نعم من باب الشفافية اعلن هنا، انو ابو الصلح، ودعمة بشاشا الوالدة العزيزة حليمة عمر.
ايضا ساتقدم بي رسالة خاصة ولكن مفتوحة للفردة صلاح...
Post: #2 Title: Re: صلاح ود عمتي حليمة، الرجل الثالث في النظا� Author: Bashasha Date: 04-29-2019, 05:09 AM Parent: #1
نعم نوباوي قح، وباكثر من اي واحد من اهلنا من نوبة الجبال في هذا الفضاء! نعم الفردة عثمان نواي وقسما مصري عديل كده مقارنة بي ابو الصلح!!
ولا شنو يا ايمن؟
اها ناس صلاح ديل من البشاشاب الزرق، وكذالك والدي!!
اما والدتي "ست" نور، لاحظ لي Auset، عليها الرحمة، نعم ال سيد درار، فهم من البشاشاب الحمر، زي ما قال عيزانا جد ناس جعلي حر، اهل ناس محجوب علي او امنة مختار، قبل قرابة ال2,000 سنة!!!
Post: #3 Title: Re: صلاح ود عمتي حليمة، الرجل الثالث في النظا� Author: Bashasha Date: 04-29-2019, 05:24 AM Parent: #2
شهادتي في الفردة ابو الصلح:
لحدي ما اتفرقنا صلاح لاعلاقة له بالاسلام السياسي من قريب او بعيد، وان كان بحكم موقعو، انقـــــــــاذي!!!!
رجل ذكي جدا جدا، او مثقفاتي او ماعندو ميول سياسية من اي نوع لحدي ما اتفرقنا. لي سنين طويلة مالاقيتو ولا اتكلمتا معاهو، بالذات بعد توغلو داخل النظام الهالك!!!
Post: #4 Title: Re: صلاح ود عمتي حليمة، الرجل الثالث في النظا� Author: Hafiz Bashir Date: 04-29-2019, 05:39 AM
سلام يا بشاشة
ود عمتك دا عملت معاهو النيويورك تايمز لقاء إجابتو ما كانت ذكية نهائي وبالعكس كانت بتشبه إجابات أي كوز دُمُك
من أقوالو القول الكيزاني المكرور
Quote: ويعتقد الجنرال عبد الخالق أن المطالب بحكم مدني تأتي من “الشيوعيين” داخل المتظاهرين. و”هم أقلية ولكنهم يتحدثون بصوت عال” و”هؤلاء يعارضون من هو في السلطة أيا كان”.
Post: #5 Title: Re: صلاح ود عمتي حليمة، الرجل الثالث في النظا� Author: Bashasha Date: 04-29-2019, 05:54 AM Parent: #4
سلام ياحافظ بشير او مرحب بيك،
القريتو في النص الاصلي بالانجليزي، مختلف عن ما ورد في الترجمة العربية.
هذا ماورد في النص الاصلي:
General Abdelkhalig, in an interview, said he supported civilian rule, eventually. But he warned of dark consequences if the protest leaders continued to press their demand for the military to immediately turn power over to civilian leaders. “This idea will take us to civil war,” he said.
نعم قال هو بيايد حكم مدني في النهاية، ولكن التسرع في الخطوة دي، قال سيادي الي حرب اهلية!
اختلف مع ابو الصلح في تصورو ده، وساتناول كلامو بالتفصيل في الرسالة اللي حاوجها ليهو من خلال هذا الخيط.
Post: #6 Title: Re: صلاح ود عمتي حليمة، الرجل الثالث في النظا� Author: Hafiz Bashir Date: 04-29-2019, 06:04 AM Parent: #5
يا بشاشا دي الفقرة الأنا قصدتها ونقلت ترجمتها
Quote: Saudi Arabia and the United Arab Emirates, which on Sunday announced a $3 billion aid package for Sudan, are backing the generals. General Abdelkhalig believes the demand for civilian rule is driven by “communists” inside the protester ranks.
