إنتشر مقطع فديو للجاسوس السودانى الذى زرعته السعودية فى مكتب الرئيس السودانى وقد ظهرت بجانبه إمرأة يقال إنها جاسوسة لدولة أجنبية.
آسف، المقصود (جاسوسة) وليس جاموسة
Post: #2 Title: Re: جاسوس السعودية مع واحدة جاموسة (صورة) Author: هشام كمال عبادي Date: 04-24-2019, 02:51 PM Parent: #1
Quote: إنتشر مقطع فديو للجاسوس السودانى الذى زرعته السعودية فى مكتب الرئيس السودانى وقد ظهرت بجانبه إمرأة يقال إنها جاسوسة لدولة أجنبية.
آسف، المقصود (جاسوسة) وليس جاموسة
سبحان الله ، الفضائح دي كلها ظهرت بعد الثورة الشبابية دي .. ولسة يا ما حنشوف في الايام الجاية ..
إِنَّ رَبَّكَ لَبِالْمِرْصَادِ
Post: #3 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-24-2019, 03:07 PM Parent: #2
Quote: ولسة يا ما حنشوف في الايام الجاية ..
الاهم نعرف تفاصيل اموال السودان المهربة وشبكة المجرمين وتفاصيل اجرامها..
Post: #4 Title: Re: جاسوس السعودية مع واحدة جاموسة (صورة) Author: Mahjob Abdalla Date: 04-24-2019, 03:11 PM Parent: #3
الصورة يا مان
Post: #5 Title: Re: جاسوس السعودية مع واحدة جاموسة (صورة) Author: حسن ادم محمد العالم Date: 04-24-2019, 03:21 PM Parent: #4
صراع الأجنة داخل الدولة العميقة القذرة لمان عرفوا انو طه قرر ينتهى من حاجة إسمها إسلاميين قاموا طلعوا الوسخ بتاعو .. ياهو وسخ الاسلامين طه والاسلاميين سواء
Post: #6 Title: Re: جاسوس السعودية مع واحدة جاموسة (صورة) Author: Mahjob Abdalla Date: 04-24-2019, 03:34 PM Parent: #5
كتبت اسمو في اليوتيوب و ظهر لي الفيديو من اول نقرة.
Post: #7 Title: Re: جاسوس السعودية مع واحدة جاموسة (صورة) Author: Abdullah Idrees Date: 04-24-2019, 04:05 PM Parent: #6
Quote: كتبت اسمو في اليوتيوب و ظهر لي الفيديو من اول نقرة.
اها رايك شنو يا محجوب في الجاسوسة
يا سيف اسرار شنو هي بلدنا دي فضل فيها اسرار ؟ ده زول داعر ساي زيو وزي البقية
Post: #8 Title: Re: جاسوس السعودية مع واحدة جاموسة (صورة) Author: Mahjob Abdalla Date: 04-24-2019, 04:12 PM Parent: #7
Quote: اها رايك شنو يا محجوب في الجاسوسة
سلام عبدالله رأي انو احتمال نلقي انفسنا جارين وراء سفاسف الامور بهذا الـ طه. و جاسوسته افتراضا. خلينا نركز في ثورتنا و نتائجها.
____________ بس الزول ده بلاويه كثيرة.
Post: #9 Title: Re: جاسوس السعودية مع واحدة جاموسة (صورة) Author: Abdullah Idrees Date: 04-24-2019, 04:19 PM Parent: #8
مركزين تمام التمام يا محجوب لكن الزويل ده لازم يشبع فضايح
Post: #10 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-24-2019, 07:23 PM Parent: #9
هذا هو ( العميل) الذي دمرت به السعودية السودان فإشترت رجاله كمرتزقة ليحاربوا بدلا عنها. ونهبت وتغولت على اراضيه وموارده
Post: #11 Title: Re: جاسوس السعودية مع واحدة جاموسة (صورة) Author: يحي قباني Date: 04-24-2019, 07:53 PM Parent: #10
Post: #12 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-24-2019, 09:24 PM Parent: #11
Quote: الصورة يا مان
تحياتى يا محجوب...
