Post: #1
Title: 46 مليار دولار؟
Author: عمر التاج
Date: 04-25-2019, 06:43 AM
06:43 AM April, 25 2019 سودانيز اون لاين
عمر التاج-KHT
مكتبتى
رابط مختصر
تسريبات ويكيليكس عن هذا اللص الفاحش الثراء، البنك المتحرك
اوردت صحيفة الاندبندت البريطانية، عن مقال لوثائقي ويكلكس ؛
عن الرجل الذي جمع مبلغ 64مليار دولار من صلاحياته كنافذ سياسي عبارة صفقات تعدين وتنقيب,وتكرير النفط في افريقيا "عوض احمد الجاز" القيادي النافذ في الحكومة السودانية المخلوعة وذكرت الصحيفة أن الجاز يمتك أصول، في كل من إسطنبول، وسنغافورة، وجاكرتا، ودبي بمبلغ 21مليار دولار، بالاضافة الي منتجع "town house" قبالة شواطي جزر مايوركا الاسبانية وآخر في مدينة انطاليا التركية، وذكر المصدر ويكليكس عن حسابات في كل من "CIBC" كنديان انبريال بسنغافورة تقدر 7مليار دولار
وبنك"CIMB" الاسلامي كوالالمبور تقدر 13 مليار دولار إضافة الي اسهم لمجموعة شركات عاملة في قطاع التعدين وتكرير النفط في العالم لم يحصر تقديرها.
.
.
منقول.
|
Post: #2
Title: Re: 46 مليار دولار؟
Author: walid taha
Date: 04-25-2019, 08:48 AM
Parent: #1
Quote: "CIBC" كنديان انبريال بسنغافورة تقدر 7مليار دولار
وبنك"CIMB" |
الواحد يتعجب من البنوك دى ، يجيها (مسؤول حكومي) بمليارات الدولارات وعادي تفتح ليهو حساب !!
|
Post: #3
Title: Re: 46 مليار دولار؟
Author: عمر التاج
Date: 04-25-2019, 10:25 AM
Parent: #2
سلامات وليد طه
Quote:
الواحد يتعجب من البنوك دى ، يجيها (مسؤول حكومي) بمليارات الدولارات وعادي تفتح ليهو حساب !!
|
الواحد قدر ما يتعجب من إدارات المخاطر في البنوك العالمية دي شغالة شنو
إلا أنه بتعجب أكثر من دولة يسرق منها وزير واحد 46 مليار وتكون امورها ماشة عادي
مبلغ زي ده بجعل عوض الجاز ضمن لستة أغنياء العالم برااااحة
وللأسف كل الثورة دي جمعها من عرق جبين الشعب ،
يعني لا ابتكر للناس شيء ولا عمل شركة زي مايكروسوفت.
زماااان كنت بقول أنه الإنقاذ دي لو مشت نص الشعب حايتصدم من حجم الفساد المخبوء
ولكن والله انا زاتي اتصدمت المرة دي، لما شفت المبلغ الخرافي ومالقيت عنوان أضعه للبوست غيره
|
Post: #4
Title: Re: 46 مليار دولار؟
Author: عمر التاج
Date: 04-26-2019, 09:23 AM
Parent: #3
عبد العاطي هاشم نموذج للكوز المسكين الوسخان
عمل منذ تخرجه في إدارات المالية في مؤسسات الحزب
وترقي من مدير إداري ومالي من سيدكو الي المركز القومي للإنتاج الاعلامي
ثم لقطاع الطلاب المركزي ثم للخدمة الوطنية واخيرا لوحدة السدود ومنها للكهرباء.
في كل هذه المؤسسات كان الممسك الوحيد بالموارد المالية صرفا وايرادا
ولأن هذه المؤسسات حزبية فهي لم تخضع للمراجعة ابدا،
وحتي وحدة السدود كانت فيها ميزانية ظل لا تراجع،
المهم ان عبد العاطي هاشم في محطته الأخيرة عثر عثرة صغيرة
فاوقع من جيبه حوالي نصف مليار دولار وقعت في يد الأمن الاقتصادي..
والفرصة مازالت قائمة لكشف فساد الرجل في الفترات السابقة.
|
Post: #5
Title: Re: 46 مليار دولار؟
Author: عمر التاج
Date: 04-27-2019, 09:41 AM
Parent: #4
عبد الباسط حمزة
صاحب ملكية شركات وقطع أراضي لا حصر لها
منها قطعة واحدة مساحتها 50 مليون م م
٥٠.٠٠٠.٠٠٠ متر مربع
شهادة بحث ملكية باسم شركة
تخص عبد الباسط جمزة
بعض ملامح هذه القصة أوردناه في بداية هذا العام هنا ..
