سياحة في بلاد .. السذج .. !!!

03:05 PM April, 19 2019

سودانيز اون لاين
توفيق عيسى مكي-
مكتبتى
رابط مختصر

يحكى انه في عصر من العصور الفائتة كان هناك شعب يحكمهم ملك غبي جدا لكن كانوا يروه اكثرهم ذكاءا وقوة وجبروت وحنكة وحكمة ...
وهو ابعد ان يكون بهذه الصفات ...
ولكن لان شعبه سذج ..
حكمهم ثلاثون عاما ..

احد اعداء تلك الدولة او لنقل تلك البلدة اراد ان يدمرها ليمتلكها بعد دمارها ....
اجتمع مع نفر منهم خارج ديارهم واوهمهم بامكانهم ان يحكموا تلك الدولة ..
واخذ يبرهن لهم البراهين بفساد الملك واهله وحاشيته
حتى تملك عقولهم ...
ومهد لهم العودة او بالرسائل ان يخلقوا ثورة على الملك
وبالفعل لان اهل تلك البلدة سذج انطلت عليهم المكيدة فهتفوا جميعا يسقط الملك وسقطوه ..
ولانهم سذج لا يدرون الاحداث التي ستجري من بعد سقوط الملك

اطرف مافي تلك الثورة ...
احد الجنود الصغار جدا للملك هتف مع الشعب لما رأي الجموع منهمرة من تحت الجسر ..
فعجبهم لانهم سذج هتاف ذاك الجندي
واخذوا يهتفون :
تمسكا انت ... تمسكا انت ... تمسكا انت ...

ليتهم عاشوا وشافوا شعب السودان المعلم ...
وكيف اصبح ايقونة التغير في الشرق الاوسط
الشعب المعلم ...

كيف انه كان يحكمه ديكتاتورا محمي بمافيا فساد اتخذت من الدين مطية
فقرر جموع شعبه الثورة علي كل ما هو قائم
لبناء عهد جديد مبني على العلوم المعرفية المستمدة من الارث المتوارث من اعرق حضارة في العالم

بسرية تامة اجتمع نفر من مخلصيه وتفاكروا وخططوا ....
اتفقوا على هدف واحد
تناسوا كل اسباب فرقتهم من اجل هدفهم
كانت مشكلتهم مشكلة اقتصادية
تحل بالانتاج
تمحورت ثورتهم لثورة انتاجية في سبيلها خلعوا ملكهم
بتضحيات وبعض الدماء الطاهرة
من المعروف ان الثورات غذاءها الذي يجعلها تنتصر وتعيش هو الدم
اول ما خلعوا الملك
لم يحتاروا
مثل حيرة شعب السذج
واختلاف شعب السذج
وعوارة وضهب السذج

من سذاجتهم لما ثاروا على الملك
لم يكنوا محددين هدف سوى الاطاحة بالملك
ولا بالقطع طريقة توصيلهم للهدف الموضوع مسبقا
ولا يعرفون من سذاجتهم اصل مشكلتهم مع ملكهم سوى فساده
اذ ان مشكلتهم الاصلية كانت في اقتصادهم وتوفير عيشهم الكريم فتعاملوا ببساطة في امر الملك
.
.
وكانت تضحك فيهم المنالك من حولهم وتلعب بهم
حتى اتاهم امين سر الملك المخلوع بعد خلعه الملك المخلوع في زمن فائت
على راس وفد جارة لهم
دي ما سذاجة يا ناس

ليتهم حضروا ثورة شباب السودان ...
وكيف دمروا ملك ملكهم
وكيف علقوا المشانق للمفسدين
وكيف بطشوا باكلي قوت الشعب
وكيف عاقبوا من تلاعب بمكتسابتهم
لا ثورة من غير دماء
لا ثورة من غير عقاب

كان في دولة السذج امير ....
وكان واعي جدا ...
من سذاجتهم اتهموه بالجنون والخرف
واستبعدوه من حسابات ثورتهم
مع انه اكتر واحد كان ممكن يفيدهم

شوف من سذاجتهم
كل واحد داير يكون رئيس او وزير او مسؤل او ....
نهائي عايشين بلا هدف واضح من ثورتهم ينجحها ..
الا بما رسمه صاحبنا الدايرها تتفرقش عشان يملكها ...
الكل عامل فيها هو الصنع الثورة
الكل عامل فيها هو الشهيد
الكل عامل فيها هو رب الفهم السياسي
الكل عامل فيها دارس علم الادارة والقانون وهم جهلة في العلمين
الكل عامل فيها ابو العريف الثوري
الكل عامل فيها هو الشفت المنقطها
.
.
دي سذاجة ما بعدها سذاجة

بالغت يا توفيق
تشتم في روحك يا امير 🥵😡

الحالة الوصلنا ليها كرهتنا حياتنا زاتو مش نشتمها بس ...

