هذه هي الحقيقة المرة: المجلس العسكري لن يسلم السلطة للشيوعيين والعلمانيين والبعثيين ..

10:31 AM April, 23 2019

سودانيز اون لاين
Ali Abdalla Hassan-UK
مكتبتى
رابط مختصر

المجلس العسكري الإنتقالي لن يسلم السلطة للشيوعيين والعلمانيين والبعثيين ...

هذه هي الحقيقة المرة التي قد لا يقبلها الكثيرون ..

ورغم أن الثورة هي ثورة الشباب السوداني بكل أطيافه السياسية .. ولكن من قاد ونظم هذه الثورة هم: تجمع المهنيين وقوى الحرية والتغيير ..

وفي فهم الكثيرين وفي فهم المجلس العسكري أيضاً .. أن قيادات تجمع المهنيين وقوى الحرية والتغيير هم: الشيوعيين والعلمانيين والبعثيين ..

ولذلك عندما يطالب تجمع المهنيين وقوى الحرية والتغيير بتسليم السلطة لهم وحدهم وكمان على كل المستويات : من أعلى مستوى وهو المستوى السيادي ومروراً بالمستوى التنفيذي والتشريعي .. هذا المطلب سوف يرفضه المجلس العسكري الإنتقالي رفضاً باتاً ولو أدى هذا إلى المزيد من المظاهرات والإعتصامات ..

عرفتو المشكلة مكانها وين؟

حكومة كفاءات (تكنوقراط) مدنية لفترة انتقالية
كلام واضح والعسكري ليست من يحدد (شعب الله الثائر في السودان من بيده الإختيار )

#صب_بس
#اعتصام_القيادة_العامة
#تسقط_تالت
#الشارع_بس

حكومة كفاءات (تكنوقراط) مدنية لفترة انتقالية
كلام واضح والعسكري ليست من يحدد (شعب الله الثائر في السودان من بيده الإختيار )

#صب_بس
#اعتصام_القيادة_العامة
#تسقط_تالت
#الشارع_بس

Quote: عرفتو المشكلة مكانها وين؟

المشكلة مكانها معروف للجميع او الغالبية العظمى من اعضاء المنبر ورواد الفيسبوك والتويتر وباقي مواقع التواصل والناس الحايمين في الشارع والتمنية مليون المحتشدين في القيادة كلهم عارفين المشكلة مكانها وين يا علي عبدالله حسن
المامعروف هو رأيك إنت في المشكلة

Quote: المامعروف هو رأيك إنت في المشكلة

رأيي ؟

والله أتمني من كل قلبي أن يتم تسليم السلطة لحكومة مدنية اليوم وليس الغد .. حكومة كفاءات بغض النظر عن الخلفيات السياسية والفكرية .. المهم الرجل المناسب في المكان المناسب ..

هذا ما أتمناه ويتمناه الكثيرون .. ولكن تسليم السلطة إلى حكومة مدنية ليس بالأمر السهل .. فكلنا نعلم خبث ودهاء ومكر الكيزان .. هؤلاء لا يفوقهم في الخبث والمكر والدهاء إلا الشيطان الرجيم .. وإلا لما مكثوا 30 عاماً يحكمون السودان .. وحتى الآن نظامهم لم يسقط .. إنما تحولوا من خطة (أ) إلى خطة (ب) .. هؤلاء عندهم سبعة أرواح .. ونحن حتى الآن عند الروح الثانية فقط .. لسة عندهم 5 أرواح ..

يا زول انت عايز تقول شنو
عنوانك عجيب جدا

المجلس ما حيسلمها الا لقوي اسلامية من الفلول القاعد يجمع فيها
ولا قصدك تقول التجمع وقوي الحرية ييوعيين ويساريين وكفرة
وضح كلام
وفي كل الاحوال الشارع اتجاوز الخطاب ده ليهو ثلاثين سنة