“They are a minority but they have a big mouth,” he said. “These people oppose whoever is in charge.”
Post: #7 Title: Re: صلاح ود عمتي حليمة، الرجل الثالث في النظا� Author: AMNA MUKHTAR Date: 04-29-2019, 08:34 AM Parent: #1
Quote: اما والدتي "ست" نور، لاحظ لي Auset، عليها الرحمة، نعم ال سيد درار، فهم من البشاشاب الحمر، زي ما قال عيزانا جد ناس جعلي حر، اهل ناس محجوب علي او امنة مختار، قبل قرابة ال2,000 سنة!!!
ههههههه يا أميرنا الحبش ديل بيننا وبينهم تاريخ من الحروب لغاية ما نهينا ليهم إمبراطوريتهم أكسوم في النهاية ..في القرن الثامن الميلادي. وكمان علشان التاريخ دا البجا حاربوا في صفوف الثورة الأريترية . فما تلمنا معاهم ..ديل شعب إستعماري وليهم مطامع في أرضنا زيهم وزي المصريين على فكرة . خليكم حذرين معاهم ..والتعامل معاهم يكون حسب المصالح مش العواطف والطيبة بتاعة السودانيين دي . وكلم ولد عمتك دا يشوف شغله معاهم في الحدود الشرقية التي تعودوا على التوغل فيها ونهب المواطنين والمحاصيل وثم حرق المنازل . آخر جريمة لهم كانت قبل أكثر من أسبوع في بني شنقول .
عندي بت عمتنا إسمها ستي نور . والإسم دا من أكثر الأسماء شيوعا عند البجا . فوجئت بإنه عندكم برضه !!
تحياتي.
Post: #8 Title: Re: صلاح ود عمتي حليمة، الرجل الثالث في النظا� Author: Bashasha Date: 04-29-2019, 02:49 PM Parent: #7
العزيزة امنة مختار مرحب بيكي،
اها والحبش ديل منم غيرنا؟
نعم اسم حبشة تاريخيا كان يشمل السودان الحالي، ولهذا ماصدفة كيف جدنا بلال، اللي دورو كان اكبر من كل خلفاء الخلافة العربية مجتمعين، ولكن انتهي به المطاف ك"حتة" مؤذن، طبقا للبعض كان ود حلتنا في دنقلا، بتاعة اليوم.
فلا فرق اطـــــــلاقا مابين اي سوداني واي حبشي، تشادي، صومالي، او ارتري، اكرر اطلاقا!
يكفي ابو الصلح في الصورة اعلاه من دنقلا، بينما عبد العزيز الحلو من الجبال!!
اذن لازم نمسح الخرطة الحالية لافريقيا من الذاكرة عشان ندرس تاريخنا.
هذه الخرطة، التقسيمات، المسميات، صاغها الاستعمار وليس نحن!
عمرنا ماعرفنا حدود مرسومة، جوازات، تاشيرات وما اليه من اساليب منبعا الثقافة الارية، بعامة، البدوية بطبعها من حيث الجذور!
هذا واضح جدا في "ارض الحرمين"!
الشطط هناك تجاه الاجانب، وطبقا لشريعة الثقافة العربية المسماة اسلامية، خام الي تاريخه، او ده ماصدفة اطلاقا!!
فكلنا حبش!
فالحروب مادليل اننا لما نتحارب فمعناه اننا ننتمي لاجناس او قوميات مختلفة!
نعم رغم انف محارق الابادة بي اسم العربة افتراضا او ضد الزرقة، بطول وعرض اكثر من نصف قرن، هانحن نرجع لاصلنا الواحد، الاحد، الصمد، المركوز في اعماقنا، البوري كيف كلنا شعب وجنس واحد، احد، ســـــوداني، اي حبشي، كيتن ليكي!!!!
