جنرالات الجيش قاعدين في السهلة ساكت... يجب عليهم تسليم السلطة.

03:06 PM May, 02 2019

سودانيز اون لاين
Deng-
مكتبتى
رابط مختصر

أعضاء المجلس العسكري مازالوا يعملون بعقلية النظام السابق، وأن بعضهم كيزان وولائهم للتنظيم الاخواني الشرير.
هؤلاء الجنرالات حتى اللحظة لم يستوعبون بأن هنالك ثورة قد حدثت في السودان وأطاحت بالنظام الدكتاتوري الذي حكم لمدة 30 عام. ومازالوا يماطلون القوة الثورية ويريدون الاحتفاظ بالسلطة لصالح قياداتهم البائدة السابقة. ولكن يجب على الجنرالات أن يحددون موقفهم الان من الثورة، فهل هم معها أو ضدها؟
إذا أنتهز الجنرالات الموقف وانحازوا الى جانب الشعب السوداني وثورته فأن التاريخ سوف يحفظ لهم هذا الموقف التاريخي الشجاع.
أما إذا أصر الجنرالات على موقفهم الحالي في الاحتفاظ بالسلطة من أجل الحفاظ على النظام القديم، فأن الشعب سوف ينتفض ضدهم مرة أخرى وسوف ينتصر عليهم أيضا.
ويجب أن يعلم هؤلاء الجنرالات بأنهم لا سند حقيقي لهم داخل القوات المسلحة، وأن الضباط من الرتب المتوسطة والصغيرة والجنود سوف يقفون في النهاية مع خيارات الشعب.
أما الرهان على ما يسمى بقوات الدعم السريع، فهو رهان خاسر ولا يمكن أبدا لقوات مسلحة نظامية أن تعتمد على ميلشية فوضوية وغير منضبته ولم يتلقى أفرادها تدريب عسكري بطريقة علمية.

سلام دينق

اكيد قوات الدعم السريع رهان خاسر
لكن المشكلة انهم معتقدين انهم يملكوا الجيش والشرطة والامن

ناس الجيش لو مفتحين يقولوا ليهم ما عندنا مشكلة بس جيبوا لسته بالناس العايزننا نسلمهم
والمثل بقول أصل مع الكضاب لي خشم الباب.

ما قاعدين فى السهلة يا دينق
ديل شغالين بى ايديهم و رجليهم لتنفيذ و تمرير مخططات الحركة الاسلامية
و الهيمنة الاماراتية السعودية المصرية على القرار السياسي السوداني
و الدليل الوجود الطاغى لحميدتى على المشهد السياسي الان
لكن قعاد السهلة فى ملجة كوبر راجيهم طال ما اختاروا الوقوف ضد ارادة الشباب
الان عملية تكتيفهم تجرى على قدم و ساق
الوثيقة الحاكمة للفترة الانتقالية ده الحبل البجيب البل
دى ثورة وعى فى المقام الاول عشان كده بتفرض واقعا بكل ثبات و حنكه و دراية

Quote: اكيد قوات الدعم السريع رهان خاسر لكن المشكلة انهم معتقدين انهم يملكوا الجيش والشرطة والامن

مرحبا يا جعفر بشير.

حميدتي بشوية أسلحة خفيفة أعتقد بأنه يمتلك جيش ضارب، والهطل ده طبعا بيخدع به بعض الإنتهازية وضعاف النفوس.

والله يا دينق في ناس عاملة هيلمانة لقوة حميدتي الضاربة وحاجات غريبة
والله جندي مدرب في الجيش السوداني يوازي خمسين جندي من حميدتي
المدربين عشوائيا ، يوم كتائب الظل كانت بتطلق الرصاص الحي ، الدعم السريع
كان بيتفرج، ولولا تدخل ابنائنا الشرفاء من صغار الضباط والجنود كانت حتحصل مجزرة
وحميدتي عايز يسرق البطولة دي

Quote: ناس الجيش لو مفتحين يقولوا ليهم ما عندنا مشكلة بس جيبوا لسته بالناس العايزننا نسلمهم والمثل بقول أصل مع الكضاب لي خشم الباب.

منتصر.

مهمة المجلس العسكري تتمثل في تسليم السلطة الى حكومة مدنية إنتقالية، وليس من مهامهم من يحكم السودان وكيف يحكم السودان.

Quote: ما قاعدين فى السهلة يا دينق ديل شغالين بى ايديهم و رجليهم لتنفيذ و تمرير مخططات الحركة الاسلامية و الهيمنة الاماراتية السعودية المصرية على القرار السياسي السوداني و الدليل الوجود الطاغى لحميدتى على المشهد السياسي الان لكن قعاد السهلة فى ملجة كوبر راجيهم طال ما اختاروا الوقوف ضد ارادة الشباب الان عملية تكتيفهم تجرى على قدم و ساق الوثيقة الحاكمة للفترة الانتقالية ده الحبل البجيب البل دى ثورة وعى فى المقام الاول عشان كده بتفرض واقعا بكل ثبات و حنكه و دراية

جلادونا

هولاء الجنرلات لا سند عسكري لهم من القاعدة العسكرية الدنيا وهي الاوسع في القوات المسلحة السودانية، فعلى جنرالات المجلس العسكري أن لا يدعون تفويض أو قوة كاذبة. نعم أن جنرالات المجلس العسكري يقومون بتنفيذ كل مخططات وأجندة الكيزان بشقيهم وطني وشعبي، وأنهم يقومون بذلك بوعي أو بدون وعي.
ولكن هذه الحالة لن تستمر طويلا والرهان على حميدتي ومليشياته هو رهان خاسر تماما. في النهاية سوف ينتصر الثوار والثورة وسوف يسود وضع جديد، فعلى جنرالات المجلس العسكري إنتهاز هذه الفرصة فورا والعمل مع الثوار والثورة وليس ضدهم.

كيفك يا دينق
4سنين دي هي ال خلت العسكر يطمعوا
ومن اساسو كان الناس تمشي للقضاة
الرتب الوسطي والصغري كان ح تنحاز
ما في مرة خذلوا شعبهم

فوووق

فووق من أجل فضح المجلس العسكري

Quote: فووق من أجل فضح المجلس العسكري