ما دام اعتذر وقال الشعب السوداني ادبنا وأحسن تاديبنا ، فقد سامحناك يا حسين خوجلي على زلة اللسان كما قلت... ولأن تعرف ان الأيام تدور وتدور وانه حتى الإسلاميين الأنت قلت انهم يشكلوا ٩٨ في الميه من الشعب قد فارقوا نظام اللصوص والحرامية والكثيرين منهم انضموا للثوار لأنهم شاهدوا الفساد وشاهدوا سرقة المال العام وهم أيضا أرادوا سودان العزة والمجد والرخاء، سودان خالي من اللصوص والحرامية وتجار الدين
سلام ناصر هذا البغل و من خلال قناته و قبلها صحيفته سيئة التوجه كان قد رسخ لهذا النظام و ساهم مساهمة كبيرة من خلال اعلامه الكاذب الرخيص يجب ان يحاسب على التضليل و التطبيل و التحريض و الإساءة لهذا الشعب الأبي و الذي لا ذنب له غير انه طالب بالحرية بعد اعطاء النظام البائد 30 عاماً كانها 30 قرن عذره البائس غير مقبول بالنسبة لي فليذهب الى الجحيم كما ذهب بشيره الشوم تباً لهم بكل اللغات
, حسين خوجلي هنا لم يعتذر عن نعته للمتظاهرين بال############ان و شذاذ الآفاق بل إعتذر خجلا عن كلمة " قاطعوأ ميتينا زاتو " عندما قالها غاضبا وعلى الهواء مباشرة ردا لدعوة المتظاهرين مقاطعة قناته التلفزونية وهنا علينا أن نشيد بموقف زميلة المنبر سلافة صديق والتي كانت تعمل بقناة خوجلي و يومها قدمت إستقالتها فالتحية لها مجددا
Post: #8 Title: Re: حسين خوجلي يعتذر للشعب السوداني Author: دفع الله ود الأصيل Date: 04-18-2019, 08:56 PM Parent: #7
يا جماعة عليكم الله معدا ترفعو گثافتنا . معقولة ياخ بس نكون بجنس الطيبة الزايدة دي و السذاجة دي التخلينا نستمع لاعتذار من زي الجخس المنفوخ دا ، ناهيگ عن قبوله؟!!
و الجخس يا ود الأصيل ربما يكون مفيداً في بعض الأحيان ما هو تعريفك للجخس او الجخص يا صاحب اللغة الرفيعة انت و صلاح فقير و محمد ابوجودة و غيركم من المتمكنين من اللغة و المصطلحات المحلية و الممعنة في المحلية ؟
Post: #10 Title: Re: حسين خوجلي يعتذر للشعب السوداني Author: Asim Ali Date: 04-18-2019, 10:28 PM Parent: #9
كل دا عشان تستمر قناتو خنجر فى وعى المجتمع بيد جماعه الساقطين
Quote: يا جماعة عليكم الله معدا ترفعو گثافتنا . معقولة ياخ بس نكون بجنس الطيبة الزايدة دي و السذاجة دي التخلينا نستمع لاعتذار من زي الجخس المنفوخ دا ، ناهيگ عن قبوله؟!!
كفيت واوفيت اغلاق قناة التجهل والتجهيل ومصادر ترخيصها مطلب شعبي
Post: #12 Title: Re: حسين خوجلي يعتذر للشعب السوداني Author: Nasser Amin Date: 04-19-2019, 00:19 AM Parent: #11
Quote: الأخ ناصر لك التحية للأمانة الكلام دا والتسجيل دا كان قبل ٦ ابريل بأسبوع أو أكثر يعني الكلام قديم وسابق لهذه الأحداث الأخيرة بأيام ليست بالقليلة..
الاخ منتصر ....سلام و تحية طيبة لو اثبت لي ذلك ما علي الا الاعتذار وسحب البوست. لست من انصار الاثارة او التجني على احد بل طالب حقيقة،رجاء استوثق من تاريخ نشره و من جانبي سوف افعل وح اعتذر للاستاذ خوجلي في بوست منفصل أو هنا..ودمت *ثورتنا جميلة و لا تحتاج لمكياج
Post: #13 Title: Re: حسين خوجلي يعتذر للشعب السوداني Author: زينب محمد عبدالله Date: 04-19-2019, 01:57 AM Parent: #12
الفديو دا نزل يوم 26 مارس وهذه هى الحلقه كامله
Post: #14 Title: Re: حسين خوجلي يعتذر للشعب السوداني Author: دفع الله ود الأصيل Date: 04-19-2019, 03:48 AM Parent: #13
سلام مربع لصاحب البوست و لكل من تداخل. و لا تثريب عليك يا ناصر ، و لو أن هنالك حقيقة جديرة بثقتنا بك، فهي أنك اسم على «ناصر و أمين» و أما تسجيل ذاك البائس فلو لا تخونني الذاكرة لقلت أنه ورد هنا في البورد هنا قبل يوم الزحف في 6 أبريل، يوم الفرقان، يوم التقي الجمعان و حالف النصر طلاب الحرية و السلم و العدالة. و كم من فئة قليلة(2%) غلبت فئة گثيرة( 98%) بإذن الله.
