Post: #1 Title: البارح لاقيت ابوذر الغفاري ومصطفي سيد احمد قدام القيادة بي الاحضان Author: Osman Musa Date: 04-30-2019, 06:46 AM
06:46 AM April, 30 2019 سودانيز اون لاين Osman Musa- مكتبتى رابط مختصر
(adsbygoogle = window.adsbygoogle || []).push({}); قدام القيادة واقفين ومشاركين حقيقة . ابوذر الغفاري قلها في عين الطاغوت وراح . ياما شان زفة خريفك كل عاشق ادي فرضو مافي شمسا طالعة طلت الا تضحكي ليها برضو . .. البارح في ده البكان وفي دي الملمة التاريخة تشتتت الدموع . حضور المفخرتين ابوذر ومصطفي كان مهيب . لهم الرحمة
Post: #2 Title: Re: البارح لاقيت ابوذر الغفاري ومصطفي سيد احم Author: Osman Musa Date: 04-30-2019, 07:38 AM Parent: #1
ارجو التكرم بوضع الاغنية بعد ان تحققت امنية حبيبنا ابوذر الغفاري .
Post: #3 Title: Re: البارح لاقيت ابوذر الغفاري ومصطفي سيد احم Author: نزار عبد الوهاب Date: 04-30-2019, 12:20 PM Parent: #1
Post: #4 Title: Re: البارح لاقيت ابوذر الغفاري ومصطفي سيد احم Author: Osman Musa Date: 04-30-2019, 03:52 PM Parent: #3
عزيزنا الاخ نزار سلامات كانت مصادفة جميلة البارح نقابل الراحلين الحاضرين . شاعرنا المدهش ابوذر الغفاري كسب الرهان ورجع للملة مع عزيزنا مصطفي في الموعد يا للعظمة .
سلام يا عثمان موسى وشكرا ليك ويا سلام يا سلام.. الرحمة والنور تغشى روحيهما نقلت الكلمات من الفيس بعد ما صححت بعض الكلمات.
♡في عيونك♡ ●●كلمات:ابو ذر الغفاري●● ●اداء:مصطفى سيد احمد● في عيونك ... ضجة الشوق والهواجس ريحة الموج البنحلم فوقو بي جية النوارس ياما شان زفة خريفك كل عاشق أدى فرضو .. ومافي شمسا طاعمة طلت إلا تضحكي ليها برضو والغمام الفيكي راحل في الصنوبر يلقى أرضو والصباح إمتد ياما .. كلما جاوبتي نبضو .. نشتهيك .. نشتهيكي وياما نحلم نحكي ليك عن المسافة عن سفن بالشوق بترسم في بحيراتك ضفافا عن ملامح غنوة هلت في عويناتك هتافا عن حقيقة نهاتي بيها وفي أساطير الخرافة ويا صباحات المواني حتي لو دربك ترنح في مشاوير الأغاني والجرح إرتد بينا لي زمان الآهه تاني يانا لا بنتحاشا صدك لا بتموت فينا الأغاني يا غنانا .. المشتهنو ياني موعود بي زمانك بي مواقيتو البرنُّو بي إرتعاش صرخة وجودك يوم يطل ميلادي منو ولما إتوسد صباحك ياتو ليل بفصلني عنو - - -
Post: #5 Title: Re: البارح لاقيت ابوذر الغفاري ومصطفي سيد احم Author: نزار عبد الوهاب Date: 04-30-2019, 11:37 PM Parent: #1
مرحب حبابك الأخ عثمان ... يالك من محظوظ أخي الكريم ... وياهو حلمنا البنحلم بيهو يوماتي وبنهاتي بيهو سنين ودنين ... صدقت النبوة المغناة طوبى لهم أضناهم حب الوطن ... ويا ضُلنا المرسوم على رمل المسافة وشاكي من طول الطريق ... قول للبنية الخايفة من نار الحروف قول ليها ما تتخوفي ... وإن شاء الله الجاي أحلى ... مع الشكر أخي عثمان ...
Post: #6 Title: Re: البارح لاقيت ابوذر الغفاري ومصطفي سيد احم Author: Osman Musa Date: 05-01-2019, 07:31 AM Parent: #1
الاخ نزار سلامات هم فاكرين thiy killed him . لكن الغفاري قاعد وبي كامل اناقة نشيدو . الغفاري ومصطفي واقفين من اول يةم بين الناس . ربك يحفظ البلاد واهلها
Post: #7 Title: Re: البارح لاقيت ابوذر الغفاري ومصطفي سيد احم Author: Osman Musa Date: 05-03-2019, 11:13 AM Parent: #1