دبابيس من صحف اليوم 22 ابريل 2019 م

02:29 PM April, 22 2019

سودانيز اون لاين
Abdulhaleem Osman-Sudan
مكتبتى
رابط مختصر

آخر عجايب السودان:
👈 فى منزل المخلوع البشير: 113 جلابية بيضاء مكوية ، 23 جديدة لم يلبسها ، 22 عباية ، 111 عمة مشغولة ، 98شال مطرز ، 185 طاقية ، و 62 مركوب و 78 جزمة.
📌 المحيرني الشغل دا كلللللو معقول ما معاهو ولا سروال ؟
.
📰 فساد الحج والعمرة:
👈 تواصلت الدبابيس بالأمس مع الأخ المهندس / محمد الغالي البشير صاحب منشور (أدركو بعثة الحج السودانيه بؤرة الفساد) والذي حملته الوسائط بالأمس ممهورا باسمه ورقم تلفونه واستفسرناه عن ما جاء في المنشور وأكد لنا صحة ذلك واستعداده للشهادة بذلك أمام القضاء كما أكد أن المواطن السعودي أيضا جاهز وبكل الأدلة من عقود إيجار وتحاويل وأسماء من استلموا المبالغ...
📌 نضع ذلك بين يدي نيابة مكافحة الفساد لنرى ماذا هم فاعلون........
.
📰 نكشه لمفوضية الفساد:
👈 انتو بنك السودان دا تم تنظيفه من بؤر الفساد والا لازالوا في أماكنهم وتم تسليمهم الأموال المضبوطه دي كولللللها؟....
📌 ان كان ذلك كذلك أتوقع الأموال التي دخلت بالباب ستذهب الى جماعتهم بالشباك....
.ه.
.ه.
📰 الجريدة:
👈 المستهلك تتهم وكيل الصحة الاتحادية بدعم أجندة مافيا الدواء
📌 جيبوهو ساحة الاعتصام عشان يعرف حاجة
.
📰 الجريدة:
👈 عمال السكة الحديد بعطبرة يطالبون بقطار يقلهم للاعتصام
📌 الله لا بارك لمن كان السبب في تفكيك السكة حديد
.
📰 الجريدة:
👈 دعاة: للدين رب يحميه وللشريعة رجال يحرسونها
📌 وين لكن مع وكلاء الله في أرضه ديل
.
📰 الجريدة:
👈 عبد الحي يوسف: الدعاة لم يكونوا يوماً مطية للظالمين
📌 لكن في منهم من هو مطية للفلسطينيين يشغلهم ويجنسهم ويطلع لهم رقم وطني وجوازات
.
📰 الجريدة:
👈 البرهان: نحن مكملون للانتفاضة ولسنا في خصومة مع أي جهة
📌 (نحن) دي لو كانت تشمل ثلاثي الكيزان المعاك ديل تبقى غير صحيحة
.
📰 الوطن:
👈 "الحرية والتغيير" تعلق التفاوض وتعلن التصعيد الثوري
📌 أحسن يعلقوهو لحدي ما ينشف ويبقى عوده قوي.
.
📰 الوطن:
👈 "3" مليارات دولار مساعدات سعودية إماراتية للسودان
📌 نفس التصريحات الزمان مافيش جديد وبقت مابتقسم معانا المكنه دي
.
📰 الوطن:
👈 النيابة توجه بحجز عقارات المسئولين السابقين وأسرهم
📌 ما تنسوا مدارس كيمبريدج وصالات الافراح بتاعة اخو المخلوع
.
📰 الوطن:
👈 حل اللجان الشعبية بالخرطوم وحجز اصولها وحساباتها
📌 يا حبذا لو كمان تم جلد أعضائها
.
📰 الوطن:
👈 “المركزي": تخفيض سعر الدولار التأشيري إلى 45 جنيهاً
📌 وينكم يا صياع السوق تجوا تشوفوا الشغل دا
.
📰 الوطن:
👈 البرهان: قوائم بالمطلوبين من قادة النظام السابق.
📌 ما تنسوا نوع المطلوب ال بي يكون معين نسيبه وأخوهو وأخت مرتو وراجل بت خالته مفروض تكشوهم معاهو.
.
📰 أخبار اليوم:
👈 رئيس المجلس العسكري: البشير وطه ونافع وهارون واخرون بسجن كوبر الاتحادي.
📌 نحن من جماعة الشريعة ليها بالظاهر لازم نشوفهم بي عيننا مرواد في مكحلة
.
📰 أخبار اليوم:
👈 البرهان يؤكد ضبط عملات اجنبية ومحلية بمقر اقامة الرئيس المخلوع ببيت الضيافة.
📌 ال يسمعو يتكلم عن القطط السمان يقول دا عمر بن عبدالعزيز
.
📰 أخبار اليوم:
👈 وفاة 23 شخصا وإصابة 38 آخرين اثر تصادم بصين بطريق شريان الشمال.
📌 لا حول ولا قوة الا بالله ربنا يرحم من توفى ويشفي كل جريح
.
📰 الإنتباهة:
👈 تدهور الحالة النفسية لـ(المخلوع)
📌 عاوز يعمل فيها مجنون ، الليله كان وقف في صينية القندول عاضي نعالو في خشمه ولابس له كيس اسمنت مافي زول حا يصدق
.
📰 الإنتباهة:
👈 لجنة لحصر شركات جهاز الأمن
📌 عوووووك دا مولد عديل
.
📰 آخر لحظة:
👈 (قوش) قيد الإقامة الجبرية
📌 انتو الاقامة الجبريه دي قايلنها شنو ؟ الشعب دا كله قيد الاقامة الجبرية لأنه جوزانا دا بقى ما يوديك الا اثيوبيا
.
📰 السوداني:
👈 البرهان: قفل الطرق يسيء للمحتجين والأمور لن تسير على هذا المنوال
📌 هوووي يا البرهان بطل المجمجة
.
.
📌ابووضاح 📌