Post: #9 Title: Re: صلاح ود عمتي حليمة، الرجل الثالث في النظا� Author: خضر الطيب Date: 04-29-2019, 09:43 PM Parent: #7
يا سلام يا بشاشا انقا سرناقمي عشان كده المرة الفاتت سألتك عن العلاقة بين نوبة الشمال و نوبة الجبال و بالمناسبة انحنا كمان عندنا خليط بين اهلنا الجعليين ناس ابوسنينة و الدينكا ود عمي ضابط مرور اسمو حسن امو دينكاوية و ابوهو عمنا ابوسنينة ياخ السودان دا متفرد في اي شئ
Post: #10 Title: Re: صلاح ود عمتي حليمة، الرجل الثالث في النظا� Author: خضر الطيب Date: 04-29-2019, 09:52 PM Parent: #7
آمنة مختار ايرا مالك عقار ايرا وضحي العلاقة ! ثم اذيك
Post: #11 Title: Re: صلاح ود عمتي حليمة، الرجل الثالث في النظا� Author: عبداللطيف حسن علي Date: 04-29-2019, 10:03 PM Parent: #10
نستفيد شنو نحن من البوست دا؟
Post: #12 Title: Re: صلاح ود عمتي حليمة، الرجل الثالث في النظا� Author: Bashasha Date: 04-30-2019, 11:10 PM Parent: #11
" target="_blank">
Post: #13 Title: Re: صلاح ود عمتي حليمة، الرجل الثالث في النظا� Author: Bashasha Date: 04-30-2019, 11:28 PM Parent: #12
Quote: عشان كده المرة الفاتت سألتك عن العلاقة بين نوبة الشمال و نوبة الجبال
خضر تحياتي اومشتاقين،
غايتو في اسرتنا، نصفهم اقرب لي نوبة الجبال، منهم الي نوبة الشمال وافراد اسرتنا بالمئات.
لهذا موضوع بشاشاب زرق، او بشاشاب حمر، ده من المواضيع الطريفة داخل الاسرة متي ما اتلاقو بالذات الكبار!
كتار منهم بتعرضو للشتم ك"عبيد" بحكم هذه الملامح في الشارع!!!
ده قديم خالص في تاريخنا كما اشار الي ذلك عيزانا!
لهذا ماصدفة ملوك المغرة في دنقلا، كانو هم ذات نوبة الجبال اي الدناقلة الاصليين، سيد الاسم. مع التنويه الدناقلة ولا المحس ولا الحلفاويين، ما قبائل كما نتوهم، وبذات القدر الدارفوريين كمثال في غرب السودان ماقبيلة من حيث الاصل، كما نتوهم شغل اسقاط
لي معايير، مفاهيم وعي الاسترقاق الثقافي العروبي الحصل لينا كنتيجة مباشرة لقرون العبودية، ثم عامل الدين، بالذات الاسلام الوافد اي الاسلام السياسي اي اسلام الثقافة العربية، اللعب دور موازي في عملية الاسترقاق العروبي الثقافي هذا اللي دمر حياتنا بالكامل!
Post: #14 Title: Re: صلاح ود عمتي حليمة، الرجل الثالث في النظا� Author: Bashasha Date: 04-30-2019, 11:38 PM Parent: #13
Quote: نستفيد شنو نحن من البوست دا؟
سلام ياعبداللطيف او مرحب بيك.
الناس بتختلف!
بالنسبة لي من باب الامانة مع الذات ثم القراء، فمهم للغاية يعرفو الجانب ده، في تناول بشاشا لي موضوع النظام الحاكم.
نعم موضوع disclosure بالنسبة لي، ثم فرصة لتوصيل رايي او رايكم راسا لاحد ابرز ممثلي النظام الحاكم!!
في الشريط اعلاه ابو الصلح قال كلام مهم، مهم، للغاية حاتناولو بالتعليق.
واضح انهم فاهمين الموضوع ده بي صورة مختلفة اختلاف جذري عن فهم الشارع!!
دي فرصة نسلط الضو علي النقطة المحورية دي، او نوصلا للمجلس.