مافى حاجة مدسوسة.
Post: #13 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-24-2019, 10:19 PM Parent: #12
Quote: يا سيف اسرار شنو هي بلدنا دي فضل فيها اسرار ؟ ده زول داعر ساي زيو وزي البقية [/QUOT]
يا عبد الله ادريس الزول ده كان مدير مكتب الرئيص.. وياهو ده مقاسهم...
على السعودية ان ترفع يدها عن السودان..
Post: #14 Title: Re: جاسوس السعودية مع واحدة جاموسة (صورة) Author: يحي قباني Date: 04-25-2019, 04:53 AM Parent: #13
Quote: يا عبد الله ادريس الزول ده كان مدير مكتب الرئيص.. وياهو ده مقاسهم
تحياتي سيف و الاحبة ...
مدير مكتب الرئيس ... !!! سبحان العاطي ...
انا متمني اعرف طه الحسين الكان بقعد في تربيزة حديد في حوش عيادة د. عبد الحافظ أبو يوسف دكتور العيون في الخرطوم و يدخل ليو العيانين ... كيف وصل للحتة دي ...
اتذكره تماما تمرجي في العيادة و ماسك دفتر الدخول و تحصيل رسوم الكشف ...
Post: #15 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 05:14 AM Parent: #14
السلام عليكم باشمهندس يحي معلومتك دي هل هي صحيحة يعني هل السيد طه الحسين ينتمي لهئية التمريض ؟
يحدث كثير ان يكون الماسك ادخال المرضي غير ممرض الرجاء التثبت
Post: #16 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 05:17 AM Parent: #15
التمريض له كلية وهي ٤ سنوات بكالوريوس وكانت الاول معهد دبلوم
Post: #17 Title: Re: جاسوس السعودية مع واحدة جاموسة (صورة) Author: MOHAMMED ELSHEIKH Date: 04-25-2019, 05:38 AM Parent: #16
يا قبة اؤوكد لك معلوماتك غير صحيحة لمعرفتي بالرجل و هو بلدياتنا اعمامه الشعراء تادج السر و الحسين الحسن الحسين جزيرة ارتولي
هو خريج الفرع اداب
لكن زكاءة زاد بعد جات الانقاذ وطبق نظرياته
جده الحسين بفتح الحاء
ممكن يكون زولك بكسرها
Post: #18 Title: Re: جاسوس السعودية مع واحدة جاموسة (صورة) Author: ابوحراز Date: 04-25-2019, 07:30 AM Parent: #17
اذكر في إحدى المرات كان برفقتي رئيس الحركة الشعبية بمحلية الحصاحيصا وكنا نعد سويا للإعداد لاستقبال جون قرنق وقبل أن يركب معي في السيارة طلبت امرأة أن اوصلها في طريقنا وبالفعل ركبت في المقعد الخلفي وركب هو دون أن يسلم عليها المدهش طيلة الطريق لم يفتح فمه بكلمة حتى نزلت المراة وسألته مازحا مالك صامي خشمك يازول انت بالع ليك سيخة وللا شنوووو؟؟ فقال لي بعربي جوبا مرا دا يمكن داسنو مؤتمر وطني الترجمة المرة دي يمكن زارعنها ناس المؤتمر الوطني رئيس الحركة عامل عادي كان يعمل بمحالج الحصاحيصا لدينا مشكلة في الحس الامني سواء على مستوى المسؤولين على رأس الهرم أو المواطن العادي حيث تنساب المعلومات بكل سهولة نسبة لتركيبة الشعب المعجونة بالطيبة والبساطة ولو كانت المرافقة لهذا الرجل جاسوسة أجزم بأنها قد تكون حصلت على كل ماتريد في ليلة واحدة وعندما قرأت مذكرات ضابطة الموساد الجميلة والتي ارسلها الموساد ايام نقل الفلاشا من السودان لإسرائيل لم تفعل شيئاً سوى أنها افتتحت لها كافتيريا في كل من القضارف وكسلا ووجدت معلوماتنا بحمد الله في السهلة صادقت كبار المسؤولين وعلى رأسهم المناط بهم حماية