سعادة الرائد ابو قرون والله طمنتنا ان الثورة في يد أمينة...ووالله ما دام في ناس زيك في الجيش فالسودان سيكون بخير والثورة سوف تنتصر .... عفارم عليك يا سعادة الرائد، رجعت ثقتنا في الجيش السوداني...وتستاهل زغرودة طويييييلة وشبال يا بطل ... مع وافر تقديرنا واحترامنا وامتناننا لك ولامثالك من زملاء ك ضباط وجنود قواتنا المسلحة ..
تحياتي ياسر الشريف الغريبة ياسر شفت العنوان لكن ما فتحت الموضوع عشان ارد علي متداخلين كتيرين ده فيديو مفروض يوصل لكل مواطن ملكي كان او عسكري خصوصا حميدتي والمجلس العسكري عشان يعرفوا انو حواء والدة
Post: #13 Title: Re: فيديو ورسالة عجيبة لحميدتي وذاالنون والب� Author: Biraima M Adam Date: 05-02-2019, 12:46 PM Parent: #12
دكتور ياسر شريف سلامات ..
Quote: الحاجة الما ارتحت لها هي ثناء رضوان على موسى هلال. وموسى هلال لا يختلف كثيرا عن حمدان حميدتي. حصل تنافس بينهما وانتصر حميدتي.
الكلام دا مفهوم يا دكتور .. موسي هلال وسافنا .. وأقرأ ذلك مقروناً بحديثه عن ثوار الحركات المسلحة في ليبيا .. وغيرها .. وأقر ذلك مقروناً بحديثه بأن الثورة هي ثورة الجيش ..
الززول واضح جداً ..
أنا أبحث في حديثه عن واقعة "الضليمة" .. هذه المنطقة تقع عندنا في كردفان ما بين الأبيض والدبيبات- الدلنج .. وهى حضارة من حواضر قبائل الحوازمة ومسبعات في كردفان .. ولو أنا وصلت لهذا الخبر ممكن أقدم ليكم شيئ واضح عن الرجل ..
هناك كثيرون أخطأوا بحق الشعب السوداني الطيب المغلوب على أمره، وهؤلاء موجودون في الجيش وفي المليشيات التابعة له وكذلك في الحركات المسلحة. ولو الأمور مشت كويس كل من أجرم بحق أحد سوف يحاسب. ولكن لو الأمور لم تسر بصورة كويسة فسوف يحصل صراع مسلح. نسأل الله أن يهدي الجميع إلى تجنب ذلك.
مع إنه كلامه كويس رغما عن الهنات بتاعة موسى هلال وسافنا .. لأنه أنا ماشايف أي فرق بين حميدتي وموسى هلال الاتنين واحد .. رأيي عنه كشخص غير مريح حديثه بيقود الواحد لاتجاهات ماياها .. لكن الشيء الماقادر اقتنع بيهو إنه أبوقرون ده عنده علاقة بالجيش .. البيعرف يورينا أبو قرون ده رائد جيش وين ؟ .. في ياتو حامية وفي أي مدينة ؟ ..
Quote: لكن الشيء الماقادر اقتنع بيهو إنه أبوقرون ده عنده علاقة بالجيش ..
اذا قلت انو مافي واحد الان في الجيش بقدر يقول كلام زي ده .. اصلا ده هدف الفيديو انو في زول ممكن يقول من ناحية اللغة دي لغة جيش مامحتاجة ليها اثبات سواء كان ضابط او كان عسكري سابق او حالي او حتي مدعي
عموما الاتجاهات الماجميلة هي رد فعل طبيعي لسلوك المجلس العسكري لا نتمني ان تتجه الامور الي العنف لكن ليفهم الذين يهددون ويتوعدون زي حميدتي وصلاح انو اي تصعيد هم الخسرانين والجيش والشرطة ليست قاعدة للمجلس بل قاعدة للثورة
يا جمال انت يعني عاوز اعداء الثورة في المجلس يفصلوهو من الجيش، لأنه قال كلام قوي ما بقدر يقولو أي واحد ...المفروض زول زي ده نشجعه ونشد من ازره ،،،لأنه واقف مع الثوار قلبا وقالبا ...
ذو النون ده امره مختلف ..لانه كان مع ناس الترابي وهم الذين أتوا بالبشير إلى السلطة فتغدى لهم قبل أن يتعشوا به...وهو عضو في حزب علي الحاج، ،،ويريدون أن يلحقوا بركب الثورة..لان المحاكمات تنتظرهم ...
صحيح يا عارف ليس كل ما يلمع ذهبا ... واوضح صورة هي صورة الجنرال برهان قائد المجلس والذي استبشر به الناس خير فاذا هو ليس سوي حصان طروادة
الثورة في حاجة لكل شخص ولكل فرد ولكل دعم لكن هذا لا يعني اننا اغبياء فالطبع يغب التطبع في النهاية مهما كانت القدرة علي التمثيل واي ممثل كوميدي او هزلي حايعود لطبيعته في اول اختبار سقط بن عوف كما سقط زين العابدين كما سقط ذو النون ... ولم يستغرغ الامر سوي عدة ايام وفي بعضها عدة ساعات
دي ثورة لعزل اعداء الديمقراطية ودرجة الوعي فيها عالية جدا ومختلفة من الثورات السابقة ومهما هم تجملوا حايظهر وعاجلا نواياهم وطبيعتهم
الرائد رضوان حتي الان يتحدث باسم الثورة وبفهم الثورة الذي نفهمه نحن ولكن بلغة عسكرية ولا خوف حتي لو كان حصان طروادة اخر فوعي الثورة السودانية كفيل باقصائه