Post: #1
Title: احتفال اسبوع المرور العربي في دنقلا .. بلد لا سيارات لا عروبة
Author: علي عبدالوهاب عثمان
Date: 05-02-2019, 02:08 PM
Parent: #0
02:08 PM May, 02 2019 سودانيز اون لاين
علي عبدالوهاب عثمان-جدة
مكتبتى
رابط مختصر
اليوم أمس في نشرة العاشرة بالتلفزيون .. شيء غريب وكأن
الناس في واد آخر .. إحتفالات .. المئات من عربات المرور .. قادة
ورتب مختلفة من شرطة المرور ( في كل أنحاء الوطن ) وفي كل
المحليات تقريباً
قاعات فخمة
صوالين
كراسي وثيرة
مياه وعصائر
ملصقات جدران
بنارات
مكبرات صوت
خطب وشعارات
رتب عسكرية مختلفة .. كلهم ما شاء الله أحجام وبنية جسمانية ..
لا مراعاة لساعات العمل الضائعة أو كميات الوقود المستهلكة في
استعراض سيارات المرور .. لدرجة عمل مجسمات ومعارض
عندما شاهدت كل هذا الزخم والترف في دنقلا اصابني إحباط
والأغرب أن الوالي الجديد وقف يخطب في الناس على ضرورة تثقيف
الناس وتوعيتهم بدروس في .. إشارات المرور والسرعة وقواعدها ..
واستخدام السيارات بكفاءة ووعي ..
تخيل كل هذا الضجيج .. كم عدد السيارات في دنقلا ؟
هل في دنقلا اشارات مرور وإزدحام ؟
معليش لو كان أسبوع العربي المحافظة على صحة البهائم والحمير ؟
وأخيراَ وجدت أن المناسبة هي الاحتفال بأسبوع المرور العربي .. ونحن
هنا في الخليج لم نسمع من العرب الاقحاح عن اسبوع مرورهم .. مع أن
نسبة الحوادث مرتفعة .. وكثافة السيارات ربما الأعلى في العالم نسبة للسكان ..
صدقوني يا جماعة الاسطوانة السابقة .. الاحتفال بمناسبات غير انتاجية
مثل أسبوع المرور .. تخريج روضة أطفال .. تصحيح الامتحانات ..
بداية العام الدراسي .. إلخ
ما الفرق بين الوالي السابق والحالي ؟ لا فرق .. نفس الحجم .. نفس
العصى يهش بها .. نفس التكبير والتهليل ..
حاجة ترفع الضغط
ومستشفى دنقلا تعاني من الانهيار التام ؟ ونقص في كل متطلبات الحياة ؟
لماذا لا يحرص هؤلاء على الانتاج بنفس الحماس .. فقط في الفارغات
اللهم أزل عني هذا الاكتئاب وهذا اليأس رغم خطورة مثل هذا الاحساس
لمن هم في اعمارنا ..
احتفال اسبوع المرور العربي في دنقلا .. لا سيارات لا عروبة
|
Post: #2
Title: Re: احتفال اسبوع المرور العربي في دنقلا .. بلد
Author: Gafar Bashir
Date: 05-02-2019, 03:01 PM
Parent: #1
| Quote: احتفال اسبوع المرور العربي في دنقلا .. لا سيارات لا عروبة |
ههههههههه
فيها كم اشارة بالله
|
Post: #3
Title: Re: احتفال اسبوع المرور العربي في دنقلا .. بلد
Author: Bashasha
Date: 05-02-2019, 03:22 PM
Parent: #2
ياسبحانه امون رع!
فعلا الدنيا اتغيرت يا ابو علوة!!!
رحم امون امنا "هجيجة" اي خديجة، الكانت بتنهرني بي حرقة فقط لما اتكلم عربي!!
نعم كان بتقول لي مامعناه، لما اورجغ عربي- دي فلقصة، لزوما شنو!
الكلام ده، في التسعينات، مش الخمسينات!!
بي عيني شفتا لما يجي زول من برة المنطقة، في نواحي بعينها في دنقلا، او يسوي "السلامو عليكم" طوالي بقودو بي حمارو للمترجم بتاع الحلة!!!
|
Post: #4
Title: Re: احتفال اسبوع المرور العربي في دنقلا .. بلد
Author: علي عبدالوهاب عثمان
Date: 05-02-2019, 03:37 PM
Parent: #3
ههههههههه
فيها كم اشارة بالله
===============
حبيبنا جعفر .. إشارات المعاناة في الصحة خاصة
يا الحبيب جعفر الكيزان شغلوا الناس خلال الفترات السابقة بالفارغات
بالله واحد يبيع خروف عشان يشتري عباءة تخرج للبنت من الروضة في ضواحي الدنيا
لم نسمع بالروضة إلا في إسم الحبوبات حتى الخلاوي كانت محدودة .. الناس كانوا يصلوا بلغتهم الخاصة
شغلوا الناس بالأمور الفارغة اقعدوهم عن الانتاج .. حليل زمن الترابلة المنتجين
سبحان الله (( أسبوع المرور العربي )) مثل هذا البذع والظواهر هي التي غيرت سلوك الناس
في أقاصي الدنيا ..
