دبابيس من صحف اليوم 17 ابريل 2019 م

02:33 PM April, 17 2019

سودانيز اون لاين
Abdulhaleem Osman-Sudan
مكتبتى
رابط مختصر

.
⛔ تنويه للاخوة في تجمع المهنيين والتحالف⛔
👈 لو المجلس العسكري نفذ لكم كل الطلبات وأرضى الشارع ارضاءا تاااااماً وأرضى المجتمع الدولي ساعتها المجلس دا ممكن يقول لكم أمكم في العش والا طارت وصدقوني لن تجدوا الشارع لأنه حايكون راضي من العسكر وسارقاهو السكينة والنشوة بالنصر يعني بالانجليزي SATISFIED شكلوا الحكومة واشتغلوا في الاقالات والاعتقالات والتعيينات من خلال حكومتكم وليس من خلال المجلس العسكري وزي ما قال الاستاذ عثمان ميرغني ما تتبرعوا للمجلس بسلطات ما كان يحلم بها.....
📌 ألا هل بلغت اللهم فاشهد
.ه.
.ه.
📰 الجريدة :
👈 حسنين: البشير أمر بتصفيتي وعطا أبلغني بذلك
📌 نكتبها لي (عطا) حسنة ونشوف باقي صحيفة أعماله
.
📰 الجريدة :
👈 تجمع المهنيين يحذر من محاولات تخريب يقودها أعداء الثورة
📌 ونحن نحذر تجمع المهنيين من التخريب الذي سيجلبه التلكوء في المفاوضات
.
📰 الجريدة :
👈 ناظم سراج: لهذا السبب نطالب بحل جهاز الأمن بدفع تكاليف علاج جميع المصابين بالمستشفيات الآن
📌 الجهاز دا كان ما مصرتوا ناسو ناسو ديل مصر الليمونه حقو ما تحلوهو
.
📰 الجريدة :
👈 إقالة النائب العام ومساعده الأول وإنهاء خدمة رئيس نيابة
📌 يا خسارة الزفة والبخور ومزيكة حسب الله
.
📰 الوطن:
👈 مسؤول أمريكي: ندرس حذف السودان من قائمة الإرهاب
📌 ارهاب دا ايه اللي انت جايي تقول عليه الارهاب دا راح مع فار الفحم
.
📰 الوطن:
👈 حسنين يطالب باعتقال رموز "الإنقاذ" وتجميد أموالهم
📌 ما حسنين لوحده الذي يطالب ، دا مطلب كل الحسنيين والحسناوات الأحياء منهم والأموات
.
📰 الوطن:
👈 عودة الفريق طه المدير الأسبق لمكاتب الرئيس المعزول
📌 جاب معاهو ال 140 مليون دولار ؟
.
📰 الوطن:
👈 روسيا تعترف بالسلطات الجديدة في السودان
📌 ما قلتو نوبة
.
📰 الوطن:
👈 تجار العملة يوقفون بيع الدولار في السوق الموازية.
📌 شكرا ليهم ونعتبرو ليهم دعم للثورة
.
📰 التيار :
👈 “التيار” تكشف قائمة قيادات الوطني بسجن كوبر
📌 نحن نثق في التيار لكن يستحسن نشوف بي عينا
.
📰 التيار :
👈 تفاصيل مثيرة حول اجتماع البشير الأخير باللجنة الأمنية
📌 والله تاني أخبار البشير دي لو جات شايلاها (هيفاء وهبي) ما تثيرنا
.
📰 التيار :
👈 “التيار” تتحصل على كلفة علاج مصابي التظاهرات بـ”رويال كير” و”فضيل”
📌 الكلفه زايد التعويضات حقو تندفع من ممتلكات الكيزان
.
📰 التيار :
👈 الإطاحة بمحمد حاتم خارج”حوش” الإذاعة والتلفزيون
📌 سفر الدخان بالطاقه
.
📰 التيار :
👈 بورتسودان: حجز “23” سيارة للوطني وإلغاء إيجارات مقار الحزب
📌 بالمناسبة دي البلدوزر بتاع رمضان وشقة أركويت عملتوا لينا فيه شنو؟
.
📰 أخبار اليوم:
👈 الرئيس التشادي يهاتف البرهان ودقلو.
📌 أووو ابو النسب طالبنك زيارة
.
📰 أخبار اليوم:
👈 استمرار الاعتصام امام القيادة العامة ومطالبات لتحقيق ما ينادي به الثوار.
📌 خلاص قالوا حا ينقلوهو شمبات
.
📰 الانتباهة :
👈 مقاضاة”وداد”....
📌 وااا شماتة أبلة فاطة فيها
.
📰 الانتباهة :
👈 “قوى التغيير” تطالب بمجلس سيادي من”12″ وبرلمان بـ”120″ عضوًا
📌 (وَقَطَّعْنَاهُمْ اثْنَتَيْ عَشْرَةَ أَسْبَاطاً أُمَماً". 160الأعراف) (12) كافية لمحاربة فرعون واتباعه
.
📰 الانتباهة :
👈 مأمون حميدة حرّ طليق في قطر.
📌 ننصحه يفتش له عقد عمل هناك
.
📰 السوداني :
👈 اعتقال رئيس البرلمان المحلول
📌 والعاقبة لي هناية
.
📰 السوداني :
👈 وفد سعودي إماراتي يصل الخرطوم ويلتقي البرهان
📌 راح زمن استدعاء الرئيس وزرزرته
.
📰 السوداني :
👈 السيسي ندعم استقرار السودان وخيارات شعبه
📌 هل تعلم أن واحد من خيارات شعبه استرجاع حلايب وشيلاتين والا ما عندكش فكرة ؟
.
📰 السوداني :
👈 السعودية: سنقف إلى جانب الشعب السوداني لتجاوز الظروف والصعاب كافة
📌 نشيف
.
📰 الصيحة :
👈 اعتقال أنس عمر وآدم الفكي وجمّاع وأبو سروال
📌 أممممك الزول دا ما قال ما تقولوا لي ابو سروال
.
📰 الصيحة :
👈 فساد في”354″ مشروعًا حكوميًا بالخرطوم
📌 دي المناظر الفلم لسع ما بدأ
.
📰 الصيحة :
👈 حسنين: غادرت البلاد بعد أوامر من البشير بتصفيتي لتأييدي”الجنائية”
📌 لكن يا حسنين انت ماك عارف الجنائية دي كانت قاعده تجيب له القشعريرة في القلنسوة
.
📰 الصيحة :
👈 مصدر ينفي اعتقال مأمون حميدة ويكشف مكان وجوده
📌 مصيرك يا عيش تجي الطاحونة
.
📰 الصيحة :
👈 المجلس العسكري: سنحاكم رموز النظام السابق دون حماية لأية مفسد
📌 نحن معاك يامعلم
.
.
📌ابووضاح 📌