Post: #1 Title: هل نجح الاعلام الكيزاني في حملته على الحزب الشيوعي وجعله خارج دائرة الثورة ؟؟؟ Author: أشرف الرحال Date: 05-05-2019, 11:01 AM Parent: #0
حملة مستعرة منذ بداية الثورة من قبل الاعلام الكيزاني وحزبه بالاضافة للمسؤولين وقتها في الاجهزة الامنية والتنفيذية في نيل من الحزب الشيوعي فهل حققت نوايا واهداف الكيزان بخروج الحزب الشيوعي من دائرة شعاع ومركز الثورة واي معادلة قادمة في التفاوض ؟؟؟
مودتي
رحال
Post: #2 Title: Re: هل نجح الاعلام الكيزاني في حملته على الحز� Author: ود محجوب Date: 05-05-2019, 01:01 PM Parent: #1
السلام عليكنم ورحمة الله وبركاته
الاخوان الان لا يملكن ان يبعدوا الشيوعيين ابدا
كل ما ياتى من الاخوان فهو منفر
وكل هجوم لهم على الشيوعيين يصب فى مصلحتهم
الشيوعيون ببيانهم الاخير هم من وضع انفسهم فى موقف عدائى مع فصائل كثيرة من القوى السياسية
ما تم نشره ليس موقف تفاوضى انما هو برنامج انتخابى لحشد المؤيدين
Post: #3 Title: Re: هل نجح الاعلام الكيزاني في حملته على الحز� Author: adil amin Date: 05-06-2019, 07:53 AM Parent: #2
ومن اكبر اسباب الحملة ضدهم هو والنعيق بالعلمانية والترف الفكري ده في وقت نحن محتاجين ديمقراطية وفدرالية تفكنا من المركز اللئيم ده برضه يضيع الجهود مش كان عليهم يتمسكو بالدستور الموجود وتفعيل المحكمة الدستورية العليا عشان تنظف الساحة السياسيين من الملوثين كل من يفر من المحكمة الدستورية في المرحلة الانتقالية كجسم مهم للعدالة وتنظيف الدستور عقلية شمولي وملوثة ايضا وملف اتقلاب 1969 موجود ايضا لابد ان تفتح كل ملفات لانقلابات وهم عايزين يخمو الشباب بي نص وعي فقط والردح فقط في الانقاذ ونص لانقاذ كمان حزب المؤتمر الوطني ومن ناس حقي سميح وحق الناس ليه شتيح الدستوربتاع 2005 يتنظف ويتشكل لجنة دستورية عليا تشرف عليه وتزيل منه كل ما يعيب ويجيجبو 9 قضاة محترمين في المحكمة الدستورية العليا مش يطلق اعلان دستوري كده في الهوا ساكت
Post: #4 Title: Re: هل نجح الاعلام الكيزاني في حملته على الحز� Author: عبدالله محمد أحمد Date: 05-06-2019, 08:11 AM
عادل امين دائما يعرض خارج االحلبة. لماذا الثوار معتصمون الان حول القيادة؟ ماذا يريدون؟ ما هي اهدافهم؟ هل حقق المجلس العسكري الانتقالي ابسط اهداف الثورة؟ لقد ازاح الاسلاميون عرابهم الترابي قبل البشير، فهل غيرت الانقاذ من جلدها او طبيعتها؟ ثم غيرت البشير و اتت بابن عوف فهل تغير شئ فيها؟ ثم غيرت ابن عوف و اتت بالبرهان فهل تغير شئ؟ فقط افتح قنوات التنلفزيون و التي جميعها كيزانية، اما زالت كما هي قبا 11 ابريل؟ الانقاذ لم تسقط بل بدا سقف مطالب الثورة المضادة يرتفع، فها هم يطالبون بالافراج عن البشير تحت الضمانة الشخصية. الحزب الشيوعي يعمل ضمن قوى التغيير و الحرية، و الهدف واضح و محدد و لا يقبل الفلسفة و التحريف او التسويف و هو حكومة مدنية كاملة الدسم، و الملايين التي في الشارع لا يهمها غير ذلك. فلو انفضت الاحزاب كلها بما فيها الشيوعي عن قوى الحرية و التغيير فلن تموت الثورة فالشباب الان افضل من شبابا عندما جاءت الانقاذ في 1989. جيل الخمسينيات و الستينيات اطال عمر الانقاذ بمواقفه الرمادية، اما الشباب المعتصم حول القيادة شباب موحد الهدف و الارادة، فلن يلتفت الى ما يردده عادل امين او او علي الحاج او غازي صلاح الدين. الانقاذ لم تسقط، فمن اراد اسقاطها عليه ان يوجه كل طاقته الى انجاح البرنامج الذي من اجله اعتصمت الجماهير حول القيادة العامة للجيشز
Post: #5 Title: Re: هل نجح الاعلام الكيزاني في حملته على الحز� Author: MAHJOOP ALI Date: 05-06-2019, 08:16 AM
Quote: الشيوعيون ببيانهم الاخير هم من وضع انفسهم فى موقف عدائى مع فصائل كثيرة من القوى السياسية
. وتصريح الامام الاخير بي صب وين ؟ كل من ينظر للثورة بعدسات ماقبل ديسمبر عليه ان يعيد النظر كرتين . شباب الثورة جيل انقاذي بامتياز اللعب بي كرت الدين وهي لله احترق استخدام العرق والاصل لحق امات طه الاحزاب تكلست وترهلت واختزلت في رموز وجاكم الجيل الراكب الراس وترس القيادة. عشان تقرا الواقع ماتستلف عدسات الماضي بحت في ميدان الاعتصام تستشرق مستقبل السودان
Post: #8 Title: Re: هل نجح الاعلام الكيزاني في حملته على الحز� Author: ود محجوب Date: 05-06-2019, 09:34 AM Parent: #5
Quote: وتصريح الامام الاخير بي صب وين ؟ كل من ينظر للثورة بعدسات ماقبل ديسمبر عليه ان يعيد النظر كرتين . شباب الثورة جيل انقاذي بامتياز اللعب بي كرت الدين وهي لله احترق استخدام العرق والاصل لحق امات طه الاحزاب تكلست وترهلت واختزلت في رموز وجاكم الجيل الراكب الراس وترس القيادة. عشان تقرا الواقع ماتستلف عدسات الماضي بحت في ميدان الاعتصام تستشرق مستقبل السودان
تعليق لا علاقة له بالقتباس
وصرنا اليوم كل غاش وماش يدلنا كيف ننظر
ونقرا ونكتب
ونفهم
Post: #6 Title: Re: هل نجح الاعلام الكيزاني في حملته على الحز� Author: Kabar Date: 05-06-2019, 08:19 AM
ممكن يا اشرف ، لو تكرمت تشرح لي الفرق شنو بين الكيزان والحزب الشيوعي ، وبالمرة فكرة الثورة الحالية؟
السؤال ده يا اشرف ما تجليهو..لأنو من زول حضر :انقلاب هاشم العطا لمن كانت ام عيالو بتلبي طلب صديق زوجها البيقول داير يتعشى بي ( بيض اب عيون) ثم قام نميري فجعها في زوجها العزيز وكتلو بدم بارد..!
وسؤال من زول حضر كتلة المغرور حسن حسين عثمان ، وكتلة المغرور التاني العميد محمد نور سعد..كلهم اتكتلوا يا اشرف الرحال و فضلو ناس الصادق المهدي ، ابراهيم السنوسي ، محمد ابراهيم نقد ، علي محمود حسنين ، محمد عثمان الميرغني ، وبقية اوباش الحركات المسلحة ناس طويل العمر:مالك عقار ، عبد العزيز الحلو ،جبريل ابراهيم ، عبد الواحد محمد نور..!
ليه الشباب يا اشرف الرحال بتموت ، وطوال العمر نوهائي ما بتموت..!!
