حتي انت يا محمد حسن البوشي !!!!!!! محمد حسن البوشي عرفته كثير من السودانيين بنضاله ضد حكومة الانقاذ وهو يعتبر من مؤسسي الحراك السلمي في السودان منذ ان هتف امام السفاح نافع علي نافع واسمع نافع لم يسمعه في حياته السياسية مثل الكلام البوشي من اي شخص .البوشي الذي ارعب حكومة الانقاذ بكفاحه السلمي واصبح الخطر الذي يدق ناقوس حكومة الانقاذ ليكون ايقونة من ايقونات الثورة السودانية وقدوة لشباب الثورة السودانية. البوشي عاني ما عاني ولقي الويل والعذاب من حكومة الانقاذ وقضي جل وقته في سجون حكومة الانقاذ حتي مرض وذهب الي مصر للعلاج وتم القبض عليه من مصر العام الماضي وارجاعه للسودان ووضع في السجن رغم مرضه . ليتم افراج عنه قبل اسبوع بعد سقوط عمر البشير.لقد تعاطف الشعب السوداني مع البوشي خاصة النازحين والمشردين في معسكرات النزوح في دارفور وجبال النوبة والنيل والازرق صلوا ودعوا ربهم كثير للبوشي ان لا يصيبوه مكروه. لكن تفجاء الجميع امس في فيديو للبوشي يرسل رسايل لاصدقائه ولبعض اسر الشهداء ويوصي ان يوصل تسجيلو لناس معيين. دون ان يذكر شهداء دارفور وجبال النوبة والنيل الازرق ولم يوصي بتوصيل تسجيله الي معسكرات النازحين الذين كانو يدعون له كل خير في هذه المناطق ولم يوصي توصيل تسجله لاسر400 الف شهيد في دارفور . فيديو البوشي امس كانت صدمة بالغة لهؤلاء. معقولة حتي انت يا البوشي!!!!!
Post: #2 Title: Re: حتي انت يا محمد حسن البوشي !!!!!!! Author: Omer Abdalla Omer Date: 04-19-2019, 08:27 AM Parent: #1
مشكلة كبيرة يا محمد نور.. أظن إن التنوير و التوعية لحتى مثل هذا الشاب المناضل البوشي تقع علينا و لابد من أخذها مأخذ الجد.. جرائم دار فور لم تأخذ حظها من الإعلام و مورس عليها تضليل و قتل شخصية و تشكيك حتى صار 80% لا يصدق ما حصل في دار و الذي يصدق يقول إن الجرائم ليست بالقدر الذي كانت تتحدث عنه حركات دار فور.. على العموم هذه المرة لابد أن نكون في كل الساحات و لا نقبل بغير حدودنا الدنيا من حقوق و ليقل البوشي ما يشاء او الدقير او الأصم! ما علينا إلا رسم خطوطنا و حمايتها بكيف ما أتفق! غطيني و سوطي يا صفية! لعلك سمعت بهذا.. إني أمنت بالله
Post: #3 Title: Re: حتي انت يا محمد حسن البوشي !!!!!!! Author: اسماعيل عبد الله محمد Date: 04-19-2019, 10:46 AM Parent: #2
أستاذ محمد نور تحية وسلام للأسف لايوجد وجدان مشترك بين دارفور والسودان. في بوست لمحمد عبد القادر وردت فيه معلومة منسوبة للصحفي عثمان ميرغني بأن المخلوع كان قد أصدر تعليماته بقتل المتظاهرين لكن قادة الجيش قالوا الآن فقط عرفنا انه سقط ولم ينفذوا التعليمات كما حدث لقصف المدنيين في دارفور وجبال النوبة.
Post: #4 Title: Re: حتي انت يا محمد حسن البوشي !!!!!!! Author: Asim Ali Date: 04-19-2019, 11:31 AM Parent: #3
بدريه اسحق اول شهداء 6 ابريل (صباحا) وانذار مبكر بنيه النظام سفك الدماء كما حدث لاحقا فى ساحه الاعتصام واماكن متفرقه من السودان . الشهيده لم تجد حقها من الذكر بل وتعمد التجاهل من كثيرين.