Post: #15 Title: Re: صلاح ود عمتي حليمة، الرجل الثالث في النظا� Author: منتصر عبد الباسط Date: 04-30-2019, 11:46 PM Parent: #13
Quote: أن المطالب بحكم مدني تأتي من “الشيوعيين” داخل المتظاهرين. و” هم أقلية ولكنهم يتحدثون بصوت عال” و”هؤلاء يعارضون من هو في السلطة أيا كان”
أنا زمان الكلام دا كنت بسمعو كنكات على الشيوعيين بأن هناك شيوعي ركب مركب مع جماعة وقامت المركب ضلت الطريق وتاهو في البحر لغايت ما استقرت المركب في بلد طيرها عجمي قاموا الجماعة رحبوا بيهم ولقوا البلد سمحة وقرروا يستقروا فيها كم شهر قام الشيوعي سأل وقال ليهم : البلد دي فيها حكومة ؟ قالوا ليهو أيو قام قاليهم أنا من هسع ضدها . ههههههه الكلام دا نكته سمعتها منذ كنت طفلا وكنت بعتبرها مبالغات ساكت وهسع ربنا من حكمتو شوفنا ليها وها نحن نعايشها!!!
Post: #16 Title: Re: صلاح ود عمتي حليمة، الرجل الثالث في النظا� Author: Bashasha Date: 04-30-2019, 11:57 PM Parent: #15
:rules of engagement
اكيد يا ابو الصلح كعسكري واقع ليك المفهوم ده، اعلاه: بالنسبة لي احنا جو البيت اهل! ولهذا لما اجي خاشي البيت، بقلع نعلاتي، اي قضاياي، اهتماماتي، طرحي، فيما اتصل بالسياسة، برررررة، جمب الباب!!!
ما بحب ادخل البيت بي نعلات توجهاتي السياسية!!
جربت الحاجة من قبل، وبالتالي فلا معني لهكذا اسلوب للتعامل مابين الاهل..
نعم يكفي، اني عارف فلان بفكر كيف، او علان كيف.
لا معني للمناقرة مع ناس انتا معاهم باقي عمرك كلو، واحيانا ليل نهار!!
بناءا عليه، برا البيت، كل شاة، او خروف مننا معلق من عصب مواقفو هو، وحده لاشريك له!!!!
نعم بناءا عليه، اذا ارتكب كمال جرائم كسياسي، يحاسب كمال وفقا للقانون، وقضاء مستقل، او لو ادين، يشنق هو، ولا احد اخر من اهله!!!
لهذا نظل اهل واخوان، جو البيت، اما برا البيت، وفيما اتصل بالسياسة فكل زول فينا حر، او بي طريقتو، بالعربي ما بنعرف بعض زاتو عشان نكون صادقين مع انفسنا اولا ثم جمهورنا!!!!
بناءا عليه، حاخاطبك كمواطن وناخب سوداني، بخاطب في مسؤول سياسي، او بي كده، انا كناخب هو المخدم لامثالك يا ابو الصلح، وانت الخادم لامثالنا!
نعم نحن السادة كناخبين، وانتا المسود!!!
Post: #17 Title: Re: صلاح ود عمتي حليمة، الرجل الثالث في النظا� Author: Bashasha Date: 05-01-2019, 01:58 AM Parent: #16
النقطه الجوهريه في طرحكم كما ورد علي لسانك هو موضوع الحكومه الانتقاليه اللي انتو عايزنها عسكريه واذا لابد فبمشاركه مدنيه رمزيه بينما الشارع عايزة مدنيه بمشاركه عسكريه. ده هو لب الموضوع. شخصيا وكغيري مقدر جدا انحيازك كعسكري ساعه الصفر الشارع أو انتا شخصيا لعبت دور اساسي في النقطه دي. الاشكال كلو يتمثل في تقديركم للدور المفروض تلعبو كنتيجه وتتويج لانحيازكم الشارع! نعم الحته دي يافرده انتو فاهمنها خطا تماما! مع التقدير والاحترام انحيازكم لايعني بالنسبه الشارع ان تكونو في السلطه ولو لثانيه واحده دعك من سنتين!! اتت اتمني تفهم النقطه دي صاح! بمعني الشارع عايز نظام مدي حصريا من اول ثانيه تلت سقوط النظام أو ماعايز نظام عسكري اطلاقا ومهما كان المبرر لانو جرب الحاجه دي اكتر من مرة! نواصل بعد قليل...