الناس في اشد الحوجة للدواء في مجمع غسيل الكلى .. والوالي يرقص في أسبوع المرور العربي
ياريت كان (( اسبوع التربال النوبي )) ومعرض للواسوق والطورية والساقية .. إلخ
والغريبة هم نفس شخوص الانقاذ ونفس الشعارات ونفس الحركة الجسدية وهز الكروش
الظاهر الموضوع طويل وشائك
حبيبنا جعفر معليش .. الضغط مرتفع شوية ..
|
Post: #5
Title: Re: احتفال اسبوع المرور العربي في دنقلا .. بلد
Author: علي عبدالوهاب عثمان
Date: 05-02-2019, 03:46 PM
Parent: #4
نعم كان بتقول لي مامعناه، لما اورجغ عربي- دي فلقصة، لزوما شنو!
الكلام ده، في التسعينات، مش الخمسينات!!
=====================
بشاشا أمبس .. سيرناقمي
نحن ناس الجزر قبل أكثر من نصف قرن كنا نسمع
صلاة الامهات .. قراءة الفاتحة بالنوبية هكذا :
الهمدو شيري قمبو
دار مكاده
هلان قوقكا
ووو أرتي .. أي ين برتي ..
الشرح لاحقاً لأننا في خضم الثورة وبعدين نرجع للتراث
بشابشا أمبس .. الناس في شنو والوالي عبيط ده في شنو
عربات ، طوابير شرطة ، تجمعات .. الخ وصرف في الفاضي ..
ونحن نجمع الفلوس من الغربة من الجمعيات عشان ناس غسيل الكلى
قال اسبوع المرور العربي .. وتضامناً مع جامعة الدول العربية ( بالله ده كلام )
لا بد من تصفية هذه السلوكيات الانصرافية ..
يا شباب يا أبناءنا وبناتنا استعجلوا بالثورة
تحياتي وووو بشاشا أمبس
|
Post: #6
Title: Re: احتفال اسبوع المرور العربي في دنقلا .. بلد
Author: Bashasha
Date: 05-02-2019, 11:36 PM
Parent: #5
وووا الي، امبس،
ياخي رجاءا ثم رجاء، لو عارف الايات الكانو بقروها كبارنا زمااان في الصلاة، تورينا ليها، لانها ماكانت بالعربي!!
وانا يافع بعد دخلتا الاولية ابتديت انتبه للظاهرة دي!
قبل ما ابدا مشوار الاستلاب، اي التعليم الرسمي، ده مالفت نظري!!
في الخلوة، الكتابة كانت بالعربي، ولكن الكلام كلو، كان بي لسانا!!!
نعم حتي املاء ايات القران للكتابة في الواحنا كان بي لسانا!
كمثال الفكي بدل ما يقول اكتب الف اي "أ" كان بقول:
الف كي، او!!
لاحظ لحدي ماخشيت الابتدائي، او يا ريت ماخشيت، ده اصلا مالفت نظري خالص!!!
شئ عجيب!!!
|
Post: #7
Title: Re: احتفال اسبوع المرور العربي في دنقلا .. بلد
Author: امتثال عبدالله
Date: 05-03-2019, 01:02 AM
Parent: #6
استاذنا علي عبد الوهاب
الثورة لا زالت في بدايتها وفلول نظام اللصوص والحرامية ما زالوا يسيطرون على الخدمة العامة والشرطة والجيش ولكن بعد أن إرساء أسس الديمقراطية وكنس آثار النظام السابق القمئ لكل شئ سوف يتغير إلى الأفضل، ،،بس كيف ناس التجمع وقوى الحرية والتغيير يسرعوا يشكلوا الحكومة المدنية ....
وبعدين أسبوع المرور العربي ده مفروض ينظموه في مدينة زي القاهرة أو الرياض أو الكويت أو أي مدينة تكتظ فيها السيارات وحوادث المرور.....
وكل سنة وانت وانت طيب ، رمضان يوم الاثنين ..
|
Post: #8
Title: Re: احتفال اسبوع المرور العربي في دنقلا .. بلد
Author: علي عبدالوهاب عثمان
Date: 05-05-2019, 04:03 PM
Parent: #6
بشاشا أمبس ..
فتحت بوست كامل لهذا الموضوع
رغم أن الظروف ما تسمح حسب الاحداث
تحياتي بشاشا أمبس
|
Post: #9
Title: Re: احتفال اسبوع المرور العربي في دنقلا .. بلد
Author: علي عبدالوهاب عثمان
Date: 05-05-2019, 04:12 PM
Parent: #8
وبعدين أسبوع المرور العربي ده مفروض ينظموه في مدينة زي القاهرة أو الرياض
أو الكويت أو أي مدينة تكتظ فيها السيارات وحوادث المرور.....
\=====================
الاميرة امتثال .. والتحية للاميرات ..
تخيلي العرب الاقحاح لم يحتفل أحد .. وعندنا صرف والبذخ وتكبير وتهليل
في دنقلا .. حتى مدينة أسمها ليس بالعربية ..
والولاة العساكر عليهم الذهاب اليوم
نفس الثقافة .. والمنظر .. والطريقة .. رغم صمود الشباب والاصرار على التغيير
ولكن الحكومة العميقة .. وأنا متأكد قريباً سوف يذهبون إلى الجحيم
أنا زعلت من كمية الصرف والبذخ والمدارس حتى شبابيك ما فيها
لا بد من تغيير هذا السلوك بالقوانين وبالقوة ..
وكل عام والجميع بخير ويا رب تكوني في سعادة وصحة وعافية .. ويا إبنتي
ربنا يحقق الاماني
|
|