Post: #5 Title: Re: حتي انت يا محمد حسن البوشي !!!!!!! Author: اسماعيل عبد الله محمد Date: 04-19-2019, 11:37 AM Parent: #4
Quote: بدريه اسحق اول شهداء 6 ابريل (صباحا) وانذار مبكر بنيه النظام سفك الدماء كما حدث لاحقا فى ساحه الاعتصام واماكن متفرقه من السودان . الشهيده لم تجد حقها من الذكر بل وتعمد التجاهل من كثيرين
الحب من طرف واحد.
Post: #6 Title: Re: حتي انت يا محمد حسن البوشي !!!!!!! Author: محجوب البيلي Date: 04-19-2019, 11:37 AM Parent: #3
Quote: للأسف لايوجد وجدان مشترك بين دارفور والسودان
حقيقة مرّة... للأسف...
Post: #7 Title: Re: حتي انت يا محمد حسن البوشي !!!!!!! Author: عبداللطيف حسن علي Date: 04-19-2019, 11:51 AM Parent: #6
للأسف لايوجد وجدان مشترك بين دارفور والسودان. في بوست لمحمد عبد القادر وردت فيه معلومة منسوبة للصحفي عثمان ميرغني بأن المخلوع كان قد أصدر تعليماته بقتل المتظاهرين لكن قادة الجيش قالوا الآن فقط عرفنا انه سقط ولم ينفذوا التعليمات كما حدث لقصف المدنيين في دارفور وجبال النوبة. ـــــــــــــــــــ دا الفرق بين السلمية والكفاح المسلح
العالم كلو يتضامن مع الثورة السلمية
لكنك لاتري غير العنصرية وكل إناء بما فيه ينضح
Post: #8 Title: Re: حتي انت يا محمد حسن البوشي !!!!!!! Author: عبدالغني محمد الحاج Date: 04-19-2019, 12:49 PM Parent: #7
ما قلت الا الحق يا عبداللطيف وشكراً على ردمك للعنصرية المضادة المتفشية في المنبر حتى في الأوقات التي نحتاج فيها لكلمات التوحد ينسى إسماعيل اشهر شعارات الانتفاضة يا عنصري ومغرور كل البلد دارفور عندما يسافر السوداني من شمال او وسط السودان للخارج ويصادف فجأة في الغربة سوداني آخر لا يهمه من أين هو من البجة او الفور او الشايقية بل يحضنه بكل الفرح من الأفضل ان يدعو إسماعيل لمعالجة مظالم حقيقية يتفق عليها الجميع ومنها مثلاً التهميش وتركيز الخدمات في المدن الكبيرة والسنتر هنالك مشاكل ثقافية وتقاليد نحتاج لعلاجها بالتعليم لأنها ناتجة عن الجهل وتوجد في كل مكان كمثال أمسك غرب السودان كثير من القبائل ترى نفسها أعلى مقاماً من أخرى وتطلق عليها كنايات معينة تعني استصغارها حتي داخل القبيلة بل العائلة الواحدة في غرب السودان وكل مكان لا يزوج الأغنياء بناتهم للفقراء في نفس العائلة او القبيلة فرجاء وسعوا مدارككم والمشاكل لا تعالج بالعويل ولعب كارد انا ضحية ، فربما تكون المشكلة فيك انت وعقلك وانجازك
Post: #9 Title: Re: حتي انت يا محمد حسن البوشي !!!!!!! Author: نادر الفضلى Date: 04-19-2019, 01:33 PM Parent: #8
هو البوشى قال شنو؟ ما نوع ونسة الناس ممكن تقولها فى قعدة خاصة وليس كلام يوجه للناس فلن قبضوه إتجرس وإعلان ما عارف إيه
وقال ووصف البشير فى سجن (كوبر)، بينما الأخبار تقول غير ذلك؟!!!!!!!!!!!
