Post: #1
Title: خطاب الدولة العميقة والكيزان المطاليق
Author: عبدالعظيم عثمان
Date: 04-17-2019, 10:19 PM
10:19 PM April, 17 2019 سودانيز اون لاين
عبدالعظيم عثمان-
مكتبتى
رابط مختصر
الأحزاب ستضيع السودان بخلافاتها
الأحزاب غير جاهزة
اتركوا المجلس العسكري يحكم
الأحزاب تتناحر وتخاصم وتتقاتل
دا خطاب مدور من شوية الإعلاميين الكيزان
أصبح شغلهم الشاغل رزع اليأس في نفوس
المواطنين، ومحاولة تقديم المجلس العسكري حاكما
نفس الكلام الفارغ الكان بخوفوا بيه الشعب السوداني
البشير او الفوضي
سقوط النظام يعني الدمار والإنهيار
شوفوا ليكم شغلة
وإنتظروا البل في أبريل 2023
إجازة وامشوا اقروا
مافي زول حيسمع كلامكم الفارغ دا
|
Post: #2
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-17-2019, 10:37 PM
Parent: #1
دا تكتيك تعبان تعب الموت
ما بنفس الثورة
الناس ديل كورتهم فكت
شغل المعارضة وضرب قوي الثورة ما اتوقع يقدروا عليه
وتواضع مستواهم بقي مكشوف للشعب السوداني
مزيد من المواجهات المباشرة حينهار خطابهم البائس
دا.. إعلام الكيزان لايعيش الا بالتضليل والكذب
بعد الثورة الكلام دا مافي ليه طريقة
|
Post: #3
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-17-2019, 10:40 PM
Parent: #2
الخطاب القادم للمطاليق المطاريد ديل (الكيزان)
حيحاولوا يعبوا الشارع ضد قوي الحرية والتغيير
تحت لافتة ان للجميع الحق في الاشتراك في الحكومة الإنتقالية
وان قوي الحرية والتغيير لا تمثل الشعب السوداني
دا الخطاب القادم للدولة العميقة
|
Post: #4
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-17-2019, 10:45 PM
Parent: #3
القصد من الحملة الإعلامية دي تأخير تسليم المجلس العسكري
السلطة للمدنيين ، طالما السلطة مع المجلس العسكري
هم مطمئنين، سيعملوا بكل جهد لتأخير نقل السلطة
لقوي الحرية والتغيير
وبيستخدموا خطاب اعلامي مفضوح
ومثقوب، عشان كدا الثوار نقشوا الوهمة
وشغالين تعبئة في ساحة الإعتصام
ومخاطبات عن خطورة هذا النوع من الخطاب
والكل يعلم انه يأتي من مصنع الاكاذيب
والضلال الكيزان
|
Post: #5
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-18-2019, 11:45 AM
Parent: #4
التقفيل مهم
عشان المطاليق ديل يتفضحوا
|
Post: #6
Title: Re: خطاب الدولة العميقة والكيزان المطاليق
Author: منتصر عبد الباسط
Date: 04-18-2019, 12:39 PM
Parent: #5
غير جاهزة لمنصب رأس الدولة والمجلس السيادي
أم غير جاهزين للإنتخابات؟!
أنتم من كنتم تطالبون بمزيد من السنوات كأربعة سنوات
وقبلتم بالسنتين كاملتين للحكومة الإنتقالية !!!
عايزين تحكمونا سنبلة ساكت بدون إنتخابات!!!
وكمان تعملوا دستور دائم بدون تصويت !!!
|
Post: #7
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-18-2019, 12:49 PM
Parent: #6
يا منتصر انا رؤيتي حكومة كفاءات غير حزبية لمدة 4 سنوات
اي عجلة او كلفتة او سلق سريع للفترة الإنتقالية
حيرجعوا الكيزان تاني
وخلال ال 4 سنوات عاوزين نفرتك الدولة العميقة
مسمار مسمار
عشان كدا حنكون بالمرصاد لأي خطاب من هذه العميقة
|
Post: #8
Title: Re: خطاب الدولة العميقة والكيزان المطاليق
Author: محمد البشرى الخضر
Date: 04-18-2019, 02:36 PM
Parent: #7
طبعا عايزين الأحسن و الأفضل للبلد يا عظمة لكن لو لم يكن هناك خيار ولابد مما ليس منه بد فا الأحزاب بي عولاقها وخلافاتها و مشاكلها في ظل ديمقراطية حقة وحرية تعبير و فصل سلطات و مستويات رقابة افضل لينا مليون مرة من حكم عسكري ولو جاء مبرأ من كل عيب
ناهيك عن أنو مجلسنا دا بي عيوبه من ساسه لي راسه تربية و صنيعة كيزان
أي كلام عن استمرار حكم مجلس عسكري ولو لساعة واحدة زيادة خيانة لدماء عبد العظيم ومحجوب وأحمد الخير وكل العظماء الذين ارتقوا في سبيل عودة الديقراطية واستعادة البلد المخطوفة!
|
Post: #9
Title: Re: خطاب الدولة العميقة والكيزان المطاليق
Author: منتصر عبد الباسط
Date: 04-18-2019, 08:56 PM
Parent: #8
إذا كان هناك رفض للمجلس العسكري السيادي والحكومة المدنية لا تكفي وحدها
طالبوا بانتخابات الأن منذ هذه اللحظة طالبوا بإنتخابات عاجلة
ويظل الناس في ميادين القيادة حتى تسلم السلطتين لمن يتم انتخابهم
بانتخابات عادلة وحرة ونزيهة يمكن أن يتم هذا في مدة أقصاها شهر واحد
ما هو الذي يعطي حق للمدني أن يحكم بلا إنتخابات ولا يعطي هذا الحق للعسكر !
وهو أن يشاركون في السلطة الرمزية ويتركون السلطة الفعلية للمدنيين !!!
|
Post: #10
Title: Re: خطاب الدولة العميقة والكيزان المطاليق
Author: كمال عباس
Date: 04-18-2019, 08:59 PM
Parent: #9
لازال المجلس العسكري; محلك سر أو حتي خطوة للأمام - خطوتيين للخلف وعجز تام عن إتخاذ قرار - والفلول يتحركون وينسقون ويتحكمون في بعض مفاصل الدولة ...
والشعب يتحصن بمطالبه وبتحقيق أهداف الثورة...
|
Post: #11
Title: Re: خطاب الدولة العميقة والكيزان المطاليق
Author: عبداللطيف حسن علي
Date: 04-18-2019, 09:11 PM
Parent: #10
الضغوط الخليجية والمصرية لن تكون اقوي من ضغوط الثوار
العامل الداخلي هو الحاسم
|
Post: #12
Title: Re: خطاب الدولة العميقة والكيزان المطاليق
Author: عبدالعظيم عثمان
Date: 04-20-2019, 08:38 AM
Parent: #11
قضيتان ستتصدران خطاب الدولة العميقة والكيزان
خلال ال 72 ساعة القادمة
1-خطاب التكفير والعلمانية
2-التشكيك في الشخصيات التي سيعلن
عنها تجمع المهنيين يوم الأحد..
|
|