***بورسودان عن بكرة ابيها صوب القيادة العامة الخرطوم بس للمشاركة فى يوم الحشر***

03:18 PM April, 24 2019

سودانيز اون لاين
احمد حمودى-
مكتبتى
رابط مختصر

وصلنى اتصال من السوق الشعبى بورسودان ان ثوار بورسودان متوجهين الى القيادة العامة وخاصة ثوار
الهنددوة وبكامل عدتهم من سيوف ودرقة ولكن توجد ازمة فى البصات نرجو من تجمع المهنيين بمساعدة ثوار الهدندة لانهم لا يستطيعون
تحمل مصاريف التذاكر ذهابا وعودة

نرجو من تجمع المهنيين بالنظر الى ثوار الهدندوة بايتين فى السوق الشعبى من امس بالسيوف والدرقات وبصات الكيزان ترفض ركوب ثوار الهدندوة

يجب كنس الكيزان فورا فى اجتماع تجمع المهنيين والحرية مع المجلس الكيزانى ماذا والا سوف
ترون بام اعينكم غدا

السلام عليكم
الكلام ده كيف
بصات الكيزان ترفض
لو قاصدين بصات الحكومة
الجماعة ديل قولو ليهم الحكومة ما كيزان
اي بص يركبوا ويأمرنا السواق امر

بصات الكيزان !!!!!!!
ضحكتوني 😂😂😂😂

CC Abureesh
معقولة يا زول
ناس ما عارفه حقوقها
البص ما حق المؤتمر الوطني
حتي مقراتهم حقت الشعب
الاول استشير مولانا حافظ بشير

ثوار الهدندوة من امس المغرب وهم فى محطة الباصات فى سلالاب وعاوزين يشاركو بكرة فى مسيرة يوم
الحشر للكيزان وطبعا ومعاهم ثائرات هدندويات للمشاركة نرجو من تجمع المهنيين بالاتصال عليهم لتسهيل حضورهم ولا
نامت اعين الجبناء الكيزان

ده اغرب شئ البصات دي حقت الشعب و تعمل في الخط

😂😂😂😂🌹

فوق الي ان يهدي الله السواقين
ولا واحد من الركاب يسوق

https://youtu.be/V0DfBLDZEgghttps://youtu.be/V0DfBLDZEgg

ده رأي يستندوا عليه الثوار ويقولوا
قال مولانا ود مولانا

الاخت اخلاص الاخ احمد حمودى

من فضلكم اخذفوا اسم اى قبيلة من مداخلاتكم.. ثوار الشرق كفاية.
لا تذكروا القبيلة الا فى اطار التراث و الفن و التقاليد..الخ.

من فضلكم رجاء و نحن ما صدقنا دعاة التفرقة ىإقحام القبلية فى الأخبار السياسية.. ما صدقنا ان هذا الاتجاه مات بزوال الانقاذ تجو تحيوه تانى. بتوجهكم هذا ستايدون ذكر القبيلة فى بطاقة الشخصية ..

رجاء رجاء رجاء. هى ما ناقصة.

تحياتي شباب ..
ثوار احرار حا نواصل المشوار ..
لا عرقية لا جهوية سودانية مية المية.

Quote: الاخت اخلاص الاخ احمد حمودى من فضلكم اخذفوا اسم اى قبيلة من مداخلاتكم.. ثوار الشرق كفاية. لا تذكروا القبيلة الا فى اطار التراث و الفن و التقاليد..الخ. من فضلكم رجاء و نحن ما صدقنا دعاة التفرقة ىإقحام القبلية فى الأخبار السياسية.. ما صدقنا ان هذا الاتجاه مات بزوال الانقاذ تجو تحيوه تانى. بتوجهكم هذا ستايدون ذكر القبيلة فى بطاقة الشخصية .. رجاء رجاء رجاء. هى ما ناقصة

تحياتي ابو الريش ..
خشيت البوست فرحان بالمد الآخر من ارض العظماء ..
فخاب الظن ومات الفرح لوجود ذكر للقبلية ..

ولكن لن يموت الفرح ولن يخيب الظن لأنني اجزم بأن الموكب
جامع لكل اهل بورتسودان بل شرق السودان بل كل السودان ..

الى الأمام✌



.