Post: #10 Title: Re: حتي انت يا محمد حسن البوشي !!!!!!! Author: نعمات عماد Date: 04-19-2019, 10:34 PM Parent: #9
سلام اخ محمد نور و ضيوفك الكرام
يمكننا كلنا التعاون و العمل على تعويض نقص المعلومات و تغبيش الوعي الحصل في قضايا الإبادة .
يمكن إلزام الإدارات الجديدة للتلفزيون القومي و القنوات الأخرى ببث حي من داخل القرى و معسكرات
اللجوء و لقاءات توثيقية مع ضحايا الحروب و عكس قضاياهم العاجلة و الملحة لمتابعتها وحلها أولاً بأول .
اقترح تكوين هيئة من متطوعين لتوجيه و حث الإعلام لتسليط الضوء بكثافة على هذه القضايا .
Post: #11 Title: Re: حتي انت يا محمد حسن البوشي !!!!!!! Author: اسماعيل عبد الله محمد Date: 04-19-2019, 10:58 PM Parent: #10
Quote: يمكننا كلنا التعاون و العمل على تعويض نقص المعلومات و تغبيش الوعي الحصل في قضايا الإبادة .
بعد ايه جاي تعتذر..هههههههههه
Post: #12 Title: Re: حتي انت يا محمد حسن البوشي !!!!!!! Author: نعمات عماد Date: 04-19-2019, 11:09 PM Parent: #11
إسماعيل أنت عبيط و لا شنو ؟
إذا كلنا كنا مقهورين ، بعد زوال أسباب القهر البيمنع شنو انو نعمل
ما نستطيع من اجل الضحايا ؟
و على سيرة الإعتذار ، أعتذر لأهلنا في دارفور و جبال النوبة و النيل
الأزرق عن عجزنا في الدفاع عنهم ضد جرائم الإنقاذ .
Post: #13 Title: Re: حتي انت يا محمد حسن البوشي !!!!!!! Author: اسماعيل عبد الله محمد Date: 04-19-2019, 11:15 PM Parent: #12
Quote: و على سيرة الإعتذار ، أعتذر لأهلنا في دارفور و جبال النوبة و النيل
الأزرق عن عجزنا في الدفاع عنهم ضد جرائم الإنقاذ .
الإعتذار لامن يجي في الآخر بكون مسيخ ههههه انتو كنتو نايمين وين؟
Post: #14 Title: Re: حتي انت يا محمد حسن البوشي !!!!!!! Author: نعمات عماد Date: 04-19-2019, 11:28 PM Parent: #13
Quote: انتو
الجماعة الأنت قاصدها دي ، وجّه ليها سؤالك بنفسك .
انا هنا أتكلم عن نفسي و عن من يريد التطوع من القراء .
بما أني غير منتمية لحزب و أعيش داخل السودان فكل
ما قدرني الله على عمله. في النهاية عمل فردي .
و هنا في المنبر كتبت و تداخلت عن الحرب و الظلم منذ
٢٠١٤ .
