مجرد خواطر

11:14 AM April, 18 2019

سودانيز اون لاين
حسن الطيب يس-كولمبس اوهايو
مكتبتى
رابط مختصر

بسم الله الرحمان الرحيم
التحية لثوار وطني الشباب امل السودان الذي هم مستقبله و هم من سيبنوا شموخه
و نسال الله ان يتقبل الذين هم اكرم منا
اريعة اشهر كل سوداني في المهجرتعبت عيونهم من متابعت ما يجري في الوطن
و هذا ما يميز شعبنا ام تنم اعينهم تكبدوا مشاق السفر للمشاركة و دعم اجوانهم في الداخل
تبرعوا بما يجود بكت عيون البعض ساعة النصر فكان تلأحم الداخل و باقي الجسد في الغربي
فما اعظم هذا الشعب اطفال في الداخل و الخارج يشاركون و يهتفون و كان المواطن السوداني يولد
بفطرة حب الوطن السودان
بعد هذا الانجاز الاعجازي و عودة الحرية الي وطني املي ان نشمر السواعد للبناء
و نحن شعب لستحق ان يكون شامخا
و التحية للجميع مع التهنئه

الإعلامي الكويتي الجميل بقناة العربية عادل عيدان من أشد المعجبين بقصيدة "حبوبتي كنداكة" وأداء الناشطة آلاء..
طلب مني النص الكامل للقصيدة..
وأكاد أجزم أنه حفظ معظمها...
رغم أنها موغلة في العامية
...
🤩🤩🤩
احمد الهادي