شهادة بحث عقار مساحته 50 مليون متر مربع
| Quote: الزول ده عندو عزبه في القنطره البعد كافوري ، حاجة خرافية ، تمتد من الزاط لحدي البحر ، بجوة قصور وحدائق ومرسى بتاع مراكب على البحر ، عز أظن أمراء الخليج ماشافو زيو . |
|
Post: #6
Title: Re: 46 مليار دولار؟
Author: ABUHUSSEIN
Date: 04-27-2019, 10:54 AM
Parent: #5
64 مليار و ليس 46 مليار ...
عايز تلحس الباقي ... 😂😂😂
|
Post: #7
Title: Re: 46 مليار دولار؟
Author: عمر التاج
Date: 04-27-2019, 11:12 AM
Parent: #6
هههه
والله ما انتبهت ليها الا منك
من امبارح انا والكيبورد مصدومان
اقوله ٦٤ يكتبها معكوسه واقرأها عديلة
المهم، الدرب جانا، والشرف المنحوس مافاتنا.. Quote: #مبروووووك للشعب السوداني ولأول مرة في تاريخ السودان بل في تاريخ أفريقيا ودول العالم الثالث يقحتم أحد أبناء السودان قائمة اغني 10 أشخاص في العالم (top ten) ذلك هو ابن السودان البار العارف بالله الشيخ الورع التقي الزاهد معالي الدكتور عوض الجاز ووفقا لجريدة المدينة السعودية الصادرة اليوم الجمعة وبتاريخ 2019/4/26 حاز ابن السودان البار دكتور عوض الجاز المرتبة الثامنة (8) وذلك ما ورد في صحيفة المدينة نقلا عن صحيفة الاندنبنت البريطانية (The independent ) ووفقا لمجلة فوربس (Forbes) كان ترتيب اغني 10 أشخاص في العالم بنهاية شهر مارس (2019/3) كان كالتالي :
1.جيف بيزوس (امازون) أمريكا112مليار دولار.
2. بيل غيتس صاحب مايكروسوفت من امريكا 90 مليار دولار .
3. وارن بافيت من امريكا 84 مليار دولار.
4. برنار أرنو من فرنسا 69 مليار دولار.
5. مارك زوكربيرغ ( Facebook )من امريكا 71 مليار دولار .
6. امانسيو اورتيغا من اسبانيا 70 مليار دولار .
7. كارلوس سليم من المكسيك 67 مليار دولار .
8. عوض الجاز من السودان 64 مليار دولار.
9. تشارلز كوم من امريكا 60 مليار دولار .
10. ديفيد كوك من امريكا 60 مليار دولار.
مبروووووك للسودان .
هي لله لا للسلطة ولا للجاه لا لدنيا قد عملنا . تهليل تكبير الله اكبر الله اكبر. ارمي قدام |
|
Post: #8
Title: Re: 46 مليار دولار؟
Author: محمد البشرى الخضر
Date: 04-27-2019, 11:17 AM
Parent: #7
اوعى المواسير يا قريبك, الواتساب بقى مغلق عديل كدا
قائمة فوربس منشورة على موقعها forbes.com تخلو من اسم عوض الجاز و رقم تمانية بالمناسبة هو مارك بتاع الفيس بووك
اعتقد هناك نوع من التخدير و صرف التركيز ينشره الدجاج الالكتروني يحاول تركيز الانظار على الجرائم المالية والارقام الممسوكة عند البشير و آله و جماعته
المشكلة الرئيسية مع الناس ديل ما بس الفساد المالي بل الدم العديل كدا
|
Post: #9
Title: Re: 46 مليار دولار؟
Author: عمر التاج
Date: 04-27-2019, 11:34 AM
Parent: #8
كلامك صحيح يا ود البشري القائمة ليست حقيقية
و من طريقة إعدادها واسلوبها تبدو مجرد طرفه على سبيل المقاربة والمفارقة،
ولكن إذا تم الاعداد الحقيقي لاغنياء العالم بعد هذا الكشف المبين
لن تخرج القائمة الجديدة بدون هذا الجاز،
.
.
حاولت ارفق صورة الخبر من بوست متداول من جريدة المدينة السعودية
ولكنه طلع مضروب برضو.
|
Post: #10
Title: Re: 46 مليار دولار؟
Author: محمد البشرى الخضر
Date: 04-27-2019, 12:57 PM
Parent: #9
Quote: حاولت ارفق صورة الخبر من بوست متداول من جريدة المدينة السعودية
ولكنه طلع مضروب برضو. |
|
Post: #11
Title: Re: 46 مليار دولار؟
Author: محمد البشرى الخضر
Date: 04-27-2019, 02:16 PM
Parent: #10
من اسي يا ود التاج: في صورة حايمة لمجموعة ناس ماسكين لافتة عليها ترشيح ذو النون للرئاسة و كاتبين شباب حول ذو النون
اها دي مفتشبة من لافتة شباب حول البشير
وحكينا القصة دي ليه؟
عشان ما تمسك ليك ماسورة ساي و تنشف ريقنا بالغلاط
|
|