مافي زول بيخون زول يا اشرف..حسب معاييرك..ولكن في نخبة بتخون شعب ومن عجب بتاجر بدمو في دويلات ما بتسوى زي الأمارات العربية المتحدة..!!
رمضان كريم يا اشرف الرحال ، وصدقني دم الشباب السوداني غالي..غالي شديد..حتى ولو كلف هد برج خليفة او مكة او السد العالي..!!
كبر
Post: #7 Title: Re: هل نجح الاعلام الكيزاني في حملته على الحز� Author: الصادق عبدالله الحسن Date: 05-06-2019, 08:48 AM Parent: #6
=
القول الحق في هذا البوست هو ما قاله العزيز محجوب
Quote: الاحزاب تكلست وترهلت واختزلت في رموز وجاكم الجيل الراكب الراس وترس القيادة. عشان تقرا الواقع ماتستلف عدسات الماضي بحت في ميدان الاعتصام تستشرق مستقبل السودان
والقول قبل محجوب ما سوف يقوله الميدان .. وما سوف يقرره هولاء الغبش وشقيقاتهم الكنداكات الذين هم صناع مستقبل السودان
ولا ادري لماذا الإصرار على إعادة نفس البيوتات العتيقة والنفايات القديمة والساحة ملأى بالشباب من (الجيل الراكب الرأس) والشابات الكنداكات.. فإن نظرنا حولنا نجد أن (تيريزا ماي) هي سيدة تُمسك بكل خيوط القرار التنفيذي البريطاني وبالأمس اختارت الإمبراطورية سيدة مدنية هي (بيني موردونت) لتتولى وزارة دفاعها وتدير جيوشها وتحرك أساطيلها، وتحتفظ في شنطة يدها بشيفرتها النووية. ونفس الحال ينطبق على ألمانيا: حيث المستشارة سيدة ووزيرة الدفاع سيدة أخرى
ونحن يراد لنا أن نبقى رهن البيوتات الطائفية، والبعض الآخر يريد أن يُسلم أعناقنا مرة أخرى إلى الجنرالات كأننا لم نتعلم من تجاربنا شيئاً طوال العقود الفائتة، ولم ننس شيئاً.
التحية لأشرف وضيوفه ... .. .
Post: #9 Title: Re: هل نجح الاعلام الكيزاني في حملته على الحز� Author: اخلاص عبدالرحمن المشرف Date: 05-06-2019, 09:42 AM Parent: #7
المحيرني كبر
شابت وين
Post: #10 Title: Re: هل نجح الاعلام الكيزاني في حملته على الحز� Author: اخلاص عبدالرحمن المشرف Date: 05-06-2019, 09:48 AM Parent: #9
القبلية والجهوية ما حبابها
حميدتي دعم الخزينة بالريال والدرهم !!!!!
Post: #11 Title: Re: هل نجح الاعلام الكيزاني في حملته على الحز� Author: كمال عباس Date: 05-06-2019, 12:40 PM Parent: #10
كتب .
Quote: من اكبر اسباب الحملة ضدهم هو والنعيق بالعلمانية والترف الفكري
أها من المآخذ علي الحزب الشيوعي أنو إتخلي عن مصطلح العلمانية وإنو إكتفي بطرح مفهوم الدولة المدنية ! وذلك منذ سنوات عديدة ! النقد الموضوعي والمنهجي يتطلب الإطلاع علي برنامج من تنقده ! ثانيا جون قرنق الذي تصفق له علماني والمانيفستو خاصته ماركسي - وصديقك عادل عبد العاطي علماني وحزبه علماني والعلمانية مكون أساسه في برنامجه الإنتخابي الرئاسي ! * وموقع الحوار المتمدن الذي تتباهي بأنك تكتب فيه علماني ويساري بينما أنت تدعو للدولة الدينية والإسلام السياسي..
