علوج المجلس العسكري، تراجي مصطفي أحرف منكم

11:47 PM April, 24 2019

سودانيز اون لاين
Mohamed Adam-
مكتبتى
رابط مختصر

Quote: #عاجل.. المجلس العسكري الإنتقالي ينظر في إستقالة ثلاثة من أعضائه تقدم كل من الفريق أول ركن عمر زين العابدين الشيخ والفريق أول جلال الدين الشيخ الطيب والفريق أول شرطة الطيب بابكر علي بإستقالتهم من عضوية المجلس العسكري الإنتقالي وبحسب الناطق الرسمي للمجلس الفريق الركن شمس الدين كباشي الإستقالة قيد النظر أمام رئيس المجلس للبت فيها. إعلام المجلس العسكري 24 أبريل 2019 م

ياها دي ذاتها نفس حركات تراجي مصطفي كلما تطرد من تنظيم علي طول تقوم تسبق قرار فصلها وتفبرك ليها إستقالها مدنكلة وتقرض علي كدا!

مثال وبالمثال يتضح المقال:
- طردت من رابطة دارفور بكندا (شبه إجماع) وأقسمت بأنها لم تطرد بل هي التي إستقالت! وعملت نفس الفلم لما طردت من : منظمة هاميلتون سيرفس ومن الرابطة السودانية جابتر هاملتون ومن آفرو أسوشيشن هاملتون ومن حركة مناوي ومركز الهامش بأمريكا ومن رابطة ابناء النوبة ومن إتحاد نساء السودان(طلبت عطويته). ومن حوار الوثبة ومن البرلمان ومؤخرا من ثورة 19 ديسمبر.


نفس الشغلانة عملها المجلس العسكري لما الشارع رفض إبن عوف ورفاقة، والآن كرر نفس الفلم لما الشارع رفض هؤلاء الثلاثة ومؤكد الساقية ما ح تقيف هنا بل هي مدورة حتي نسمع بإستقالة برهان وحميدتي!

الاخ الفاضل محمد ادم

اذا لم يتم التخلص من برهان و حميدتى..
فسوف يفقد السودان اقليم دارفور بالكامل..
فللرجلين ملفات دموية فى دارفور..
و البرهان احد المطلوبين لدى الجنائية الدولية نتيجة تلك الجرائم كما تعلم...
....
قرأت اعلان اللجنة العليا لانفصال دارفور...
أمر مزعج بكل المقاييس...

الكنداكة بت الكنداكة وزميلتنا المنورة، نور تار، مقدما، أهنئك وألف مبروك بمناسبة زعزعة أركان نظام الإبادة الجماعية وإن شاء الله عقبال، تتم فرحة الشعب فرحتين حتي يقتلعه من جزورة وللأبد.

نعم يا اختاه، الشارع نفسو طويل وماشي بخطي وئيدة و بذكاء حتي يكسب أكبر نقاط، يقدر يحققها، بوجود هذين المجرمين وبعديها لكل اجل كتاب!

خوف الثورة، في الوقت الراهن، يا أستاذة نور، ليس من المجلس العسكري بقدر ما هو من مرتزقي حوار الوثبة الشغالين تسجيلات بالواتساب والقاعدين يشككوا في مصداقية ثورة الشباب بالشارع والعايزين يحرفوها من مسارها الطبيعي، وذلك ببث الإشاعات المغرضة وبتأجيج نيران القبلية والمناطقية، أمثال تراجي مصطفي وغيرها من الجداد الإللكتروني(تابعي تسجيلها الأخير والعايزين يفتنوا بيهو أهلنا البرقو والرزيقات) ولاتستبعدي ان الحركة الإسلامية قاعدة تخطط في تحويل فشلها إلي صراع قبلي حتي تفلت هي من عقاب الشارع، وذلك بإقتيال قيادات تنتمي لقبيلة البرقو أمثال أحمد هارون ثم تقوم وترمي هذا الجرم علي قبيلة الرزيقات ودا علي حسب التسريبات الواردة في التسجيل الأخير للمدعوه تراجي مصطفي. تسجيلها لم يكن مجرد عبث بل لازم يحمل محمل الجد(مافي نار بلا دخان) لأنها معلومات مخابراتية بإمتياز زيها وزي الحصل في كمينهم للثوار بقوز دنقو ، وعليه متي ما حدث هذا المخطط الشرير يكون اول متهم هو، تراجي مصطفي عشان بموجبها العدالة تقدر تقبض علي الجاني الذي سرب لها هذه التسريبات...

الأخ محمد تحليلك الأخير بتاع تسجيلات تراجي بخصوص أحمد هارون فيه ذكاء و بعد نظر.
.
أشوف تراجي صمتت طويلا خاصة في المواقف المفصلية ..ثم ظهرت من جديد..كرت محروق..
المشكلة السودان ظهرت فيه في السنوات الأخيرة نماذج سيئة..لا تمثل الروح السودانية المتسمة بالصراحة و الوضوح و عدم النفاق..
تحياتي

أخونا و حبيبنا محمد ادم...


خوف الثورة، في الوقت الراهن، يا أستاذة نور، ليس من المجلس العسكري بقدر ما هو من مرتزقي حوار الوثبة الشغالين تسجيلات بالواتساب والقاعدين يشككوا في مصداقية ثورة الشباب بالشارع والعايزين يحرفوها من مسارها الطبيعي، وذلك ببث الإشاعات المغرضة وبتأجيج نيران القبلية والمناطقية، أمثال تراجي مصطفي وغيرها من الجداد الإللكتروني(تابعي تسجيلها الأخير والعايزين يفتنوا بيهو أهلنا البرقو والرزيقات) ولاتستبعدي ان الحركة الإسلامية قاعدة تخطط في تحويل فشلها إلي صراع قبلي حتي تفلت هي من عقاب الشارع، وذلك بإقتيال قيادات تنتمي لقبيلة البرقو أمثال أحمد هارون ثم تقوم وترمي هذا الجرم علي قبيلة الرزيقات ودا علي حسب التسريبات الواردة في التسجيل الأخير للمدعوه تراجي مصطفي. تسجيلها لم يكن مجرد عبث بل لازم يحمل محمل الجد(مافي نار بلا دخان) لأنها معلومات مخابراتية بإمتياز زيها وزي الحصل في كمينهم للثوار بقوز دنقو ، وعليه متي ما حدث هذا المخطط الشرير يكون اول متهم هو، تراجي مصطفي عشان بموجبها العدالة تقدر تقبض علي الجاني الذي سرب لها هذه التسريبات...
....

ما قدرت اختصر المداخلة العظيمة بتاعتك دى..
و اول حاجة كتر خيرك على الكلام السمح القلتو فى حقى..
و بعدين..
من أهم ميزات الثورة دى..
هى انها كشفت القناع عن الجميع..
ووضعت الكل امام محك صعب..
اما ان الواحد يكون صاح..
او غلط..
مافى منطقة رمادية..
و شغل الفتن الشغال اليومين ديل..
هو صناعة انقاذية بائرة..
حتنكشف بكل بساطة..
و يحاسب مرتكبيها..
الشعب السودانى قاااااعد فى الشارع..
و بيكشف و بصحح أى غلط...

كن بخير...