رسالة مفتوحة لزوجة الفريق البرهان وأبنائه ووالديه وأخوته وأصدقائه وكل من حوله

03:36 PM April, 28 2019

سودانيز اون لاين
محمد علي البصير-ـ الرياض ـ السعودية
مكتبتى
رابط مختصر

اللهم أرحم من توفاه الله منهم

قال رسولنا الكريم (الدِّين النصيحة ، قلنا لمن يا رسول الله ؟ قال: لله ، ولكتابه ، ولرسوله ، ولأئمة المسلمين ، وعامّتهم )
وقال علي كرم الله وجه (الرجال ثلاثة ، رجل رجل ، ورجل نصف رجل ، ورجل لا رجل ، فأما الرجل فهو الذي له رأي ، ويستشير ..... )

شأت الأقدار أن يتصدى أبنكم الفريق عبد الفتاح البرهان لمسئولية جسيمة ومرحلة حرجة للغاية في تاريخ السودان وضعته أمام تحدى عظيم أن شاء الله متجاوزه بدعواتكم ووقوفكم بجانبه ناصحين ـ ونحن على ثقة كبيرة أنه أهل لهذه المسئولية ونثق في قدراته وشجاعته ووطنيته ونتوسم فيه رجاحة العقل والحس الوطني ـ ولكن لا أحد في الدنيا في غنى عن النصح ، فكونوا البطانة الصالحة الناصحة حوله وخير عون له وليست كما فعلت وداد وإخوة البشير.

دلوه على طريق الخير والرشاد وأنصحوه لنصرة شعبه ـ وساعدوه على إتخاذ القرار الصائب في هذا الوقت الذي تتكالب فيه كل قوى الشر من الداخل والخارج على وطننا ـ وتسعى بكل قوة لإجهاض الثورة من أجل إستمرار هيمنة شرزمة تجردت من الوازع الديني والأخلاقي فدمرت الوطن تماماً وفرطت في مقدراته ونهبت موارده وأفقرت شعبه .

إذا هذا الواقع أصبح أمام إبنكم الفريق البرهان خيارين لا ثالث لهما :

إما أن يدخل التاريخ من أوسع الأبواب ويسجل أسمه في سجل الخالدين بالوقوف إلى جانب شعبه ويحقق كل مطالب الثورة ويمهد لإرساء دعائم الحكم الرشيد العادل والديمقراطية ، ويحرص على صون ثروات الوطن ومحاكمة كل من أرتكب جرم في حق الشعب ، والحيلولة دون تمكين أي قوى خارجية من التدخل في الشئون الداخلية للسودان وقطع الطريق أمام أي مطامع لهذه الدول في ثروات البلد .

ليتنحى بعد عامين وقد دون في صفحات التاريخ سجل ناصع لحقبة حكمه تلاحقه دعوات أبناء شعبه ويظل يذكره الناس بكل الخير .

إما أن ينكص عهده وينحاز لفلول نظام البشير ويمهد لهم الطريق لإعتلاء سدة الحكم من جديد وإدخال السودان في حقبة أكثر سواداً تمكن الكيزان ليعيسوا في أرض السودان فساداً وظلماً وقهراً ودماراً و قتلاً. ليكون بشير أخر تلاحقه اللعنات ودعوات المظلومين وسخط أبناء هذا الوطن الذين قادوا الثورة ومهروها بدماء أبنائهم متطلعين للعيش الكريم في وطن ديمقراطي حر ترفرف في جوانبه رايات الحرية.

وليكن مصير البشير عظة ودرس وقد ذهب الى مزبلة التاريخ ، ولو أن القمع والتنكيل والقبضة الحديدية تكفل لأحد الإستمرار في الحكم لأستمر المخلوع على سدة الحكم أبد الدهر.
إنحياز الفريق البرهان لإبناء وطنه يضمن له سند شعبي غير مسبوق وهذا يعني إستقرار الحكم ، ويجعل جيوش من الكفاءات السودانية المرموقة التي تتبوأ أرفع المناصب في دول العالم الأول طوع بنانه ـ فلو أضيفت لذلك إستغلال ثروات السودان الطائلة ، يمكن ينهض بالوطن من كبوته في فترة قصيرة وأن يكون البرهان مهاتير أفريقيا في زمن وجيز .

وحتماً أنتم لكم دور في تحقيق هذه الغايات . فإما أن يكون البرهان بشير أخر أو زعيم خالد يذكره الناس كما يذكروا الرموز الخالدة لهذا الوطن .

البرهان مسير وليس مخيرا ...

Quote: البرهان مسير وليس مخيرا ...