ﻳﺎ ﻭﺍﻟﺪﺓ ﺃﻋﻔﻴﻠﻲ ..
ﻭﻋﺪﻱ ﺍﻟﻘﻄﻌﺘﻮ ﻣﻌﺎﻙ ..
ﺇﻧﻮ ﺍﻟﻜﻼﻡ ﻣﻤﻨﻮﻉ .. ﻓﻲ ﺷﻠﺔ ﺍﻟﺤﻜﺎﻡ
ﻳﺎ ﻭﺍﻟﺪﺓ ﺩﻣﻲ ﺑﻔﻮﺭ .. ﻟﻤﺎ ﺍﻟﺒﻠﺪ ﺗﻐﻠﻲ ..
ﺳﺠﻨﻮﻧﺎ ﺑﺎﺳﻢ ﺍﻟﺪﻳﻦ ..
ﺣﺮﻗﻮﻧﺎ ﺑﺎﺳﻢ ﺍﻟﺪﻳﻦ ..
ﺣﻘﺮﻭﻧﺎ ﺑﺎﺳﻢ ﺍﻟﺪﻳﻦ ..
ﻛﺘﻠﻮﻧﺎ ﺑﺈﺳﻢ ﺍﻟﺪﻳﻦ ..
ﺍﻟﺪﻳﻦ ﺑﺮﻱﺀ ﻳﻤﺔ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺧﻠﻰ ﺣﻘﻮ ﻳﻤﻮﺕ ..
ﺑﻴﺨﺎﻭﻱ ﻓﻲ ﺷﻴﻄﺎﻥ ..
ﺍﻟﺪﻳﻦ ﺑﻘﻮﻝ ﺗﻤﺮﻕ ..
ﺗﻤﺮﻕ ﺗﻘﻴﻒ ﻓﻲ ﺍﻟﻀﺪ .. ﻭﺗﻮﺍﺟﻪ ﺍﻟﺤﻜﺎﻡ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺷﺎﻑ ﻏﻠﻂ ﻣﻨﻜﺮ ..
ﻣﺎ ﻳﻨﻜﺘﻢ ﻳﺴﻜﺖ ..
ﺑﺒﻘﻰ ﺍﻟﻐﻠﻂ ﺳﺘﻴﻦ ..
ﻛﻮﺯ ﺍﻟﺴﺠﻢ ﺑﻴﻐﺮﻑ .. ﻓﻲ ﺧﻴﺮﻧﺎ ﻭﻳﺘﻤﺘﻊ ..
ﻧﺤﻦ ﺍﻟﺴﻘﻴﻨﺎ ﺍﻟﻨﻴﻞ .. ﻣﻦ ﺩﻣﻨﺎ ﺍﻟﻔﺎﻳﺮ ..
ﻣﺎ ﺑﻨﻨﻜﺘﻢ ﻧﺴﻜﺖ .. ﻓﻲ ﻭﺵ ﻋﻤﻴﻞ ﺟﺎﻳﺮ ..
ﺍﻟﺨﻮﻑ ﻋﺪﻳﻢ ﺍﻟﺴﺎﺱ .. ﻭﺃﻧﺎ ﺟﺪﻱ ﺗﺮﻫﺎﻗﺎ ....
ﺣﺒﻮﺑﺘﻲ ﻛﻨﺪﺍﻛﺔ .. ﻭﻋﺒﺪ ﺍﻟﻔﻀﻴﻞ ﺍﻟﻤﺎﻅ
ﻓﺮﺍﺱ ﺑﺸﻴﻠﻮ ﺍﻟﺮﺃﺱ ..
ﻳﻤﺔ ﺍﻟﺸﺒﺎﺏ ﺑﺤﻴﻮ .. ﻭﺃﻧﺎ ﺑﺎﻟﺴﻜﻮﺕ ﻣﻴﺖ ..
ﻫﺰﺍﻉ ... ﻭﺳﻨﻬﻮﺭﻱ .. ﺃﻳﻤﻦ ﻭﻟﻲ ﺍﻟﺪﻳﻦ ..
ﺣﺎﺯﻡ ﻭﻓﺎﺀ ﻭﺃﺣﻤﺪ .. ﺩﻳﻞ ﻛﻠﻬﻢ ﺣﻴﻴﻦ
ﺃﻛﺮﻡ ﺻﻬﻴﺐ ﺃﺣﻤﺪ .. ﻭﻣﺤﻤﺪ ﺍﻟﺨﺎﺗﻢ ..
ﻣﺎﺯﻥ ... ﻣﻨﻰ ... ﻭﻋﺎﺻﻢ .. ﻻﺑﺴﻴﻦ ﺣﺮﻳﺮ ﺃﺧﻀﺮ
ﺳﻨﺪﺱ ﻭﺇﺳﺘﺒﺮﻕ .. ﻭﺃﻧﺎ " ﺩﻣﻲ " ﺑﺘﻔﺮّﻕ
ﺳﺎﻛﺖ ﻭﺑﺘﻔﺮﺝ .. ﻭﺃﻡ ﺩﺭ ﻋﺮﻭﺱ ﺍﻟﻨﻴﻞ ..
ﻻﺑﺴﺔ ﺍﻟﺮﺣﻂ ﻭﺍﻟﺤﻖ .. ﻣﻠﻴﺎﻥ ﺑﺨﻮﺭ ﻭﻟﺒﺎﻥ ..
ﻭﻳﺰﻏﺮﺩﻥ ﻧﺴﻮﺍﻥ .. ﻟﻠﻜﻞ ﻳﻮﻡ ﻋﺮﺳﺎﻥ
ﻭﺍﻧﺎ ﻳﻤﺔ ﺩﻣﻲ ﺑﻔﻮﺭ ..
