أنا أيقونة الثورة

السلام عليكم

حدثنا انتهازي عن متملق عن متقلب قال :
قبل يومين تقريبا كانت في ملعب كورة قدم حاشد بالجماهير
التي لا تسكت، ووسط صخب هذه الجماهير الهادرة لمحت
بالجهة المقابلة من المدرجات صديقي فصحت له صيحة واحدة
فسمعني كل من بالإستاد فانبهروا وفتحوا خشومهم من
الدهشة وقبل أن يقفلوها صاحوا بصوت واحد لا حولاااااااااا
عان دا حلقومو كبير كيف، وطالبوني بأن أقود التشجيع فتمنعت
وأنا راغب، ثم لم البث أن قبلت وأصبحت رئيس جمعية
الصارخين أقصد المشجعين ..
أنفع أيقونة واللا ما انفع ؟؟
2/ حافظ قرابة الحفظمية بيت شعر ثوري وأكثر
من دشلمية نشيد حماسي ، بالإضافة لمعرفتي التامة
بمناضلي العالم شرقا وغربا وجنوبا وشمالا ومستعد أسمعهم ليكم هنا دا ..
أنفع أيقونة واللا ما أنفع ؟؟
3/ جرئ.. مقدام.. شتام.. وقوة عيني تفتت الصخور في الجبال الرواسي ..
أنفع أيقونة واللا ما أنفع ؟؟
4/ متقلب كحرباية.. متزلف كثعلب.. انتهازي كضبع ..
أجيد القفز فوق المراحل كقرد .. الخ الخ الخ
أنفع أيقونة واللا ما انفع ؟؟
5/ ممثل بارع أستطيع أن أقول كلمة فأجعل الناس يبكون،
وأقول كلمة ثانية فأجعلهم يضحكون، و ذرف الدموع
عندي أسهل من أكل البطيخ، وعادي ممكن في نص الكلام أقعد
أجعر ليكم بصوتي الماكن دا حتي تشفق على الحسناوات، ويترجاني
بعض أصحاب القلوب الرهيفة بأن أسكت ويهتفوا بإسمي تمجيدا
وتأييدا..
أنفع أيقونة واللا ما أنفع ؟؟
6/ يا جماعة دا شيء بسيط جدا من مواصفاتي وما خفي في السيرة
الذاتية كان أدهى والبيان بالعمل لمن أراد ..
في ذمتكم الواسعة دي أنفع أيقونة واللا ما أنفع ؟؟
لو قلتوا أنفع فبسرعة فجوا لي مكان وسط الثوار وأدوني فرصة
في مسرح القيادة العامة ..
ولو قلتوا ما أنفع فيالكم من حاقدين حاسدين وتبا لكم أجمعين .. خخخخخ.


ملحوظة : من تنطبق عليه مواصفاتي الفوق دي فهذا محض استثناء فالثابت
أنني متفرد ولا أحد يبزني في الحاجات دي.

ياخ والله مشتاقين بس قلت اسلم عليك
أمّا موضوع البوست فا : تنظير في الفارغة كالعادة لذا لا تعليق عليه

اوووووو جرجرة .. الليامات الفاتت دي كولها كنا مشغولين
زي ما انت عارف ومع ذلك متواجدين بكثافة في حوش اللخو مارك
وفتشتك وجات سيرتك من كثير من المخمومين فيك وقايلين القبة
تحتا فكي فأنكرت معرفتي بيك كونك دون المستوى .
............
اتا ما قاعد تجى هناك لشنو يا زول ؟

يازول الفيس دا عودي فيه عود مرة, يومتها الا استعنت بيمون عشان اغير صورة البروفايل!!
اتغير كتير عن ايامنا

توا سألني منك المستنير وقال لي قول ليهو ضرورى
تجي المولد مسخن بهناك ..
قلت ليهو ما ناقصين مط وجر وعوك عاك في الفارغة ومقدودة
خخخخخخخخخخ

شايف شالتك حمى ابو الزنان
كر عليك
ثم وووب عليك
ثم بعد ذلك سجم خشمك
بالمناسبة ابو الزنان صورة طبق الاصل من الهليكوبتر
نبرا و نستبرا
و ساجورنا قطر اتبره

سلامات
يا طلحة حمدالله علي الطلة
انا قلتا الزول دا اختفي مع الريال لكن الحمدالله ظهرتا النهار دا
كن بخير يا رجل وتحياتي

سلام يا طلحة
ووينك مختفي؟

شايف المداخلات السابقة كلها كانت بعيدة عن موضوع البوست
ربما هي مداخلات مقصودة لتخريب البوست او ربما جاءت بحسن نية

المهم خلينا نرجع لموضوع البوست

Quote: عندي أسهل من أكل البطيخ

هل تقصد بطيخ ببذور ام بطيخ بدون بذور؟
لأنو في رأيي اكل البطيخ ببذور ليس سهلاً
وهذه المغالطة التي وقعت أنت فيها تنسف فكرة البوست من أساسه

توا سألني منك المستنير

==========
حبينا طلحة عوداً حميداً
تحياتي للمستنير .. فتحت بوست برجوعه ولكن البوست اختفي في دقائق
ترك فراغ كبير جداً في المنبر ..
تحياتي .. ومبروك للوطن بهذا الانتصار الشامخ

السلام عليكم ورحمة الله وبركاته الاخ عثمان زا النون ...
وشكراً لحلقومك المدهش ..


حقيقة آلمتني المداخلة الذكورية الجندرية التي تقيس المرأة بأعضائها ادناه ..

ولم اتوقعها في ظل هذا المد الثوري ممن كنا نظن فيهم الوعي ووو .

Quote: يازول الفيس دا عودي فيه عود مرة,

المهم .. لتبقي الثورة مستمرة طالما كدة :)

خلعتني يا حيدر و جهّزت العكّاز و عضّيت العرّاقي الا بس لمحت ايقونة الوش الأخضر و تذكرت حقيقة ان البوست فارغ من المعنى وخالي موضوع كالعادة يجوز فيه المزاح :)

يا علي عبد الوهاب المستنير المقصود ليس مستنير سودانيز دكتور ابوبكر المقصود مستنير الفيس بوك شديد عمّك وهبة :)

البوست دخلوا شرذمة من الكيزان المندسين وكتائب
الظل وبطانة ممتشق السيوف الناجي بتاع الجهاد
كما شرفه بعض الأيقونات الحقيقية .. خخخخخخ
إلى أولئك وهولاء بفضى وبجيكم بالنفر .. وبرضو خخخخخخ