يا Abuteesh
وOsman
إشارتي لم تكن سالبة وهي وردت مرة واحدة
وبما أنكما شعرتم بأنها قد تكون قبلية ومسئية فقد
سحبتها

للشرق وناسه كل الحب
وادندن حبيت عشانك كسلا

الكلام موجه للأخ Abureesh
هل ذكر اسم القبيلة في اي صيغة خطأ
اريد معرفة ما الذي تستفزك
خاصة وأنك قد لوحت من قبل بأنفصال الشرق

انفصال السرق ده هو ال جذبني للتداخل في
هذا البوست
وجود هؤلاء الثوار معنا يزيد من وحدتنا ويؤكدها
ويزيل منظر الساحة الخضراء

الاخت اخلاص.. شكرا على حذف اسم القبيلة الذى ورد فى إطار حديث سياسى.
تسألين هل ذكر القبيلة فى اى صيغة خطأ؟

اظنك ما قريتى مداخلتى اعلاه كلها.. فقد قلت:
"لا تذكروا القبيلة الا فى اطار التراث و الفن و التقاليد..الخ"

ثم
اتفصال الشرق لا قدر الله لو حصل فليس انفصال قبيلة.. وانما اقليم.
اقليم فيه اجمل الناس من الشايقية و الفور و النوبة .. لو اردت ذكر المكونات الاجتماعية و المجموعات العرقية التى اثرت و تثرى الشرق.

تحياتى.

قبيلة شنو وبطيخ شنو من ربيبنا وشقينا الترب ناس الشرق بنقول ليهم هدندوة حتى الشماليين بنقول ليهم ادروووب

شكرآ Abuteesh
وبعدين فترت من اسمك بالانجليزي

يا زول انا مما تجي سيرة مكون من الشرق ولا كسلا بتجيني
صورة تاجوج وريحة الجبنة
بالمناسبة انا زولة ممكن اتقريف للشاي ومرات القهوة وحتي الجبنة
😂😂😂💐

"قبيلة شنو وبطيخ شنو من ربيبنا وشقينا الترب ناس الشرق بنقول ليهم هدندوة حتى الشماليين بنقول ليهم ادروووب"

جيت تكحلها عميتها؟
لا تخلط الأمور.. السودانيين فيهم التنميط و السخرية من بعضهم.. كل قبيلة هى الراس والساس و راضية بالتانية.. ولكن كل هدا فى اطار محدود من التراث و الفن (النكات مثلا) و الثقافات.. و رغم ان التنمبط ممقوت.. و زى ما قلت انت تناديهم بادروب و لكن لأنك نشأت على وسائل الأعلام التى تنشر النكات وغيرها بتنميط اهل الهامش و جعلهم مادة السخرية و النكات.. و لكن هل تعلم ان اهل الشرق لا يسمون أنفسهم ادروب؟
ما علينا..
المشكلة الكبيرة ليست هذه.. ولكن حين ادخلت القبلية فى السياسة.
تعترض فوق كم لما الانقاذ ادخلت القبيلة فى البطاقة.. او حين تعلن القبيلة الفلانية خرجت فى استقبال الرئيس.

صدق عملت نسكافيه
غايتو نساهرمع اخبار اجتماع المجلس وقوي
الحرية والتغيير

سودانا فوق

نسكافيه يا حنكوشة؟
عارفة نحن لو ما شمينا دخان القلاية و طرش اضانا صوت المدق.. ولا نعتبر شربنا جبنة.

تحياتى

عشان كده قلنا شاي اول

اثنين ممن عاشرت من كسلا
عدة الجبنة وتربيزتها وفناجينها وطقوسها
نحن الجبنة مرات بس برضو بطقوسها

Quote: قبيلة شنو وبطيخ شنو من ربيبنا وشقينا الترب ناس الشرق بنقول ليهم هدندوة حتى الشماليين بنقول ليهم ادروووب

حبيبنا لو سمينا بالمدينة اجمل او في اضعف الإيمان بالإقليم ..
الإسم يرمز لإثنية معينة،،، حتى كلمة ادروب ترمز لنفس الإثنية ..

على كل قصدنا نعدل البوست .. ونفرح بالخط العريض ..
وياهو دا البوست انعدل وعدل المزاج ..
في انتظار ان يصل اهل بورتسودان بالسلام ..
ولك المحبة والسلام.




.

الاخت اخلاص ..
اتفهمت الموضوع بكل يسر ..
دا حرص جميل منك .. يوم شكرك ما يجي ..
الخوف كان من احباط الآخرين.

وتسلم الكنداكة.


الى الأمام .. قرررربت✌



.

Quote: حبيبنا لو سمينا بالمدينة اجمل او في اضعف الإيمان بالإقليم ..الإسم يرمز لإثنية معينة،،، حتى كلمة ادروب ترمز لنفس الإثنية ..