Post: #15 Title: Re: حتي انت يا محمد حسن البوشي !!!!!!! Author: جمال ود القوز Date: 04-20-2019, 00:11 AM Parent: #12
Quote: للأسف لايوجد وجدان مشترك بين دارفور والسودان
لايوجد وجدان مشترك !! كيفن الكلام ده ! .. عشان الكيزان سواء كيزان دارفور أو كيزان الشمال .. أنتجوا لنا حرب دارفور نتيجة لاختلافهم في تقاسم السلطة ؟!! .. طوالي جربت تتهم الشمال بكافة مكوناته وتحملهم وزر ما لم يقترفوه .. بعدين هل ناس دارفور كانوا محرومين من السلطة في سنين الانقاذ الأولى ؟!! .. بل كانوا متنفذين حتى حدوث الاختلاف في (المسروق) .. انت ياسمعة أقعد حرّض على الانفصال كده لامن يبقى واقع .. بعدين ماتجي جاري تقعد في أم درمان وما تجري تمرق بره دارفور .. أقعد إندمس مع الناس جوه دارفور وضوق طبخك .. هسه عليك الله البرجع لينا الجنوبيين لحضن الوطن تاني شنو ؟ .. بتقدر ! .. أكيد انت تعلم إن انفصالهم حصل بسبب الغلاة .. والعنصريين والمتنطعين ونافخي كير الانفصال من أمثالكم .. ولامن حصل الانفصال وأخذوا سمسرتهم على البيعة .. مرقوا بره الجنوب هم واولادهم وتركوا بسطاء الناس في العراء .. ليكتووا بنيران الحرب والجوع والمسغبة وماعاشوه كان أكثر ضيما وغبنا .. من حرب فرضها علينا من بث عدم وجود وجدان مشترك بين الشمال والجنوب .. هي مقولة الغرب المحرّض الأول على الانفصال وأشياعه من نخب الجنوبيين .. لأنهم أخيرا علموا بوجود وجدان مشترك حقيقي يربطنا لكن متى ؟ بعد فوات الأوان .. زيكم بيجربوا خططهم وأفكارهم البالية بنظام ياصابت ياخابت وعلى من ؟ .. مصائر وحياة الناس مش لعبة فتخيل ماحدث في الجنوب تم إعادة تدويره في دارفور .. وحدث الانفصال هل انت حتكون مبسوط وقتها ؟!! .. إن تحملت فشله على نفسك (جدلا ) هل ستتحمل نتائجه الكارثية على ملايين البشر ؟ .. فلتكافح ولتجالد في سبيل انتزاع حقك في الوصول للحكم .. وأمامك هذه الثورة السلمية التي ما كانت لتنجح مراميها بأقوى سلاح .. لكنه سلاح السلمية كان بتارا وماضيا فلتجعلوا هذه الثورة السلمية .. نبراسا وقدوة لنيل مطالبكم المشروعة وطموحكم الذي لا غبار عليه .. فالحكم ليس ملكا لأحد ولا حكرا لاثنبة كما تروج أنت ومن شاكلك من العنصريين .. لاترسل الكلام المجاني على عواهنه بهذه الصورة المشاترة الضحلة .. وتقوم ببث هذه الترهات لزيادة الغبن والعنصرية أكثر مما هي متفشية .. البعض يفعل ذلك بحكم المصالح والمكاسب شخصية .. بانتماءهم لجهات تتكسب من وراء استمرار حرب دارفور لكن أنا شايفك زول مسيكين ساي لا لك في العير ولا في النفير .. فلماذا كل هذا الكره لدارفور وأهلها !! .. ماتقول لي إنك مابتكرههم ماحأصدقك .. لأن من جعل انفصال الجنوب ممكنا وساعد الكيزان في ذلك .. كان يتشدق بحبه للجنوب والجنوبيين حتى أوردهم المهالك .. ــــــــــــــــــــــــــــــــــــــــــــــــــــــــــــــــــــــــــ
عارفك زول بتاع مكاواة وتدوير ومكاجرة وبتنبسط لما تشوف الآخرين زعلانيين مما تطرحه من رؤى مشاترة .. لكن كونك تلعب بمصائر أمة بحالها وتروج لهكذا أقوال غير مسؤولة هذا ماسيسألك عنه رب العباد .. نحن ترانا ماقدرنا نعمل شيء لاهلنا في دارفور لا استطعنا حمايتهم من شريكهم نظام الكيزان .. ولا من تجّار الحرب من أمراء الحركات لكن كلمة الحق بنقولها ماعايزين دارفور تنفصل .. لاكن انت وأمثالك بسعيكم المحموم في ترويج حكاية مافي وجدان مشترك والكلام المش حقيقي ده .. حتجيبوا انفصال دارفور ضحى ونصة نهار فارعوي وانقرع أحسن قبل فوات الأوان ..