الأمن القومي لهذه البلاد وأكثر ما اضحكني انها كانت تبيع الويسكي في الكافتريا لكبار الزبائن وفي إحدى المرات قررت الشرطة مداهمة محلها مع محلات اخري فأرسل المسؤول عساكر الحملة من هنا واتصل عليها قائلا جماعتنا ديل ماشين عليك لو عندك حاجة ضايريها !!! قال مدير مكتب الرئيس قال!!!! الراجل ماشاءالله عليه مشى يرفه مع نساء تركيا جماعة مهند ونور وطلب من ناس ابوحراز وابوالقنفد وابوالقدح التسبيح والاستغفار خلونا 30 سنة ونحن نستغفر
Post: #19 Title: Re: جاسوس السعودية مع واحدة جاموسة (صورة) Author: HAIDER ALZAIN Date: 04-25-2019, 07:44 AM Parent: #18
ليس دفاعاً عن الفريق طه حسين
لكن ياجماعة الامر ممكن يكون في إطار العلاقات العامة للسودان والخبرات الخارجية ..!
احسنوا الظن بمولانا :)
Post: #20 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 07:57 AM Parent: #19
يعني لو واحد ماشي في سير مطار يمكن يكون الوراء جاسوس
عادي ما محتاج حركة شعبية والشهيد جون قرنق والفلاشا
Post: #21 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 08:00 AM Parent: #20
غايتو الفترة الانتقالية دي سنة واحدة كفانا بالكتير اثنين
Post: #22 Title: Re: جاسوس السعودية مع واحدة جاموسة (صورة) Author: Abdullah Idrees Date: 04-25-2019, 08:01 AM Parent: #20
Quote: يا عبد الله ادريس الزول ده كان مدير مكتب الرئيص..
نعم هذا صحيح .. ما قصدته هو ان بلدنا مستباحة تماما واي دولة او طرف يريد الحصول على اي معلومات بإمكانه الحصول عليها بكل راحة من خلال سفارته داخل السودان او اي سفارة صديقة .. يعني ما حيحتاج جواميس
Post: #23 Title: Re: جاسوس السعودية مع واحدة جاموسة (صورة) Author: الهادي الشغيل Date: 04-25-2019, 08:03 AM Parent: #20
لصور الفضائح مع بنات أجنبيات كتيرة مبذول بعضها في الفيسبوك وتنزل تباعا .. أشك أن وراء تسريبها هم جماعة المؤتمر الوطني أنفسهم بعد ما غدر بهم زولهم
Post: #24 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 08:16 AM Parent: #23
الايغال في الفضائحية سلوك غير ناضج
الزول ده كان ممرض ولا لاً سؤال بسيط
كنت اتوقع اجابة ولكن مسار البوست يدل عليه
Post: #25 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-25-2019, 11:20 AM Parent: #24
Quote: خلينا نركز في ثورتنا و نتائجها
مركزين فى ثورتنا وعلى السعودية أن ترفع يدها عما يحدث فى السودان..
ده كان جاسوس السعودية فى البلاط الإنقاذي المتهالك..
والمعركة مستمرة
Post: #26 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-25-2019, 11:37 AM Parent: #25
Quote: أشك أن وراء تسريبها هم جماعة المؤتمر الوطني
هم من نشورها يا الشغيل.. ويعلمون اسرار بعض جيدا.. هكذا كانت تباع اسرار السودان..
Post: #27 Title: Re: جاسوس السعودية مع واحدة جاموسة (صورة) Author: Mahjob Abdalla Date: 04-25-2019, 12:25 PM Parent: #26
في ليلة الهروب تلك, ابوالشباب نسي او لم يتمكن من اخذ كل امتعته من منزله او مكتبه. طبعا الاجهزة الامنية فتشت كل مخلفاته بعد ذلك و احتفظو بها لليوم الابيض | الاسود حسب زاوية الشوف.
