولة ذاتها

Quote: محمود أبو جودة

دا منو دي؟ أم نقول العتب على العُجمة الأمريكاني ..!



أم يا ربي يكون العتب على الصوم!

محمد
طبعا العتب على الصوم ...والعيون مزغللة من اول الصباح...لكن بصراحة اسم محمود يونس ده بعدما قوقلته اسمه طمم بطني واسم محمود اتركز في الذاكرة...وهسه انت قريت تعليق اخلاص قالت شنو عنه...قالت في ناس ما عاوزين يسمعوا سيرته ...
ولك العتبى في الخطأ في الاسم..

وبالمناسبة يا ود ابو جودة
العجمة معناها شنو !!

امتثال ركزي
ال قال ما عاوزين سيرتو ده نقلته لك من السنجك
وسبب السنجك خلاني اشطب زولك
امتثال يا صديقة يدخلوا زول في المجلس
صعبة وكمان بالمعاش ما مستحيلة لكن صعبة جدآ
ومن اساسو عندنا مشكلة في الاعداد ، ناس المجلس
لما ينقص واحدناس التغيير يكسبو محله
يعني دي مهمة شبه مستحيلة

ما في عوجة يا إمتثال، ولا يهمّك يا أميرة..وبالفعل، فقوقلة ال زي يونس محمود، دا ..
أمرٌ لا يُحمَد في صومٍ أو في فطر، ولا بينَ بين..! أما الأخت إخلاص، فــ حقّوا تدّوها قروشا
وتقولوا ليها: انزلي يا أخت! نحنا وصلنا آخر محطة وما راجعين حَــرَّمْنا..!

Quote: وبالمناسبة يا ود ابو جودة العجمة معناها شنو !!

العُجمة، عجامة اللسان و اللغة غير الفصيحة ك(العربية) ..

وفي القرآن العظيم: (لِسان الذي يُلحدون إليه أعجمي، وهذا لسانٌ عربيٌّ مُبين) ..
وقد قيل في تفسير هذه الآية، أن كُفّار مكة، قد طعنوا في "عِلم النبي" كونه يتلقّاه من واحد غريب مَرّ على مكة ضمن مَنْ يمرّون، وكان متكوهناً له إصابة وربما أصالة! في بعض كتب العهد القديم ..! فسخَر القرآن الكريم، من اؤلئك الكفار القرشيين بتحليله الثر:
ال بتقولوا عليهو كلّموا دا، أعجمي، وهذا الكلام الذي جهجه باكاتكم، عربيٌّ، لسانه لسانكم ..!


والله تعالى، أعلم..


ـــــــــــــــــــــــــ
ليتك تحوشي إخيتِك الصائمة إخلاص "ديمة" دي! فقد أوغلت في الهروب للأمام

يعني ح تكون مدنية ومن داخل الاعتصام
غير كده ما بتنفع 🤣🤣

Quote: يونس محمود ما سودانى اتى قريبا محمول على ظهر امه من دول الجوار الافريقى ما تجيبو سيرتو هنا

نكران سودانية اي سوداني مهما كان سئ, عمل غير مقبول و ليس له مكان في السودان الذي نريده ان يكون.
بأي حق تقول هذا الكلام يا رجل و ما هو الدليل علي هذا الكلام؟

Quote: نكران سودانية اي سوداني مهما كان سئ, عمل غير مقبول و ليس له مكان في السودان الذي نريده ان يكون. بأي حق تقول هذا الكلام يا رجل و ما هو الدليل علي هذا الكلام؟

بالمناسبة يا هبيبنا النظرة دي متأصلة و متجذرة في نفوس الجلابة
دي نظرتم لي
وليك
و لبريمة
ولمحمد سليمان
حتى ولو كنت ملاك وجاي من غرب المويلح ,,

