يا اهلنا من بقية اجزاء السودان ممن لا يعلمون...اقروا كلام هذه الكنداكة من دارفور امام القيادة..

11:11 PM May, 03 2019

سودانيز اون لاين
د. بشار صقر-
مكتبتى
رابط مختصر

ادناه مقتطف من حديث ثورية دارفورية ....
و كانت تتحدث الى المعتصمين.... امام القيادة العامة...
يجب ان يسمعه جيدا كل من يهمه ان يكون درب السودان عدل
بعد الثورة...
وكل من يهمه ان تعود دارفور اخضرا ....
تنتج وعدا وقمحا و تمني.....

الى كل انسان منطلقه المبدأ

وهدفه ان يكون السودان وطنا للجميع....


انا لا زلت ارى في هذه الثورة
الفرصة
و القدرة
و الرغبة لدى (الشباب الصابي)...
لتكون بدايات التغيير صحيحة....
غير اني ارى كثير من الشجر تتحرك...
شجر العوائل....
و شجر العقلية القديمة التي تقوم على الاستهبال السياسي....
و شجر الخوف من الآخر السوداني البعيد القادم من ضواحي الدنيا....

هدفنا تنبيه الثورة و الثوار و كل الحادبين لخطورة هذه الاشجار.....
فالشجرة اخرج ابونا ادم من الجنة
ولا نريد ان يخرج شعبنا من جنة السودان مرة تانية بتحويله الى جحيم مرة اخرى....
ففي زمن الانقاذ كان السودان هو الجحيم....
وفي زمن الثورة و ما بعدها.... نريد ان تعود السودان جنة كما كانت في سابق ازمنة غابرة...

فالى حديث الكنداكة السودانية القادمة لتوها من دارفور الى ميدان القيادة العامة

Quote: في مرأة قبيل من موكب دارفور طلعت المنصه وقالت كلام كل السودان ما قادر يقولو،، قالت " حميدتي هو اكتر زول خايف من موكب دارفور ،، ومما سمع بيو اتحرك اتحولت لهجتو لي لهجه حاده واظهر نيتو في فض الاعتصام ،، حميدتي بعرفنا وبنعرفو كويس كتّل اولادنا ورمل نسوانا واغتصبهم ،، كيف انتو بتطبلو ليهو ،، الكلام ده بوجعنا يا ناس ،، انتو لو ما بتعرفو حميدتي نحن بنعرفو كويس ،، كيف تخلو بتاع مليشيات يجي نائب مجلس عسكري ،، كيف تخلو الحدود يحرسوها دعم سريع وجيشنا قاعد هنا ،، ياخ حميدتي مكانو السجن وعارفاكم سامعني يا ناس الدعم والجيش ،، حميدتي مكانوو السجججن اي ،، ومفروض الدعم ومليشياتو تتحل وتنضم للجيش " #إعتصام_القيادة_العامة