Post: #18 Title: Re: صلاح ود عمتي حليمة، الرجل الثالث في النظا� Author: Deng Date: 05-01-2019, 02:39 AM Parent: #17
سلامات يا بشاشا.
أعتقد أن الرسالة المهمة الوحيدة التي يجب أن تصل الى جميع أعضاء المجلس العسكري هي:
أن لديهم فرصة ذهبية وتاريخية الان ويجب أن لا يضيعونها أبدا. إذا كانوا هم فعلا حريصين على مصلحة السودان فعليهم أن يستجيبون الى جميع مطالب تجمع المهنيين وبدون أي تحفظات، وأن التاريخ سوف يحفظ لهم ذلك والى أحفاد أحفادهم و سوف يتم ذكرهم بالخير وبالسيرة العطرة، وأنهم الذين قاموا بتسليم السلطة الى المدنيين الثوار. ويجب أن يعلمون أن الثورة سوف تحقق أهدافها بمساعدتهم أو بدونهم. فمع من سيقفون؟ حاليا يجب عليهم فك الارتباط مع الكيزان الذين يعملون معهم في الخفاء. ويجب عليهم الإنحياز التام الى مطالب الثوار.
هذه أغلى نصيحة للمجلس العسكري الحالي.
Post: #19 Title: Re: صلاح ود عمتي حليمة، الرجل الثالث في النظا� Author: Bashasha Date: 05-01-2019, 03:55 AM Parent: #18
سلام الفردة دينق او مرحب بيك،
نعم ياعزيزي، لو الناس ديل الانحازو للثورة، وقع ليهم كلام الشارع، مفروض ما يقعدو في السلطة ولا ثانية واحدة، ليدخلو التاريخ من اوسع ابوابو، والسلطة تجيهم حافية، حالقة، في بيوتم بل داخل غرف النوم!
للاسف هم فاهمين خطا!
طريقم ده، حيوديهم هم، في دهية، والبلد ربما تختفي من الخرطة لو اصرو علي هذا الطريق كما سنفصل!
Post: #20 Title: Re: صلاح ود عمتي حليمة، الرجل الثالث في النظا� Author: Bashasha Date: 05-01-2019, 04:32 AM Parent: #19
اواصل مع ابو الصلح، وكاننا زي زماااان، بنخمس في البرنجي في الحاج يوسف علي مرمي حجر من كرتون حاج يوسب.....
ياعزيزي، لايمكن نظام عسكري ينجب نظام مدني دستوري، ديمقراطي!
هذا مستحيل!
نعم اذا الان مصرين تكنكشو في الكراسي، الضمان شنو بعد سنتين تستقيلو، او قدامنا البشير كان بسو شنو ليظل في السلطة طول ماهو حي؟
انتا شخصيا بحكم معرفتي بيك حتفي بي وعدك، ولكن هذا لايعني شئ!
قالو الضاق لدغ الدبيب، بخاف من مجر الحبل!
بالذات انو وضعكم مختلف اختلاف جذري عن كل الانظمة العسكرية المرت علي السودان بل المنطقة كلها، والظروف الجاية كنتيجة للحرب المتوقعة مابين ايران وابناء ابراهيم، عربا ويهود، متوقع تكون في غاية الخطورة!!
لا اعرف عنك اي صلة بايا من الدول الثلاث المنخرطة الان في السطو علي ثورتنا، ولكن الكل الان يعرف صلة حمدتي وبرهان المباشرة بهذه الدول، وهذا خطير بل مرعب، لو استمرا المجلس ده في السلطة علي انفراد كنظام عسكري لي مدة سنتين!
انا بقول سنتين ساهي!
تقديري لو انفضا الاعتصام، النظام ده حيستمر الي ان يختفي شئ اسمو السودان من الخرطة!!