اذا جاءنا لينين وماركس وبرزنيف بانفسهم ليحكمونا فمرحبا بهم اذا تسلموا الحكم عن طريق الانتخابات الحرة النزيهة،،
اما الان فان على المجلس العسكري تسليم الحكم فورا للحكومة التي سيشكلها تجمع المهنيين وقوى الحرية والتغيير ويجب ان تكون الحكومة مكونة في هذه الفترة الانتقالية من تكنوقراط مستقلين لا ينتمون لاي احزاب سياسية،..
وبالمناسبة فان الشعب السوداني الذي راى الان بام عينه كيف كان تجار الدين واللصوص والحرامية يديرون البلاد فلا شك انهم سيختاروا لينين وماركس لحكم السودان ، فالشعب قد مل وسئم من تجار الدين الذين استغلوا الدين الاسلامي السمح لسرقة مال الشعب ليبنوا القصور الشاهقة ، ونحن نطالب بمصادرة هذه القصور وتحويلها لمدارس ومستشفيات فورا..

Quote: يا زول انت عايز تقول شنو عنوانك عجيب جدا المجلس ما حيسلمها الا لقوي اسلامية من الفلول القاعد يجمع فيها ولا قصدك تقول التجمع وقوي الحرية ييوعيين ويساريين وكفرة وضح كلام وفي كل الاحوال الشارع اتجاوز الخطاب ده ليهو ثلاثين سنة

المجلس العسكري الإنتقالي يسلم السلطة للشعب السوداني المتمثل في الأحزاب السياسية السودانية بمن فيهم تجمع المهنيين وقوى الحرية والتغيير والحركات المسلحة ..

Quote: هذه هي الحقيقة المرة: المجلس العسكري لن يسلم السلطة للشيوعيين والعلمانيين والبعثيين ..

قراءتك سطحية و تدل على أنك غير متابع

مكرر

Quote: اما الان فان على المجلس العسكري تسليم الحكم فورا للحكومة التي سيشكلها تجمع المهنيين وقوى الحرية والتغيير

هنا مربط الفرس يا إمتثال ..

المجلس العسكري سوف يرفض هذا المطلب رفضاً باتاً .. لأن هنالك أحزاب سياسية أخرى لها الحق أيضاً في المشاركة في تشكيل الحكومة المدنية .. وليس هنالك جهة واحدة مفوضة من الشعب السوداني لتشكيل حكومة مدنية .. جميع الأحزاب السياسية هي التي تمثل الشعب السوداني وليس حزب واحد او حزبين ..

يا جماعة هوي

علي عبد الله الحسن ده كوز، والكوز مهما حدث له سوف يظل كوز.

اكيد اكيد
صراع النقائض غير الديمقراطية في السودان وهو الطريق المعبد للفوضى الخلاقة
بابكر عوض الله 1969 والترابي 1989 تكنوقراط ونميري عين تكنوقراط بي الطن ..والبشير الوزارء التكنوقراط كاتو اكثر من المزراعين
الثورة دي بتاعة تسقط بس اعادة تدوير نص الاخوان المسلمين = حزب المؤتمر الشعبي بدعم من قطر استغلو تجمع المهنيين مغفل نافع
والامارات دخلت عشان تثبت مصدر الجنود الرخيصين في حرب اليمن ومصر عشان تتاكد انكم تحت الجذمة لحدي الان ويؤكد ذاك العلم القبيح ده
https://up.top4top.net/
في السودان لو زح ابناء السفلة المعقدين العندهم شعور متاصل بالدونية حيال مصر والعرب برجع السودان بتاع 1يناير 1956 ذى ما هو
من السياسة
القضاء
الجبش
بي المحكمة الدستورية العليا بترجع الديمقراطية والانتخابات بس نخت تسعة قضاة 8 قضاة من الهامش وقاضي واحد من الخرطوم

Quote: قراءتك سطحية و تدل على أنك غير متابع

خلاص يا منتصر إنتا اللي متابع وقراءتك سليمة أمشي هسي للقيادة العامة حتلقى ناس تجمع المهنيين وقوى الحرية والتغيير مع المعتصمين محتارين ما عارفين يعملوا شنو .. وعندهم ورقة فيها الحكومة المدنية جاهزة .. يلا يا الفاهم ساعد الناس ديل .. امشي معاهم للمجلس العسكري وخلي المجلس العسكري يسلم السلطة للحكومة التي شكلوها .. وناس المجلس العسكري يحلو المجلس ويرجعو إلى ثكناتهم العسكرية ..

