Post: #1
Title: بهدوء تعالوا نتفاكر : هل في راجل او جهة لهم امكانيات وقدرات مادية تقدر تسير السودان كم شهر قادم ؟؟؟
Author: توفيق عيسى مكي
Date: 05-06-2019, 00:09 AM
00:09 AM May, 05 2019 سودانيز اون لاين
توفيق عيسى مكي-
مكتبتى
رابط مختصر
بعيدا عن طلس لقينا دولارات في بيت فلان ولقينا قروش مجنبة داسنها الكيزان
تكلفة تسير السودان المادية في اليوم الواحد كم ؟؟؟
هل في خذنتنا ببنك السودان ما يكفي ستة شهور باعتبار اي نظام جديد العالم في الاول بدعمه شهر شهرين ده لو رأى انه ماشي باتجاه مصالحه
هل بالشحدة ممكن نستمر كده لمتين ؟؟؟
ولو في زول عارف البند الاول في الميزانية الشهر ده اتلم كيف واتصرف كيف ينورنا وهل في امكانية يتواصل بنفس الطريقة
والسؤال الاهم في ظل ترهل الاجهزة الامنية كافة هل عندنا ليها احتياطي يغطيها خصوصا الصرف الرسمي والطارئ في هذه الايام مكلف جدا
|
Post: #2
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 00:15 AM
Parent: #1
هل اتوضعت ميزانية طارئة بعد التغيير الحصل ده
ما من 6 ابريل اليوم 6 مايو شهر من سقطت والقصة ماشة
من وين بيتم الصرف وكلنا يعلم نحن معلمين الله خارج وباطن والبلد واقفة من اي مصدر دخل محلي وقليل خارجي
وهل ستتحول الثورة لثورة جياع حقيقية
ولا مأملين ليلة القدر تجي في اول رمضان .. !!!
|
Post: #3
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 00:23 AM
Parent: #2
في المثل قالوا ريسين بيغرقوا المركب وحصل ( البشير وعلي )
الليلة في كم ريس قايد السودان ؟؟؟
وصراع عنيف للاسيلاء على السلطة من كم ريس ضاربين بمصلحة السودان على الحائط
والصيبة !!!!!!
بلوشي ...
|
Post: #4
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 00:41 AM
Parent: #3
مشكلة السودان مشكلة اقتصادية من الدرجة الاولى الممتازة جدا
فهل حققنا هدف اقتصادي ثوري مجمعين عليه كلنا
ولا صابنها ساي
|
Post: #5
Title: Re: بهدوء تعالوا نتفاكر : هل في راجل او جهة لهم
Author: Deng
Date: 05-06-2019, 03:08 PM
Parent: #4
توفيق عيسى مكي
أختشي
قوى التغير لم تستلم السلطة بعد
|
Post: #6
Title: Re: بهدوء تعالوا نتفاكر : هل في راجل او جهة لهم
Author: Osman Mahmoud
Date: 05-06-2019, 03:55 PM
Parent: #1
سموك السودان 60% او أكثر يعتمد على الجبايات وعلى الضرائب والجمارك ..
و80% من الشيئ دي تُصرف على أمن النظام، وليس أمن البلد، زائد
القصر الرئاسي ..
والجبايات نفسها فيها فساد واموال ما بتدخل الخزينة ..
وال 20% دخل من الموارد ذهب نفط موارد ذراعية وحيوانية ومنتج
الغابات مثل الصمغ العربي ..
طيب نحنا قلنا محاربة الفساد والتقليل من الصرف الحكومي، سيؤدي
ذلك للتخفيف على الضرائب والجبايات وسيشجع على الإنتاج ..
دي احلام سموك ولَّ يمكن تتحقق بعد نجاح الثورة ..
اضافة لذلك نجاح الثورة يعني جدولة الديون الخارجية ..
اول ما الديون اتجدولت جيناك يالبنك الدولي بديون جديدة ..
ديون جديدة تسهم في زيادة الإنتاج.
تحياتي.
.
|
Post: #7
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 10:24 PM
Parent: #6
| Quote: قوى التغير لم تستلم السلطة بعد |
البلد مستلمها الآن منو وريني عشان افهم ؟؟؟؟
|
Post: #8
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 10:43 PM
Parent: #6
اخوي يا عثمان محمود انت بتتكلم بعد الاوضاع تهدأ وتستقر وفي وقتها الامور بنأمل تكون واضحة لكن بالشايفنوا ده حتى في الوقت داك حا تكون في مشكلات ضخمة جهة ما عندها امكانيات وقدرات حا تودي السودان في داهية خلينا نتكلم في الآن هسي البلد دي ماشة كيف كلنا عارفين الكيزان زاغو منها من صرفها المهول برغم ما يمتلكون من تنظيم وقدرات جلب واستخدام اموال غلبتهم عديل كان عندهم خيار يرجعوا الاموال المنهوبة الفي الخارج ودي طبعا مستحيلة لانو زول قدر خارج قروش قدر دي الا يكون غبي يرجعها تاني (الحديث من وجهة نظهرهم) اها الجا بعدهم وماسكها هسي بقدر على الصرف ده حميدتي جازف من ما نهب دعم واكيد الصرف اليومي المهول امتص ما دفعوا اها تاني من وين
|
Post: #9
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-06-2019, 10:51 PM
Parent: #8
عمر ما كان مشكلة السودان مشكلة سياسية او ادارية ...
