Post: #1
Title: يجب تغيير كل طاقم أعضاء سودانيز اون لاين .
Author: shaheen shaheen
Date: 04-18-2019, 10:16 PM
10:16 PM April, 18 2019 سودانيز اون لاين
shaheen shaheen-
مكتبتى
رابط مختصر
فليس هناك جديد يقال .
وأن يتم رفد المنبر العام بتلك الأصوات والأقلام الشبابية ؛ والتى نبتت فى المواقع الاسفيرية المختلفة .
توجيه الدعوة لهم ؛ لقيادة سفينة الكتابة ؛ توجيه الدعوة لهم بشكل شخصى من إدارة المنبر .
هما الجيل الاسقط بشة.
وأنا أغادر لصالح أن غيرى أحق باى مساحة للتعبير عن الرأى .
هم الأكثر شبابا وذكاء ووطنية منى .
هم المستقبل ؛ وأنا الماضى .
وهم من صنعوا هذه الثورة المجيدة .
|
Post: #2
Title: Re: يجب تغيير كل طاقم أعضاء سودانيز اون لاين .
Author: محمد البشرى الخضر
Date: 04-18-2019, 10:47 PM
Parent: #1
ما ح يجوا يا شاهين, ممكن يجاملوا يوم يومين و ح يرجعوا على فيس بوكاتهم وانستجراماتهم وسناب شاتاتهم وهكذا
ديل ما ح يصبروا زينا على اللون الاصفر و الحرجلي الكئيب دا خمسطاشر سنة بل ونخرم ليه كمان من شدة ما اعتدناه
في حين في الفيس اضيفت خاصية تلون خلفية البوست بتاعك بالبمبي و لون زينب واي لون تحبه!
ديل ما ح يصبروا ليك على تعديل كود الفيديو مرة واتنين وتلاتة واربعة عشان الواد يقدر يرفقه في مداخلة في حين مجرد ضغط التلات نقاط الفوق و زر شير أو تضمين في كسور من الثانية بينشر الفيديو بتاعه في اغلب الوسائط
يعني معقول جيل اعتاد يحضر اللايف و يتابع الجات البجري بسرعة ويرد ويشارك ويشيّر عازه يرجع يعمل رفرش كل نص دقيقة عشان يشوف الرد على مداخلته منو ورد قال شنو!!
مارك عشان يواكب كل يوم بدخل ميزة تسهل و تجعل الفيس بوك جاذب أأكثر, لو قارنت نسخة الفيس الحالية بأختها قبل عشر سنوات لما عرفت انهن اخوات من بنت فكرة نفس العقل!
عايز الشباب يجوك هنا محتاج تغيير كبير على كل شي, وأولهم نحن بطريقتنا الما غيرناها من جاتنا الرسالة الانيقة: your password is
بالمناسبة يا شاهين احب ابارك ليك نجاح الخطوة الاولى من ثورة الالف ميل
|
Post: #4
Title: Re: يجب تغيير كل طاقم أعضاء سودانيز اون لاين .
Author: ABUHUSSEIN
Date: 04-18-2019, 10:58 PM
Parent: #2
اخونا شاهين الراجل الطيب سلام
شباب شنو ياخ .... !!!
نحن منتظرين عودة الديمقراطية و الحرية و إستقرار البلد عشان نشوف ابداعات الادب و الادباء
يا دوووووووووب الجو العام حا يكون محفز للمبدعين ....
كدي قول بسم الله و سن قلمك و أبدأ من الآن ....
|
Post: #3
Title: Re: يجب تغيير كل طاقم أعضاء سودانيز اون لاين .
Author: نعمات عماد
Date: 04-18-2019, 10:56 PM
Parent: #1
سلام استاذ شاهين
يسعدنا ان نجلس و نتعلم من شباب الثورة الواعي المبدع .
إذا استجاب الشباب للدعوة. فان بعض الكتابات ستتراجع
لصالحهم و سيحتلون المقدمة بسلاسة و من غير دراما .