Post: #15 Title: Re: حسين خوجلي يعتذر للشعب السوداني Author: MAHJOOP ALI Date: 04-19-2019, 06:20 AM Parent: #14
شكرا زينب علي الفيديو وياناصر امين مامطلب باي اعتذار ، هي نغسها الاسطوانة الكيزانية المكرورة والمعتتة من زمن الراية والوان وصحفهم ، عن الصليبين وحركات التبشير والنصاري والقوميين والعنصريين والهتش الفارغ والخلاصة انو (الثورة ) و ( الثوار ) اهم اما من عرق مسوس او قابضين قروش من الخارج !!! عشان كده عدل العنوان لان (الجخس ) لم يعتذر بعد
Post: #16 Title: Re: حسين خوجلي يعتذر للشعب السوداني Author: دفع الله ود الأصيل Date: 04-19-2019, 07:18 AM Parent: #15
دحين يا محجوب قت لي: الجخس المعتت لم يعتذر بعد و كدي؟! يعني گأنو نحنا بس الفاتحين خشومنا و محقبين يدينا راجنو؟!!
[} يا نجيك بقى ياخونا خدر الطيب، لأنگ أحسنت و الله، فعلن الجخس و الدغور و الدعول كولهن بيدن معنى فرد واحد ، ألا و هو التور المدغلب يقعدو يگلفو و يعلفو فوقو يدوعلوه لامن يربى يتبغبغ تب ، عشان يضبحوه للضحية.
[} و دي بقى الفايدة الوحيدة الممكن نجنيها نحنا من زي ناس أب جضومن ملسا دا: أنو يتگوه بنحروه لينا من اللضان لللضان كرامة و سلامة ساي في الجمعة اللتيمة دي ل«✓سقطت و بس».
[} ياخي دا زولنا تب من شرق الله البارد دا، و عامل فيها من أولاد أمدرمان الأصليين . و الله لو ما گيبورد الموبايل متعب كنا وريناه ليكن المكشن برا بصل ، و البعشوم قالو: بعرف جعار أخوه؛ و أبو القدح بعرف يعقر رفيقو من وين فقوللو: أحسن يغور يختانا الله لا طراه و لا جاب عقابو.
Post: #17 Title: Re: حسين خوجلي يعتذر للشعب السوداني Author: MAHJOOP ALI Date: 04-19-2019, 07:53 AM Parent: #16
في ملاحظة علي كلام خوجلي في معرض سرده وضمن الحذلقة دعي للاهتمام بعلم الاجتماع السياسي وخلاصة ادراكه لهذا العلم بان هناك اسر وعائلات مجبولة علي الخيانة والعمالة بحكم المولد والاصل . وعند الحديث عن مريم الصادق وزيارتها لباريس لاجتماع نداء السودان مع قوي المعارضة ،بعد التسوق لشراء العطور والازياء الباريسية ، لم يجد توصيف او غرض من السفر غير العمالة !!!!! وبما ان العمالة والخيانة مرتبطة بالنشأة فهل يقصد اسرة المهدي ؟ استمعوا وافيدونا افادكم الله .
Post: #18 Title: Re: حسين خوجلي يعتذر للشعب السوداني Author: Kamal Alalla Date: 04-19-2019, 08:15 AM Parent: #1
لست من نور لتغفر انت من طين لتبني
اللهم لا تلمنا فيما تملك ولا نملك وكما قال الثوار الحل في البل يتبل لمن ميتينو يطلع بس ما في شئ قاعد يضيع السودان دا غير الطيبة الزايدة دي we have to change
Post: #19 Title: Re: حسين خوجلي يعتذر للشعب السوداني Author: عبدالله الشقليني Date: 04-19-2019, 09:05 AM Parent: #18