Post: #12 Title: Re: هل نجح الاعلام الكيزاني في حملته على الحز� Author: أشرف الرحال Date: 05-07-2019, 01:02 PM Parent: #6
Quote: ممكن يا اشرف ، لو تكرمت تشرح لي الفرق شنو بين الكيزان والحزب الشيوعي ، وبالمرة فكرة الثورة الحالية؟
تحياتي يا كبر ورمضان كريم
شخصيا عندي واحد من نفس المورد والمنبع والمصب
تحياتي
رحال
Post: #15 Title: Re: هل نجح الاعلام الكيزاني في حملته على الحز� Author: Kabar Date: 05-08-2019, 08:55 AM Parent: #12
Quote: شخصيا عندي واحد من نفس المورد والمنبع والمصب
ول ابا اشرف الرحال..
رمضان بخيت وسعيد عليك ، تصوم وتفطر علي خير..!
بالضبط يا قريبي..والصبة في ناس كتيرة فاهماها غلــــــط..وهي تصحيح لأخطاء عديدة في التجربة السودانية..!
غايتو لو ناس بورتسودان لحقوا صبوها..وقطعوا الملاحة في البحر الأحمر..اطناشر ساعة ساكت..العالم كلو الضحك شرطو..!!
التحية لشباب الثورة يا اشرف..وعملوا حاجات:العالم منبهر ومندهش وخاتي الخمسة في الإتنين..!!
البلد ماشة على خير..وناس كتيرة ح تطلع بايظ زي الترتيب..!
كبر
Post: #13 Title: Re: هل نجح الاعلام الكيزاني في حملته على الحز� Author: أشرف الرحال Date: 05-07-2019, 01:10 PM Parent: #2
Quote: وكل هجوم لهم على الشيوعيين يصب فى مصلحتهم
الاخ ود محجوب ،،، تحياتي
في دي اصبت الحقيقة الكيزان وفوبيا الحزب الشيوعي جاءت في مصلحة الشيوعيين ، الان الشباب معظمهم في الثورة اصبحت لهم ميول عاطفية ان لم يكن التزام بالحزب الشيوعي
مودتي
رحال
Post: #14 Title: Re: هل نجح الاعلام الكيزاني في حملته على الحز� Author: Kabar Date: 05-08-2019, 08:48 AM Parent: #13
رمضان بخيت وسعيد عليك يا بت ابا ، تصومي وتفطري علي خير..
كبر
Post: #16 Title: Re: هل نجح الاعلام الكيزاني في حملته على الحز� Author: adil amin Date: 05-08-2019, 11:10 AM Parent: #14
Quote: عادل امين دائما يعرض خارج االحلبة. لماذا الثوار معتصمون الان حول القيادة؟
لانهم ما عارفين يعملو شنو حراسين بعاعيت مابو 1969 ناس 17+100 وما حارسين خارطة طريق او برنامج واضح ذى قيامة الساحة الخضراء عبدالله محمد احمد ان بغرد خارج السرب باعذب الالحان في البورد وفي السودان واصحاب الذوق الفاسد زيك وكمال عايزننا مع الجوقة والقطيع ومع مايو 1969 وعلم بابكر عوض الله كان في انتخابات قريبة 2010 وسجل ليها 18 مليون سوداني تقول لي سجلو لي شنو ؟؟؟ هل ما عندهم وعي او احزاب ينتخبوها ولي انت عايز الناس ينتخبو الشيوعي والبعثي والناصري والكوز عشان يكون واعي انا الصبة حقتي 2005-2010 ما فايتا شبر دستور 2005 فقط والتغيير عبر المحكمة الدستورية وهيكلة السودان من جديد الغاء الولايات واستعادة الاقاليم الشعب جاهز للانتخابات من 2010 وانا علي اضع الدولة في اطاراها الصحيح مش اقعد ارفس يمين وشمال اضيع في الزمن دايما ما الشيوعيين والكيزان والبعثيين والناصريين بكوتو في شكل قطيع ويفقدو دينامكية الابداع السياسي والتغيير مصبوبين في 17+100 واربعة سنة والمجلس العسكري يضقل بيهم هسة المجلس ده ملزم بالدستور الموجود ده يلتزم بيه نصا وروحا وكل الاتفاقيات نحن ما فاضين لشريعة وعلمانية