Post: #1
Title: دبابيس من صحف اليوم 08 مايو 2019 م
Author: Abdulhaleem Osman
Date: 05-08-2019, 01:46 PM
Parent: #0
01:46 PM May, 08 2019 سودانيز اون لاين Abdulhaleem Osman-Sudan مكتبتى رابط مختصر
. . 🗣 من أمثالنا الشعبية: 👈 من أمثالنا الشعبية مثل يقول: من دخل الأدبخانة كان خِرَى خِرَى وكان ما خِرَى خِرَى... 📌 كذلك الناس ال بي تسافر برا السودان عشان تشكر الناس ويرجعوا ديل أرجو أن ألفت عنايتكم انتو عندنا كان هناي هناي وكان ما هناي برضو هناي وبتاع . . 🐒 حركات قردية: 👈 الامام الصادق المهدي قال لصحيفة (الشرق الأوسط) السعودية إنه مع الرأي القائل بتسليم البشير (المخلوع – دي من عندي-) للمحكمة الجنائية الدولية!! 📌 نفسسس الامام الصادق دا سبق أن قال لجريدة الخليج الاماراتية نحن ضد تسليم رأس الدولة لأسباب عديدة، ، وحتى إذا سلمنا بتجريم رأس الدولة، فهناك آخرون في المسرح الدولي جرائمهم موثقة ومعترف بها، ومنها جرائم الرئيس الأمريكي السابق جورج بوش ورئيس الوزراء الإسرائيلي إيهود أو لمرت... .ه. .ه. 📰 أخبار اليوم: 👈 المجلس العسكري: وثيقة الحرية والتغيير أغفلت مصادر التشريع (الشريعة والأعراف). 📌 ياخي الحكومة الفاتت تلاتين سنة لا اشتغلت بي تشريع ولا دين . 📰 أخبار اليوم: 👈 الكباشي: الوثيقة تجاهلت ذكر بقية القوي السودانية المشاركة في الفترة الانتقالية بما فيها المجلس العسكري. 📌 بقية القوى ديل العاوز يشارك منهم في الفترة الانتقالية لازم (يجمر نفسه) قادم القيادة . 📰 أخبار اليوم: 👈 الحرية والتغيير: تسلمنا رد المجلس العسكري حول الوثيقة. 📌 طالما (بدرية) خلف المجلس (فأنا شخصيا) لست متفائل . 📰 أخبار اليوم: 👈 الامارات والسعودية يؤكدان الوقوف مع تطلعات الشعب السوداني. 📌 كتر خيركم والله ونحن كذلك مراقبين تطلعاتكم . 📰 أخبار اليوم: 👈 إلغاء أيلولة مستشفي الخرطوم لوزارة الصحة بالولاية واعادته مستشفي تعليمي بالصحة الاتحادية. 📌 جيبوا حميده في جولة خلوهو ينجلط والا تجيه ذبحة . 📰 الصيحة: 👈 المجلس: لدينا خيار انتخابات مبكرة خلال (6) أشهر حال عدم الاتفاق 📌 هههههااااي خججين أقصد كلين . 📰 الصيحة: 👈 الفريق ياسر: الخلية التي تم ضبطها تتبع للأمن الشعبي 📌 نحن عارفينها لكن ال بي يقنع الديك منو ؟ . 📰 الصيحة: 👈 العسكري: (الحرية والتغيير) تعاونت معنا أم لم تتعاون سنصفي الدولة العميقة 📌 مصفاكم عيونه كبار نحن عاوزين نصفيها ب(عمة توتال سويسري) . 📰 التيار: 👈 المجلس العسكري: خلية الطائف المسلحة تتبع للأمن الشعبي 📌 عشان تاني يجي زول يقول الأمن الشعبي (صفي نفسه) موش عارف من متين ومتين ،، أرموا قدام يا أولاد وأنكشوا أي وكر واي جنبة مشكوك فيها . 