ندعو الي إشراك المعتصمين في اختيار كوادر الحكومه الانتقاليه

00:53 AM April, 17 2019

سودانيز اون لاين
Bashasha-California, Los Angeles
مكتبتى
رابط مختصر

ماالمانع؟

كيف؟
كالاتي:

افتحوا باب الترشيح للجميع في موقعكم الاسفيري مع تقديم نبذه مبسطه لكل مرشح.
بعد داك صممو تطبيق محدد المعتصمين أمام القياده العامه مع شاشات تلفزيون كبيره لعرض نتائج الترشيح مباشره للحضور وعلي الهواء مباشره حول العالم.

نعم، كل زول عايز يرشح زول، لاي موقع، كل المطلوب ينزل معلومات كافية عن مرشحو في موقع التجمع، وهذا مفتوح للجميع من السودانيين، حول العالم كمرحلة اولية.

نعم بعد داك يتم التصويت لاختيار مرشحين يقدمو للمعتصمين الحيقومو بي عملية الاختيار الفعلي، عن طريق تطبيق محدد، كل واحد ينزلو في تلفونو والتطبيق ده، ممكن التحكم فيهو، بحيث انو يتيح للمعتصمين فقط، حق التصويت، اللي حيظهر تلقائيا او فوريا علي ذات الشاشات الكبيرة الشفناها هناك قبل كده!

هذا سيعطي زخم مابعدو للحراك، وتفويض كامل مريح للفائزين، يؤكد من قولة تيت كيف السلطة فعلا انتقلت للناخبين مباشرة من دون اي وسيط!

طيب، فيما يلي تصور شخصي الضعيف لبنية السلطة بصفة عامة من هنا او لي قدام:

(1) 50% من كل المقاعد، في السلطات الثلاث، للنساء.

(2) لابد من العودة لبنية الاقاليم الخمسة المعروفة وهذا مهم للغاية.

للقضاء نهائيا علي موضوع واشكالية التهميش، وثنائية مركز/هامش، التمثيل في السلطة المركزية ينبغي ان يكون بي حجم التوزيع السكاني اي الكثافة، للاقاليم الخمسة المعروفة.

نعم تمثيل نسبي، مش حر مباشر، في كل شئ ماعدا رئيس الجهاز التنفيذي الحيكون بالحر المباشر لامفر!

المجلس الرئاسي بكون بالتمثيل النسبي والرئاسة بالتناوب مع اعطاء اولوية مرحليا في كل المواقع لي مناطق التهميش، تاريخيا.

(3) الهوية، ســــــــودانية.

او بعد داك كل زول حر يفسر معني سوداني بالطريقة التعجبو هو كفرد.

لهذا مهم جدا، نعلن جمهورية السودان دولة محـــــــايدة، كما سويسرا، مرحليا، ماعندها الشغلة بالتكتلات الاقليمية ايا كانت، بالذات صراعات العرب، لو مع ايران او اسرائيل!

اعلم هناك صراع قادم، مصيري بينا او بين جيرانا، اي مصريي اليوم. نعم مسالة وكت بس!

كل ما اجلنا هذه المواجهة بقدر الامكان، او لو امكن تفادينها كلية بكون افضل!

نعم السودان او مصلحتو، اولا، والسودان او مصلحتو اكرر اخيرا!

الوضع الاقرب لطبعنا، لثقافتنا هو الســـــــلم، الانفتـــــــاح علي العالم باسره، دون ادني حواجز من اي نوع، او تكتكلات من اي صنف، ضد ايا كان.

كده حنكون قبلة للعالم والسياحة حتكون مصدر اساسي لاقتصادنا القومي بي صورة لايمكن نتخيلا بالمناسبة!

بالذات من امريكا ثم اسيا في المستقبل، ثم اوربا، ثم افريقيا.

لابد من العمل باتجاه دولة اقليمية بالتدريج علي اساس المصالح الاقتصادية الصرفة، نبدا باثيوبيا كمثال، لانو حرب المياه قادمة ولامخرج من هذه المواجهة!

*موضوع علمانية وماشابه، علينا التريث وعدم الاندفاع في النقطة دي لانو المستقبل في صالحنا تماما في النقطة دي!

...يتبع...

في الاخبار، ان هناك دواس طاحن مابين منظومة احزاب التجمع، كما نتوقع، حول تشكيل الحكومة المدنية، وهذه كارثة اخري متوقعة من هؤلاء في وكت عصيب!!

لحسم هذه النقطة فليتقدم من يشاء بالقائمة بتاعتو، بشرط المعتصمين الشبـــــــــاب هم او بالتصويت المباشر في الميدان اللي حيحسمو الامر، مش الاحزاب!

الحكومة دي مفروض تكون من كوادر مهنية لاعلاقة لها بالسياسة اطلاقا!

الوضع في غاية الخطورة، لو يعلم هؤلاء!

المجلس العسكري عايز ينفرد بالسلطة والي يوم القيامة، لانو ده هو خيار مخدميهم، اي المخابرات العربية!

اي كلام اخر غرضو فض الاعتصام والسلام!

الاعتصام ده عشان ننجزو اخد منا 30 سنة وملايين الضحايا!

العساكر عارفين ده كلو، وقبلهم مخدميهم من مستعمرينا، كان عرب، اوربيين، او امريكان!!

صدقوني النظام العسكري في حالة السودان هو الافضل لخدمة مصالح مستعمرينا الاعراب اللي اتو بهذا النظام وهذا طبيعي!!