و أنا كتبت يا عارف عشان أهلو يسيروه على خطى الوطن

أتمنى أن تصل رسالتي لهم جميعاً

النصيحة ارفقا بمشروع سياسي انتقالي واضح والدولة مؤسسات وليس فلان وعلان
او خلي يقرا الكتاب ده
https://up.top4top.net/


او يجيب دكتور منصور خالد مستشار دستوري له
لو قرا 1000000 شاب سوداني في المركز والاقاليم والمهاجر هذا الكتاب بتنهي مشكلة السودان نهائيا معظم الشباب اقل من 40 سنة مغييب ولا يملك وعي سياسي من الاساس
ده سفر الخروج من الجحيم فعلا
تشخيص سليم ووعي جبار يؤهلك لمعرفة العالم والاقليم والسودان ويحررك من عبادة الديناصورات المنتهية الصلاحية

Quote: النصيحة ارفقا بمشروع سياسي انتقالي واضح والدولة مؤسسات وليس فلان وعلان او خلي يقرا الكتاب ده

أوووو حبيبنا عدولي

مشرف البوست ياخ

بس كدي صراع الأيدلوجيا دا أجلوا لينا لوقت تاني

Quote: بس كدي صراع الأيدلوجيا دا أجلوا لينا لوقت تاني

صراع الايدولجيا والبعاعيت ده المطلع دين السودان هسة وقاعد تولول يا برهان ويا الشيخ الجعلي تلحقنا وتنجدنا
امشي اقرا الكتاب بلا لخمة معاك
الساسة علم والفهم اقسام
كلام يا عوض دكام
انت ما بتعرف دكتور منصور خالد وكتبه قاعد تبرطع في السياسة مالك ؟؟

قلت اجي ازوك القاك بالله فارش بالشكل ده
فعلا المواعظ والمحاضرات دي اصلو ما بتمشي في دماغم ده الثقافة الاسلامية في المناهج وعبدالحي يوسف عطلو ادمغتكم تماما
حتي البقرا ما بفهم
اوعك تزعلني
انت ما مصنف عدو هنا

Quote: اوعك تزعلني انت ما مصنف عدو هنا

سمعاً وطاعة

عدولي مداح السودان خليفة اولاد حاج الماحي المرتقب

Quote: واضح والدولة مؤسسات وليس فلان وعلان

عادل سلامات

ده كلام غريب يصدر من زول بفتكر انو كلام ابن خلدون عن تولية ارازل القوم وتحذيره من ذلك كلام valid ونحن في القرن الواحد وعشرين. وكمان شايل ليك مسطرة تقسم في الناس ابناء سراري واحرار

عادل عندك مشكلة مرجعيات حقيقية ..
انت لا تنظر فقط في المميزات والسمات الشخصية لمن يتولى المنصب العام, بل وتدخل في عمق التركيبة الجينية كمان. هسع داير تدي الناس درس عصر عن دولة المؤسسات لا الافراد

Quote: عادل عندك مشكلة مرجعيات حقيقية .. انت لا تنظر فقط في المميزات والسمات الشخصية لمن يتولى المنصب العام, بل وتدخل في عمق التركيبة الجينية كمان. هسع داير تدي الناس درس عصر عن دولة المؤسسات لا الافراد

انا بقول ليك عديل المحترم وماصل ومفصل في المجتمع بجي بي صناديق الاقتراع والدولة الديمقراطية العميقة في السودان من 1938-1956 والحثالة الاجتماعية السياسية تجي باالانقلابات المشبوهة وبي والثورات المزيف وتخدم المشروع الامبريالي الصهيوني اليطاني الواعي به تماما الان ووصل السودان
كيف الدولة والمؤسسات يعرقلا هؤلاء الاقليات الذين لا يمثلون الشعب السوداني
طيب اقعد نتونس معاك هنا كان تركز
الحاجة بالكتبا عن المجتمع السوداني ركز فيها كويس هل بالفا من راسي ولي هي موجودة في المجتمع ؟؟
اول ستايت منت
1- الحقيقة الاولي :
الفارق الاجتماعي يؤثرفي السياسة السودانية بصورة فادحة من الاستقلال وحتي اليوم
في السودان مجتمع الاقاليم"قبائل معروفة" المركز "اقليات متنوعة" وده الفرق بين ناس الانقلابات و ناس الديمقراطية
صاح ام خطا
بعد داك نرجع لي ابن خلدون ونشوف الانتهازية الحاصلة

Quote: تجي باالانقلابات المشبوهة وبي والثورات المزيف وتخدم المشروع الامبريالي الصهيوني الشيطاني الواعي به تماما الان ووصل السودان الان

ادواات المستعمر السري
الحاكم المتهتك
رجل الدين المزيف
الدكتور المؤدلج
المثقف النرجسي
السياسي الانتهازي
****
صاح ام غلط
وممكن اديك نماذج من السودان وليس من زمن بن خلدون