استمعت لعدم البيان

00:02 AM April, 21 2019

سودانيز اون لاين
Abureesh-أمريكا
مكتبتى
رابط مختصر

اعتقد ناس التجمع المهنى ختوا الزول دا عشان يصرفوا الناس لنقاشات جانبية و ينسوا اخفاقاتهم فى تسمية الحكومة.. تتذكروا كلمة التوالى و كيف الترابى شغل بيها الناس لعدة سنين.
انا ما عارف كيف اختاروا هذا الناطق الرسمى.. اول شروط الناطق الرسمى التمكن من اللغة العربية.. خلونا من حكاية الضحكة الترابية او القاف و الغين فهذا وباء منتشر فى السودان.. ولكن ابسط مستوى من قواعد اللغة لا يفقهه هذا المتحدث الرسمى.. البيان كان مجزرة للغة العربية.. من الاف الشباب ديل ما لقوا واحد يتكلم دغرى و هو متماسك و لا يلحن فى اللغة؟ قديما قرأت فى نيويورك تايمس ان أسامة بن لادن تمكن من اسر قلوب أتباعه بتمكنه من اللغة العربية.. كان بعد
ذا اثر السحر و جذب له الاتباع. دا رد استباقى لمن يرى ان الموضوع هو المهم و ليس التعبير. أمشى قدم مشروب جيد فى إناء رديئ و شوف البشربو ليك.
هذا المستوى من الجهل باللغة العربية يمكن يكون مقبول من المتحدث الثانى.. ولكن من الناطق الرسمى الذى مهمته الكلام؟؟ و لكنها طلعت بالعكس.. المتحدث السياسى القيادى كان متمكنا من اللغة و لم يغلط إلا الاخطاء الممكن تكون مفهومة.

فضيحة بس ....

*فضيحة بس ....*

هههههه.. لو ما براى كان الناس قالت مجنون يضحك وحده

سلام أبوالريش
الغريبة إنه الطبيعي يصبح غريب بعد ما طبعنا الغريب
يا محمد الإنسان السوداني النموذجي
ذلك القمحي وربما ذو الشعر السبيبي والذي يجيد اللغة العربية
كان يقدم دائماً على أنه الممثل للسوداني بحسبانه عربي قح
وأعتقد أن من الحكمة أن تقدم تيارات السودان الجديد
نموذج السوداني المغيب عن الإعلام
ذلك الذي يلحن في العربية ويغلب الغين قافاً
هذا النموذج هو الممثل الحقيقي للمين إستريم في السودان
سواءً كان في غربه، شرقه أو أقااصي شماله
فلا تتحرج أي أخي لأن زمن التجمل قد ولى
أو كما قال الشيخ فرح لعبدالله الطيب
كل ياكمي وحيوريكم فمي

دعنى اختلف معك يا اخى سنارى
كل شيئ بوجهو كما يقول اهلنا..
لكنت احترمت موقفه لو تحدث بلهجة الشرق او لهجة دارفور الجنينة او عربى جوبا.
او بلهجة الوسط التى يتحدثها معظم السودانيين .. و لاحظ انى وجدت له العذر فى القاف و الغين..
و لكن ليس صحيحا ان يكون متحدث رسمى سودانى و ليس شخصا يتحدث بعفوية مع جماعة .. ليس صحيحا أخطاء قاتلة فى قواعد اللغة العربية يمكن ان تكون عادية و مقبولة.
كيف يستطيع التجمع ان يختار اعضاء حكومة و هو لم يستطع اختيار متحدث باسمه؟

السلام عليكم
المشكلة ما عدم البيان
المشكلة عدم اعلان الاسماء

عارف مشكلتك شنو
انو قرايتك ما اتعدّت زمن قراءة البيان
ياخى منذ الليلة السابقة ل ليلة الموتمر الصحفى
و حتى موعده احداث جسيمة مرّت هدفها سرقة الثوره
لقاء تلفزيونى
اجتماع ائمه
اعلان قبول حزب المؤتمر السودانى بقبول سيادة المجلس العسكري
و ظلال الصادق المهدى اللاعب لصالح ورقه
و اجتماع اللجنة السياسية مع احزاب الحوار الوطنى
ده كلّو المجلس العسكري كان بيسغى لى شرعية يواجه بها الداخل و الاقليمي و الدولى
وسط هذا الخناق الضاغط على التجمّع
كان القرار
و ده اهم قرار اتخذ فى مسيرة الثوار
لا حوار مع المجلس العسكري
و تستمر الثوره
و مقبل الايام سيريك ما غاب عن بصرك و بصيرتك الان
____
ما لاحظت انو فى انفصال تماما بين منصة المرتمر و المهنيين
ما لاحظت انو حصل احتجاج من المعتصمين لتأحر المؤتمر
ما لاحظت انو من نلى البيان كان حايم فوق المنصة فى اتنظار وصول المهنيين

.
بالإضافة لجهله باللغة، وهو ليس بخطيب، لا يكاد يبين...يعني أم الشهيد كانت ثابتة و راسخة
تحدثت بالدارج السوداني..و أعجبتنا و أقنعتنا...لكن عبدالعزيز خطيئة و محبط و بائس...
مهم جداً للناس الشاحطها التجمع في انتظاره يخاطبهم (زول مقنع)....كنت أتمنى لو كان الأصم..
لكن دا جزء من عدم الإكتراث، أو عدم الفهم، لخطورة دور الإعلام..

.

الناس ديل جأوا لحاجة محددة بعدما فشلت راسهم ضرب.
ما كانوا جاهزين او متوقعين او قول حاسبين لحاجة زي دي.
كل مرة يثبتوا انهم اقل قامة من المسئوليه الكبييييييرة ومصائر
ملايين منتظرنهم واكثر كانت محتاجه تتعلم من تجربتهم.
تاني خذلونا..

ابوالريش وضيوفه سلام.