Post: #2 Title: Re: أغنية حب للخرطوم Author: osama elkhawad Date: 04-25-2019, 09:55 PM Parent: #1
أغنية حب للخرطوم
محجوب شريف
***
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ جيدكْ
وحلّ قيدكْ
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
Post: #3 Title: Re: أغنية حب للخرطوم Author: خضر الطيب Date: 04-25-2019, 10:22 PM Parent: #2
يا سلام على ذوقك استاذ اسامة يا خواض في عمق النغم و الكلمة المعبرة و التحية عبرك لزوزيتا تلك البنية النخلة شامخة المقام و لأستاذنا الراحل محجوب شريف محبتي
Quote: وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
Post: #4 Title: Re: أغنية حب للخرطوم Author: osama elkhawad Date: 05-01-2019, 01:44 AM Parent: #3
Quote: يا سلام على ذوقك استاذ اسامة يا خواض في عمق النغم و الكلمة المعبرة
و التحية عبرك لزوزيتا تلك البنية النخلة شامخة المقام و لأستاذنا الراحل محجوب شريف
