Post: #1
Title: أحزمة ناسفة مع موسيقي تصويرية وحركات جيش
Author: اخلاص عبدالرحمن المشرف
Date: 05-07-2019, 03:52 AM
03:52 AM May, 06 2019 سودانيز اون لاين
اخلاص عبدالرحمن المشرف-
مكتبتى
رابط مختصر
ما اسخفهم
معقولة الناس الماتت دي تغشوهم
بأحزمة ناسفة وفبركات
وعربات ولاندكروزرات ووجاهات
يا اخ تبآ لكم كلكم
|
Post: #2
Title: Re: أحزمة ناسفة مع موسيقي تصويرية وحركات جيش
Author: اخلاص عبدالرحمن المشرف
Date: 05-07-2019, 04:01 AM
Parent: #1
صحي البلد الما فيها شنو ما عارف
يضرو فيها اي حاجة
انتهينا من سجم الكيزان
عشان نقع في الأفلام المصرية
قال تفجيرات قال
فضلتو شنو ل بوكو حرام
تبآ لكم كلكم
دم محجوب ودكتور بابكر لسه ما جف
دمعة الأمهات لسه حارة
الله ينسف ناس الامن كلهم
من الاكبر للأصغر
وانتو يا تجمع ال ....
ح تعتذروابعد شنو
ثورة عاوزين تضيعوا
بس الشباب الصابيها
ح ينتفض ويثور ضدكم
عسكر ودعم وتغيير
|
Post: #3
Title: Re: أحزمة ناسفة مع موسيقي تصويرية وحركات جيش
Author: اخلاص عبدالرحمن المشرف
Date: 05-07-2019, 04:15 AM
Parent: #2
ثورة جميلة وشباب زي الورد
غناءهم راقي ورقصهم روعة
عاوزين تبوءوا ده كلو ب طرق تفكير
عفي عليها الدهر
انتو علي عثمان ما سألتو للان
علي عثمان محمد طه ال هدد
مسجل صوت وصورة
وال قوات المجهولة ال ضربت وكتلت ما حققتو
فيها
دايريننا نصدقكم انكم اكتشفتو الأحزمة
الناسفة
عجبي !!!!!!!!
|
Post: #4
Title: Re: أحزمة ناسفة مع موسيقي تصويرية وحركات جيش
Author: اخلاص عبدالرحمن المشرف
Date: 05-07-2019, 04:23 AM
Parent: #3
الهدف شنو ؟
عملتو حاجة ما عندها معني
شماعة دارفور وإسرائيل حرقتوها زمااااااان
الطوارئ برضو
والشباب قالو ما بنخاف ما بنخاف
غايتو الاتقولو مجموعة منشقة من الدعم
ولا الامن ولا ابوطيرة
نشوف نهاية الفلم
وقد قمتم ببسط الامن والأمان
وظبطت الأحزمة الناسفة
التي براها كده منها ليها سوت نفسها
|
|