Quote: يا جماعة هوي علي عبد الله الحسن ده كوز، والكوز مهما حدث له سوف يظل كوز.

يا دينق ده فلس سياسي وفكري منك

لو جعبتك خالية .. او ما عندك موضوع .. امشي شوف ليك هاينيكن واقعد شاهد ليك في ماتش كورة ولا اي مصيبة .. بدل ما تجي هنا تتهم الناس بإتهامات باطلة وتتدخل في شأن لا يعنيك من قريب أو بعيد ..

أنت مش الكوز القام جاري وخلا جزمتو في جامعة الخرطوم لمن الطلابالشرفاء هجموا على الكيزان؟؟
الجماعة قالوا فردت جزمتك مازالت موجودة في موقع المعركة اللي هربت منها يا كوز يا رعديد.
هسع كمان جاي تعمل فيها مناضل ومنظراتي!

تسقط بس يا كوز.

تسقط بقايا الانقاذ
يسقط تجار الدين

يسقط المجلس العسكرى الاخوانى الجنجويدى

Quote: المجلس العسكري سوف يرفض هذا المطلب رفضاً باتاً .. لأن هنالك أحزاب سياسية أخرى لها الحق أيضاً في المشاركة في تشكيل الحكومة المدنية .. وليس هنالك جهة واحدة مفوضة من الشعب السوداني لتشكيل حكومة مدنية .. جميع الأحزاب السياسية هي التي تمثل الشعب السوداني وليس حزب واحد او حزبين

الاخ علي عبدالله
سلام
هل ادليت برأيك هنا ام تحليل لمجريات الامور؟
ان كان رأي فأنا اخالفك فيه و ان هذا تحليل فأنا اتفق معك فيه.
و هي كالاتي:
المجلس العسكري التقي بمجلس او هيئة علماء شنو كدا ما عارف و كذلك التقي بقيادات يمينية و اخرون لا ينتمون سياسيا للاسلام السياسي و لكن وسوس لهم الخبثاء (ان الثورة سرقها اخرون) و ان لم تنبهو سوف (يندمون).
عموما الاسلاميين يعملون في صمت مستفيدين من الفراغ الحاصل ده و تقدر تقول رتبو امورهم و اتبنو خططهم للمواجهة ايا كانت و الناس نيام و لما الناس تفوق, واقعيا ما حيقدرو يتجاوزهم بهذه الحجة (ليس هنالك جهة واحدة مفوضة من الشعب السوداني لتشكيل حكومة مدنية ).
و حتي المجلس العسكري حيقول احنا ما بنسلم الحكم الا لما الشعب كلو يتفق و ده ما حيحصل.

و بعد شوية حتشوف اتفاقيات جانبية (الفكة) و الله يكضب الشينة.

_______________
Who got the clock and who got the time

Quote: وفي فهم الكثيرين وفي فهم المجلس العسكري أيضاً .. أن قيادات تجمع المهنيين وقوى الحرية والتغيير هم: الشيوعيين والعلمانيين والبعثيين ..

المجلس العسكري فاهم تماما إنو الناس دييل لا شيوعيين لا بعثيين ولا غيرو
لكن مطية لتفكيك الثورة، فلنقل شوعيين أو بعثيين ومالو؟ طالما الشعب كلو وقف معاهم
والكلام ده كلو طالع من راس الدجال الداعشي عبد القئ يوسف المستفيد الأول من هذا النظام

كل الورجغة ما تغيير الاحداث في الساحة وركزو علي الكلام المكتوب مش كتبو منو
ثورة تسقط بس
اعادة تدوير المؤتمر الشعبي واستغلو اليسار الانتهازي مغفل نافع بدعم من فضائية الجزيرة وقطر
واليسار في السودان بعثيين وناصريين وشيوعيين "بعاعيت " وعلم بابكر عوض الله ده اكبر دليل ومايو1969 اضل العن من يونيو 1989
والديمقراطية ما عنداه ادنى علاقة بتجمع المهنيين او قوى الاجماع الوطني او المؤتمر الشعبي او الوضع الراهن وحتي هذه اللحظة الوعي لم يتجاوز مثلث الحمدي والنخبة السودانية وادمان الفشل
https://up.top4top.net/