هل انتي او اي واحد مقتنع للبيحصل في ايامنا الاخيرة دي
مش دي مهازل

ودي رسالة لأولادنا لو قدروا يستوعبوها

غايتو انت انسان عجيب خلاص
لا بتعرف تستحي لا بتعرف الخجل
ما عارف دي خيابة ولا قوة عين منك
..
والله لو منك ما اظهر تاني في المنبر
كنت بتتمسخر من الثورة وحتي الان جاي تتمسخر
اعتقد جاداً انك متزعزع نفسياً والزعزعة النفسية هي نوع من انواع المرض النفسي
الله لا يشفيك

يا توفيق يا اخ الكيزان ديل كعبين
درسوا معاك وعارفين تاريخ جدك
هل حصل اعترفوا له بفضل
هل أعطوك ( حقك ) في اي شئ
جدك كان مصدق انه ده طريق ممكن
يوصل لخير بالتجربة وصل لشر
الترابي الماكر لقي الامكر واتنكروا له
من بسيرهم السافر يوم موته لأصغر واحد
في التنظيم وهو غدر بالديمقراطية
ما فيهم خير
والشعب عرفهم
اطلع من اسرهم الباب مفتوح لك
رغم انك ما مصدق

Quote: يا توفيق يا اخ الكيزان ديل كعبين درسوا معاك وعارفين تاريخ جدك هل حصل اعترفوا له بفضل

اختي اخلاص هو ما جدي بل والدي هو الاسس التنظيم في داره ببيت المال حوش مكي المحسي وفي النهاية خلوه مات بالحسرة قبل يومه بتتخيلي اكون كيف ...
اما لو كنت قاصدة جدي القاد اكبر ملحمة سودانية وهي معركة كرري الأمير عثمان أزرق الممسوح من التاريخ السوداني فدي مسألة بيني وبين الامة السودانية لسه ما جاء وقت رد الجحود ده لكن برده
اما لو قاصدة الفنص بينهم وبرضو جدي برضو مات من الحسرة من الانصار بالعملوا فيه السيد الصديق بعد كان الذراع اليمين للسيد عبد الرحمن المهدي
وانا بياني بالعمل وسيجي الوقت الامة السودانية تستوعب الوعد ده

Quote: غايتو انت انسان عجيب خلاص لا بتعرف تستحي لا بتعرف الخجل

اخوي ...
تم السنة معانا وتعال اتفاصح مع الناس الكبار والملوك والامراء ... الامراء الزيي ..
نحن عندنا لغتنا في الكتابة والكلام
اتدارسها في الاول وحاول تفهم ما تكون ساذج ..

اسكت ياجدادة ..

علي الاقل الناس المرجفين والمحبطين للثورة اختشو واتوارو عن الانظار لكن انت وشك بارد ..الي مزبلة التاريخ ..

http://meky.arabepro.com/t3-topichttp://meky.arabepro.com/t3-topic




يا توفيق كون قدر الأسم واخرج من أسر الكيزان ديل ما بشبهو التاريخ ده خليك أمير

Quote: اسكت ياجدادة ..

هل عشان قريت انه والدي اسس التنظيم حكمت علي اني كوز ..؟؟ طيب السذاجة دي كيف ؟؟
افضل لي اكون جدادة الف مرة من نعامة تفنقس وتدخل راسها جوة الرملة وتعمل فيها رايحة ..
والماشي والطاشي يجي يركبها ...
الحقيقة البواجه بيها الناس السذج مرة وحارة
لا خير فينا لو ما قلناها
ولا بنخاف من زول
واتحدى البحب البلد دي اكتر مني
واتحدى الاتعزب هنا في الحوش ده من الناس ديل اكتر مني ...

Quote: http://meky.arabepro.com/t3-topichttp://meky.arabepro.com/t3-topichttp://meky.arabepro.com/t3-topichttp://meky.arabepro.com/t3-topic

ما ده البقول عليه تاريخ ما حقيقي كل الناس الحضروا كرري من اهلنا واهل امدرمان القديمين قالوا لنا شفاهة انه معركة كرري قادوها اتنين عثمان ازرق وابراهيم الخليل ..
عثمان ازرق معروف كان تحت لواءه ما بين 10 الف الى 12 الف مقاتل وابراهيم الخليل كان 8 الف مقاتل مع العلم ابراهيم الخليل لم يستخدم جيشه المعروف وهو جيش الكاره الذي كان قوامه 30 الف مقاتل وهو اخطر جيوش المهدية وابراهيم الخليل هذا يعد وزير دفاع وامن واستخبارات المهدية زو العشرون عاما
ديل المستعمر لما جا مسحهم بالاستيكة عشان ما يجي بطل زيهم متأثر بيهم
لما نقول مين قاد معركة الميل 40 من السذاجة نقول البشير
لانه رأس الدولة
زي الخليفة كان رأس الدولة
تعرفي انا أمارتي جات ما من اهلي لكن من تنظيمي السري
وقع ليك كلامي واستوعبتي وجهة نظري ...