ﻣﺎ ﺑﻨﻜﺘﻢ ﻭﺃﺳﻜﺖ ..ﺇﻻ ﺍﻟﻌﺴﺲ ﺩﻩ ﻳﻐﻮﺭ ..
ﺇﻥ ﻛﺎﻥ ﺳﺠﻦ ﻳﻤﺔ .. ﺳﺠﻨﺎً ﻳﻜﻮﺳﻮ ﺭﺟﺎﻝ ..
ﺳﺠﻨﺎً ﻣﻼﻥ ﺛﻮﺍﺭ .. ﻣﺎ ﻗﺎﻟﻮﺍ ﻓﻴﻮ ﺳﺮّﺍﻕ ..
ﻣﺎ ﺃﻧﺪﺱ ﻓﻴﻮ ﺧﺎﺋﻦ .. ﻣﺎﻓﻴﻬﻮ ﻭﻟﺪﺍً ﻋﺎﻕ ..
ﻓﻴﻬﻮ ﺍﻟﺸﺮﻑ ﺫﻣﺔ .. ﻓﻴﻬﻮ ﺍﻟﻐﺒﺎﺵ ﺩﻓﺎﻕ ..
ﺍﻟﻀﺎﻕ ﻟﻬﻴﺐ ﺍﻟﺸﻤﺲ .. ﺭﺍﺡ ﻳﻘﻬﺮ ﺍﻟﺮﻗﺮﺍﻕ ..
ﻭﺇﻥ ﻛﻨﺘﻲ ﺧﺎﻳﻔﺔ ﺍﻟﻤﻮﺕ .. ﻳﻤﺔ ﺍﻟﺮﺟﺎﻝ ﺃﺣﺮﺍﺭ
ﺷﻦ ﻓﺎﻳﺪﺓ ﺍﻟﻌﻴﺸﺔ .. ﻭﺍﻟﺮﻭﺡ ﻣﻮﻟﻌﺔ ﻧﺎﺭ
ﺍﻟﻄﻠﻘﺔ ﻳﻤﺔ ﺟﻮﺍﺯ .. ﻟﻲ ﺣﻘﻨﺎ ﺍﻟﻤﻘﻠﻮﻉ
ﺍﻟﻄﻠﻘﺔ ﻳﻤﺔ ﺧﻼﺹ .. ﻟﻲ ﺯﻭﻝ ﺧﻼﺹ ﻣﻮﺟﻮﻉ
ﺍﻟﻄﻠﻘﺔ ﻳﻤﺔ ﻃﻠﻮﻉ .. ﻣﻦ ﺫﻝ ﻣﻬﺎﻧﺔ ﻭﺟﻮﻉ
ﺍﻟﻄﻠﻘﺔ ﻳﻤﺔ ﻏﺴﻮﻝ ..
ﺍﻟﻄﻠﻘﺔ ﻳﻤﺔ ﺛﻤﻦ .. ﻟﻲ ﻛﻠﻤﺔ ﺳﻤﺤﺔ ﻭﻗﻮﻝ
ﺍﻟﻄﻠﻘﺔ ﻳﻤﺔ ﺣﻴﺎﺓ .. ﻟﻲ ﺯﻭﻝ ﺟﺮﻳﺢ ﻣﻘﺘﻮﻝ
ﺯﻱ ﻭﺧﺰﺓ ﺍﻟﺸﻮﻛﺔ .. ﺃﻗﺼﺮ ﻛﻤﺎﻥ ﻓﻲ ﺍﻟﻄﻮﻝ
ﻗﺎﻝ ﺍﻟﻤﻨﺎﺿﻞ ﻳﻮﻡ ..
ﺍﻟﻄﻠﻘﺔ ﻣﺎ ﺑﺘﺤﺮﻕ ..
ﺑﻴﺤﺮﻕ ﺳﻜﺎﺕ .. ﺍﻟﺰﻭﻝ
ﺑﻴﺤﺮﻕ ﺳﻜﺎﺕ الزول

والطلقة ما بتقتل ...
بقتل سكات الزول...
...
منقول ...

حلاوة و جمال هذه الكلمات كانت مع تلك الكنداكة التي شاع صوتها لما سري عبر الأثير مغردا
ما أحلام يا وطني و ما اعظمك يا شعبي
الاخوة في الوطن الثاني من لديه خاطرة فهذا مكانها
حرية سلام و عدالة و الثورة خيار الشعب

الاخوه الاحرار ناس الحوش
احلي حاجة الأيام دي مافي واحد بيعكنن علي الناسفي الحوش
أي كوز ندوسو دوس
تنسموا معي عبير الحرية