علي بلاطة كده: كسوداني لايمكن اثق او انوم الليل او انا عارف واحد زي حمدتي حيكون علي راس السلطة بدل ايام وشهور، بالسنين!!
دعك من اي عوامل اخري: هذا لوحدو كافي انو يولع السودان كلو من اقصاه والي اقصاه، لانو ما ممكن قائد مليشيا خاصة بقبيلة بعينها او مجموعة قبائل بعينها، تدار وتمول عديل كده بواسطة مخابرات اجنبية، حيث لاموقع لهذه المليشيا من الاعراب دستوريا، في اي بلد علي الاطلاق!
نعم في كل الكون العريض ده لاوجود لي جيش بي حالو منفصل او مستقل عن سلطات الدولة الموجود فيها جيش خاص كهذا، يدار بواسطة افراد عائلة محددة بعينها، بالوكالة، بواسطة مخابرات اجنبية او علنا!
اكرر في الكون ده كلو مافي وضع غريب او شاذ كهذا اطلاقا!!
اها، تركيبة للسلطة العسكرية المطلقة، كهذه معقولة؟
او كمان نظريا او علي الورق، سنتين؟
معقولة؟
طيب حتي لو افترضنا جدلا كل شئ في السنتين مشو حسب ترتيباتكم، الحيحصل باختصار شديد، انو اذلام النظام الهالك هم اللي حيرثو نظامكم ده، بعد سنتيين، بتغيير الجلد، وباستغلال، استثمار انفرادم بالسودان كلو، بطول وعرض 30 سنة!!
نعم ده حيكون افضل الاحتمالات المتوقعة لاستمرار مجلس عسكري صرف في السلطة، سنتين!!
هذا سيفرغ الثورة من مضمونا تماما ويعيد انتاج ذات النظام الهالك، فقط!
قنا ده، هو افضل السناريوهات لاصراركم للانفراد بالسلطة!
حانتقل لمناقشة مبرراتكم في المداخلة، التالية:
Post: #21 Title: Re: صلاح ود عمتي حليمة، الرجل الثالث في النظا� Author: Bashasha Date: 05-01-2019, 05:15 AM Parent: #20
المبرر الاساسي المتداول بواسطتكم لاصراركم علي الانفراد بالسلطة، هو ما تسمونه حياد!!
وقسما اتعجب، كيف من انحازو للشارع، بعد ما اذالو النظام، فجاة يتكلمو عن حياد؟
ماهو واحد من اتنين، يافردة، زي ماقال ود الامين: يا انتو فعلا منحازين للثورة كما فعلتو مضحين بي ارواحكم، يا انتو محايدين، لا مع الثورة، ولا مع اذلام النظام، لكن ما ممكن تكونو منحازين للشارع او محايدين في نفس الوكت!!!
نعم، انتو بتصورو الحراك في الشارع متي ماشئتم، لتمرير مشروع استمراكم انتم علي انفرد في السلطة، كعمل بتاع يسار لتمرير تاني، وتبرير، مشاركة اذلام النظام الهالك من اول او جديد، في النظام اللي مفترض اتت بيهو الثورة، كبديل!
لو هي ثورة يسار، انتو ليه وقفتو مع ثورة يسار من الاول؟
نعم من جهة بتقولو نعترف بالتجمع او قواه كممثل شرعي للثورة، ومن الجهة الاخري بتلجأو او تنميط ممثلي الثورة، كيساريين وهذا عجيب!!
نعم بتقولو ماعايزين التجمع الممثل الشرعي باعترافكم للثورة والثوار، ينفرد بتشكيل السلطة الانتقالية!
