العشر قام ليهو شوك . نفس الوجوه كانت تتضارى من بشه خوفا و رعبا .
الواحد فيهم ما بيقدر يرفع عينه قدام بشه. دلوقت حظهم السعيد انهم يتعاملوا مع شعب محترم ؛ يعاملهم معاملة محترمة . يديهم قيمتهم الحقيقية ككبار الضباط.
لكن الظاهر انهم تعودوا على المذلة و الانكسار و عايزين يفرغوا غضبهم و عقدهم كلها على الشعب الصابر.
الشعب لازم يلعب ضاغط مع العسكر ديل
Post: #2 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 02:01 AM Parent: #1
بينما كنتو منكسرين ذليلين قدام بشبوش الشعب كان ثاثر عليه و صدوره مفتوحة للرصاص . والقناصة و الرباطة و الكجر يطاردوا الشباب المسالم. وين كنتو يا أعضاء المجلس العسكرى؟
تتلبدوا خلف مكاتبكم المكندشة و الواحد فيكم جسمهم كله يترقط لمن يسمع اسم الرئيس. دلوقت شطارتكم على الشعب؟ عشان احترمكم و اتعامل معاكم كشركاء !!!!!
الشعب ده زى ما أطاح بالبشير ممكن يطيح بيكم انتو يا اسبونج بوب و رفاقه.
صغار الضباط ينقلبوا عليكم (بدعم من الشعب) يحتكموا ليهو دون مساومات كما تفعلون الان.
Post: #3 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 02:13 AM Parent: #2
الشعب هو الاداكم الجاه و السلطة التى تستمتعون بها الآن. لولا الشعب كنت قاعدين مرميين ؛ فى اى لحظة بشه تهف ليه يرميكم فى الصالح العام ..مزاج بس منه.
ترجفوا قدامه. تتكبكبوا امامه.
يحرككم شمال يمين زى بت ام لعاب.
الواحد فيكم بشه يرفده و يرجعه و تانى يرفده و يرجعه و بغم مافى منكم.
دلوقت نزلت عليكم الشجاعة و البسالة !! امام الشعب الذى اخرجكم من مذلة البشير و تحقيره ليكم .
استعدلو معاه و احترموه وخلو ال ******
Post: #4 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 02:30 AM Parent: #3
لغاية دلوقت الشعب لم يعلن التمرد عليكم. مطول باله معاكم ؛ يديكم فرصة و زمن تقوموا بالواجب. لكن أحذروا غضب هذا الشعب الصابر. هو يغلى الان و كاد صبره ينفد معاكم .
و ممكن ينفجر فى وجوهكم الناعمة فى اى لحظة والدليل
شوفوا كمية الغضب فى الشارع فقط لمجرد انكم استعملتوا لغة بها تهديد باطنى و إيحاءات بفض الإعتصام و ازالة المتاريس..
إيحاءات فقط فجرت الشارع غضبا ؛ ما بالكم لو اعلن الشعب انكم عدوه الاول ؟
بعدين شنو شغل المسخرة بتاعكم ده ! جاتكم استقالة من تلاته كيزان ؛ يجب قبولها فورا حتى تستعيدوا شوية من صبر الشعب القرب يخلص
Post: #5 Title: Re: نفس الضباط ديل البشير كان سايقهم زى الضان Author: Mutasim Idris Date: 04-30-2019, 02:30 AM Parent: #3
النصري سلام.. قادة الجيش ديل قراراهم ماااا بيدهم. ديل مرتزقه يا النصري. كانوا مرتزقه للبشير وهسي للمحور. التجمع وقوي الحرية بفاوضوهم علي شنو؟ هل هم طالبننا مناصب؟؟؟ ول اتفاقات عملوها وقبضوا تمنها.
Post: #6 Title: Re: نفس الضباط ديل البشير كان سايقهم زى الضان Author: ترهاقا Date: 04-30-2019, 02:43 AM Parent: #5
دييل طلعوا دُمي ولعب حقيرة في يد السيسي وبن سلمان وبن زايد وبأي حق يعلنوا ببقاء جيشنا في اليمن ؟
عساكر ورق
Post: #7 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 02:50 AM Parent: #5
أهلا معتصم خلاص لو القرار ما عندهم ، عند أسيادهم. يرجعوا لاسيادهم ديل و يكلموهم انه الشعب لن يقبل اى مساومات و انه زهج و صبره خلص .
اهم شي يكلموا أسيادهم (عرب كانوا ا مصريين) انهم ككبار ضباط حيفقدوا الحظوة التى نالوها صدفة و ان الشعب غاضب على المجلس و على أسياد المجلس.
و ان صغار الضباط مع الشعب فى مطالبه و انهم (اى صغار الضباط) الأغلبية فى الجيش.
على أسياد المجلس العسكرى العمل على تحقيق كل مطالب الشعب دون تسويف.
Post: #8 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 03:00 AM Parent: #7
اهلا ترهاقا والله عارفهم خيخ ساكت. لو ما خيخ البشير كان احتفظ بيهم كل هذه السنين!!!! عارفهم و عارفين صفقاتهم المشبوهة مع دول المنطقة لكن كان العشم يقوموا بالواجب تجاه شعبهم. Stand up for themselves لكن الخيخه دائما خيخه.
والغضب الشعبى فى زيادة لغاية الأنفجار العظيم
Post: #9 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 01:29 PM Parent: #8
الضابط صلاح الدين عبدالخالق. انت لم تحمى الثوار. انت كنت لابد فى المكتب ترتعب من غضب البشير. صغار الضباط هم من حمو الثوار من هجمات الكجر. بعدين انت شايف روحك اكعب من حميدتى ! حميدتى عنده السلاح و الرجال ؛ انت عندك شنو؟ ضابط كبير لا ينال احترام جنوده الذين جزء من هذا الحراك.
Post: #10 Title: Re: نفس الضباط ديل البشير كان سايقهم زى الضان Author: الحجاج الصادق Date: 04-30-2019, 01:35 PM
لسه ما قطعنا العشم في جيشنا .. الرجوع للصواب خير من التمادي في الباطل ..
Post: #11 Title: Re: نفس الضباط ديل البشير كان سايقهم زى الضان Author: Gafar Bashir Date: 04-30-2019, 01:51 PM Parent: #10
يا النصري انت قديم جدا ياخ البشير شنو كدي عاين للضباط ديل خريجين الكلية الحربية والرتب العالية
Post: #12 Title: Re: نفس الضباط ديل البشير كان سايقهم زى الضان Author: النصرى أمين Date: 04-30-2019, 02:03 PM Parent: #11
أهلا الحجاج. نعم ما قطعنا العشم فى جيشنا لكن قطعنا العشم فى الاشكال الكرتونية الكيزانية التى تتحكم فى جيشنا. يا استعدلوا مع شعبنا يا يغوروا فى ستين الف داهية