Post: #1
Title: على جميع الحركات المسلحة إلقاء السلاح أرضاً .. فالنظام الذي كنتم تحاربونه قد سقط ..
Author: Ali Abdalla Hassan
Date: 04-18-2019, 03:48 PM
03:48 PM April, 18 2019 سودانيز اون لاين
Ali Abdalla Hassan-UK
مكتبتى
رابط مختصر
على جميع الحركات المسلحة في دارفور وكردفان والنيل الأزرق والشرق ..
إلقاء السلاح أرضاً .. وحل نفسها فوراً
وعلى جميع جنود وضباط وقيادات الحركات المسلحة الثورية .. خلع زيها العسكري .. وخلع نياشينها وأوسمتها .. والعودة إلى أرض الوطن
خلاص .. هذا عهد جديد
النظام الذي كنتم تحاربونه قد سقط ..
فما الداعي إذن لحمل السلاح؟
هل تريدون رفع السلاح ضد الشعب السوداني ؟ ام ضد الثوار؟ ام ضد الكنداكات؟
من اليوم أنتم مواطنون عاديون مثلكم مثل أي مواطن سوداني آخر ..
وعلى قيادات الحركات المسلحة الموجودة في الخارج (عبدالواحد نور , مني أركو مناوي , د جبريل ابراهيم , مالك عقار , ياسر عرمان إلخ) العودة فوراً الى السودان كمواطنين عاديين للمساهمة في بناء دولة السودان ..
خلاص ده عهد جديد
مافي مفاوضات سلام تاني ..
مافي حرب تاني
مافي رشاوى تاني بالأموال ولا بالمناصب عشان توقع على إتفاقية سلام ..
|
Post: #2
Title: Re: على جميع الحركات المسلحة إلقاء السلاح أرض
Author: جمال ود القوز
Date: 04-18-2019, 05:15 PM
Parent: #1
ما اعتقد الحركات المسلحة معنية كثيرا بسقوط النظام أو بقاءه ..
لذا سقوط الكيزان ونظام البشير ليس سبب مقنع بالنسبة لهم لالقاء السلاح ..
أي نظام حاكم للسودان أتت مكوناته من الشمال النيلي ..
يسارية كانت أو اسلامية أو علمانية ..
أن شاء الله حكومة عنقالة ساي فالسلاح ضدهم حيكون صاحي ..
|
Post: #3
Title: Re: على جميع الحركات المسلحة إلقاء السلاح أرض
Author: د. بشار صقر
Date: 04-18-2019, 07:30 PM
Parent: #2
الم تقرأ "زيت" برهان في دارفور
طبعا زيت حميدتي معروف...
يبقى ما يدفع الى القاء السلاح و الانضمام الى الحكومة افعال الحكومة وليس اقوالها
وكثير من الافعال لا تبشر بخير..
فحتى اطلاق سراح السجناء تتم بنفس الطريقة العنصرية المعروفة...
بل كثيرين ما زالوا في السجون بعضهم محاميين فقط لانهم من غرب السودان....
اعتقد طالما استمر اعتقاد نخب الشمال الاعوج بان الدولة ملكهم الخاص
و تدافعوا لنيل كل الجنرالات و الوزارات و الامتيازات و الواجهة الاعلامية و السياسية واستمروا في تهميش بقية الشعوب....
فان مقاومة هذه السياسات ستستمر
|
Post: #4
Title: Re: على جميع الحركات المسلحة إلقاء السلاح أرض
Author: Mahjob Abdalla
Date: 04-18-2019, 09:01 PM
Parent: #3
| Quote: أي نظام حاكم للسودان أتت مكوناته من الشمال النيلي .. |
اذا ما هو الحل؟
هذا هو الوقت الذي يجب ان تكون الحكومة القادمة فيه تمثل كل قطاعات الشعب السوداني دون هيمنة من جهة او احد.
اذا الناس اختارت المستقبل بالرجوع الي الماضي فالنتيجة هي هي. الكل خاسر و اهو كلنا شايفين تصورنا للمستقبل في مفترق الطرق
و اي طريق عارفين احتمالاتو و مالاتو شنو.
احد المفترقين ربما كلنا نتفق انه الصحيح و الاخر نتفق انه الغلط.
يبقي ما في سبب بخلينا نرسم المستقبل في الطريق الغلط.
____________
اخ علي
كدا انتظر دعوتك دي شوية.
|
Post: #5
Title: Re: على جميع الحركات المسلحة إلقاء السلاح أرض
Author: Abureesh
Date: 04-19-2019, 03:46 AM
Parent: #4
"مافي رشاوى تاني بالأموال ولا بالمناصب عشان توقع على إتفاقية سلام .."
ما طالبنى حليفة و لغاية الجملة دى كنت اعتقد وجهة نظر ممكن ان نختلف حولها.. لكن العبارة اثبتت انك عندك موقف قديم ان لم يكن حقد على الحركات المسلحة.
طيب اولا اقنع المجلس العسكرى يسلم السلطة للحكومة المدنية المؤقتة.. و اقنع الثوار لإخلاء القيادة العامة.. عشان ما تضرب مشوار ساى لحد دارفور و كرفان و النيل الأزرق
|
Post: #6
Title: Re: على جميع الحركات المسلحة إلقاء السلاح أرض
Author: ترهاقا
Date: 04-19-2019, 04:07 AM
Parent: #5
لا اعتقد بأن الحركات المسلحة لها تواجد عسكري الآن عداء قياداتهم ( جبريل مثالا)
وهذا الجيل الجديد يعرف حقيقة واحدة ، حرية سلام وعدالة وهذا يكفي، ده جيل تكنلوجيا وقرر
أن يعيش حياة كريمة ، لا بعرفوا ده من ويين وإلا داك من ويين ، فلنترك لهم الفرصة لصياغة مستقبلهم
|
Post: #7
Title: Re: على جميع الحركات المسلحة إلقاء السلاح أرض
Author: Mutasim Idris
Date: 04-19-2019, 05:15 AM
Parent: #6
الاخ علي سلام..
قبل الحركات المسلحة دي تخت سلاحها مش مفروض حمدتي
يحل مليشياته؟ مش دورها برضو انتهي ول مهامها بقت نظافة ميدان الاعتصام؟
حريه سلام وعداله.. لحدما في حرية بس لا سلام لا عداله..
|
|