هل توجد اثنية غير الهدندوة اتعذبت وقتلت فى عهد الكيزان السفلة عشان اجيبها ليك بالواضح لا شوايقة او دناقلة او محس ولا بنى عامر هم الهدندوة الذين قتلوا واتعذبوا ومن الذى قتل الهدندوة ؟؟؟؟

"هل توجد اثنية غير الهدندوة اتعذبت وقتلت فى عهد الكيزان السفلة عشان اجيبها ليك بالواضح لا شوايقة او دناقلة او محس ولا بنى عامر هم الهدندوة الذين قتلوا واتعذبوا ومن الذى قتل الهدندوة ؟؟؟؟"

Double down

الشرق لا النميري و لا البشير قدر يفرق بين مكوناته او قدر يهبش نسيجه الاجتماعى.. حاول فى مكان تانى.
كل المجموعات التى ذكرتها جسم واحد و تاريخ و ثقافة و فى انسجام تام. يا زول محاولات الفتنة دى أبعد منها و مافى زول من ناس الشرق فى المنبر سينجر وراك. لو فى سياسيين من المؤتمر او الشعبى او غيرهم ينعقون بالفتنة لحماية مكاسبهم على جمامجم الشرق فلن يمثلوا اهل الشرق المشهود لهم بالطيبة و الكرم و الشجاعة .

تحياتي احمد حمودي ..

Quote: هل توجد اثنية غير الهدندوة اتعذبت وقتلت فى عهد الكيزان السفلة عشان اجيبها ليك بالواضح لا شوايقة او دناقلة او محس ولا بنى عامر هم الهدندوة الذين قتلوا واتعذبوا ومن الذى قتل الهدندوة ؟؟؟؟

من الواضح جدًا الحاجة الوحيد الكانو الكيزان "عادلين" فيها هي
توزيع الظلم بالعدل على كل اطراف السودان ..

عاين المدن والقرى دي مثلًا طوكركوريت مرافيت
عقيتايعيدب عقيق وغيرها من قرى شرق السودان
التي يعيش انسانها حياة ساحقة ..
تجد القرية تفتقر لأدنى أدنى مقوم للحياة ..
ستجد ناس يعيشون فقط بمعجزات الطبيعة فقط.
محاصرين بكل المصائب منها امراض عفى عنها الدهر
الا هناك .. فشنو،،، الناس في الهم شرق ياحبيب.



.

Quote: وبكامل عدتهم من سيوف ودرقة

مرحب بثوار الشرق فى الحراك على ان يتركو عتادهم حيث هو !
عبقرية الثورة فى سلميتها

والدي رحمه الله عاش اكتر من اربعين سنة في الشرق ما بين طوكر وبورسودان

يتحدث الهدندوية
و البني عامرية
والفلاتية بطلاقة مبالغ فيها
و يلبس الصديري والتوب والسربادوق زي ناس الشرق

نحن في اسرتنا قاعدين نعتبر الشرق دا حقنا لانو عندنا حواشات في طوكر يأتينا ريعها كل عام ( بالذات في جليلمة)
فشنو ......


ابعدو بعيد من بلدي دي



ومهلقات تكتينا

Quote: وجود هؤلاء الثوار معنا يزيد من وحدتنا ويؤكدها ويزيل منظر الساحة الخضراء

يا دكتورة إخلاص..
قلت لي شنو ..باللاي ؟!
ضحكتيني والله ..

بنفس القدر ممكن أقول ليكي الشعب لما طلع في الشرق ناس العاصمة إنتو كنتو وين ؟!
ما طلعتو إلا لما حنسناكم تحنيس ..

فبلاش مزايدة ..تاريخ الثورة دي كله موثق عندي بالدقة والدقيقة .

بعدين شايفاكي كل مرة تمشي وتجي في حكاية البصات دي وتتريقي ..!!
إنتي عارفة تذكرة البص ماشي جاي من بورسودان للخرطوم بكم ؟!
طيب بدل التريقة ما كان تتبرعي للغلابة ديل ..

و علي العموم ناس بورسودان صابنها قبلهم قدام القيادة ..
وتجمع المهنيين بتاعكم كل يوم جايب صورهم وفيديوهاتهم . . ذنبنا شنو كونك ما متابعة ؟!!

تحياتى امنة عشان كدة ومن بداية البوست طالبت تجمع المهنيين بتكفلل المصاريف كاملة لهؤلاء الثوار لرحلتهم الى الخرطوم