تعال رجّع لينا الجنوب ده كان تقدر !! ...
Post: #16 Title: Re: حتي انت يا محمد حسن البوشي !!!!!!! Author: Mohd Ibrahim Date: 04-20-2019, 00:37 AM Parent: #15
ليس دفاعا ولكن البوشي عندنا تحدث الي التلفزيون القومي اول ماذكره هو مشكلة دافور وعدم تغتطيتها من طرف التلفزيون القومي ..ناس دافور عاملين ذي الضيوف دايما حساسين والواحد اذا جبت ليو شاي يقول الزول دا مفروض يجيب لي عصير في السخانة دي واذا جبت ليو مويه يقول مويه مسيخة ..ماعارف ليييه دايما الناس مفروض تنصت للحساسية بتاعتهم في ايه حاجة ..يااخ انتو البيت والسودان دا حقكقكم ذي حق اي زول تاني وكلنا مهمشين في الوطن دا لصالح الكيزان..تصالحو مع انفسكم اولا وتحررو من عقدة النقص هذه تواضعو قليلا واقبلو علي الناس بغير احكام مسبقة ..وابرزوا قضايكم تماما كما الاخرين ..الشرق مهمش والغرب مهمش والشمال مهمش والجنوب مهمش كلنا شركاء في التهميش ...
Post: #17 Title: Re: حتي انت يا محمد حسن البوشي !!!!!!! Author: Biraima M Adam Date: 04-20-2019, 00:38 AM Parent: #15
ول أبا سماعين سلام .. يا أخي فوت ..
والله لا أنسي 500 طفل من أبناء النوبة .. يوم الكتمة .. من مدرسة حجر النار بكادقلي .. قام أستاذ متمرد مع الحركة .. سار بهم مسافة 7 أيام بلياليها دون علم ذويهم.. ليصل بنصفهم إلي معسكر الخوارج بأييدا في الحدود مع الجنوب .. هل تصدق يا ول .. لا صحيفة ولا صحفي .. لم يسأل عن طفل من الأطفال الذي راحوا أو ضلوا الطريق أو ماتوا ساكت وحتى اليوم .. نهاية عام 2011م .. أي بعد 6 أشهر من الكتمة .. أبناء النوبة بدون أسر في معسكر ‘إييدا وصلوا إلي 18 ألف طفل .. وحتى اليوم مشوا وين أو أستلمهم من .. لا أحد يدري؟
تقول شنو؟
بريمة
Post: #18 Title: Re: حتي انت يا محمد حسن البوشي !!!!!!! Author: ترهاقا Date: 04-20-2019, 05:21 AM Parent: #17
Quote: لا صحيفة ولا صحفي .. لم يسأل عن طفل من الأطفال الذي راحوا أو ضلوا الطريق
ابهاتهم كانوا ويين عشان تسأل منهم صحيفة أو صحفية
Post: #19 Title: Re: حتي انت يا محمد حسن البوشي !!!!!!! Author: ترهاقا Date: 04-20-2019, 05:24 AM Parent: #17
Quote: الإعتذار لامن يجي في الآخر بكون مسيخ ههههه انتو كنتو نايمين وين؟
ويعتذروا ليك في شنو اصلاـ، ما في اي إعتذار
Post: #20 Title: Re: حتي انت يا محمد حسن البوشي !!!!!!! Author: محمد أبوجودة Date: 04-20-2019, 06:23 AM
Quote: ويعتذروا ليك في شنو اصلاـ، ما في اي إعتذار
صدقتا والله يا ترهاقا، وبالطبع فمافي أي داعٍ أو سبب لاعتذار مهمش مقهور لمهمش مقهور آخر..