بل مشكلة اقتصادية
لمن نفهم دي يادوب بنكون اتجهنا الوجهة الصحيحة للتغيير
محتاجين بالفعل لثورة اقتصادية وده البروج ليه من سنتين تلاتة وزول داير يسمعني مافي
السياسة هي البتدعم الهدف الاقتصادي وتوجهه بنظم ادارية ومجتمعية
الاصل دايما الاقتصاد الهاملنو ده
ما عارف نفهم الناس مصلحتها كيف ؟؟؟؟
|
Post: #10
Title: Re: بهدوء تعالوا نتفاكر : هل في راجل او جهة لهم
Author: Deng
Date: 05-07-2019, 00:11 AM
Parent: #9
مازالت دولة الاخوان المسلمين في مكانها، ومازل كوادرها يشغلون المناصب العليا والإدارية في الدولة.
Quote: عمر ما كان مشكلة السودان مشكلة سياسية او ادارية ...
بل مشكلة اقتصادية |
ده كلام متناقض تماما!
كيف تكون لديك مشكلة "أقتصادية" في بلد غني مثل السودان، وفي نفس الوقت ما عندك مشكلة إدارية؟؟
مشكلة السودان الاولى هي مشكلة سياسبة بحت، والفهم السياسي الخاطئ لساسة السودان هو الذي خرب و دمر السودان.
السودان قبل إنفصال الجنوب كان يعتبر من أغنى دول العالم من حيث الموارد ولكن غباء وقصر فهم الساسة هو الذي أقعد السودان حتى اليوم.
,اريد أن أقول لك أن الإستعمار عندما خرج من السودان، ترك في السودان أفضل نظام إداري في المنطقة، ولكن رعونة الساسة هي التي دمرت ذلك النظام ايضا.
|
Post: #11
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-07-2019, 01:35 AM
Parent: #10
فهمنا الغلط للاقتصاد هو مشكلتنا الازلية نحن نضع السياسة التي تنجح اقتصادنا بواسطة نظم ادارية تتماشى مع الهدف الذي استقرينا عليه ونريد الوصول اليه السياسة نابعة من علم الاقتصاد الاقتصاد هو الاصل والادارة والسياسة فروع مشكلتنا ليست في الفروع بل في الاصل لاقرب المعنى لو كنا نريد ان نكون سلة العالم للغذاء مثلا فعليا علينا ان نختار نظام سياسي يخدم تحقيق هذا الهدف ويتوجه الشعب كله لهذا مستخدمة تلك الوسيلة اي السياسة باتباع ايضا نظام اداري وايضا اسس وقيم مجتمعية وقوانين تخدم لصالح انجاح الهدف المتفق عليه وهو ما يحوي كل ذلك الاصل اي الاقتصاد
|
Post: #12
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-07-2019, 02:27 PM
Parent: #11
السياسة في السودان معناها السعي لامتلاك جذء من كيكة
او المحافظة من نصيبك في الكيكة
او المعالة والاسترزاق والانبطاح ليهم للن...
|
Post: #13
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-07-2019, 08:25 PM
Parent: #12
الآن رافعين شعار حرية .. سلام .. وعدالة ...
رافعين هدف هلامي من شاكلة شعارات القرن الفات ... !!!
مش كان افضل نرفع شعار نحو سودان غني بموارده او السودان سلة العالم الغذائي او سودان منتج ...
بالهدف البنحدده ونتكاتف كلنا لتحقيقه بتتحقق تلقائيا ما بنادي بيه الحرية والسلام والعدالة
مش المفروض نرفع شعار خليك يا سوداني مفتح بامكانك تبقى اغنى زول
|
Post: #14
Title: Re: بهدوء تعالوا نتفاكر : هل في راجل او جهة لهم
Author: توفيق عيسى مكي
Date: 05-08-2019, 01:51 PM
Parent: #13
طالما الميزانية هي امتداد للميزانية المعلنة فمعناه ديل ما ممكن يصدقوا يكونوا برة اللعبة
|
|