كااااااك .....كااااااااك - سهير عبد الرحيم

05:16 PM April, 27 2019

سودانيز اون لاين
Asim Ali-
مكتبتى
رابط مختصر

الخبر يقول بنت ومعاها ولد ضبطوا في اعتصام القيادة بلفوا في سيجارة بنقو!!
طيب ويعني ....!!
نعمل ليهم شنو ....!!
يا دجاج يا الكتروني يا قذر.. قيادات في الحكومة السابقة كانوا يشربون البنقو نهاراً جهاراً وما في زول قال ليهم بغم.. خلي كل يوم طالعين لينا بي خبر، البنات والأولاد في القيادة حصل وحصل.
من الواضح أن الدجاج الالكتروني (راح ليهو الدرب)، وعلى النظام البائد أن يعترف بأن من الأسباب الرئيسة والجوهرية التي أدت لسقوطه الاساليب العقيمة والبدائية لدجاجهم الالكتروني، هؤلاء النفر أميون جداً في ابتدار رؤى جديدة او مواكبة افكار من شأنها ان تهزم الحراك الجماهيري .
لذلك يتجهون دوماً للعب على أدب المجتمع والخلق السوداني القويم ..... وسبحان الله ...إن افكارهم جميعها تدور حول ميولهم هم لا غيرهم، حول أمنياتهم لا حقيقة سواهم، حول نفوسهم المرضى المهجسة بالنوع والتكاثر، لا يخرجون ابداً عن دائرة ... بنقو .. بت ملصقة في ولد .. ممارسات بين ثلاثة ذكور.. ريحة عرقي .. البنات بنوموا جمب الأولاد.. بت لابسة بنطلون ضيق .
هذه أفكار الدجاج الالكتروني تربية المؤتمر الوطني، والمشكلة ليست في افكارهم المظلمة تلك ولكن في أن من قبض وهو يمارس الفاحشة في نهار رمضان كان من تنظيمهم، ومن تحرش دبلوماسياً مرة واثنتين وثلاثاً وفضحنا في اوربا وامريكا كان ينتمي لهم، والسكرتيرات اللائي حملن سفاحاً كن يعملن عند بعضهم، والفاسدون منهم، والمنافقون منهم، وإخوة يوسف منهم، وكتائب الظل منهم، والذين يقتلون بدم بارد منهم .وتجار العملة منهم أو قل رئيسهم تاجر عملة، وغاسلو الأموال منهم او قل زعيمهم متهم بغسل الاموال.
خارج السور
الشباب الثوار في القيادة العامة ....إذا خاطبكم الجاهل قولوا سلاماً، وإذا قرأتم لدجاجة الكترونية قولوا كااك.
سهير عبدالرجيم - الانتباهه -27 ابريل 2019

كاااااااك و كااااااااااااك كنت هناك ...
بيلعبوا علي الوتر الاخلاقي ...

ضفر ثائر اشرف من قبيلة بني كوز باكملها ....

مرحب اخ عاصم
سهير دي مجرد رداحة و هي نبت شيطاني ومن صحفيي الانابيب
لكن صلب الموضوع بقول انو الشباب في الاعتصام بتعاطو البنقو
البنقو بجي من داخل السودان وين شرطة مكافحة المخدرات؟
خلينا نسأل في الأول منو الجاب كونتينرات المخدرات ؟
عينا في الفيل و تطعن في الظل , فرقها شنو من اعوان النظام البائد ؟

وعليكم السلام اخ خضر
فى هجمه تشكيك وشيطنه للاعتصام واظهارها كبؤره للممارسات غير المقبوله لاتصدر الا من عقليه وتخطيط كيزانى لتفتيت الاعتصام قبل بلوغ اهدافو..
قضيه المخدرات او خلافو من امراض اجتماعيه دى كلها من رواسب عهد الكيزان ودايره معالجات عبر تتضافر فيها منظمات المجتمع المدنى بدعم من الحكومه الانتقاليه انشاءالله

شباب الثورة شباب محترم كون 30 سنة مقهور ومافيهو إلا قلة يتعاطون البنقو، هذه محمدة دا لو كان شباب دولة غيرهم لكان عمل السبعة وذمتها داخل مسجدي الكاروري وعبدالحي .