التحية للأخ محمد حسن عالِم البوشــــــــــــــي .. البطل وبأمثال البوشي، ستستعدل كثير من موازين الحرية والعدالة والسلام في السودان..
ليك التحايا أخ محمد نور عودو، ولا أرى لك أدنى مسوّغ أن تدرع "ظُلامتك" على كاهل البطل البوشي ..
فلايمكن أن تنتظر من أي متحدث للميديا أن يتبنّى "حاجاتك" وبذات الطريقة الشخصية جداً بك! والأخ البوشي، في تسجيله المشهور دا، لم ينسَ ولم يُمالئ ولم يتحامل ولم يقصّر ..
Mohamed Ibrahim سلام، واتفق معك فيما قلتُ (بس لو ممكن أضيف!) ليسوا كل أهل دارفور، أو قول النيل الأزرق وجنوب كردفان، يسلكون في تعاطيهم السياسي مسلك أخينا إسماعيل عبدالله محمد!
فهذا الأخ، عامِل فيها "ناظر" و "مراقب" لكل مَــنْ يتحدّث في "هموم وطن اسمه السودان" بذات الآن الذي ينقصه الكثير x الكثير ..!
ربنا يهديك يا إسماعيلا،
المشكلة الآن، أن "تاية، مالوفة، بسطة، بطحة، منبر، منصّة" هذا الأخ المتلوّن إسماعيل، أضحت تجذب نحوها بعض إخواننا العُقلاء: كالآخ محمد نور عودو
وأفراد آخرين من الزملاء بسودانيزأونلاين ..
التحية ليك د. نعمات، ويا نعمات أختي، لو عندك اعتذارات upnormal فبالله وَجِّهيها لمَن يستحق (ههه)
وتحايا للجميع
Post: #21 Title: Re: حتي انت يا محمد حسن البوشي !!!!!!! Author: محمد نور عودو Date: 04-20-2019, 07:50 AM Parent: #20
الاخوة والاخوات الافاضل عمر عبدالله عمر اسماعيل عبد الله محمد عاصم علي محجوب البيلي عبداللطيف حسن علي عبدالغني محمد الحاج نادر الفضلى نعمات عماد جمال ود القوز محمد ابراهيم بريمة محمد ادم ترهاقا محمد أبوجودة السلام عليكم جميعا وتحية طيبة عفوا اعذروني علي التاخير لردودكم وان شاءالله اعود للتعليق علي ردودكم و شكرا لاراءكم وردودكم. وربنا يرحم شهداء الثورة السودانية والشفاء العاجل للجرحي والحرية للاسري والمعتقلين وعودة حميدة للمفقودين والف مبروك للشعب السوداني الذي خطت اكبر خطوة لازالة حكومة الانقاذ بعد الاطاحة براس النظام المجرم المطلوب لدي العدالة الدولية ونتمني الانتصار الكامل للثورة السودانية بازالة ماتبقي من حكومة الانقاذ لتكتمل الفرحة. الاخوة والاخوات لا شك ان الاخ محمد البوشي بطل من ابطال الثورة السودانية وفرض نفسه علي الشعب كبطل بصموده وثباته ومقارعته لحكومة الانقاذ واصبح بطل قومي في نظر الكثير في السودان وخاصة ضحايا واسر الشهداء في معسكرات النزوح في دارفور والنيل والازرق وجبال وظلوا يتابعوا فيديوهات التي يبثها البوشي و متابعة احواله واخباره في المعتقل لانهم اصبح جزء منهم ويهموا لامره كثيرا.وبعد خروج البوشي من السجن فرح هؤلاء في المعسكرات فرحة عارمة وعند مشاهدتهم فيديو للبوشي هو يوصي بتوصيل تسجيله لناس ومدن واحياء بعينها وذكر مدن محددة واحياء محددة واسر شهداء محددة من دون بقية الشهداء والنازحين في معسكرات حسوا بالم شديد .وقالوا بالحرف الواحد حتي انت البوشي . في مثل هذه الرسايل تذكير بعض الضحايا وبعض المدن وترك البعض سهوا او عمدا له اثره النفسي للضحية التي لم يذكر اسمه او منطقته علي الناس الاستفادة وتوصيل رسالته للجميع يا بذكر كل المتضرريين او تقول الرسالة يوصل للجميع دون ذكر اناس بعينها او مدن بعينها عندما تكون الرسالة موجهة لناس متضررين. تحياتي
Post: #22 Title: Re: حتي انت يا محمد حسن البوشي !!!!!!! Author: نعمات عماد Date: 04-20-2019, 08:58 AM Parent: #21
Quote: اعتذارات upnormal
ابوجودة كيفك ؟ ياخي ما عارفة upnormal دي شنو ؟
لكن لو قاصد abnormal , فأنت حر في رأيك و أنا حرة في رأيي ! ,It ‘s a free country now !