مافاهم باي مسوغ بترفضو الممثل الشرعي للشارع باعترافكم، ينفرد بتشكيل سلطة هذا الشارع، لولا ان هذا مجرد ذرعية لتمرير مشرعكم انتم للانفراد بكل شئ؟
مافاهم، كيف من ثرنا ضدهم، واسقطنا نظامهم، يجو تاني من اول او جديد يشاركو في البديل من منازلهم بعد ماسقطنا حجرم؟
المانع شنو، لما نقيم نظام مدني دستوري ديمقراطي يتساوي فيه الجميع، يجو امثال عبدالحي يوسف ولا الطيب مصطفي، كرئيس للجمهورية بواسطة صناديق الاقتراع؟
وين العزل او التهميش هنا؟
وين انفراد اليسار هنا؟
ولكن للاسف انتو بتقولو كده لتمرير وتبرير مشروعكم انتم، كعساكر للانفراد بكل شئ، وهذا مؤسف، ويطعن في نوايا انحيازكم للثورة!!
شخصيا مابقع لي اطلاقا البرهان او حمدتي انحازو للثورة ايمانا بي مبادئا وانما كاداة ومطية لتحقيق تطلعاتم هم الشخصية، ثم تطلعات مخدميهم اي الدول الثلاث، والايام ستثبت صحة كلامنا ده، اذا اصر المجلس للانفراد بالسلطة كما يحاول باستماتة الان!
في وضع زي ده، الافضل تسئ الظن او تسلم، ولا تحسن الظن او تتخما!
ده عمل عام، بتاع ساسا يسوسو.
في السياسة، بالذات في امريكا، السياسي طوالي متهم تلقائيا او موضوع ريبة، بالنسبة للناخب، الي ان يثبت العكس، والصاح كده!!
يبقي انا كناخب، كده عملتا العلي!!
...يتبع...
Post: #22 Title: Re: صلاح ود عمتي حليمة، الرجل الثالث في النظا� Author: كمال عباس Date: 05-01-2019, 02:53 PM Parent: #21
صلاح عبد الخالق؟
فعلا كعب ويضارع حميدتي سوء وما عارف ليش البعض مجتهد في تبرير وتفسير وترهاته ! وقد أعلن ماهو أخطر من ذلك لصحيفة نيويورك تايمز ! حيث ذكر إن من ينادون بالحكم المدني -هم أقلية -شيوعيين- والأغلبية مع تفرد العسكر ! ؟
Quote: قوي الحرية والتغيير لا تمثل الثورة ولا تمثل السودانيين
وهو كلام علي الحاج وغازي والطيب مصطفي وعمر زين العابديين ! * ثم ذكر إنو عندو مفاوضات مع الحركات المسلحة بالأمارات ! بأي تتفاوض معهم وتنزع صلاحية الحكومة في التفاوض ! أما هي أوامر الأمارات ؟
Post: #23 Title: Re: صلاح ود عمتي حليمة، الرجل الثالث في النظا� Author: عبدالغني محمد الحاج Date: 05-01-2019, 06:54 PM Parent: #22
Quote: نستفيد شنو نحن من البوست دا؟
والله يا أستاذ عبداللطيف ما قلت إلا الحقيقة
Post: #24 Title: Re: صلاح ود عمتي حليمة، الرجل الثالث في النظا� Author: Elhadi Date: 05-01-2019, 10:19 PM Parent: #23
تحياتي يا بشاشا
مقاربتك في خطابك الموجه لقريبك مقاربة خاطئة تماماً وربما حتى مضللة !
لأنك بتخاطب قريبك من منطلق (أو لعل هذا ما تريد الإيحاء به أو ترسيخه في ذهن القارئ) إنو إنقلابهم كان في جوهره إنحياز للشارع
بينما المعطيات والشواهد والواقع الماثل أمامنا كلها تشير إلى كونه (سيناريو) معد بدقة وإحكام ومجرد إنقلاب قصر لا أكثر ولا أقل في جانب من جوانبه
وعمالة وارتهان لدول خارجية في بعده الآخر، والشارع الزقيتو في النص ده يا بشاشا أصلاً لم يكن في ذهن هؤلاء العسكر الإنقلابيين
Post: #25 Title: Re: صلاح ود عمتي حليمة، الرجل الثالث في النظا� Author: Bashasha Date: 05-01-2019, 10:41 PM Parent: #24
