Post: #2
Title: Re: عثمان ميرغني و كلام في الصميم ,,
Author: Nasser Amin
Date: 04-17-2019, 09:04 AM
Parent: #1
سلامات اسماعيل
كلام مظبوط 100% حقو القوى السياسية
تلتقط المبادرة وتكون الجولة حُسمت لصالح الثورة
|
Post: #3
Title: Re: عثمان ميرغني و كلام في الصميم ,,
Author: adil amin
Date: 04-17-2019, 09:16 AM
Parent: #2
طيب نكمل راي الموتورين وناس المجلس العسكري الحالي وهي قائمة علي الموجود
Quote: وثيقة الاستقلال الجديد 2019
عادل الامين
الحل الالتزام بي خارطة الطريق دي لان السودان جز من اقليم ومتغيرات دولية ومن قتل الدكتور جون قرنق واعلام الفكر في السودان وجاء بالانقلابات وفرض مشاريع مصرية في السودان هو من ادوات المستعمر السري والنظام الإمبريالي الصهيوني الإخواني السلفي القومي المفضوح الان وبدا بعد الحرب العالمية الثانية 1945-1990 حتى انهيار الاتحادي السوفيتي الان في نظام جديد تحت التشكيل
الحل الوحيد نمشي في اخر برنامج خرج الملايين في الساحة الخضراء وسجل له 18 مليون في انتخابات 2010 واجهضها النظام وبعض رموز المعارضة الساقطة
السودان خارطة الطريق
2018-2020
يبدا الاصلاح من المحكمة الدستورية العليا ومؤسسة المفوضية العليا للانتخابات والاستفتاء لاحقا ليصبح السودان دولة..مرة اخرى يبدأ الإصلاح بالمحكمة الدستورية العليا وهذا هو الحد الادني للحوار بين النظام"حزب المؤتمر الوطني "فقط والمعارضات كلها ..انتهى زمن الاستعراض والألعاب الهوائية "وحقي سميح وحق الناس ليه شتيح"…..الشعب الواعي بالتغيير وبرنامج التغيير هو صمام الامان المضاد لمشروع الفوضى الخلاقة الامريكي الذى دمر دول المنطقة ...
المرجعية الحقيقية:اتفاقية نيفاشا للسلام الشامل والقرار الاممي رقم 2046
الثوابت الوطنية الحقيقية
1-الديمقراطية “التمثيل النسبى” والتعددية الحزبية
2- القوات النظامية على أسس وطنية كم كانت فى السابق –مبادرة نافع /عقار2011 لملف الامني
3-استقلال القضاء وحرية الإعلام وحرية امتلاك وسائله المختلفة المرئية والمسموعة والمكتوبة”التلفزيون-الراديو –الصحف”
4-احترام علاقات الجوار العربي والأفريقي
احترام حقوق الإنسان كما نصت عليه المواثيق الدولية-5
6-احترام اتفاقية نيفاشا 2005 والدستور المنبثق عنها
********
خارطة الطريق 2019
العودة للشعب يقرر-The Three Steps Electionالانتخابات المبكرة عبر تفعيل الدستور –
المؤسسات الدستورية وإعادة هيكلة السودان هي المخرج الوحيد الآمن للسلطة الحالية..بعد موت المشروع الإسلامي في بلد المنشأ مصر يجب ان نعود الى لاتفاقية نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الأشخاص لن يجدي ولكن تغيير الأوضاع يجب ان يتم كالآتي :
1- تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة..
2- تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام
3- تفعيل المفوضية العليا للانتخابات وقوميتها وتجهيزها للانتخابات المبكرة
4- استعادة الحكم الإقليمي اللامركزي القديم -خمسة أقاليم- بأسس جديدة
5-إجراء انتخابات إقليمية بأسرع وقت وإلغاء المستوى ألولائي للحكم لعدم جدواه ..