اعتذرت للضحايا مش لإسماعيل ال لسانو مع الضحايا و قلبو مع الجنجويد
Post: #23 Title: Re: حتي انت يا محمد حسن البوشي !!!!!!! Author: Abdelrahim Mohmed Salih Date: 04-20-2019, 09:39 AM Parent: #22
سلام لكل المشاركين الاعتذار ل اهل دارفور فريضه نضاليه لاتحتاج لرعايه من احد ومن كان ينتمى لدارفور لايظن فضل على غيره بل هناك من اهل دارفور من خان اهله وجوار الارض والتاريخ وإنحاز للقتله مجرمون واشهرهم عالميا مولاهم احمد هارون وهناك من يصنع مجده على حساب الضحايا وهناك من يؤسس لإشكالات قادمه ضد الجغرافيه والتطور المدنى لإنسان المنطقه تحركهم دوافع شخصيه وفهم سطحى لاينفذ إليه التسامح كضروره لابديل لها خلاصه الخلاصه لا مزايده ب دماء اهل دارفور ومن يعتذر منا كفرد فذلك سلوك إنسانى طبيعى لا يحتاج إلى إستذان من احد وعليه اعتذر لكل اهل دارفور ضحايا الإباده العرقيه لايشبهها قبحا فى تاريخنا القريب سوى رواند كنت أتمنى ان يخصص بوست منفصل للنظر فى موضوع دارفور بعيدا عن فكره التجريم والتوبيخ ونحن لا نزال فى بعد نفسى وزمانى لم يتجاوز التجربه بعد التحديات القادمه لبناء السلام لم ينجز منها إلا القليل...وهناك قوات مطلوقه بمباركه إقليميه تضخ طاقه حرب لم تخمد .....
Post: #24 Title: Re: حتي انت يا محمد حسن البوشي !!!!!!! Author: محمد أبوجودة Date: 04-20-2019, 11:46 AM Parent: #22
Quote: ويا نعمات يا ابنتي، لو عندك اعتذارات Up normal فبالله وَجِّهيها لمَن يستحق (ههه)
مرحب يا دكتورة نعمات،
Quote: لكن لو قاصد abnormal , فأنت حر في رأيك و أنا حرة في رأيي !
بالأكيد، حُرة ونص وخمسة..
وَ لا والله، لم أكُ أقصد هذه الصفة الحادة الحارقة، وأنتِ عندي أرقى وأجل..
إنما قصدتُّ "فوق العادي"، وربما بعض مترادفاتها من Active, Awake وهكذا دواليك..
مع وافر التحايا
Post: #25 Title: Re: حتي انت يا محمد حسن البوشي !!!!!!! Author: Kamal Alalla Date: 04-20-2019, 01:47 PM Parent: #1
الاستاذ جمال ود القوز كفيت ووفيت شكرا ليك ياخ
Post: #26 Title: Re: حتي انت يا محمد حسن البوشي !!!!!!! Author: نعمات عماد Date: 04-21-2019, 07:14 AM Parent: #25