|
|
|
 Re: جاسوس السعودية مع واحدة جاموسة (صورة) (Re: سيف اليزل سعد عمر)
|
Quote: إنتشر مقطع فديو للجاسوس السودانى الذى زرعته السعودية فى مكتب الرئيس السودانى وقد ظهرت بجانبه إمرأة يقال إنها جاسوسة لدولة أجنبية.
آسف، المقصود (جاسوسة) وليس جاموسة |
سبحان الله ، الفضائح دي كلها ظهرت بعد الثورة الشبابية دي ..
ولسة يا ما حنشوف في الايام الجاية ..
إِنَّ رَبَّكَ لَبِالْمِرْصَادِ
| |
 
|
|
|
|
|
|
|
|
|
Re: جاسوس السعودية مع واحدة جاموسة (صورة) (Re: سيف اليزل سعد عمر)
|
Quote: يا عبد الله ادريس الزول ده كان مدير مكتب الرئيص..
وياهو ده مقاسهم |
تحياتي سيف و الاحبة ...
مدير مكتب الرئيس ... !!! سبحان العاطي ...
انا متمني اعرف طه الحسين الكان بقعد في تربيزة حديد في حوش عيادة د. عبد الحافظ أبو يوسف دكتور العيون في الخرطوم
و يدخل ليو العيانين ... كيف وصل للحتة دي ...
اتذكره تماما تمرجي في العيادة و ماسك دفتر الدخول و تحصيل رسوم الكشف ...
| |
|
|
|
|
|
|
|
|
Re: جاسوس السعودية مع واحدة جاموسة (صورة) (Re: MOHAMMED ELSHEIKH)
|
اذكر في إحدى المرات
كان برفقتي رئيس الحركة الشعبية بمحلية الحصاحيصا
وكنا نعد سويا للإعداد لاستقبال جون قرنق
وقبل أن يركب معي في السيارة
طلبت امرأة أن اوصلها في طريقنا
وبالفعل ركبت في المقعد الخلفي
وركب هو دون أن يسلم عليها
المدهش طيلة الطريق لم يفتح فمه بكلمة
حتى نزلت المراة
وسألته مازحا مالك صامي خشمك
يازول انت بالع ليك سيخة وللا شنوووو؟؟
فقال لي بعربي جوبا
مرا دا يمكن داسنو مؤتمر وطني
الترجمة
المرة دي يمكن زارعنها ناس المؤتمر الوطني
رئيس الحركة عامل عادي كان يعمل بمحالج الحصاحيصا
لدينا مشكلة في الحس الامني
سواء على مستوى المسؤولين على رأس الهرم
أو المواطن العادي
حيث تنساب المعلومات بكل سهولة
نسبة لتركيبة الشعب المعجونة بالطيبة والبساطة
ولو كانت المرافقة لهذا الرجل جاسوسة
أجزم بأنها قد تكون حصلت على كل ماتريد في ليلة واحدة
وعندما قرأت مذكرات ضابطة الموساد الجميلة
والتي ارسلها الموساد ايام نقل الفلاشا من السودان لإسرائيل
لم تفعل شيئاً سوى أنها افتتحت لها كافتيريا في كل من القضارف وكسلا
ووجدت معلوماتنا بحمد الله في السهلة
صادقت كبار المسؤولين
وعلى رأسهم المناط بهم حماية الأمن القومي لهذه البلاد
وأكثر ما اضحكني
انها كانت تبيع الويسكي في الكافتريا
لكبار الزبائن
وفي إحدى المرات قررت الشرطة مداهمة محلها مع محلات اخري
فأرسل المسؤول عساكر الحملة من هنا
واتصل عليها قائلا
جماعتنا ديل ماشين عليك
لو عندك حاجة ضايريها !!!
قال مدير مكتب الرئيس قال!!!!
الراجل ماشاءالله عليه
مشى يرفه مع نساء تركيا جماعة مهند ونور
وطلب من ناس ابوحراز وابوالقنفد وابوالقدح التسبيح والاستغفار
خلونا 30 سنة ونحن نستغفر
| |
|
|
|
|
|
|
|
|
|
Re: جاسوس السعودية مع واحدة جاموسة (صورة) (Re: MOHAMMED ELSHEIKH)
|
Quote: يا قبة اؤوكد لك معلوماتك غير صحيحة لمعرفتي بالرجل
و هو بلدياتنا
اعمامه الشعراء تادج السر و الحسين الحسن الحسين
جزيرة ارتولي
هو خريج الفرع اداب
لكن زكاءة زاد بعد جات الانقاذ وطبق نظرياته
جده الحسين بفتح الحاء
ممكن يكون زولك بكسرها |
ابو الشيخ سلامات ...
حسب معرفتي بآل ابو يوسف و د عبد الحافظ ابو يوسف و نسابته الخلايفة ناس عمك محمود خليفة معناتها هم بلدياتك برضوا ...
و لا يمنع انه درس اداب ... لكنه كان بدخل العيانين في سبعينات القرن الماضي في عيادة د ابويوسف ...
جايز كان طالب و شغال في المساء في العيادة البمنع شنو ؟ ...
معلوماتي مؤكده يا محمد ... كدي اسأل جماعتك منها ...
المؤكد انه كان زول بسيط لا يملك شي ... و لا احد يعلم كيف وصل الى ما وصل اليه ...
| |
|
|
|
|
|
|
|
|
|
Re: جاسوس السعودية مع واحدة جاموسة (صورة) (Re: يحي قباني)
|
Quote: لسلام عليكم
باشمهندس يحي معلومتك دي هل هي صحيحة
يعني هل السيد طه الحسين ينتمي لهئية التمريض ؟
يحدث كثير ان يكون الماسك ادخال المرضي غير ممرض
الرجاء التثبت |
يا دكتورة ... انا قلت تمرجي ...
و اي شخص ماسك تربيزة دخول عيانين في السودان غالبا اسمه تمرجي ... لانه بتعلم يحضر الحقن و شوية شوية يضربها و يطعم و هكذا ...
ودونك اشهر تمرجي في ام درمان عمك اسماعيل ( الطهّار ) شايل شنطة الحديد و بشتغل حقن و تطعيم في بيوت ام در ...
اسماعيل ما درس تمريض و كان البعض بقول عليو ( الحكيم ) ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
| |
سيف اليزل سعد عمر
هشام كمال عبادي
Mahjob Abdalla
Abdullah Idrees
يحي قباني
MOHAMMED ELSHEIKH
ابوحراز
HAIDER ALZAIN
Mohamed Adam
فيس بوك
تويتر
انستقرام
يوتيوب
بنتيريست