6 إجراء انتخابات برلمانية لاحقة
7- انتخابات رأسية مسك ختام لتجربة آن لها أن تترجل
8- مراجعة النفس والمصالحة والشفافية والعدالة الانتقالية
9- استعادة دولة جنوب السودان بالحريات الاربعة والجنسية المزدوجة
كاتب وباحث من السودان
[email protected]
|
ومن 2010 في البورد ده
|
Post: #4
Title: Re: عثمان ميرغني و كلام في الصميم ,,
Author: adil amin
Date: 04-17-2019, 09:17 AM
Parent: #3
بس شيل المؤتمر الوطني وضع مكانه المجلس العسكري
كلام عثمان ده واقعي جدا
|
Post: #6
Title: Re: عثمان ميرغني و كلام في الصميم ,,
Author: اسماعيل عبد الله محمد
Date: 04-17-2019, 10:43 AM
Parent: #4
| Quote: بس شيل المؤتمر الوطني وضع مكانه المجلس العسكري |
اهم ما في الامر يا عادل هو اطروحة عثمان
المنادية بحصر دور المجلس العسكري
في مجلس الأمن و الدفاع و تمثيله بوزارتي الدفاع و الداخلية.
|
Post: #5
Title: Re: عثمان ميرغني و كلام في الصميم ,,
Author: اسماعيل عبد الله محمد
Date: 04-17-2019, 10:40 AM
Parent: #2
| Quote: تلتقط المبادرة وتكون الجولة حُسمت لصالح الثورة |
بالضبط كدة
يا أخي ناصر.
عثمان ميرغني نبه لحتة مهمة وهي عدم الوقوف في محطة الزول المطالب و المستجدي و دفع الثوار ليقودوا أمرهم بنفسهم.
|
Post: #7
Title: Re: عثمان ميرغني و كلام في الصميم ,,
Author: adil amin
Date: 04-17-2019, 12:08 PM
Parent: #5
لاتحاد الافريقي امهل السودان 15 يوم فقط للتغير المدني الديمقراطي
دي دايرة
اطلاق المحكمة الدستورية اولا وباسرع فرصة دي ضرورة انتخابية ملحة
بعد داك اسقاط ال17 ولاية وولاة عسكريين واعادة الخمسة اقاليم بقرار جمهوري من المجلس العسكري
عشان تجي انتخابات حاكم اقليم وبرلمان اقليم مع الفيش والتشبيه وينتهي مرحلة الحاكم العسكري في الاقليم
بعدين السودانيين ديل جاهزين من انتخابات 2010 وسجلو 18 مليون وقاعدين لحدي هسة و التسجيل يكون بالجنسية الخضراء والبنية فقط ليس الرقم الوطني عشان ما عايزين تنظير كثير
تتوفر انتخابات نزيهة لحاكم اقليم وبرلمان اقليم بتقطع 90% من مشوار الديمقراطية في السودان
النظافة من الاقاليم الي المركز والعافية درجات مش كده
في الساحة الان في ناس موتورين عايزين يصفو حسابات وفي ناس عايزين يبنو وطن
المجلس العسكري يعمل صفحة فيس بوك وتويبر ويوتويب عشان يتواصل مع كل الشعب السوداني في الداخل والخارج واذاعة كمان
مما ممكن مختزل التغيير في اشخاص او تكتلات
الديمقراطية كلنا بنعرفا وبنعرف الناس الما بعرفوها وما بتجيبهم من الاساس يجو راكبين قطار الانقلابات والثورات المزيفة
الثورة الحقيقية جات 2005 وانتهت 2010 والزمن بينا
|
Post: #8
Title: Re: عثمان ميرغني و كلام في الصميم ,,
Author: Mutasim Idris
Date: 04-30-2019, 06:57 PM
Parent: #7
عثمان ميرغني اتنبأ بالمشهد دة في اول اسبوع بعد السقوط.
هل هي قدرة تحليلة وقراءة ممتازة لما سيحدث ام كان هناك مصدر؟
|
|