|
|
 Re: هروب الكوز ذو النون بسرعة 50 كم في الساعة (ف (Re: عبدالقادر محمد)
|
أمر يدعو للرثاء والأسف .. ياعبد القادر ..
الني للنار زي مابيقولوا الحصل ده كان مفروض يحصل من الأول ..
وكان مفروض يتلفظ ذا النون من زمن اللايفات بتاعته وقعاده في ماليزيا !! ..
إشمعنى ماليزيا يعني ؟ عشان فيها حاضنة الكيزان النقدية من أموال الشعب الاتنهبت ..
وهناك حيقدروا يصرفوا عليه من وسع ؟ ..
اصلا حكاية ماليزيا دي ماوقعت لي كلو كلو ..
بل كانت هي السبب الأساسي الخلاني أشك فيهو من الأول ..
ومن أنه ذا النون ده في يوما ما ..
حينصاع لأوامر تنظيمه (الوداهو ماليزيا )وحيسفر عن وجهه الكالح زي وجه الكيزان ..
ثم لأنه ماليزيا دي وحسب عرفتي وفهمي مابمشوها إلا الكيزان وأذنابهم ..
بعدين الأكد شكوكي توقيت عودته كان أمر مريب جدا ليه ما جاء منذ اليوم الأول ..
ده الشيء البديهي حسب اهتماماته يعني مفروض زي ذا النون ده ..
لوخيروه بين إنه ياكل ويشرب وهو جعان وعطشان أو يركب أول طيارة تصل الخرطوم ..
لاختار السفر والذهاب رأسا لموقع الاعتصام فكونه يجي متأخر كده معناتها ..
هناك أيدي حددت ليهو يجي متين زي ما حددت سغر وين ومتين ..
ثم حكاية الاستقبال التحس بيهو مش تلقائي ومن إنه تم الاعداد له ..
لانه ما كان هناك أي اشارات في الميديا من إنه الزول ده ..
حيجي ويلقى الجموع والجماهير الهائلة دي منتظراهو !!! (بتلقائية طبعا ) ..
عموما كونه ذا النون كوز بائن الكوزنة دي منقصة مابعدها منقصة ..
وتقدح في أي ولاء مدعى من جانبه للثورة وللشارع ..
لأنه حزبه حتى آخر لحظة كان ينافح عن النظام البائد ..
وحتى الآن تربطه مع دولة الكيزان العميقة الكثير من الروابط ونقاط التلاقي ..
أصلا ماحيجي يوم يكون المؤتمر الشعبي وكل كيانته منسلخين على قاعدين ..
ضد حكومة الكيزان لأنهم هم أصلها وساسها وراسها ..
لاتثقوا في أي كوز أنضم بمحض إرادته وقناعته لهذا التنظيم الشيطاني ..
مهما إدعى من أمر يخالف ولاءه للكيزان فهو كااااااذب كااااذب ..
المصيبة إنه تم حرق كرت ذا النون بصورة غشيمة جدا وبمنتهى الغباء ..
أنا كنت من الأول شاكي في ظاهرة ذا النون ولايفاته وما اقتنعت بيهو خالص ..
لكن أن يتم الاستغناء عنه بهذه الصورة فهذا منتهى الخطل ..
كان فيهو شوية صلاحية وكان ممكن استخدامه بطريقة أفضل ..
لكنهم الكيزان بيفترضوا انه الشعب السوداني ده ريالتو سايلة وبي قنبور ..
وممكن تمش عليه أي حركة قردية يعملوها .. تبا لهم ..
ماحيقدروا يعملوا شي يستسلموا للأمر الواقع أحسن وإلا نهايتهم حتكون كارثية ..
لأن الغبن الزرعوه في نفوس الشعب ده خلال 30 سنة كالحة ومظلمة ..
مابتروح إلا بإقتلاعهم ورميهم في مزبلة التاريخ هم وتنظيمهم وانسلاخاته القذرة مثله ..
لن تقوم لهذا التنظيم قائمة في السودان مرة أخرى حتى يهنق حمار الوادي ..
| |
 
|
|
|
|
عبدالقادر محمد
جمال ود القوز
محمد بدرالدين
فيس بوك
تويتر
انستقرام
يوتيوب
بنتيريست