و بالمناسبة سبب ضيقهم بحميدتي ما لأي دافع سوى هذه الجهوية العفنة ,,,

فوق

اسماعيل ما تعمم
بعد ما قلنا عليك موضوعي
ال قال الكلام ده زول وااااحد
وهو ادينا علي راسو
الي ان قال مالكم تكأكأتم علي ك....
لمو عماكيزكم دي وخلونا نمشي لقدام
ولمعلوماتك حميدتي ما في زول ضده

زول في منصب عام اي تصرف بنقيس
وبعدين ديل ٣٠ سنة خلتنا نفحص ونمحص
لمو عكاكيزكم

رمضان كريم

Quote: وَ الرّك على خلق المؤسسة، والاهتداء بِ هدي التأسيس الجماعي.

المؤسسية هي ما نفتقده يا أبو جودة في كل جوانب حياتنا وما عندنا غير السبهللية والتزكية والمحسوبية وووو الخ

حكم المؤسسات لا يمكن ترسيخها الا بعد ترسيخ الديمقراطية والديمقراطية تحتاج إلى ناس يفهمون الديمقراطية وطبيعة حكم المؤسسات بعد ٣٠ عاما من حكم الفرد وحكم اللصوص والحرامية، وجيل الشباب الذي قاد الثورة يفهم تماما معنى الديمقراطية، ولكن للأسف جاء نفر وتحكموا في مصير مسار الثورة ودخلوا في جدل بيزنطي مع مجلس عسكري يسوف ويماطل حتى لا يقتلع آثار
نظام اللصوص والحرامية من الجذور ولا يحاكم الذين سرقوا أموال الشعب ....نحتاج لدروس في الوطنية..وحب الوطن..

Quote: و بالمناسبة سبب ضيقهم بحميدتي ما لأي دافع سوى هذه الجهوية العفنة ,,,

حميدتي مجرم حرب ايا كان جهته
وصل لرتبة عسكرية ... ماعندو ليها اي مؤهلات ... فقط مساندة عمر البشير
ولسة ما فتحنا موضوع الدهب

اما بريمة فهو ما تابع ليك...
حياته كلها في المنبر ... للدفاع عن عروبته وتبعاتها
(تبعاتها= مهاجمة كل من يهاجم الجبهة الاسلامية العربية - راس الرمح في الهيمنة العربية الاسلامية)

يا جعفر أول حاجة ادين عنصرية قريبك السنجك بعد داك تعال اتفاصح..

القوات المسلحه كانت حافله بالكوادر السودانيه الاصيله المتشربه بالقم والعقيده العسكريه السودانيه.واعتقد ان كثير من الكوادر دى لم يحضرها الشباب من الرتب الدنيا..من الافضل المناداه بالامر كمبداء تتبناه قوى الثوره فى بحثها واختيارها فى اطار مؤسسى يختار العنااصر الافضل.
شخصيا من اقرب اقربائى كان من ضباط القوات المسلحه وكان يدير احد وحدات القات المسلحه حتى حدوث انقلاب الانقاذ وعبره يمكن للواحد ان يذكر ويرشح من الذين نعرف عنهم ممن عاصرهم وعاصروه لكن دائما الافضل ان تدرس الامور فى اطار مؤسسى بزاويه نظر اوسع ومعرفه افضل- وتخضع الرتشيحات بعدها للنقاش المجتمعى - تتجازاالقاء الضوء على الرشيحات الفرديه التى قد تكون ملغومه.
اقتراح مقدم لتجمع المهنيين وقوى اعلان الحريه والتغييراقتراح مقدم لتجمع المهنيين وقوى اعلان الحريه والتغيير
بالمناسبه البوست دا بتاريخ 11 ابريل يوم سقوط البشير بعد بيان ابن عوف المحبط.
----------------------------------------------------------------------------
بخصوص الجنسيه السودانيه رايكم شنو فى الوزير الكان رئيس اتحاد الطلبه الارتيرين لما كان طالب فى مصر ؟؟؟؟؟؟؟