📰 التيار: 👈 مفاجأة مدوية يفجرها عقيل سوار الذهب حول قتلى أحداث سبتمبر 📌 الى لاهاي طوالي بدون تأخير . 📰 التيار: 👈 تأكيدات جديدة: البشير ورموز النظام في كوبر 📌 تأكيدات شنو؟ هو انتو قايلين كوبر دي معناتها خلاص كفاية؟ لازم يجربوا لنا الخاذوق في واحد فهيم . 📰 التيار: 👈 المجلس العسكري: نتفق مع الحرية والتغيير على الهيكل العام للحكم في المرحلة الانتقالية 📌 برضو كويس طالما في اتفاق بس ابعدوا لنا (أضانكم) من العجايز والأغراب... . 📰 التيار: 👈 عضو المجلس العسكري يكشف معلومات جديدة حول أحداث نيالا 📌 لا تحتاج الى كشف ناس مطالبهم (عزل كل مشايخ معسكر عطاش لأنهم يتبعون للمؤتمر الوطني ويطالبون برنامج الغذاء العالمي بكروت غذاء) أها عيبهم شنو ؟ . 📰 التيار: 👈 إعفاء أمين ديوان الزكاة ومدير التأمين الصحي ومفوضي التأمين الاجتماعي وحقوق الإنسان 📌 زيها وزي اعفاءات ناس العبيد مروح ورئيس القضاء والضباط الشغالين لي هسع والا كيف؟ . 📰 التيار: 👈 مصر تعلن تقديم (25) طناً من الأدوية إلى السودان 📌 مصر عندها أدوية غير الانتيبايوتيك المحشي سيراميك وحقن السكري المليانه موية ؟ . 📰 التيار: 👈 المجلس العسكري يدعو القوى السياسية لاجتماع اليوم 📌 القوى السياسية اذا المقصود منها المتردية والنطيحة وذات البوخه وذات الدوخة فهذا يعني أنها تسقط وتسقط وتسقط تاني ولو مية مرة . 📰 آخر لحظة: 👈 إعفاء زوجة شقيق البشير من منصب رئاسي 📌 يا سلااااام البت من ضو فنشوها ؟ توقعتها ان تكون قد استقالت زماااان لعن الله الكرسي . 📰 آخر لحظة: 👈 حظر شخصيات ورجال أعمال من السفر للخارج 📌 أحظروهو،، أحظروهو القايل الناس نسوهو ... . 📰 آخر لحظة: 👈 توقيف ضابط أمن سابق بتهمة تزوير العملة 📌 موش ضابط أمن يعمل شنو يعني ؟ انتو عاوزينه يشتغل امام مسجد . 📰 آخر لحظة: 👈 (المهنيون): نجاح الثورة في انتقال السلطة كاملة للمدنيين 📌 أدعسوا ، بلوا ، البل البل ،، البل البل . 📰 الإنتباهة: 👈 استقالة أربعة من أعضاء (العسكري) 📌 اللي هم منو ومنو ؟؟؟ . 📰 الإنتباهة: 👈 (قوش) قيد الإقامة الجبرية والمجلس يلوح بانتخابات مبكرة 📌 الإقامة الجبرية يعني مرطب عند أهله صاح؟ . 📰 الإنتباهة: 👈 قوى الحرية تطالب بحل شركات الصندوق القومي للطلاب وأصوله الضخمة 📌 أممممك دا شطر كبير من شطور الفساد . 📰 السوداني: 👈 إعادة جميع أطباء الأسنان المفصولين والمستقيلين إلى الخدمة 📌 بالمناسبة دي الطبيبة بتاعة رويال كير ال فنشوها عشان خاط المغرد (معطز) رجعوها والا لسع؟ . 📰 السوداني: 👈 (البعث) يتهم النظام السابق بتحويل قروض خصصت للبلاد لمنفعته 📌 يتهم دي شنو؟ النظام البائد عايش على الله وعلى القرود أقصد على القروض . 📰 السوداني: 👈 عرمان يحذر من تراجع الاهتمام بقضايا الحرب والسلام... 📌 مشغولين مع ابوظبي يا كمرد... .
|
|