اعتقد ان المنبر سيستفيد من ظهور مواقع عديدة في مناخ
الديمقراطية و حرية التعبير و التنافس الصحي .
مع الإحترام. و. التقدير .
|
Post: #5
Title: Re: يجب تغيير كل طاقم أعضاء سودانيز اون لاين .
Author: Nasser Amin
Date: 04-19-2019, 00:43 AM
Parent: #3
استاذ شاهين تحياتي و احترامي
تابعت (الاحلامات) و اتمنى أن توثق لهذه الثورة
ومن خلال هذا الجيل و المقاومة المباشرة الامتدت فترة طويلة
من النضال و تخللها العسف و الظلم و القتل و انتهاء بمجتمع الاعتصام
(جمهورية افلاطون المثالية).
لو ممكن، تبدأ من حيث انتهيت، الموضوع ما انتهى
والتاريخ لمن يكون مقرون بادب و شخوص بكون ممتع
*كنت معجب بكتابات جورجي زيدان حتى
ولو اداها حبة موية و بهارات برضو مستساغة
لك كل المودة و التقدير
|
Post: #6
Title: Re: يجب تغيير كل طاقم أعضاء سودانيز اون لاين .
Author: Yousuf Taha
Date: 04-19-2019, 09:33 AM
Parent: #5
شاهين استاذنا
في شباب كتابين زي محمد حمد وسامي عبدالرحمن مثلا عندهم عضوية هنا بس زي ماقالوا ليك المنبر من ناحيى تقنية عايز ليو حبة دفرة.
تحياتي
اقترح تقاعد الكوامر ابوحسين وود البشرى 
|
Post: #7
Title: Re: يجب تغيير كل طاقم أعضاء سودانيز اون لاين .
Author: علاء سيداحمد
Date: 04-19-2019, 10:31 AM
Parent: #6
الاستاذ شاهين تحياتى
الشباب ديل مجموعة منهم مشتركين هنا فى سودانيز اون لاين ولهم فاعلية فى وسائط التواصل الاجتماعى الاخرى حيث انهم يستطيوعون الوصول الى الناس باسرع ما يمكن من خلال اللايفات والمنشورات وقد ذكر حبيبنا ود البشرى الاسباب
التى تمنعهم من التواصل هنا فى سودانيز اون لاين ..
Quote: في حين في الفيس اضيفت خاصية تلون خلفية البوست بتاعك بالبمبي و لون زينب واي لون تحبه!
ديل ما ح يصبروا ليك على تعديل كود الفيديو مرة واتنين وتلاتة واربعة عشان الواد يقدر يرفقه في مداخلة في حين مجرد ضغط التلات نقاط الفوق و زر شير أو تضمين في كسور من الثانية بينشر الفيديو بتاعه في اغلب الوسائط
يعني معقول جيل اعتاد يحضر اللايف و يتابع الجات البجري بسرعة ويرد ويشارك ويشيّر عازه يرجع يعمل رفرش كل نص دقيقة عشان يشوف الرد على مداخلته منو ورد قال شنو!! |
|
Post: #8
Title: Re: يجب تغيير كل طاقم أعضاء سودانيز اون لاين .
Author: ABUHUSSEIN
Date: 04-19-2019, 09:40 PM
Parent: #7
| Quote: اقترح تقاعد الكوامر ابوحسين وود البشرى |
كدا حا تورط صاحب البوست ....
حسب تقييمك دا حا تطلعو كومر برضو ... 😂😂
غايتو ابو حسين بقى زي الملح لازم تضيفوه لي اي طبق ... 😂
|
Post: #9
Title: Re: يجب تغيير كل طاقم أعضاء سودانيز اون لاين .
Author: آدم صيام
Date: 04-20-2019, 07:15 AM
Parent: #8
| Quote: اقترح تقاعد الكوامر ابوحسين وود البشرى |
أثبتا أنهما وطنيان أكثر من كثير من الجعجعات التي مرت من هنا
المبدع شاهين تحياتي
طيب نمشوا ببقجنا دي وين؟
|
|