Post: #28 Title: Re: جاسوس السعودية مع واحدة جاموسة (صورة) Author: MOHAMMED ELSHEIKH Date: 04-25-2019, 12:36 PM Parent: #27
Quote: كنت اتوقع اجابة
بت المشرف ياخ ما اديناك الزيت فوق ! يعني نجيب ليك شاهد من منبر شات؟؟؟
ههههههههههههههههه
Post: #29 Title: Re: جاسوس السعودية مع واحدة جاموسة (صورة) Author: يحي قباني Date: 04-25-2019, 01:02 PM Parent: #28
Quote: يا قبة اؤوكد لك معلوماتك غير صحيحة لمعرفتي بالرجل و هو بلدياتنا اعمامه الشعراء تادج السر و الحسين الحسن الحسين جزيرة ارتولي
هو خريج الفرع اداب
لكن زكاءة زاد بعد جات الانقاذ وطبق نظرياته
جده الحسين بفتح الحاء
ممكن يكون زولك بكسرها
ابو الشيخ سلامات ...
حسب معرفتي بآل ابو يوسف و د عبد الحافظ ابو يوسف و نسابته الخلايفة ناس عمك محمود خليفة معناتها هم بلدياتك برضوا ...
و لا يمنع انه درس اداب ... لكنه كان بدخل العيانين في سبعينات القرن الماضي في عيادة د ابويوسف ...
جايز كان طالب و شغال في المساء في العيادة البمنع شنو ؟ ...
معلوماتي مؤكده يا محمد ... كدي اسأل جماعتك منها ...
المؤكد انه كان زول بسيط لا يملك شي ... و لا احد يعلم كيف وصل الى ما وصل اليه ...
Post: #30 Title: Re: جاسوس السعودية مع واحدة جاموسة (صورة) Author: يحي قباني Date: 04-25-2019, 01:06 PM Parent: #29
Quote: لسلام عليكم باشمهندس يحي معلومتك دي هل هي صحيحة يعني هل السيد طه الحسين ينتمي لهئية التمريض ؟
يحدث كثير ان يكون الماسك ادخال المرضي غير ممرض الرجاء التثبت
يا دكتورة ... انا قلت تمرجي ...
و اي شخص ماسك تربيزة دخول عيانين في السودان غالبا اسمه تمرجي ... لانه بتعلم يحضر الحقن و شوية شوية يضربها و يطعم و هكذا ...
ودونك اشهر تمرجي في ام درمان عمك اسماعيل ( الطهّار ) شايل شنطة الحديد و بشتغل حقن و تطعيم في بيوت ام در ...
اسماعيل ما درس تمريض و كان البعض بقول عليو ( الحكيم ) ...
Post: #31 Title: Re: جاسوس السعودية مع واحدة جاموسة (صورة) Author: اخلاص عبدالرحمن المشرف Date: 04-25-2019, 02:07 PM Parent: #30
شكرإ يا محمد الشيخ وشكرآ قباني غايتو البتريدو سميح والما بتريدو قبيح اللهم اجعلنا مع السمحين 😂😂😂
Post: #32 Title: Re: جاسوس السعودية مع واحدة جاموسة (صورة) Author: Mohamed Adam Date: 04-25-2019, 02:16 PM Parent: #30
الضكر دا شكلو كدا قلبو حنين! غايتو غمرها بجنس حنان في الجنة ما ح تحلم بيهو !
خلو الزول يعيش حياتو وبطلوا حسادة!!
Post: #33 Title: Re: جاسوس السعودية مع واحدة جاموسة (صورة) Author: سيف اليزل سعد عمر Date: 04-25-2019, 07:38 PM Parent: #32
شكرا ليكم جميعا وللأخت اخلاص المشرف على المرور والمشاركة.. شكرا خاص ليحى قبانى على الفديو..
