Post: #1
Title: منو الماسك الساعة و منو العندو الزمن
Author: Mahjob Abdalla
Date: 04-19-2019, 01:51 AM
01:51 AM April, 18 2019 سودانيز اون لاين
Mahjob Abdalla-
مكتبتى
رابط مختصر
الخواجات عندهم مقولة مشهورة بتقول:
You got the clock and I got the time
طبعا معني الكلام انو العندو الساعة هو البحسب الزمن و الما عندو الساعة و ما بحسبها عندو الزمن.
هل ينطبق هذا المثل علي الحالة السودانية الان و منو الماسك الساعة و منو عندو الزمن؟
في تقديري ناس المؤتمر الوطني و معاهم المجلس العسكري عندهم الزمن.
بالمقابل ناس التجمعات التي تفاوض الان لتكوين حكومة مدنية ماسكين الساعة و ما مستفدين من زمنهم. بل في تقديري انو كل يوم بضيع منهم بتزداد الهوة بيناتهم و الاطماع قاعدة تزيد و منو الياخد الحصة الكبيرة و منو الما حياخد.
اثناء الاحتجاجات لم اسمع بأي تنظيم غير تجمع المهنيين و اليوم مررت علي قائمة طويلة متشعبة في مجملها ما لايقل عن 50 تنظيم منضوين تحت تنظيم و تنظيم الخ.
و قبلها ايضا علي الاستراتيجيات الاخري في كيفية سرقة الثورة او تكسيرها و عودة النظام القديم كما حدث في مصر.
من كل هذا استنتج انو الزمن ليس في صالح الشعب السوداني فأرجو ان تنتبهو و ترتبو اموركم.
الفرصة امامكم من الباب العريض و ان لم تنتبهو فمن الباب العريض سوف يخرج.
|
Post: #2
Title: Re: منو الماسك الساعة و منو العندو الزمن
Author: ترهاقا
Date: 04-19-2019, 02:18 AM
Parent: #1
| Quote: ثناء الاحتجاجات لم اسمع بأي تنظيم غير تجمع المهنيين و اليوم مررت علي قائمة طويلة متشعبة في مجملها ما لايقل عن 50 تنظيم منضوين تحت تنظيم و تنظيم الخ. |
الاخ محجوب سلام
تعرف في السودان بقى كل ثلاثة أشخاص عاملين حزبـ وكل شخصين مسلحين عاملين حركة مسلحة
تعرف حيقعدوا يتماطلوا كده لحد ما العسكر يكاوشوا على المضوع كلو
|
Post: #3
Title: Re: منو الماسك الساعة و منو العندو الزمن
Author: Mutasim Idris
Date: 04-19-2019, 05:10 AM
Parent: #2
الاخ محجوب سلام..
الغريبة كلهم بتكلموا عن الدوله العميييقة وامكانية
سرقة الثورة او علي الاقل تغيير ملامحها.
رهانهم علي المعتصمين يصمدوا بس لحدي متين؟ وباي تمن؟
نحن شعب لو وثق فيك ممكن يديك حقه ويسلمك رقبته بس
كمان لو انتابته مجرد شكوك في نواياك .. الله معاك.
|
Post: #4
Title: Re: منو الماسك الساعة و منو العندو الزمن
Author: اخلاص عبدالرحمن المشرف
Date: 04-19-2019, 05:23 AM
Parent: #3
السلام عليكم
كلامك صاح
غايتو حسابهم قريب الشعب ح يتجاوزهم
زي ما اتجاوزهم في إشعال ثورته
آل بوربون هؤلاء
|
Post: #5
Title: Re: منو الماسك الساعة و منو العندو الزمن
Author: عبداللطيف حسن علي
Date: 04-19-2019, 11:12 AM
Parent: #4
بلاش كلام فارغ
50 حركة دارفورية مسلحة مافيهم غير 3 في ارض الواقع
45 حزب سياسي مافيهم غير 4 في ارض الواقع
لم يستطع كل هؤلاء تغيير النظام وغيره شباب سلمي وصفوهم
بالحناكيش
الحكومة يختارها تجمع المهنيين ولابد ان تكون تكنوقراط ، شخصيا ارشح
اثنين فقط ، فتحي الضو رئيسا للوزراء وحمدوك وزيرا للمالية
باقي الكرور ينتظروا الانتخابات وكان عندهم شئ بيظهر
|
Post: #6
Title: Re: منو الماسك الساعة و منو العندو الزمن
Author: Mahjob Abdalla
Date: 04-19-2019, 11:47 AM
Parent: #5
سلام
عبداللطيف
معتصم
اخلاص
ترهاقا
و شكرا لمرورك الكريم
|
Post: #7
Title: Re: منو الماسك الساعة و منو العندو الزمن
Author: Mahjob Abdalla
Date: 04-30-2019, 02:29 AM
Parent: #6
عايز اقيم الواقع بعد اسبوع من كتابة هذا البوست
|
|